ଖୁବ୍ ଶୀଘ୍ର ଚୀନକୁ ଲାଗିବ ଆଉ ଏକ ଝଟକା, ମୋଦି ସରକାରଙ୍କ ପ୍ରସ୍ତୁତି…

ନୂଆଦିଲ୍ଲୀ ୧୮/୮: ଚୀନର ପିପୁଲ୍ସ ଲିବରେସନ ଆର୍ମି ଲଦାଖର ପାଙ୍ଗୋଙ୍ଗ ତ୍ସୋ ଓ ଗୋଗରା ହଟ୍ ସ୍ପ୍ରିଂ ଅଞ୍ଚଳରେ ଏବେ ବି ଫରୱାଡ୍ ପୋଜିସନରେ ଅଛି । ଖାଲି ସେତିକି ନୁହେଁ ପ୍ରତିଶୃତି ଅନୁସାରେ ଡି-ଏକ୍ସଲେସନର କୌଣସି ସଙ୍କେତ ମଧ୍ୟ ଦେଉନି । ଏଭଳି ସ୍ଥିତିରେ ଚୀନକୁ ବୁଦ୍ଧି ଶିଖାଇବା ପାଇଁ ନରେନ୍ଦ୍ର ମୋଦି ସରକାର ଆର୍ଥିକ ମୋର୍ଚ୍ଚାରେ ଆଉ ଏକ ଆକ୍ସନ ନେବା ପାଇଁ ଯୋଜନା କରୁଛନ୍ତି ।

ଏହି ମାମଲାରେ ବରିଷ୍ଠ ସରକାରୀ ଅଧିକାରୀମାନଙ୍କ କହିବାନୁସାରେ ଶୀର୍ଷ ଚୀନ୍ ଅଧ୍ୟୟନ ସମୁହ(ସିଏସଜି) ସୋମବାର ଲଦାଖରେ ଚୀନ୍ ସେନାର ଗତିବିଧି ଓ ତିବ୍ବତ କବଜାରେ ଥିବା ଅକ୍ସାଇ ଚୀନ୍ ଅଞ୍ଚଳରେ ତା ସୈନ୍ୟ ପ୍ରସଙ୍ଗରେ ଆଲୋଚନା କରିଛି । କହିରଖୁଛୁ ଚୀନ ସହିତ କାର୍ଯ୍ୟାନୁଷ୍ଠାନ ନେଇ ଦେଶର କଣ ରଣନୀତି ହେବ ସେନେଇ ସୁପାରିଶ କରିଥାଏ ସିଏସଜି । ସିଏସଜିରେ କେନ୍ଦ୍ର ସରକାରଙ୍କ ଗୁରୁତ୍ୱପୂର୍ଣ୍ଣ ସଦସ୍ୟ ସାମିଲ ହୋଇଥାନ୍ତି । ଏଥିରେ ଭାରତ ସରକାରଙ୍କ ବରିଷ୍ଠ ମନ୍ତ୍ରୀ, ଜାତୀୟ ସୁରକ୍ଷା ପରାମର୍ଶଦାତା ଅଜିତ୍ ଡୋଭାଲଙ୍କ ସହିତ ସୈନ୍ୟ ଓ ଅନ୍ୟ ସମ୍ବନ୍ଧିତ ସରକାରୀ ଏଜେନ୍ସିମାନଙ୍କ ପ୍ରତିନିଧି ମଧ୍ୟ ସାମିଲ ।

