କେବେ ଆରମ୍ଭ ହେବ ପିଲାମାନଙ୍କ ଟିକାକରଣ; ଏମ୍ସ ମୁଖ୍ୟଙ୍କ ଗୁରୁତ୍ୱପୂର୍ଣ୍ଣ ସୂଚନା

ନୂଆଦିଲ୍ଲୀ: କରୋନାର ଦ୍ୱିତୀୟ ଲହରର ଚାଣ୍ଡବ ପରେ ଏବେ ତୃତୀୟ ଲହର ନେଇ ସମସ୍ତଙ୍କର ଚିନ୍ତା ରହିଛି। ଏହି ଲହରରେ ପିଲାମାନେ ଅଧିକ ପ୍ରଭାବିତ ହେବେ ବୋଲି ଆଶଙ୍କା କରାଯାଉଛି। ତେଣୁ ସେମାନଙ୍କୁ ସୁରକ୍ଷା ଦେବା ପାଇଁ ପିଲାମାନଙ୍କ ପାଇଁ କରୋନା ଟିକାର ଆବିଷ୍କାର କରାଯାଉଛି। ଏଥିପାଇଁ ଟିକା ନିର୍ମାତା କମ୍ପାନୀମାନେ ମଧ୍ୟ ଜୋର୍‌ସୋର୍‌ରେ ସେମାନଙ୍କ ପରୀକ୍ଷଣ ଜାରି ରଖିଛନ୍ତି।

ଏହାରି ଭିତରେ ଏମ୍ସର ମୁଖ୍ୟ ରଣଦୀପ ଗୁଲେରିଆ ଯେଉଁ କଥା କହିଛନ୍ତି ତାହା ଅଭିଭାବକଙ୍କୁ ସାମାନ୍ୟ ଆସ୍ୱସ୍ତି ଦେଇଛି। ସେପ୍ଟେମ୍ବର ମାସ ଆରମ୍ଭରୁ ହିଁ ଦେଶରେ ପିଲାମାନଙ୍କର ଟିକାକରଣ କରାଯିବ ବୋଲି ଶ୍ରୀ ଗୁଲେରିଆ କହିଛନ୍ତି। ଶନିବାର ଗଣମାଧ୍ୟମକୁ ଦେଇଥିବା ଏକ ସାକ୍ଷାତକାରରେ ଏପରି ସୂଚନା ଦେଇଛନ୍ତି ଗୁଲେରିଆ।

ଏପଟେ ଦିଲ୍ଲୀ ଏମ୍ସ ଆସନ୍ତା ସପ୍ତାହରୁ ପିଲାମାନଙ୍କ ପାଇଁ କରୋନା ଟିକାର ଦ୍ୱିତୀୟ ପର୍ଯ୍ୟାୟ ପରୀକ୍ଷଣ କରିବ। ୨-୬ ପିଲାମାନଙ୍କ ଠାରେ ଟିକାର ପରୀକ୍ଷଣ କରାଯିବ। ଭାରତ ବାୟୋଟେକ୍‌ର କୋଭାକ୍ସିନ ଟିକାକୁ ଏମ୍ସ ପରୀକ୍ଷଣ କରିବ। ଏହା ପୂର୍ବୁର ୬-୧୨ ବର୍ଷ ପିଲାଙ୍କୁ ଭ୍ୟାକ୍ସିନ୍‌ର ଦ୍ୱିତୀୟ ଡୋଜ୍ ଦିଆଯାଇ ସାରିଛି।