PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଇରଙ୍ଗପୁର : ବିଦ୍ୟୁତ ଆଘାତରେ ବୃଦ୍ଧ ମୃତ, ପାଣିରେ ବୁଡି ଯୁବକ ମୃତ
  • ||
  • ଭୁବନେଶ୍ୱର : ଓଡ଼ିଶା ଅନଲକ୍‌ ହେବା ନେଇ ସୋସିଆଲ ମିଡିଆରେ ପ୍ରଚାର ହେଉଛି ଗୁଜବ, ସ୍ପଷ୍ଟୀକରଣ ଦେଲେ SRC- ଏଭଳି ମାର୍ଗଦର୍ଶିକା ଜାରି ହୋଇନି
  • ||
  • ଭୁବନେଶ୍ୱର : ରାଜ୍ୟରେ ୨୪ ଘଣ୍ଟାରେ ଚିହ୍ନଟ ହେଲେ ଆଉ ୪ ହଜାର ୩୩୯ କରୋନା ପଜିଟିଭ, ସଂକ୍ରମିତଙ୍କ ସଂଖ୍ୟା ୮ ଲକ୍ଷ ୫୬ ହଜାର ପାର୍
  • ||
  • ଭୁବନେଶ୍ୱର : ଗଣପର୍ବ ରଜ ଅବସରରେ ଶୁଭେଚ୍ଛା ଓ ଅଭିନନ୍ଦନ ଜଣାଇଲେ ମୁଖ୍ୟମନ୍ତ୍ରୀ ନବୀନ ଓ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ
  • ||
  • ନୂଆଦିଲ୍ଲୀ : ଆଜିଠାରୁ ରାଜଧାନୀରେ ଖୋଲିବ ମଲ୍, ବଜାର ଏବଂ ଦୋକାନ, ୫୦ ପ୍ରତିଶତ କ୍ଷମତାରେ ଚାଲିବ ମେଟ୍ରୋ
  • ||
  • ନୂଆଦିଲ୍ଲୀ : ଇସ୍ରାଇଲରେ ନେତ୍‌ନ୍ୟାହୁଙ୍କ ଯୁଗ ଶେଷ, ନଫତାଲୀ ବେନେଟ୍ ହେଲେ ନୂଆ ପ୍ରଧାନମନ୍ତ୍ରୀ
  • ||
  • ଭୁବନେଶ୍ୱର : ରଜ ପାଇଁ ଓଟିଡିସି ଆରମ୍ଭ କଲା ‘ପିଠା ଅନ୍‌ ହ୍ୱିଲ୍‌’, ଭୁବନେଶ୍ୱର ସହ ସମ୍ବଲପୁର ଓ କଟକରେ ମିଳିବ ପିଠା
  • ||
  • ବଅଁରପାଳ : ସୁନାର ସଂସାରକୁ ଛାରଖାର କରିଦେଲା କରୋନା, ଆଗପଛ ହୋଇ ଚାଲିଗଲେ ପୁଅ-ବୋହୂ ଓ ମା, ଅନାଥ ହୋଇଗଲା ୧୪ ମାସର ଶିଶୁପୁତ୍ର
  • ||
  • ପୁରୀ : ଆଜି ଶ୍ରୀମନ୍ଦିରରେ କନ୍ୟା ଚୋରି ନୀତି
  • ||
  • ଭୁବନେଶ୍ୱର : ଆଜି ପହିଲି ରଜ, ଗାଁଠାରୁ ସହର ସବୁଠି ଜମୁଛି ପିଠାପଣାର ଆସର
  • ||
  • ଭୁବନେଶ୍ୱର : ସାରା ରାଜ୍ୟକୁ ଛୁଇଁଲା ମୌସୁମୀ, ଆହୁରି ଦୁଇଦିନ ସ୍ୱଳ୍ପରୁ ମଧ୍ୟମ ବର୍ଷା ସମ୍ଭାବନା, ୧୫ ପର୍ଯ୍ୟନ୍ତ ଧୀବରଙ୍କୁ ସମୁଦ୍ର ମନା
  • ||

