PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଶିଶୁ ଅପହରଣ ଉଦ୍ୟମ ପଣ୍ଡ, ବାଇକ ରୁ ଲମ୍ଫ ମାରି ଦୁର୍ବୃତ୍ତଙ୍କ କବଳରୁ ମୁକୁଳିଲା ୧୨ ବର୍ଷର ଶିଶୁ ପୁତ୍ର, ଜଗତସିଂହପୁର ଥାନାରେ ମାମଲା।
  • ||
  • ଢେଙ୍କାନାଳ: ସାଇକୃପା ଆବାସିକ ମହାବିଦ୍ୟାଳୟରୁ ୪ଜଣ ଛାତ୍ର କୋଭିଡ ପଜିଟିଭ ଚିହ୍ନଟ, ଆରଟିପିସିଆର ଟେଷ୍ଟ ପାଇଁ ୨୬୦ ଜଣଙ୍କର ସାମ୍ପଲ ପାଠାଗଲା
  • ||
  • କମ୍ପିବ ବିଧାନସଭା: ମମିତା ମେହେର ହତ୍ୟା ଘଟଣା, ଧାନମଣ୍ଡି ଅବ୍ୟବସ୍ଥା, ଦୁର୍ନୀତି ପ୍ରସଙ୍ଗରେ ସରକାରଙ୍କୁ ଘେରିବ ବିଜେପି
  • ||
  • ନରସିଂହପୁର: ପିଉସୀ ଘରକୁ ବୁଲିବାକୁ ଆସିଥିବା ବେଳେ କୂଅରେ ପଡ଼ି ଚାଲିଗଲା ବାଳକ ଜୀବନ
  • ||
  • ନରସିଂହପୁର: ନରସିଂହପୁରରେ ମାତିଲେ ଦୁର୍ବୁତ୍ତ, ସ୍କାଏ ଲାଇଟ ଭାଙ୍ଗି ଲୁଟିନେଲେ ଟଙ୍କା ଆସବାବପତ୍ର
  • ||
  • ଜଗତସିଂହପୁର : ଆରମ୍ଭ ହେଲା ୨ଦିନିଆ ସାଗର କବଚ ଓଡି -୨୧ ସମରାଭ୍ୟାସ
  • ||
  • ଚନ୍ଦ୍ରଶେଖରପୁର : ଜଣଙ୍କ ପାଇଁ ଦୁଇ ପ୍ରେମିକ ମଧ୍ୟରେ ହଣାମରା, ବିଚ୍ ରାସ୍ତାରେ ଚାଲିଲା ଖଣ୍ଡଯୁଦ୍ଧ
  • ||
  • ସୋନପୁର : ସୋନପୁରରେ ଇଷ୍ଟଦେବୀ ସୁରେଶ୍ଵରୀ ମନ୍ଦିରରୁ ଚୋରି
  • ||
  • ଭୁବନେଶ୍ୱର : ଆଜି ଅଭିନେତ୍ରୀ ଗୁନ୍‌ଗୁନ୍‌ଙ୍କ ବିବାହ, ଅଭିସ୍ମିତଙ୍କ ସହ ପଡିବ ହାତଗଣ୍ଠି
  • ||
  • ଭୁବନେଶ୍ୱର : ଆସୁଛି ସମ୍ଭାବ୍ୟ ବାତ୍ୟା ‘ଜୱାଦ୍‌’, ୩ ତାରିଖ ଯାଏଁ ଥରାଇବ ଶୀତ, ୪ରେ ନିର୍ଧୁମ ବର୍ଷା ସମ୍ଭାବନା
  • ||
  • ସୁକିନ୍ଦା : ଶତାୟୁ ପଦ୍ମଶ୍ରୀ ନନ୍ଦ ସାର୍ କରୋନା ସଂକ୍ରମିତ, ଘରୋଇ ହସ୍ପିଟାଲରେ ଭର୍ତ୍ତି
  • ||

