ଲକ୍‌ଡାଉନ୍‌ରେ ଗୁପ୍‌ଚୁପ୍‌ର ମଜା ନେଉଛନ୍ତି ମୌନି

ମୁମ୍ବାଇ ୧/୦୬: କରୋନା ଭାଇରସ ସଂକ୍ରମଣ ଭୟରେ ଲାଗୁ ହୋଇଥିବା ଲକ୍‌ଡାଉନ୍‌ ଯୋଗୁ ଦୁବାଇରେ ଫସିରହିଛନ୍ତି ବଲିଉଡ୍‌ ବିଉଟି ମୌନି ରୟ । ଏହି ସମୟକୁ ସେ ନିଜ ପସନ୍ଦର କାମ କରି ବିତାଉଛନ୍ତି । ସୋସିଆଲ ମିଡିଆ ପୋଷ୍ଟ ମାଧ୍ୟମରେ ପ୍ରଶଂସକଙ୍କୁ ସେ ସମ୍ପର୍କରେ ସୂଚନା ବି ଦେଉଛନ୍ତି ।

ନିକଟରେ ନିଜର ଇନ୍‌ଷ୍ଟାଗ୍ରାମ ହ୍ୟାଣ୍ଡଲରେ ଏକ ଭିଡିଓ ଅପଲୋଡ୍‌ କରିଛନ୍ତି ମୌନି । ସେଥିରେ ତାଙ୍କୁ ତାଙ୍କର ପ୍ରିୟ ଷ୍ଟ୍ରିଟ୍‌ ଫୁଡ୍‌ ଗୁପ୍‌ଚୁପ୍‌ର ମଜା ନେଉଥିବାର ଦେଖିବାକୁ ମିଳୁଛି । ସେହି ଭିଡିଓକୁ ଏ ପର୍ଯ୍ୟନ୍ତ ପ୍ରାୟ ୨ ଲକ୍ଷରୁ ଅଧିକ ଥର ଦେଖାଯାଇ ସାରିଲାଣି । ଭିଡିଓ ସହିତ ଏକ ପୋଷ୍ଟରେ ସେ ନିଜ ପସନ୍ଦର ଖାଦ୍ୟଗୁଡ଼ିକ ସମ୍ପର୍କରେ ବି ସୂଚନା ଦେଇଛନ୍ତି। ମୌନିଙ୍କ ଅନୁସାରେ ତାଙ୍କୁ ପିଆଜ କଚୋଡ଼ି, ଗୁପ୍‌ଚୁପ୍‌ ଚାଟ୍‌, ଚଣା ଭଟୁରା, ସିଙ୍ଗଡ଼ା, ଲଡୁ ଭଳି ଭାରତୀୟ ଷ୍ଟ୍ରିଟ୍‌ ଫୁଡ୍‌ ଖୁବ୍‌ ପସନ୍ଦ । ଏହି ସବୁ ଖାଦ୍ୟ ବିନା ସେ ରହିପାରିବେ ନାହିଁ ବୋଲି ଲେଖିଛନ୍ତି ।

ସେହି ପୋଷ୍ଟକୁ ତାଙ୍କର ପ୍ରଶଂସକମାନେ ଖୁବ୍‌ ଲାଇକ୍‌ କରୁଛନ୍ତି । ସେପଟେ ୱାର୍କଫ୍ରଣ୍ଟ କଥା କହିବାକୁ ଗଲେ ଆଗକୁ ତାଙ୍କୁ ଆୟନ୍‌ ମୁଖାର୍ଜୀଙ୍କର ‘ବ୍ରହ୍ମାସ୍ତ୍ର’ରେ ଦେଖିବାକୁ ମିଳିବ । ସେଥିରେ ତାଙ୍କ ସହିତ ରଣବୀର କପୁର, ଆଲିଆ ଭଟ୍ଟ ଏବଂ ଅମିତାଭ ବଚ୍ଚନ ନଜର ଆସିବେ । ଫିଲ୍ମଟି ଚଳିତବର୍ଷ ଡିସେମ୍ବର ୪ ତାରିଖରେ ମୁକ୍ତିଲାଭ କରିବାର ଯୋଜନା ରହିଛି ।

   ସମ୍ବନ୍ଧିତ ଖବର


କୋଭିଡ କଟକଣା ଭିତରେ ପୂଜାହେଲା ସମଲେଶ୍ବରୀଙ୍କ ବଏଲ ପୂଜା…

କାଷ୍ଟିଂ କାଉଚ୍‌ର ଶିକାର ହୋଇଥିଲେ ଏହି ଟିଭି କଳାକାର, କାମ ବଦଳରେ ସାଥିରେ ଶୋଇବାକୁ କହିଥିଲେ ସିରିଏଲର ନିର୍ଦ୍ଦେଶକ…

ହିନା ଖାନ୍‌ଙ୍କ କ୍ରେଡିଟ୍-ଡେବିଟ୍ କାର୍ଡ ବ୍ଲକ୍ କଲେ ତାଙ୍କ ବାପା, ଏହି ଭିଡ଼ିଓ ଦେଖିଲେ ହୋଇଯିବେ ଆଶ୍ଚର୍ଯ୍ୟ…

କ୍ରାଇମ୍‌ ଥ୍ରୀଲର ସିନେମା ‘ଲଭ୍‌ ହଷ୍ଟେଲ’ରେ ଆସିବେ ବବି, ଇନ୍‌ଷ୍ଟାରେ ସେୟାର କଲେ ଫଟୋ

୨୦୨୧ ଦୀପାବଳିରେ ରିଲିଜ୍‌ ହେବ ‘ପଠାନ୍‌’!

ମହିଳାଙ୍କ ଉପରେ ମୁକେଶ ଖାନ୍ନାଙ୍କ ବିବାଦୀୟ ମନ୍ତବ୍ୟର ଭିଡିଓ ଭାଇରାଲ, ଫ୍ୟାନ୍ସ କହିଲେ-‘ଶକ୍ତିମାନ’ ନୁହେଁ ‘କିଲଭିସ୍’