ଅସ୍ତ୍ରବିରତି ଉଲଂଘନର କଡ଼ା ଜବାବ୍ ଦେଲା ଭାରତ, ଓଲଟା ପତାକା ବାନ୍ଧି ବିପଦ ସଙ୍କେତ ଦେଲେ ପାକ୍ ସୈନିକ

ଶ୍ରୀନଗର,୨୪।୩: ଜମ୍ମୁ-କଶ୍ମୀରର ପୁଞ୍ଛ ଓ ନୌସେରା ସେକ୍ଟରରେ ନିୟନ୍ତ୍ରଣ ରେଖା (ଏଲଓସି)ରେ ପାକିସ୍ତାନ ପଟୁ ଲଗାତାର ଭାବରେ ଅସ୍ତ୍ରବିରତି ଉଲଂଘନ ଜାରି ରହିଛି। ଭାରତୀୟ ସେନା ମଧ୍ୟ ପାକିସ୍ତାନର ପାଲଟା ଜବାବ୍ ଦେଇଛି। ଭାରତୀୟ ସେନା ପକ୍ଷରୁ ହୋଇଥିବା ପାଲଟା ଆକ୍ରମଣରେ ଅଖନୁର ସେକ୍ଟରରେ ଥିବା ପାକିସ୍ତାନର ଏକ ପୋଷ୍ଟ ନଷ୍ଟ ହୋଇଯାଇଛି। ସେନା ପକ୍ଷରୁ ଏହାର ଏକ ଭିଡିଓ ପୋଷ୍ଟ କରାଯାଇଛି। ପାକିସ୍ତାନ ପକ୍ଷରୁ ଅସ୍ତ୍ରବିରତି ନୀତି ଉଲଂଘନ ଯୋଗୁଁ ଭାରତର ଜଣେ ଯବାନ ଆଜି ଶହୀଦ ହୋଇଛନ୍ତି।

ସେନା ସୁତ୍ରରୁ ମିଳିଥିବା ସୂଚନା ଅନୁସାରେ ଭାରତୀୟ ସୈନିକ ପାକିସ୍ତାନ ପୋଷ୍ଟକୁ ଧ୍ବଂସ କରିବା ପରେ ଏଲଓସି ନିକଟରେ ପାକିସ୍ତାନର ପତାକା ଓଲଟା ବନ୍ଧା ଯାଇଥିବାର ଦେଖିବାକୁ ମିଳିଥିଲା। ଏହା ହେଉଛି ବିପଦର ସଙ୍କେତ, ଯାହା ପାକିସ୍ତାନ ସେନା ଏଭଳି କରି ଦର୍ଶାଇଛି। ମିଳିଥିବା ଖବର ଅନୁସାରେ ପାକିସ୍ତାନୀ ସୈନିକ ଗତ ଶନିବାର ରାତିରେ ପ୍ରଥମେ ଅସ୍ତ୍ରବିରତି ଉଲଂଘନ କରି ଶାହପୁରରେ ଗୁଳିମାଡ କରିଥିଲେ। ଏହି ଗୁଳିକାଣ୍ଡ ଆଜି ସକାଳ ପର୍ଯ୍ୟନ୍ତ ଚାଲିଥିଲା।  ଗତ ୪ ଦିନ ଧରି ପାକିସ୍ତାନ ପଟୁ ଲାଗି ରହିଥିବା ଅସ୍ତ୍ରବିରତି ଉଲଂଘନ ଯୋଗୁଁ ୨ ଜଣ ଭାରତୀୟ ଯବାନ ଶହୀଦ ହୋଇଛନ୍ତି।

   ସମ୍ବନ୍ଧିତ ଖବର


ଭାରତରେ ନିଲାମ ହେଲା ସବୁଠାରୁ ଦାମୀ ଚା’, କେଜିକୁ ରହିଛି ଏତେ ଟଙ୍କା

କେନ୍ଦ୍ର ସରକାରଙ୍କ କଡା ନିୟମ: ବାୟୁ ପ୍ରଦୂଷଣ କଲେ କୋଟିଏ ଟଙ୍କା ଜରିମାନା, ୫ ବର୍ଷ ଜେଲ୍‌ ଦଣ୍ଡ…

ଚଳିତ ବର୍ଷ ପ୍ରବଳ ଶୀତ, ଜାଣନ୍ତୁ ‘ଲା ନିନା’ ଓ ’ଏଲ ନିନୋ’ର କ’ଣ ରହିଛି ପ୍ରଭାବ?

ପାକିସ୍ତାନରେ କାଶ୍ମୀର ବିଷୟରେ ଲାଇଭ୍‌ ବେଳେ ଇଣ୍ଡିଆନ୍‌ ହାକର୍‌ ବଜାଇଲେ ଜୟ ଶ୍ରୀରାମ ଏବଂ ହନୁମାନଙ୍କ ଭଜନ

ଆଖି ବିନ୍ଧା ହେବାରୁ ହସ୍ପିଟାଲ ପହଁଞ୍ଚିଲେ ମହିଳା, ଡାକ୍ତର ବାହାର କଲେ ୨୦ଟି ଜୀଅନ୍ତା ପୋକ

୬୫ ବର୍ଷ ବୟସରେ ବିବାହ କଲେ ଜଣାଶୁଣା ଓକିଲ ହରୀଶ ସାଲଭେ, ICJରେ ପାକିସ୍ତାନ ବିରୋଧରେ ଲଢିଥିଲେ କୁଳଭୂଷଣ ମାମଲାର ରାୟ…