PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ମାଲକାନଗିରି ଜିଲ୍ଲାପାଳଙ୍କ ନାମରେ ଟେଣ୍ଡର ଫିକସିଙ୍ଗ ଓ ଗ୍ରାନାଇଟ ପଥର ଖଣିଲିଜରେ ଦୁର୍ନୀତିର ଅଭିଯୋଗ ଆଣିଲେ ପୁର୍ବତନ ସାଂସଦ ତଥା ପିସିସି କାର୍ଯ୍ୟକାରୀ ସଭାପତି ପ୍ରଦୀପ ମାଝୀ
  • ||
  • କଟକ: ଦୁଷ୍କର୍ମ ମାମଲ, ୧୪ ବର୍ଷ ପରେ ଆଜୀବନ କାରାଦଣ୍ଡ ଆସାମୀ ନିର୍ଦୋଷରେ ଖଲାସ
  • ||
  • ବଲାଙ୍ଗୀର: ମୂଲ୍ୟବାନ ଖଇର ଗଣ୍ଡି ଓ ଗାଡି ଜବତ କଲା ବନ ବିଭାଗ, ଡ୍ରାଇଭର ଫେରାର
  • ||
  • କୋରାପୁଟ: ବାଇକ୍ ଚୋର ଗ୍ୟାଙ୍ଗକୁ ଧରିବା ସଫଳ ହେଲା କୋରାପୁଟ ଟାଉନ ଥାନା ପୋଲିସ, ୧୫ ବାଇକ୍‌ ଉଦ୍ଧାର, ୩ ଚୋର ଗିରଫ
  • ||
  • ଜଗତସିଂହପୁର: ଅଲିପିଙ୍ଗଳ ବାଲିଘାଟରେ ପୁଣି ଚଢ଼ଉ କଲେ ତହସିଲଦାର , ୭ରୁ ଅଧିକ ହାଇଓ୍ବା ଜବତ, ମାଲିକ ମହଲରୁ ତେଜୁଛି ଅସନ୍ତୋଷ
  • ||
  • ଭୁବନେଶ୍ୱର : ଓଡ଼ିଶାରେ ଚିନ୍ତା ବଢ଼ାଉଛି ମୃତ୍ୟୁ ସଂଖ୍ୟା, ୨୪ ଘଣ୍ଟାରେ ଆଉ ୩୮ ଜଣଙ୍କ ଜୀବନ ନେଲା କରୋନା
  • ||
  • ଭୁବନେଶ୍ୱର : ରାଜ୍ୟରେ ଗତ ୨୪ ଘଣ୍ଟାରେ ଚିହ୍ନଟ ହେଲେ ୨୯୫୭ କରୋନା ପଜିଟିଭ୍
  • ||
  • ପୁରୀ : ସ୍ନାନ ପୂର୍ଣ୍ଣିମା ପାଇଁ ପୁରୀରେ ୧୪୪ ଧାରା, ୨୩ ତାରିଖ ରାତି ୧୦ଟାରୁ ୨୫ ତାରିଖ ଭୋର ୨ଟା ଯାଏଁ କଟକଣା
  • ||
  • ପୁରୀ : ଏବର୍ଷ ୩ ଦିନ ନବଯୌବନ ଦର୍ଶନ, ଆଜି ଶ୍ରୀମନ୍ଦିରରେ ଦଇତାପତି ସେବାୟତଙ୍କ ପ୍ରବେଶ, ୨୩ରେ ସେନାପଟା ଲାଗି ନୀତି
  • ||
  • ଭୁବନେଶ୍ୱର : ଓଡ଼ିଶାର ୭ ଜିଲ୍ଲାରେ ନିଅଣ୍ଟିଆ ବର୍ଷା, ଆଜି ୧୨ ଜିଲ୍ଲାରେ ଘଡ଼ଘଡ଼ି ସହ ବର୍ଷା ସମ୍ଭାବନା, ୟେଲୋ ୱାର୍ଣ୍ଣିଂ ଜାରି
  • ||

