PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପଞ୍ଜାବ ମୁଖ୍ୟମନ୍ତ୍ରୀ ପଦରୁ ଇସ୍ତଫା ଦେଲେ ପଞ୍ଜାବ ମୁଖ୍ୟମନ୍ତ୍ରୀ କ୍ୟାପ୍ଟେନ୍‌ ଅମରିନ୍ଦର ସିଂହ
  • ||
  • ଏସିଏଫ୍‌ ସୌମରଞ୍ଜନ ମହାପାତ୍ର ମୃତ୍ୟୁ ଘଟଣା – ଭୁବନେଶ୍ୱର ଫରେନସିକ୍‌ ଲ୍ୟାବ୍‌ରେ ଡିଏଫ୍‌ଓ , ରୋଷେୟାଙ୍କ ଲାଇ ଡିଟେକ୍ସନ ଟେଷ୍ଟ ଚାଲିଛି
  • ||
  • କେନ୍ଦୁଝର: ମହିଳାଙ୍କୁ ନିର୍ଯାତନା ଦେବା କାରଣରୁ ସ୍ୱାମୀ, ଶାଶୁ, ଶଶୁର ଓ ସଉତୁଣୀକୁ ୩ ବର୍ଷ ଜେଲ୍
  • ||
  • ଲୋଇସିଂହା: ଟ୍ରେନ ଆଗକୁ ଡେଇଁ ଯୁବକଙ୍କ ମୃତ୍ୟୁ, ପରିଚୟ ଅସ୍ପଷ୍ଟ
  • ||
  • ଦାରିଙ୍ଗବାଡି : ସଂରକ୍ଷିତ ଜଙ୍ଗଲରୁ ଚୋରା ଚାଲାଣ ବେଳେ କାଠପଟା ଜବତ, ଜଣେ ଗିରଫ
  • ||
  • ଲୋଇସିଂହା : ଚଳନ୍ତା ଟ୍ରେନ୍ ଆଗକୁ ଡେଇଁ ଆତ୍ମହତ୍ୟା କଲେ ଯୁବକ, କାରଣ ଅସ୍ପଷ୍ଟ
  • ||
  • କେନ୍ଦୁଝର : ମହିଳାଙ୍କୁ ନିର୍ଯାତନା ଦେବାରୁ ସ୍ୱାମୀ, ଶାଶୁ, ଶ୍ଵଶୁର ଓ ସଉତୁଣୀକୁ ୩ ବର୍ଷ ଜେଲ ଦଣ୍ଡ
  • ||
  • ପଦ୍ମପୁର: ଗଜଲକ୍ଷ୍ମୀ ଷ୍ଟୋରରେ ଜିଏସଟି ବିଭାଗର ଚଢ଼ାଉ
  • ||
  • ବ୍ରହ୍ମପୁର: ଗଞ୍ଜାମରେ ୧୦୧୦ଗାଁ ବାଲ୍ୟ ବିବାହ ମୁକ୍ତ ଘୋଷଣା କଲା ପ୍ରଶାସନ
  • ||
  • ବଲାଙ୍ଗୀର: ରାତିରେ ପରିବାର ଲୋକଙ୍କ ସହ ଶୋଇଥିଲା ବେଳେ ମହିଳାଙ୍କୁ କାମୁଡି ଦେଲା ବିଷାକ୍ତ ସାପ, ଆଖିବୁଜଲେ ମହିଳା
  • ||
  • ପାଟଣା: ପୂର୍ବତନ ପାଟଣା ବିଧାୟକ ରାମରାଇ ମୁଣ୍ଡାଙ୍କ ପରଲୋକ
  • ||
  • ସମ୍ବଲପୁର: ହୀରାକୁଦର ପୁଣି ବନ୍ଦ ହେଲା ୬ ଗେଟ୍, ୧୮ଟି ଗେଟ୍ ଦେଇ ଜଳ ନିଷ୍କାସନ ଜାରି
  • ||
  • ବାଙ୍କୀ : ହୁଳୁହୁଳା ପୋଲ ଉପରେ ୪ ଫୁଟର ବନ୍ୟାଜଳ ପ୍ରବାହିତ, ବାଙ୍କୀର ବହୁ ପଞ୍ଚାୟତ ବାହ୍ୟ ଜଗତରୁ ବିଚ୍ଛିନ୍ନ
  • ||
  • ଭୁବନେଶ୍ୱର: ଓଡ଼ିଶାରେ ଆଉ ୬ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୧୨୮କୁ ବୃଦ୍ଧି
  • ||
  • ଭୁବନେଶ୍ୱର: ରାଜ୍ୟରୁ ୨୪ ଘଣ୍ଟା ମଧ୍ୟରେ ଆଉ ୬୯୫ଜଣ କରୋନା ପଜିଟିଭ୍ ଚିହ୍ନଟ
  • ||
  • ସଠିପୁର : ଦୁଇ କଣ୍ଟେନର ମୁହାଁମୁହିଁ ଧକ୍କା, ଉଭୟ ଡ୍ରାଇଭର ଆହତ
  • ||
  • ଜଗତସିଂହପୁ : ହଂସୁଆ ନଈରେ ଘାଇ, ୧୦ରୁ ଅଧିକ ଗାଁ ଜଳମଗ୍ନ
  • ||
  • ସମ୍ବଲପୁର : ସୁଧୁରୁଛି ଉପରମୁଣ୍ଡର ବନ୍ୟା ସ୍ଥିତି, ହୀରାକୁଦରେ ବନ୍ଦ ହେଲା ୪ ଗେଟ୍‌, ୨୪ ଗେଟ୍‌ ଦେଇ ଜଳ ନିଷ୍କାସନ ଜାରି
  • ||
  • କାମାକ୍ଷାନଗର : ଚାଷୀଙ୍କୁ ଦଳି ମାରିଲା ଦନ୍ତା
  • ||
  • ରାଉରକେଲା : ବିମାନଘାଟି ପରିସରରେ ଜଣେ ମହିଳା ଶ୍ରମିକଙ୍କୁ ଦୁଷ୍କର୍ମ ଉଦ୍ୟମ, ଠିକା କର୍ମଚାରୀ ଅଟକ
  • ||