ଭାରତ ସହ ବାଣିଜ୍ୟ ଯୁଦ୍ଧ କରି ନିଜ ଗୋଡ଼ରେ କୁରାଢ଼ି ମାରିଛି ପାକ୍‌

ନୂଆଦିଲ୍ଲୀ ୨୪/୮ : ଜମ୍ମୁ ଓ କାଶ୍ମୀରରୁ ଧାରା ୩୭୦ ହଟାଯିବା ପରେ ଭାରତ ବିରୋଧରେ ବାଣିଜ୍ୟ ଯୁଦ୍ଧ ଆରମ୍ଭ କରିଛି ପାକିସ୍ତାନ । ଅଗଷ୍ଟ ୯ ତାରିଖରୁ ଭାରତ ସହ ସମସ୍ତ ଦ୍ୱିପାକ୍ଷିକ କାରବାର ରଦ୍ଦ କରିଛି । ଆବେଗରେ ଆସି ନେଇଥିବା ଏହି ନିଷ୍ପତ୍ତିରେ କିନ୍ତୁ ନିଜେ ଛନ୍ଦି ହୋଇଯାଇଛି ପାକିସ୍ତାନ ।

ଯଦିଓ ବାଣିଜ୍ୟ ଯୁଦ୍ଧ ଭାରତକୁ କିଛି ମାତ୍ରାରେ ପ୍ରଭାବିତ କରିବ, ଭାରତ ଉପରେ ଅଧିକ ନିର୍ଭରଶୀଳ ଥିବାରୁ ଇସ୍‌ଲାମାବାଦ ଢେର୍‌ କ୍ଷତି ସହିବ । ଏଭଳି ନିଷ୍ପତ୍ତି ନେଇ ପାକିସ୍ତାନ ନିଜ ରାଷ୍ଟ୍ରର ବ୍ୟବସାୟୀ, ରପ୍ତାନିକାରୀଙ୍କ ଚିନ୍ତା ବି ବଢ଼ାଇ ଦେଇଛି ।

୨୦୧୮ରେ ଜାତିସଂଘ ବାଣିଜ୍ୟ ଓ ଉନ୍ନୟନ ସମ୍ମିଳନୀରୁ ସଂଗୃହୀତ ତଥ୍ୟ ଅନୁସାରେ, ଭାରତ-ପାକିସ୍ତାନ ଦ୍ୱିପାକ୍ଷିକ କାରବାର ୨୮୦ କୋଟି ଡଲାରର । ଏହି ବାଣିଜ୍ୟ କାରବାରରେ ପାକିସ୍ତାନକୁ ଭାରତ ୨୩୦ କୋଟି ଡଲାରର ସାମଗ୍ରୀ ରପ୍ତାନି ଥିବା ବେଳେ ପାକିସ୍ତାନରୁ ଭାରତକୁ ଆମଦାନି ମାତ୍ର ୫୦ କୋଟି ଡଲାର ଥିଲା । ଆସନ୍ତୁ, ନଜର ପକାଇବା କେଉଁ ସବୁ କାରଣରୁ ଏ ବାଣିଜ୍ୟ ଯୁଦ୍ଧ ପାକିସ୍ତାନକୁ ଅଧିକ ମହଙ୍ଗା ପଡ଼ିବ…

ରପ୍ତାନି ପାଇଁ ଭାରତ ଉପରେ ଅଧିକ ନିର୍ଭରଶୀଳ ପାକିସ୍ତାନ
ରପ୍ତାନି କ୍ଷେତ୍ରରେ ଭାରତ ଉପରେ ପାକିସ୍ତାନର ନିର୍ଭରଶୀଳତା ସାମାନ୍ୟ ଅଧିକ । ଭାରତର ମୋଟ ରପ୍ତାନିରେ ପାକିସ୍ତାନ ୦.୭୩% ଅଂଶୀଦାର, ଅର୍ଥାତ ଭାରତ ବିଦେଶକୁ ରପ୍ତାନି କରୁଥିବା ସାମଗ୍ରୀ ଓ ସେବା ମଧ୍ୟରୁ ଏହି ପରିମାଣର ପାକିସ୍ତାନକୁ ପଠାଇଥାଏ । କିନ୍ତୁ ପାକିସ୍ତାନର ରପ୍ତାନିରେ ଭାରତ ୧.୬୨% ଅଂଶୀଦାର ।

ପାକିସ୍ତାନରୁ ଭାରତର ଆମଦାନି ତୁଳନାରେ ଭାରତରୁ ପାକିସ୍ତାନର ଆମଦାନି ୫ ଗୁଣା:- ଆମଦାନି କ୍ଷେତ୍ରରେ ମଧ୍ୟ ଭାରତ ପାକିସ୍ତାନ ଉପରେ ଖୁବ୍‌ କମ୍‌ ନିର୍ଭରଶୀଳ । ୨୦୧୮ରେ ଭାରତର ମୋଟ ଆମଦାନିରେ ପାକିସ୍ତାନ ୦.୦୯% ଅଂଶୀଦାର ଥିଲା । ପାକିସ୍ତାନର ମୋଟ୍‌ ଆମଦାନିରେ ଭାରତର ଅଂଶ ୩.୯% ରହିଥିଲା । ମୂଲ୍ୟ ଆକାରରେ ଭାରତରୁ ପାକିସ୍ତାନର ଆମଦାନି ତୁଳନାରେ ପାକିସ୍ତାନରୁ ଭାରତର ଆମଦାନି ପ୍ରାୟ ୫ ଗୁଣା ।