ଚୀନ୍ ଚାହୁଁଛି କି ଭାରତ ସୀମାରେ ବର୍ତ୍ତମାନ ସ୍ଥିତି ଆଧାରରେ ରାଜନୈତିକ ସମ୍ବନ୍ଧକୁ ସାମାନ୍ୟ କରାଯାଉ କିନ୍ତୁ ମୋଦି ସରକାରଙ୍କ ଅନୁସାରେ ଲଦାଖରେ ପୂର୍ବ ଭଳି ସ୍ଥିତି  ଅର୍ଥାତ୍ ସାଧାରଣ ସ୍ଥିତିରୁ କିଛି ବି କମ୍ ଚଳିବନି । ଏବେ ବି ଚୀନ୍ ସେନା ଅର୍ଥାତ୍ ପିଏଲଏ ମାନିବାକୁ ନାରାଜ ଯେ ସୈନିକ ଲଦାଖରେ ବାସ୍ତବିକ ନିୟନ୍ତ୍ରଣ ରେଖାର ନିଜ ଧାରଣା ଭିତରେ ନାହିଁ । ଅଧିକାରୀମାନଙ୍କ ଅନୁସାରେ ଭାରତୀୟ ସେନାକୁ ଲଦାଖରେ ୧୫୯୭ କିଲୋମିଟର ବାସ୍ତବିକ ନିୟନ୍ତ୍ରଣ ରେଖା ସହିତ ଫୱାର୍ଡ ପୋଜିସନରେ ପ୍ରସ୍ତୁତ ରହିବାକୁ କୁହାଯାଇଛି । ୫ ଜୁଲାଇରେ ସୀମା ବାର୍ତ୍ତାରେ ଭାରତୀୟ ବିଶେଷ ପ୍ରତିନିଧି ୨ ଘଣ୍ଟାରୁ ଅଧିକ ସମୟ ପର୍ଯ୍ୟନ୍ତ ଚୀନୀ ସମକକ୍ଷଙ୍କ ସହିତ ଆଲୋଚନା କରିଥିଲେ ।

ଉଭୟ ପକ୍ଷ ନିର୍ଦ୍ଧାରଣ କରିଥିଲେ କି ୨ ପକ୍ଷ ସମ୍ପୂର୍ଣ୍ଣ ଭାବେ ଅଲଗା ହୋଇଯିବେ ଏବଂ ପରେ ଡି-ଏକ୍ସଲେଟ୍ ହୋଇଯିବେ । କିନ୍ତୁ ଏକ ମାସ ପରେ ସ୍ଥିତି ବଦଳିଯାଇଛି । ଗୋଟେ ପଟେ ଚୀନ୍ ସାରା ବିଶ୍ୱ ନଜରରେ ନିଜକୁ ଭଲ ଦେଖାଇବା ପାଇଁ କୂଟନୀତିରେ ଶାନ୍ତି ବାର୍ତ୍ତା ଜରିଆରେ ଏହାକୁ ତୁଟାଇବା ପାଇଁ କହୁଛି । କିନ୍ତୁ ଅନ୍ୟପଟେ ପଛକୁ ଫେରିବା ପାଇଁ ମଧ୍ୟ ରାଜି ହେଉନି । ଅନ୍ୟପଟେ ଭାରତ ଚାହୁଁଛି ଯେଉଁ ପର୍ଯ୍ୟନ୍ତ ଚୀନ୍ ସେନା ପଛକୁ ହଟୁନି ସେ ପର୍ଯ୍ୟନ୍ତ ଶାନ୍ତି କଥା କହିବା ଯଥାର୍ଥ ନୁହେଁ । କହିରଖୁଛୁ ନିକଟରେ ଆମେରିକା ହୁୱାଇ ଓ ଏହାର ସହଯୋଗୀ କମ୍ପାନୀ ଉପରେ ଗୁଇନ୍ଦାଗିରି କରିବା ନେଇ ଆକ୍ସନ ନେଇ ଚାଇନାକୁ ଝଟକା ଦେଇଛି । ତେଣୁ ସମ୍ଭବ କି ଭାରତ ମଧ୍ୟ ନିକଟରେ ଏମିତି କିଛି ବଡ ଆକ୍ସନ ନେଇପାରେ । ଏହା ସ୍ପଷ୍ଟ ଯେ ଭାରତ ଚାଇନିଜ୍ ସଞ୍ଚାର ଓ ବିଜୁଳି କମ୍ପାନୀମାନଙ୍କୁ ଭବିଷ୍ୟତରେ କୌଣସି ବି ପରିଯୋଜନାରୁ ଦୂରେଇ ରଖିବ ।