ବୁଧବାରଠୁ ଭାରତ-ଇଂଲଣ୍ଡ ପ୍ରଥମ ଟେଷ୍ଟ ସିରିଜ: ଟ୍ରେଣ୍ଟବ୍ରୀଜରେ ଟିମ୍‌ ଇଣ୍ଡିଆ ଆରମ୍ଭ କଲା ଅଭ୍ୟାସ

ଲଣ୍ଡନ,୦୧/୦୮: ଆଉ ମାତ୍ର ୩ଦିନ । ବୁଧବାରଠୁ ଆରମ୍ଭ ହେବ ଭାରତ-ଇଂଲଣ୍ଡ ଟେଷ୍ଟ ସିରିଜ । ଉଭୟ ଦଳ ଜୋରଦାର ପ୍ରସ୍ତୁତି ଚଳାଇଛନ୍ତି । ଡରହାମରେ ୨ ସପ୍ତାହ କଟାଇ ସାରିବା ପରେ ଭାରତୀୟ ଦଳ ନଟିଂହାମରେ ପହଞ୍ଚି ଅଭ୍ୟାସ ଆରମ୍ଭ କରି ଦେଇଛି ।

ଶନିବାର ଦିନ ସମଗ୍ର ଭାରତୀୟ ଦଳ ଗ୍ରାଉଣ୍ଡରେ ଅଭ୍ୟାସ କରିଥିଲା । ଉଭୟ ବ୍ୟାଟିଂ ଓ ବୋଲିଂକୁ ଶିବରରେ ଗୁରୁତ୍ୱ ଦିଆଯାଇଥିଲା । ବିଶେଷ କରି ଦଳର ପ୍ରତ୍ୟେକ ବୋଲର ଦୀର୍ଘ ସମୟ ଧରି ବୋଲିଂ କରିଥିଲେ। ରୋହିତ ଶର୍ମାଙ୍କ ବ୍ୟାଟିଂ ଅଭ୍ୟାସ ଉପରେ ମୁର୍ଖ କୋଚ ରବି ଶାସ୍ତ୍ରୀ ନଜର ରଖିଥିଲେ । ପ୍ରଥମ ଥର ପାଇଁ ଟେଷ୍ଟ କ୍ରିକେଟ୍‌ରେ ରୋହିତ ଇଂଲଣ୍ଡରେ ଓପନ୍‌ କରିବେ ।