ପାକିସ୍ତାନ ସିମେଣ୍ଟର ସର୍ବବୃହତ ଆମଦାନିକାରୀ ଭାରତ:- ଭାରତ ଆମଦାନି କରୁଥିବା ସାମଗ୍ରୀ ମଧ୍ୟରୁ ସିମେଣ୍ଟ ପାଇଁ ସର୍ବାଧିକ ପାକିସ୍ତାନ ଉପରେ ନିର୍ଭର କରିଥାଏ । ଦେଶର ମୋଟ ସିମେଣ୍ଟ ଆମଦାନିରେ ପାକିସ୍ତାନ ଏକାକୀ ୨୧.୩% ଅଂଶୀଦାର । ଏହାବ୍ୟତୀତ ଭାରତର ଅନ୍ୟ କୌଣସି ସାମଗ୍ରୀ ଆମଦାନିରେ ପାକିସ୍ତାନ ଅଂଶ ୧୦% ଛୁଇଁନି ।

୪୦ ସାମଗ୍ରୀ ପାଇଁ ଭାରତ ଉପରେ ନିର୍ଭରଶୀଳ ପାକିସ୍ତାନ:- ପାକିସ୍ତାନର ୪୦ଟି ପ୍ରମୁଖ ସାମଗ୍ରୀର ଆମଦାନିରେ ଭାରତ ଏକାକୀ ୧୦%ରୁ ଅଧିକ ଅଂଶୀଦାର ରହିଥାଏ । ସେଥିମଧ୍ୟରୁ ୧୭ଟି ସାମଗ୍ରୀର ଆମଦାନିରେ ଭାରତ ଏକାକୀ ୨୫% ଯୋଗାଇଥାଏ । ଭାରତ ସହ ବାଣିଜ୍ୟିକ କାରବାର ରଦ୍ଦ ଯୋଗୁ ପାକିସ୍ତାନରେ ଏ ସାମଗ୍ରୀ ମହଙ୍ଗା ହେବ ।

ଉଭୟ ରାଷ୍ଟ୍ରର ରପ୍ତାନିକାରୀଙ୍କୁ ପ୍ରଭାବିତ କରିବ ବାଣିଜ୍ୟ ଯୁଦ୍ଧ:- ଆମଦାନି ବ୍ୟାନ୍‌ ଦ୍ୱାରା ଘରୋଇ ସାମଗ୍ରୀ ମୂଲ୍ୟ ବଢ଼ିବ । କିନ୍ତୁ ରପ୍ତାନି ବ୍ୟାନ୍‌ ସାମଗ୍ରୀ ମୂଲ୍ୟ ଶସ୍ତା ହେବ । ଫଳରେ ସାମଗ୍ରୀ ଉତ୍ପାଦନକାରୀ ପ୍ରଭାବିତ ହେବେ । ଏପରିକି ନୂଆ ବଜାର ପାଇବା ପାଇଁ ସେମାନଙ୍କୁ ସଂଘର୍ଷ କରିବାକୁ ପଡ଼ିବ । ଭାରତର ପଶୁ ତୈଳ ଓ ତୁଳା ପାଇଁ ପାକିସ୍ତାନ ଏକ ବୃହତ ବଜାର ।

ପାକିସ୍ତାନର ୨୬ଟି ସାମଗ୍ରୀର ରପ୍ତାନିରେ ଭାରତ ୧୦%ରୁ ଅଧିକ ଅଂଶୀଦାର:- ପାକିସ୍ତାନ ବିଦେଶକୁ ରପ୍ତାନି କରୁଥିବା ସାମଗ୍ରୀ ମଧ୍ୟରୁ ୨୬ଟିର ୧୦%ରୁ ଅଧିକ ଭାରତକୁ ଆସିଥାଏ । କିନ୍ତୁ ବାଣିଜ୍ୟ ବ୍ୟାନ୍‌ ପରେ ସେଠାକାର ଏସବୁ ସାମଗ୍ରୀ ଉତ୍ପାଦନକାରୀ ବହୁଳ ଭାବେ ପ୍ରଭାବିତ ହେବେ ।