ଆଣ୍ଡାମାନରେ ସାମରିକ ସ୍ଥିତି ମଜଭୁତ କରିବ ଭାରତ

ନୂଆଦିଲ୍ଲୀ,୨୭ ।୧(ଏଜେନ୍ସି): ଭାରତ ମହାସାଗର ମଧ୍ୟରେ ଚୀନ୍‌ ନୌସେନାର ଗତିବିଧି ବୃଦ୍ଧି ପାଉଥିବାରୁ ତା’କୁ ଆଖି ଆଗରେ ରଖି ଏବେ ଭାରତ ଆଣ୍ଡାମାନ ଓ ନିକୋବର ଦ୍ୱୀପପୁଞ୍ଜରେ ନିଜର ସାମରିକ ସ୍ଥିତିକୁ ଆହୁରି ମଜଭୁତ୍‌ କରିବାକୁ ଯୋଜନା କରିଛି । ଭାରତ ନିକଟରେ ଏହି ଦ୍ୱୀପପୁଞ୍ଜରେ ନୌସେନା ପାଇଁ ଆଉ ଏକ ବିମାନ ଘାଟି ନିର୍ମାଣ କରିଛି । ଏବେ ସରକାରୀ ସୂତ୍ରରୁ ମିଳିଥିବା ସୂଚନା ଅନୁସାରେ, ଭାରତ ସେଠାରେ ସାମରିକ ଭିତ୍ତିଭୂମିର ବିକାଶ ଏବଂ ସୈନ୍ୟବଳ ବୃଦ୍ଧି କରାଯିବା ପାଇଁ ୧୦ ବର୍ଷିଆ ଯୋଜନା କରିଛି ।
ଏହି ଯୋଜନା ଅନୁଯାୟୀ, ଭାରତ ୨୦୨୭ ମସିହା ସୁଦ୍ଧା ସେଠାରେ ଥିବା ସେନାର ଥିଏଟର କମାଣ୍ଡ( ମିଳିତ କମାଣ୍ଡ) ଅଧୀନରେ ସାମରିକ ଭିତ୍ତିଭୂମିର ବ୍ୟାପକ ବିକାଶ କରିବ । ଏଥିପାଇଁ ପ୍ରାୟ ୫,୬୫୦ କୋଟି ଟଙ୍କା ବ୍ୟୟ କରାଯିବ । ଏହି ଭିତ୍ତିଭୂମି ନିର୍ମାଣ ହୋଇଗଲେ,ସେଠାରେ ଅଧିକ ସଂଖ୍ୟକ ଯୁଦ୍ଧବିମାନ, ଡ୍ରୋନ, ଯୁଦ୍ଧଜାହାଜ, ମିସାଇଲ ବ୍ୟାଟେରୀ ଏବଂ ଅନ୍ୟାନ୍ୟ ଅସ୍ତ୍ରଶସ୍ତ୍ର ମୁତୟନ କରାଯିବ ।
ସେହିପରି ଭାରତ ସେଠାରେ ସ୍ଥଳସେନାର କର୍ମଚାରୀଙ୍କ ସଂଖ୍ୟା ବୃଦ୍ଧି ଏବଂ ତା’ପାଇଁ ଆବଶ୍ୟକ ଭିତ୍ତିଭୂମିର ବିକାଶ କରିବା ପାଇଁ ଆଉ ଏକ ଯୋଜନା କରିଛି । ଏହା ଅନୁଯାୟୀ, ସେଠାରେ ମୁତୟନ ୧୦୮ ମାଉଣ୍ଟେନ ବ୍ରିଗେଡର ଆଧୁନିକୀକରଣ କରାଯିବା ସହିତ ଏକ ନୂଆ ଇନଫ୍ୟାଣ୍ଟ୍ରି ବାଟାଲିୟନ, ସିଗ୍‌ନାଲସ, ଏୟାର ଡିଫେନ୍ସ, ଇଞ୍ଜିନିୟର, ସପ୍ଲାଏ ଏବଂ ଅନ୍ୟାନ୍ୟ ୟୁନିଟ୍‌ ସ୍ଥାପନ କରାଯିବ । ଏବେ ସେଠାରେ ଦୁଇଟି ଇନଫ୍ୟାଣ୍ଟ୍ରି ଏବଂ ଗୋଟିଏ ଟେରିଟରିଆଲ ଆର୍ମି ବାଟାଲିୟନ ମୁତୟନ କରାଯାଇଛି ।
ସେନାବାହିନୀର ତିନୋଟି ଯାକ ଅଙ୍ଗର ମୁଖ୍ୟ ଏବଂ ରାଷ୍ଟ୍ରୀୟ ସୁରକ୍ଷା ପରାମର୍ଶଦାତା ଅଜିତ ଡୋଭାଲ ସଦସ୍ୟ ଥିବା ନ୍ୟାସନାଲ ଡିଫେନ୍ସ ପ୍ଲାନିଂ କମିଟିରେ ଉପରୋକ୍ତ ଯୋଜନା ସମ୍ପର୍କରେ ବିସ୍ତୃତ ଆଲୋଚନା କରାଯିବା ପରେ ଏହାକୁ ସ୍ୱୀକୃତି ଦିଆଯାଇଛି । ଭାରତ ଆଣ୍ଡାମାନ ଓ ନିକୋବର ଦ୍ୱୀପପୁଞ୍ଜରେ ପୂର୍ବରୁ ସୁଖୋଇ-୩୦ ଏମ୍‌କେଆଇ ଯୁଦ୍ଧବିମାନ, ହେରୋନ-୨ ଡ୍ରୋନ ଏବଂ ପି-୮ଆଇ ସାମୁଦ୍ରିକ ଗୁଇନ୍ଦା ବିମାନ ମୁତୟନ କରିସାରିଛି । ଭାରତ ଏହି ଦ୍ୱୀପପୁଞ୍ଜରୁ ମାଲାକ୍କା ପ୍ରଣାଳୀ ଉପରେ ନଜର ରଖିପାରିବ ଏବଂ ଏହା ମଧ୍ୟ ଦେଇ ଚୀନ୍‌ ଦ୍ୱାରା କରାଯାଉଥିବା ବାଣିଜ୍ୟ କାରବାରକୁ ରୋକିଦେଇପାରିବ ।

ସମ୍ବନ୍ଧିତ ଖବର