ଆକ୍ରମଣାତ୍ମକ ବ୍ୟାଟିଂ ଉପରେ ନିର୍ଭର କରୁଥିବା ରୋହିତଙ୍କ ପାଇଁ ଇଂଲଣ୍ଡ ଜଳବାୟୁ ଓ ପିଚ୍‌ କଷ୍ଟକର ହେବ ବୋଲି ବହୁ କ୍ରିକେଟ୍‌ ସମୀକ୍ଷକ ମତ ଦେଇଛନ୍ତି। ସେଠାରେ ବଲ୍‌ ଅତିରିକ୍ତ ସୁଇଂ କରୁଥିବାରୁ ରୋହିତଙ୍କ ପକ୍ଷରେ ସଟ୍‌ ଖେଳିବା କଷ୍ଟକର ହେବ ବୋଲି ମତ ପ୍ରକାଶ ପାଇଛି । ରୋହିତ ଏସବୁ ପ୍ରତି ଧ୍ୟାନ ନଦେଇ ନିଜକୁ ମାନସିକ ସ୍ତରରେ ପ୍ରସ୍ତୁତ କରିସାରିଛନ୍ତି । ଇଂଲଣ୍ଡରେ ଅଫ ଷ୍ଟମ୍ପ ବାହାର ବଲ୍‌କୁ ଛାଡ଼ିବା ପାଇଁ ରୋହିତଙ୍କୁ ପୂର୍ବତନ କ୍ରିକେଟ୍‌ ଖେଳାଳି ଭିଭିଏସ୍‌ ଲକ୍ଷ୍ମଣ ପରାମର୍ଶ ଦେଇଛନ୍ତି ।

ଗିଲ ଆହତ ହୋଇ ସ୍ୱଦେଶ ଫେରି ଆସିଥିବାରୁ ରୋହିତଙ୍କ ସହ ମୟଙ୍କ ଅଗ୍ରୱାଲ ପାଳି ଆରମ୍ଭ କରିବା ନିଶ୍ଚିତ । ସେ ନେଟ୍ସରେ ଦଳର ସମସ୍ତ ପେସ୍‌ ବୋଲରଙ୍କୁ ସାମ୍ନା କରିଥିଲେ । ଚେତେଶ୍ୱର ପୂଜାରା, ବିରାଟ କୋହଲି, ଅଜିଙ୍କ୍ୟ ରାହାଣେ ଓ ରିଷଭ ପନ୍ତ ଦୀର୍ଘ ସମୟ ବ୍ୟାଟିଂ ଅଭ୍ୟାସ କରିଥିଲେ ।

ଇଂଲଣ୍ଡ ଗସ୍ତରେ ଥିବା ଦଳରୁ ୩ ଜଣ ଖେଳାଳି ଶୁଭମନ ଗିଲ, ଅଭେଶ ଖାନ ଓ ୱାସିଂଟନ ସୁନ୍ଦର ବାଦ ପଡ଼ିଛନ୍ତି । ସେମାନଙ୍କ ସ୍ଥାନରେ ପୃଥ୍ୱୀ ଶ’ ଓ ସୂର୍ଯ୍ୟକୁମାର ଯାଦବଙ୍କୁ ଡାକରା ମିଳିଥିଲା । ହେଲେ ଶ୍ରୀଲଙ୍କାରେ ଉଭୟ ଆଇସୋଲେସନରେ ରହିଥିଲେ । ଉଭୟ ଲଣ୍ଡନ ଅଭିମୂଖେ ଯାତ୍ରା କରିଛନ୍ତି । ଏଲିଟ୍‌ କ୍ରୀଡ଼ାବିତମାନଙ୍କ ପାଇଁ ବ୍ରିଟେନ୍‌ରେ ପ୍ରବେଶ କରିବାକୁ ସ୍ୱତନ୍ତ୍ର ନିୟମ ରହିଛି ।

ଉକ୍ତ ନିୟମ ଅନୁଯାୟୀ ଶ’ଓ ସୂର୍ଯ୍ୟକୁମାର ଇଂଲଣ୍ଡରେ ପ୍ରବେଶ କରିପାରିବେ। ତେବେ ସେଠାରେ ପହଞ୍ଚିବା ପରେ ଉଭୟଙ୍କୁ ୧୦ଦିନ କ୍ୱାରେଣ୍ଟାଇନ୍‌ରେ ରହିବାକୁ ପଡ଼ିବ । ଫଳ ସ୍ୱରୂପ ପ୍ରଥମ ୨ଟି ଟେଷ୍ଟରୁ ଉଭୟ ବାଦ ପଡ଼ିବେ । ୧୨ ତାରିଖରୁ ଲର୍ଡ୍ସରେ ଦ୍ୱିତୀୟ ଟେଷ୍ଟ ଆରମ୍ଭ ହେବ । ଏହା ପୂର୍ବରୁ ଉଭୟଙ୍କ ଆଇସୋଲେସନ ସମୟ ଶେଷ ହୋଇଥିବ । ତଥାପି ନାଲ ବଲ୍‌ରେ ଅଭ୍ୟାସ ନକରିବା ପର୍ଯ୍ୟନ୍ତ ଉଭୟ ଟେଷ୍ଟ ଏକାଦଶରେ ସ୍ଥାନ ପାଇପାରିବେ ନାହିଁ ।

ସମ୍ବନ୍ଧିତ ଖବର