ଇଣ୍ଡିଆନ ସୁପର ଲିଗ୍: ମୁମ୍ବାଇ ସିଟି ଏଫ୍‌ସି ଓ ଏଟିକେ ମଧ୍ୟରେ ମ୍ୟାଚ୍ ଡ୍ର

କୋଲକାତା, ୦୨|୧୨: ଘରୋଇ ଆଟଲେଟିକୋ ଡି କୋଲକାତା(ଏଟିକେ) ଓ ମୁମ୍ବାଇ ସିଟି ଏଫ୍‌ସି ମଧ୍ୟରେ ଚଳିତ ଆଇଏସ୍‌ଏଲ୍‌-୬ର ଏକ ରୋମାଞ୍ଚକର ଲିଗ୍‌ ମୁକାବିଲା ୨-୨ ଗୋଲ୍‌ରେ ଡ୍ର’ ରହିଛି ।

ମ୍ୟାଚ୍‌ଟି ଆରମ୍ଭରୁ ଶେଷ ପର୍ଯ୍ୟନ୍ତ ସଂଘର୍ଷପୂର୍ଣ୍ଣ ରହିଥିଲା । ମୁମ୍ବାଇ ଖେଳାଳି ପରାଜୟରୁ ବର୍ତ୍ତିବା ପାଇଁ ସବୁ ଶକ୍ତି ଲଗାଇ ଦେଇଥିଲା । ମ୍ୟାଚ୍‌ ମଧ୍ୟରେ ଫାଉଲ ମରାକୁ ନେଇ ଉଭୟ ଦଳ ମଧ୍ୟରେ ଅନେକ ବିବାଦ ଉପୁଜିଥିଲା । ଏକଦା ମୁମ୍ବାଇ ବିଜୟ ନିକଟତର ହେଉଥିଲା । ହେଲେ ଇନ୍‌ଜ୍ୟୁରୀ ଟାଇମ୍‌ରେ ଏଟିକେ ପକ୍ଷରୁ କ୍ରିଣ୍ଣା ରୟ ଗୋଲ୍‌ କରି ଦଳକୁ ପରାଜୟରୁ ମୁକୁଳାଇଥିଲେ । ୬ଟି ମ୍ୟାଚ୍‌ରୁ ମୋଟ୍‌ ୧୧ ପଏଣ୍ଟ ସହ ଏଟିକେ ପଏଣ୍ଟ ତାଲିକାର ଶୀର୍ଷ ସ୍ଥାନ ବଜାୟ ରଖିଛି ।

ଅନ୍ୟ ପଟରେ ୬ ପଏଣ୍ଟ ସହ ମୁମ୍ବାଇ ସିଟି ତାଲିକାର ସପ୍ତମ ସ୍ଥାନରେ ରହିଛି । ପୂର୍ବରୁ ଘରୋଇ ଗ୍ରାଉଣ୍ଡ୍‌ରେ ୨ଟି ମ୍ୟାଚ୍‌ ଖେଳି ଏଟିକେ ବିଜୟୀ ହୋଇଥିଲା । ଏଥର ମଧ୍ୟ ଦଳର ଆଧିପତ୍ୟ ଜାରି ରହିବା ଆଶା କରାଯାଉଥିଲା । ୧୯ତମ ମିନିଟ୍‌ରେ ଗ୍ରାଉଣ୍ଡ୍‌ ମଝିରୁ ଡେଭିଡ୍‌ ୱିଲିୟମ୍ସ ଏକ ଶକ୍ତିଶାଳୀ ସଟ୍‌ ମାରିଥିଲେ । ମୁମ୍ବାଇ ସିଟି ଗୋଲ କିପର ବଲ୍‌ ଧରିବାରେ ବିଫଳ ହୋଇଥିଲେ ହେଁ ଗୋଲ୍‌ ହୋଇ ନଥିଲା । ୨୭ତମ ମିନିଟ୍‌ରେ ଏଡୁ ଗାର୍ସିଆ ଏକ ସୁଯୋଗ ସୃଷ୍ଟି କରିଥିଲେ ହେଁ ଏହାକୁ ଡେଭିଡ୍‌ ଗୋଲ୍‌ରେ ପରିଣତ କରିବାରେ ବିଫଳ ହୋଇଥିଲେ ।

