ଜାତୀୟ ସଙ୍ଗୀତ ଗାନ କଲେ ୧୬ ବର୍ଷୀୟ ସ୍ପର୍ଶ: ଜନ୍ମରୁ ବିରଳ ରୋଗରେ ପୀଡ଼ିତ

ହ୍ୟୁଷ୍ଟନ୍‌ ୨୩/୯: ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ‘ହାଓଡି ମୋଦି’ କାର୍ଯ୍ୟକ୍ରମରେ ଆକର୍ଷଣର କେନ୍ଦ୍ରବିନ୍ଦୁ ଥିଲେ ବିରଳ ରୋଗରେ ପୀଡ଼ିତ ଜଣେ ଭାରତୀୟ ବଂଶୋଦ୍ଭବ କିଶୋର । ହ୍ୱିଲଚେୟାରରେ ବସି ଏହି ୧୬ ବର୍ଷୀୟ କିଶୋର ହାଓଡି ମୋଦି କାର୍ଯ୍ୟକ୍ରମରେ ଭାରତର ଜାତୀୟ ସଙ୍ଗୀତ ଗାନ କରି ସମସ୍ତଙ୍କୁ ମନ୍ତ୍ରମୁଗ୍ଧ କରିଦେଇଥିଲେ ।

କାର୍ଯ୍ୟକ୍ରମ ପୂର୍ବରୁ ମୋଦିଙ୍କୁ ଦେଖିବା ସହ ତାଙ୍କୁ ଭେଟିବା ପାଇଁ ଅତ୍ୟନ୍ତ ଉତ୍ସାହିତ ଥିଲେ ସ୍ପର୍ଶ ଶାହ । ଶେଷରେ ତାଙ୍କ ଆଶା ପୂରଣ ହେଲା। କାର୍ଯ୍ୟକ୍ରମ ପୂର୍ବରୁ ସ୍ପର୍ଶ କିଛି ଭାରତୀୟ ଗଣମାଧ୍ୟମ ସଂସ୍ଥା ପ୍ରତିନିଧିଙ୍କ ସହ କଥା ହୋଇଥିଲେ । ଯଦିଓ ସେ ଆମେରିକାରେ ଜନ୍ମ ହୋଇ ସେଠାରେ ଛୋଟରୁ ବଡ଼ ହୋଇଛନ୍ତି, ତଥାପି ନିଜ ଦେଶ ଭାରତ ପାଇଁ ତାଙ୍କ ମନରେ ପ୍ରଗାଢ଼ ଭଲପାଇବା ଓ ସମ୍ମାନ ରହିଛି ।

ଆମେରିକାର ନ୍ୟୁଜର୍ସିରେ ରହୁଥିବା ସ୍ପର୍ଶ ଏକାଧାରରେ ଜଣେ ର‌୍ୟାପର୍‌, ଗାୟକ, ଗୀତିକାର ଏବଂ ପ୍ରେରଣାଦାୟୀ ବକ୍ତା। ଜନ୍ମରୁ ସେ ‘ଅଷ୍ଟିଓଜେନେସିସ୍‌ ଇମ୍ପର୍‌ଫେକ୍ଟା’ ନାମକ ବିରଳ ରୋଗରେ ପୀଡ଼ିତ । ଏହି ରୋଗରେ ପୀଡ଼ିତ ପିଲାଙ୍କ ହାଡ଼ ଅତ୍ୟନ୍ତ ଦୁର୍ବଳ ହୋଇଥାଏ । ସାମାନ୍ୟତମ ଚାପରେ ତାହା ଭାଙ୍ଗିଯାଇଥାଏ । ତେଣୁ ମାଆଙ୍କ ପେଟରେ ଥିଲା ବେଳେ ତାଙ୍କର ୩୫ଟି ହାଡ଼ ଭାଙ୍ଗିଯାଇଥିଲା । ଜନ୍ମ ପରଠାରୁ ତାଙ୍କର ଏ ପର୍ଯ୍ୟନ୍ତ ୧୩୦ରୁ ଅଧିକ ହାଡ଼ ଭାଙ୍ଗିସାରିଲାଣି । ତେଣୁ ସବୁବେଳେ ସେ ହ୍ୱିଲ୍‌ଚେୟାରରେ ବସିରହୁଛନ୍ତି । ତାଙ୍କ ଇଚ୍ଛା ସେ ପରବର୍ତ୍ତୀ ଏମିନେମ୍‌ (ପ୍ରସିଦ୍ଧ ଆମେରିକୀୟ ର‌୍ୟାପର୍‌) ହେବେ ଏବଂ ୧୦୦ କୋଟି ଲୋକଙ୍କ ସାମ୍ନାରେ ପ୍ରଦର୍ଶନ କରିବେ ।

   ସମ୍ବନ୍ଧିତ ଖବର


ଫେସବୁକ୍ ଲଞ୍ଚ୍ କଲା ନୂଆ ସେବା, ଖୁବ୍ ଶୀଘ୍ର ଆକାଉଣ୍ଟକୁ କରନ୍ତୁ ଚେକ୍

ଚିନ୍ତାର କଥା ! ପରୀକ୍ଷଣ ସମୟରେ କରୋନା ଟିକାରେ ହେଲା ମୃତ୍ୟୁ…

ଟ୍ରେନରେ ଯାତ୍ରା ସମୟରେ ଲଗେଜ୍ ଚିନ୍ତା ଗଲା, ଏଣିକି ଘରେ ପହଞ୍ଚିବ ସାମଗ୍ରୀ

କରୋନାରୁ ରକ୍ଷା କରିବ ଏହି ‘ଛତୁ’–ଷ୍ଟାର୍ଟ ଅପ୍‌ କମ୍ପାନୀ ତିଆରି କଲେ ଇମ୍ୟୁନିଟି ବୁଷ୍ଟର

କରୋନା ଭୟରେ ଏହି ଦେଶରେ ବନ୍ଦ ହେଲା ମାଛ ମାର୍କେଟ୍, ଲାଗିଲା କର୍ଫ୍ୟୁ

ନବରାତ୍ରୀ ନେଇ ସୋସିଆଲ ମିଡିଆରେ ଅଶ୍ଲୀଳ ପୋଷ୍ଟ, କ୍ଷମା ମାଗିଲା Eros Now