PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ୪ ରାଜ୍ୟସଭା ଆସନ ପାଇଁ ବିଜେଡିର ପ୍ରାର୍ଥୀ ଘୋଷଣା : ପୁଣି ରାଜ୍ୟସଭା ଯିବେ ସସ୍ମିତ ପାତ୍ର, ୩ ନୂଆ ମୁହଁଙ୍କୁ ସୁଯୋଗ
  • ||
  • ଭୁବନେଶ୍ଵର : କେରଳ ଛୁଇଁଲା ମୌସୁମୀ ବାୟୁ
  • ||
  • ନେପାଳରେ ଯାତ୍ରୀବାହୀ ବିମାନ ତାରା ଏୟାର ୯ NAET ର ମିଳୁନି ପତ୍ତା , ୪ ଭାରତୀୟଙ୍କ ସମେତ ୧୯ ଯାତ୍ରୀ ଥିବା ସୂଚନା
  • ||
  • ବ୍ରହ୍ମପୁର : ସନ୍ଧ୍ୟାବେଳେ ବେଳାଭୂମିରେ ବସିଥିବା ବେଳେ ମୁଣ୍ଡ ଉପରେ ପଡ଼ିଲା ଚଡ଼କ, ଛାତ୍ର ମୃତ ଛାତ୍ରୀ ଗୁରୁତର
  • ||
  • ବିଶ୍ୱର ସବୁଠୁ ବଡ଼ କ୍ରିକେଟ ଷ୍ଟାଡ଼ିୟମ୍‌ରେ ଖେଳା ଯିବ ଆଇପିଏଲ ୨୦୨୨ ଫାଇନାଲ
  • ||
  • ଆନନ୍ଦପୁର : ଝରକା ଗ୍ରୀଲ୍ ଭାଙ୍ଗି ଶିକ୍ଷକଙ୍କ ଘରେ କଳାକନା ବୁଲାଇଦେଲେ ଦୁର୍ବୃତ୍ତ, ୧୫ ଭରି ସୁନାଅଳଙ୍କାର ସହ ନଗଦ ୫୨ ହଜାର ଟଙ୍କା ଲୁଟ୍
  • ||
  • ସୋର : ଗୋରୁ ବୋଝେଇ କଣ୍ଟେନର ଜବତ, ୪୦ ରୁ ଉର୍ଦ୍ଧ୍ଵ ଗୋରୁ ଉଦ୍ଧାର, ୧୧ ଗିରଫ
  • ||
  • ସମାନ ନାଗରିକ ସଂହିତା ଲାଗୁ କରିବା ପ୍ରସ୍ତୁତିରେ ମୋଦି ସରକାର , ପ୍ରଥମେ ଉତ୍ତରାଖଣ୍ଡରେ ଏହି ଆଇନ୍‌ ଲାଗୁ କରାଯିବାର ଅଭ୍ୟାସ ଆରମ୍ଭ କରାଯାଇଛି
  • ||
  • ଗୁଜରାଟରେ ବଡ଼ ବିଜୟର ପ୍ରସ୍ତୁତିରେ ବିଜେପି , କଂଗ୍ରେସ ଦୁର୍ବଳତାର ବି ମିଳିବ ଫାଇଦା
  • ||

‘ଭାରତରେ କର୍ମନିଯୁକ୍ତି କ୍ଷେତ୍ରର ସ୍ଥିତି’ ରିପୋର୍ଟ: ପୁରୁଷଙ୍କ ତୁଳନାରେ ମହିଳାଙ୍କ ଦରମା ୩୪% କମ୍‌

ଭୁବନେଶ୍ୱର,୨୮ା୩(ବ୍ୟୁରୋ): ପୁରୁଷଙ୍କ ଭଳି ସମାନ ଯୋଗ୍ୟତା ଥାଇ ମଧ୍ୟ ସବୁବେଳେ ମହିଳା କର୍ମଜୀବୀ ଉପେକ୍ଷିତ । ଦକ୍ଷତା ଥିଲେ ସୁଦ୍ଧା ଜଣେ ମହିଳା ଶ୍ରମିକ ପୁରୁଷ ଶ୍ରମିକ ଅପେକ୍ଷା ୩୪% କମ୍‌ ଦରମା ପାଇଥାନ୍ତି । ୨୦୧୫ ମସିହାର ଏକ ପରିସଂଖ୍ୟାନରୁ ଜଣାଯାଇଛି ଯେ ୯୨% ମହିଳା ଓ ୮୨% ପୁରୁଷ ମାସକୁ ୧୦ ହଜାର ଟଙ୍କାରୁ କମ୍‌ ଆୟ କରୁଛନ୍ତି । ଗୁଣାତ୍ମକ ଚାକିରିର ଅଭାବ ଓ ମଜୁରୀ କ୍ଷେତ୍ରରେ ପାତର ଅନ୍ତର ଯୋଗୁଁ ଭାରତୀୟ ଶ୍ରମ ବଜାରରେ ଅସମାନତା ଦେଖାଦେଉଛି । ‘ଭାରତରେ କର୍ମନିଯୁକ୍ତି କ୍ଷେତ୍ରର ସ୍ଥିତି’ ଶୀର୍ଷକ ଅକ୍ସଫାମ ଇଣ୍ଡିଆର ସଦ୍ୟ ପ୍ରକାଶିତ ରିପୋର୍ଟ ଏହା ସ୍ପଷ୍ଟ କରୁଛି ।