ଏଟିକେର ଏଭଳି ଆକ୍ରମଣରେ ମୁମ୍ବାଇ ସିଟି ଦଳ ବିଚଳିତ ହୋଇ ଯାଇଥିଲେ । ୩୮ତମ ମିନିଟ୍‌ରେ ମାଇକେଲ୍‌ ସୁସାଇରାଜ ଏକ ଗୋଲ୍‌ କରି ଦଳକୁ ଅଗ୍ରଣୀ କରାଇଥିଲେ । ହେଲେ ମ୍ୟାଚ୍‌ ଆଗେଇବା ସହ ମୁମ୍ବାଇ ସିଟି ପ୍ରଭାବ ବିସ୍ତାର କରିଥିଲା । ପ୍ରଥମାର୍ଦ୍ଧରେ ଆଉ ଗୋଲ୍‌ ହୋଇ ନଥିଲା । ଏଟିକେ ୧-୦ ଗୋଲ୍‌ରେ ଅଗ୍ରଣୀ ରହିଥିଲା ।

ଦ୍ୱିତୀୟାର୍ଦ୍ଧ ଆରମ୍ଭ ହେବା ପରେ ମୁମ୍ବାଇ ସିଟି ଲଢୁଆ ଖେଳ ପ୍ରଦର୍ଶନ କରି ଏଟିକେ ଗୋଲ ପୋଷ୍ଟ ଉପରେ ଘନ ଘନ ଆକ୍ରମଣ କରିଥିଲା । ୬୨ତମ ମିନିଟ୍‌ରେ ମୁମ୍ବାଇ ସିଟିକୁ ଏକ କର୍ଣ୍ଣର ମିଳିଥିଲା । ମହମ୍ମଦ ଲାର୍ବିଙ୍କ ଏହି କର୍ଣ୍ଣର ସଟ୍‌କୁ ପ୍ରତିକ ଚୌଧୁରୀ ଗୋଲ୍‌ରେ ପରିଣତ କରିଥିଲେ । ସ୍ଥିତି ୧-୧ରେ ବରାବର ହୋଇଥିଲା । ଏହାପରେ ମୁମ୍ବାଇ ଦଳ ଆଧିପତ୍ୟ ବିସ୍ତାର କରିଥିଲା । ଏଟିକେକୁ ରଣକ୍ଷାଣତ୍ମକ ପନ୍ଥା ଅବଲମ୍ବନ କରିବାକୁ ପଡ଼ିଥିଲା । ଆକ୍ରମଣ ଓ ପ୍ରତି ଆକ୍ରମଣ ମଧ୍ୟରେ ୩୦ ମିନିଟ୍‌ ଶେଷ ହୋଇଥିଲା ।

ଇନ୍‌ଜ୍ୟୁରୀ ଟାଇମ୍‌ ଖେଳ ଚାଲିଥିବା ସମୟରେ ମୁମ୍ବାଇ ସିଟି ଏଫ୍‌ସି ଏକ ଚମତ୍କାର ଗୋଲ ବଳରେ ୨-୧ରେ ଅଗ୍ରଣୀ ହାସଲ କରିଥିଲା । ୯୦୍ମ୩ ତମ ମିନିଟ୍‌ରେ ସର୍ଜ କେଭିନ ଏହି ଗୋଲ୍‌ କରିଥିଲେ । ଦର୍ଶକ ଗ୍ୟାଲେରୀ ସ୍ତବ୍ଧ ହୋଇ ଯାଇଥିଲା । ଘରୋଇ ଦଳର ପରାଜୟ ଆସନ୍ନ ଥିଲା । ହେଲେ ଅନ୍ତିମ ମିନିଟ୍‌ରେ ଏଟିକେ ପକ୍ଷରୁ କ୍ରିଷ୍ଣା ରୟ ଗୋଲ୍‌ କରି ମ୍ୟାଚ୍‌ ଡ୍ର’ କରିଥିଲେ ।