PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ସୁନ୍ଦରଗଡ଼: ପୁଲିସ ପଞ୍ଝାରେ ଆନ୍ତରାଜ୍ୟ ଡକାୟତି ଗ୍ୟାଙ୍ଗ, ଧରିଲା ବୀରମିତ୍ରପୁର ପୋଲିସ
  • ||
  • ବୌଦ୍ଧ: ବିଦ୍ୟୁତ ଆଘାତରେ ଟଳିପଡିଲେ ଯୁବକ, କଣ୍ଟାମାଳ ବ୍ଲକ ତେନ୍ତୁଳୀଖୁଣ୍ତି ଗ୍ରାମରୁ ଆସିଲା ଦୁଃଖଦ ଖବର
  • ||
  • ବୁର୍ଲା: ରୋଗୀ ସମ୍ପର୍କୀୟଙ୍କୁ ବାରମ୍ବାର ଲୁଟ କରୁଥିବା ୪ ଜଣିଆଁ ଡ଼କାୟତ ଗ୍ୟାଙ୍ଗକୁ ଗିରଫ କଲା ବୁର୍ଲା ପୁଲିସ…
  • ||
  • ରାଜନଗର: ଅଗଷ୍ଟ ୫ରୁ ପର୍ଯ୍ୟଟକଙ୍କ ପାଇଁ ଖୋଲିବ ଭିତରକନିକା, ରାତ୍ରୀଯାପନ ପାଇଁ ମିଳିବନି ଅନୁମତି…
  • ||
  • ସହିଦ ସପ୍ତାହରେ ମାଲକାନଗିରି ଜିଲ୍ଲା ସୀମାନ୍ତରେ ଗୁଳିବିନିମୟ ଜଣେ ହାର୍ଡକୋର ମାଓବାଦୀ ମୃତ
  • ||
  • ମାଲକାନଗିରି: ସହିଦ ସପ୍ତାହରେ ମାଲକାନଗିରି ଜିଲ୍ଲା ସୀମାନ୍ତରେ ମାଓ ଓ ଯବାନଙ୍କ ମଧ୍ୟରେ ଗୁଳିବିନିମୟ, ଜଣେ ହାର୍ଡକୋର ମାଓବାଦୀ ନିହତ
  • ||
  • ବଲାଙ୍ଗୀର: ଆତ୍ମସମର୍ପଣ କଲା କେକେବିଏନ ଡିଭିଜନର କ୍ୟାଡରର ମାଓବାଦୀ
  • ||
  • ବ୍ରହ୍ମପୁର: ଖଲ୍ଲିକୋଟ ଏକକ ବିଶ୍ୱବିଦ୍ୟାଳୟ ଉଦଘାଟିତ, ଦାୟିତ୍ୱ ନେଲେ ଭାରପ୍ରାପ୍ତ କୁଳପତି
  • ||
  • ଭୁବନେଶ୍ୱର: କେନ୍ଦ୍ରାପଡ଼ାର ରସାବଳିକୁ ଜିଆଇ ଟ୍ୟାଗ ମାନ୍ୟତା ଦାବି, କେନ୍ଦ୍ର ମନ୍ତ୍ରୀ ପୀୟୂଷ ଗୋଏଲଙ୍କୁ ଭେଟି ଦାବି କଲେ ମୁନ୍ନା ଖାଁ, ସୁବାସ ସିଂ, ମମତା ମହନ୍ତ
  • ||
  • ଭୁବନେଶ୍ୱର: ଥମୁନି କରୋନ ମୃତ୍ୟୁ, ଆଉ ୬୪ ଜଣଙ୍କ ଜୀବନ ନେଲା ମହାମାରୀ
  • ||
  • ଯଶିପୁର ନିକଟସ୍ଥ ବଡ଼ବିଲ କୁଆବଣି ଛକରେ ମର୍ମନ୍ତୁଦ ସଡ଼କ ଦୁର୍ଘଟଣା, ଗାଡି ଚକତଳେ ଚାପିହୋଇ ଯୁବକଙ୍କ ମୃତ୍ୟୁ…
  • ||
  • ପୁରୀ: ହଟିବ ଜଗା ଦର୍ଶନ କଟକଣା ! ଅଗଷ୍ଟ ୪ରେ ଶ୍ରୀମନ୍ଦିର ସମନ୍ୱୟ କମିଟି ବୈଠକ
  • ||
  • ଭୁବନେଶ୍ୱର: ଓଡ଼ିଶା ସହ ୧୦ ରାଜ୍ୟ ବଢ଼ାଉଛି ଚିନ୍ତା, ୪୬ ଜିଲ୍ଲାରେ ୧୦%ରୁ ଅଧିକ ଟିପିଆର
  • ||
  • ଭୁବନେଶ୍ୱର: ଓଡ଼ିଶାରେ କୁମିଛି ସଂକ୍ରମଣ, ୨୪ ଘଣ୍ଟାରେ ଚିହ୍ନଟ ହେଲେ ୧୪୩୭ କୋଭିଡ୍ ପଜିଟିଭ
  • ||