ଏନେଇ ଗୁରୁବାର ସ୍ଥାନୀୟ ପ୍ରେସ୍‌ କ୍ଲବ୍‌ ଠାରେ ଆୟୋଜିତ ଏକ କାର୍ଯ୍ୟକ୍ରମରେ ଯୋଗଦେଇ ବିଶିଷ୍ଟ ଅର୍ଥନୈତିକ ବିଶ୍ଳେଷକ ଦିଲ୍ଲିପ ଶତପଥୀ ଓ ପ୍ରିୟରଞ୍ଜନ ସାହୁ ଯୋଗଦେଇ ସରକାର ଦେଶରେ କର୍ମକ୍ଷେତ୍ରର ଅସମାନତା ଦୂର କରିବା ପାଇଁ ଯଥେଷ୍ଟ ପଦକ୍ଷେପ ନେବା ଉପରେ ଗୁରୁତ୍ୱାରୋପ କରିଥିଲେ । ସେମାନେ କହିଥିଲେ କର୍ମକ୍ଷେତ୍ରର ଅଭିବୃଦ୍ଧି ତଥା ଲିଙ୍ଗଭେଦ ଦୂର କରିବା ପାଇଁ ଅନେକ ଭାଷଣବାଜି ହେଉଛି, କିନ୍ତୁ ପ୍ରକୃତ କଥା ହେଉଛି ଭାରତର ଅର୍ଥନୈତିକ ବିକାଶ ହାରରେ ମହିଳାମାନଙ୍କୁ ପଛରେ ଛାଡି ଦିଆଯାଉଛି ।
ପ୍ରକାଶିତ ରିପୋର୍ଟରେ ମହିଳା ଓ ପୁରୁଷମାନଙ୍କ ନିଯୁକ୍ତି କ୍ଷେତ୍ରକୁ ସ୍ଥିର କରିବା ଦିଗରେ ସାମାଜିକ ପ୍ରଥାସବୁ କିପରି ପ୍ରଭାବିତ କରୁଛନ୍ତିି ସେଗୁଡିକ ମଧ୍ୟ ଦର୍ଶାଯାଇଛି ।

ଜାତୀୟ ନମୁନା ସର୍ବେକ୍ଷଣ ସଂସ୍ଥାନ (ଏନ୍‌ଏସ୍‌ଏସ୍‌ଓ)ର ରିପୋର୍ଟ ଅନୁସାରେ ନିୟମିତ ଦରମା ପାଉଥିବା ଜଣେ ମହିଳା ଶ୍ରମିକ ସମାନ କାମ ପାଇଁ ପୁରୁଷ ଶ୍ରମିକଙ୍କଠାରୁ ଗ୍ରାମାଞ୍ଚଳରେ ୧୦୫ ଟଙ୍କା ଓ ସହରାଞ୍ଚଳରେ ୧୨୩ ଟଙ୍କା କମ ମଜୁରୀ ପାଇଥାଏ । ସାମୟିକ କାର୍ଯ୍ୟ କ୍ଷେତ୍ରରେ ଏହା ଗ୍ରାମାଞ୍ଚଳରେ ପାଖାପାଖି ୪୭ ଟଙ୍କା ଓ ସହରାଞ୍ଚଳରେ ପାଖାପାଖି ୭୨ ଟଙ୍କା କମ୍‌ ହୋଇଥାଏ । ଧର୍ମକୁ ଭିତ୍ତିକରି ସହରାଞ୍ଚଳର ଜୀବିକା ବଜାରରେ ମହିଳାଙ୍କ ଭାଗିଦାରୀରେ ସେମିତି କିଛି ଅନ୍ତର ପରିଲକ୍ଷିତ ହୁଏ ନାହିଁ । ତଥାପି ଅନେକ ସମୟରେ ଆମେ ଦେଖୁ ଯେ ଘରୋଇ ଉତ୍ପାଦନ କ୍ଷେତ୍ରରେ ମୁସଲିମ୍‌ ମହିଳାମାନେ ଅଧିକ ଯୋଗ ଦେଇଥାନ୍ତି । ଆବର୍ଜନା ସଂଗ୍ରହ କ୍ଷେତ୍ରରେ ଦଳିତ ମହିଳାମାନେ ଏବଂ ଅଣ ଦଳିତ ମହିଳାମାନେ ପାଠ ପଢ଼ାଇବା ବା ସ୍ୱାସ୍ଥ୍ୟସେବା ଭଳି କାର୍ଯ୍ୟରେ ଅଧିକ ଯୋଗ ଦେଇଥାନ୍ତି ।