ସ୍ପେନ ଗସ୍ତରେ ଭାରତୀୟ ମହିଳା ହକି ଦଳ: ସିରିଜ୍‌ ୧-୧ରେ ଡ୍ର’ କଲା ଭାରତ

Test Matches Women

ନୂଆଦିଲ୍ଲୀ, ୩୧ ।୧ (ଏଜେନ୍ସି): ସିଜନ ଆରମ୍ଭରୁ ସ୍ପେନ ଗସ୍ତରେ ଭାରତୀୟ ମହିଳା ହକି ଦଳକୁ ବଡ଼ ସଫଳତା ମିଳିଛି । ବିଶ୍ୱକପ୍‌ ବ୍ରୋଞ୍ଜ ପଦକ ବିଜେତା ସ୍ପେନ ସହ ୪ ମ୍ୟାଚ ବିଶିଷ୍ଟ ସିରିଜ୍‌କୁ ୧-୧ରେ ଅମୀମାଂସିତ ରଖିବାରେ ଭାରତ ସଫଳ ହୋଇଛି । ପ୍ରଥମ ମ୍ୟାଚ୍‌ରେ ସ୍ପେନ, ଦ୍ୱିତୀୟ ମ୍ୟାଚ୍‌ ଡ୍ର’ ଓ ତୃତୀୟ ମ୍ୟାଚ୍‌ରେ ଭାରତ ବିଜୟୀ ହୋଇଥିଲା । ଆଜି ଖେଳାଯାଇଥିବା ଅନ୍ତିମ ମ୍ୟାଚ୍‌କୁ ଭାରତ ୨-୨ ଗୋଲ୍‌ରେ ଡ୍ର’ ରଖିବାରେ ସଫଳ ହୋଇଥିଲା ।
ସିରିଜ୍‌ ଜିତିବା ନେଇ ଅନ୍ତିମ ମ୍ୟାଚ୍‌ରେ ଭାରତୀୟ ମହିଳା ଦଳ ବହୁ ପ୍ରୟାସ କରିଥିଲା । ଆରମ୍ଭରୁ ଆକ୍ରମଣାତ୍ମକ ପ୍ରଦର୍ଶନ କରି ପ୍ରଥମ କ୍ୱାର୍ଟରରେ ଗୋଲ ଖାତା ଖୋଲିବାରେ ସଫଳ ହୋଇଥିଲା । ୮ମ ମିନିଟରେ ଦଳକୁ ମିଳିଥିବା ଏକ ପେନାଲ୍ଟି କର୍ଣ୍ଣରକୁ ଗୋଲରୂପ ଦେବାରେ ଓଡ଼ିଆ ଝିଅ ଦୀପଗ୍ରେସ ଏକ୍କା ଆଦୌ ତ୍ରୁଟି କରି ନଥିଲେ । ଏହି ଚମତ୍କାର ଗୋଲ୍‌ ଫଳରେ ଭାରତ ୧-୦ ଗୋଲ୍‌ରେ ଅଗ୍ରଣୀ ହାସଲ କରିଥିଲା । ପୁଣି ଦ୍ୱିତୀୟ କ୍ୱାର୍ଟରରେ ଭାରତ ଆଉ ଏକ ଗୋଲ୍‌ ସ୍କୋର କରିଥିଲା । ୨୬ତମ ମିନିଟ୍‌ରେ ଅଧିନାୟିକା ରାଣୀଙ୍କ ସଫଳ ପାସକୁ ଗୋଲରେ ପରିଣତ କରିଥିଲେ ନଭନୀତ କୌର । ପ୍ରଥମାର୍ଦ୍ଧ ଖେଳ ଶେଷ ସୁଦ୍ଧା ଭାରତ ୨-୦ ଗୋଲରେ ଆଗୁଆ ରହି ସ୍ଥିତି ମଜବୁତ କରିଥିଲା ।
ଦ୍ୱିତୀୟାର୍ଦ୍ଧରେ କିନ୍ତୁ ଘରୋଇ ଦଳ ମ୍ୟାଚ୍‌କୁ ପ୍ରତ୍ୟାବର୍ତ୍ତନ କରିଥିଲା । ତୃତୀୟ କ୍ୱାର୍ଟରରେ ସ୍ପେନ ଡବଲ୍‌ ଗୋଲ୍‌ କରି ସ୍ଥିତି ୨-୨ କରିଥିଲା । ୩୫ତମ ମିନିଟ୍‌ରେ ଫିଲ୍ଡ ଗୋଲ୍‌ ଏବଂ ୩୯ତମ ମିନିଟ୍‌ରେ ପେନାଲ୍ଟି ଗୋଲ୍‌ ସ୍କୋର କରିଥିଲା । ପରବର୍ତ୍ତୀ ସମୟରେ ଭାରତ ବହୁ ପ୍ର୍ରୟାସ କରିଥିଲେ ବି ଅଗ୍ରଣୀ ହାସଲ କରି ପାରି ନଥିଲା । ଶେଷରେ ମ୍ୟାଚ୍‌ ଅମୀମାଂସିତ ଭାବେ ଶେଷ ହୋଇଥିଲା ।
ଭାରତ ପୂର୍ବ ମ୍ୟାଚ୍‌ରେ ଅତି ଉନ୍ନତ ପ୍ରଦର୍ଶନ କରି ୫-୨ ଗୋଲ୍‌ରେ ବିଜୟୀ ହୋଇଥିଲା । ସ୍ପେନ ବିପକ୍ଷ ସିରିଜ୍‌ ଶେଷ ହେବା ପରେ ଭାରତ ୨ ମ୍ୟାଚ୍‌ ବିଶିଷ୍ଟ ସିରିଜ୍‌ ଆୟର୍ଲାଣ୍ଡ ସହ ଖେଳିବ । ଆସନ୍ତା ୨ ଓ ୩ ତାରିଖରେ ଏହି ମ୍ୟାଚ୍‌ ଖେଳାଯିବ ।

ସମ୍ବନ୍ଧିତ ଖବର