PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ଵର: ଗୋଷ୍ଠୀ ସଂକ୍ରମଣ ମୁହାଁ ଓଡ଼ିଶା, ସାମାନ୍ୟ ଲକ୍ଷଣ ଥିଲେ ଟେଷ୍ଟ କରନ୍ତୁ : ଜନସ୍ଵାସ୍ଥ୍ୟ ନିର୍ଦ୍ଦେଶକ
  • ||
  • ଚଣ୍ଡିଖୋଲ: ଭାରସାମ୍ୟ ହରାଇ ବ୍ରିଜ୍ ତଳକୁ ଖସିଲା ଟ୍ରକ୍, ଅଳ୍ପକେ ବର୍ତ୍ତିଲେ ଡ୍ରାଇଭର୍
  • ||
  • ଢେଙ୍କାନାଳ :ଢେଙ୍କାନାଳ ସିଭିଲ କୋର୍ଟକୁ ସିଲ , ୧୦ରୁ ଅଧିକ କର୍ମଚାରୀ ସଂକ୍ରମିତ ଚିହ୍ନଟ ପରେ ମାଇକ୍ରୋ କଣ୍ଟେନମେଣ୍ଟ ଘୋଷଣା କଲା ପୌରପ୍ରଶାସନ
  • ||
  • ଭୁବନେଶ୍ଵର: ରାଜ୍ୟରେ ତଳମୁହାଁ କରୋନା ଗ୍ରାଫ୍, ଦଶମ ଓ ଦ୍ଵାଦଶ ପରୀକ୍ଷା ପାଇଁ ପ୍ରସ୍ତୁତ ରୁହ : ଗଣଶିକ୍ଷା ମନ୍ତ୍ରୀ
  • ||
  • ବୌଦ୍ଧ: ବାଇକ୍‌କୁ ଧକ୍କା ଦେଲା ଅଜଣା ଗାଡି, ଜଣେ ମୃତ ଅନ୍ୟ ଜଣେ ଗୁରୁତର
  • ||
  • ପାଟଣା: ଜମିବାଡ଼ି ବିବାଦକୁ କେନ୍ଦ୍ରକରି ଦୁଇ ପରିବାର ଭିତରେ ଗଣ୍ଡଗୋଳ, ବଡ଼ ଭାଇ ମୁଣ୍ଡରେ ପଥର ଛେଚିଦେଲେ ସାନ ଭାଇର ପରିବାର
  • ||
  • ଭୁବନେଶ୍ଵର: ରାଜ୍ୟସ୍ତରୀୟ ସାଧାରଣତନ୍ତ୍ର ଦିବସ ପାଇଁ ଗାନ୍ଧୀ ମାର୍ଗରେ ହେଉଛି ଫୁଲଡ୍ରେସ୍ ରିହର୍ସଲ, ସୁରକ୍ଷା ବ୍ୟବସ୍ଥା ପାଇଁ ଟ୍ରାଫିକ୍ କଟକଣା
  • ||
  • ଭୁବନେଶ୍ଵର: ରାଜ୍ୟରେ ତଳକୁ ଖସିଲା ସଂକ୍ରମଣ ଗ୍ରାଫ୍ : ୨୪ ଘଣ୍ଟା ମଧ୍ୟରେ ଚିହ୍ନଟ ହେଲେ ୭୨୯୧ ଜଣ କରୋନା ପଜିଟିଭ
  • ||
  • ଭୁବନେଶ୍ଵର: ରାଜ୍ୟରେ ଆଉ ୫ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୫୨୫କୁ ବୃଦ୍ଧି
  • ||
  • ଖଲ୍ଲିକୋଟ: ପରିବା ବୋଝେଇ ଅଟୋକୁ ଧକ୍କା ଦେଲା ବାଲି ବୋଝେଇ ଟ୍ରକ୍, ଜଣେ ମୃତ ୨ ଗୁରୁତର
  • ||
  • ପୁରୀ: ବାଲୁକା ଶିଳ୍ପୀ ପଦ୍ମଶ୍ରୀ ସୁଦର୍ଶନ ପଟ୍ଟନାୟକ କୋଭିଡ୍ ପଜିଟିଭ୍‌, ହସ୍ପିଟାଲରେ ଭର୍ତ୍ତି
  • ||
  • ଭୁବନେଶ୍ୱର : ମାସେ ଚିକିତ୍ସା ପରେ ଜଙ୍ଗଲକୁ ଫେରିଲା ୧୨ ଫୁଟର ଅହିରାଜ, ଢ଼େଲାମାଡ଼ରେ ଭାଙ୍ଗିଥିଲା ପିଞ୍ଜରା ହାଡ଼
  • ||
  • ଭୁବନେଶ୍ଵର : ଆଉ ଦୁଇ ଦିନ ଭିଜିବ ଓଡ଼ିଶା, ଉପକୂଳ ସମେତ ୭ ଜିଲ୍ଲାରେ ସ୍ୱଳ୍ପରୁ ମଧ୍ୟମ ଧରଣର ବର୍ଷା ଆଶଙ୍କା
  • ||
  • ଲମତାପୁଟ : ପିକଅପ୍ ଭ୍ୟାନ୍‌ରୁ ୨ କୁଇଣ୍ଟାଲ ଗଞ୍ଜେଇ ଜବତ, ୨ ମାଫିଆ ଗିରଫ
  • ||

ମଧ୍ୟାହ୍ନଭୋଜନରୁ ବାହାରିଲା ପୋକ

ଜୟପୁର,୧୨ା୨(ବ୍ୟୁରୋ): ଜୟପୁର ପୌରାଞ୍ଚଳ ଓ ବ୍ଲକର ସରକାରୀ ସ୍କୁଲକୁ ମଧ୍ୟାହ୍ନଭୋଜନ ଯୋଗାଉଥିବା ସଂସ୍ଥା ବିରୋଧରେ ଅଭିଯୋଗ । ଆଜି ଫାମ୍ପୁଣି ଓ ସ୍ଥାନୀୟ ପାଇକସାହି ଉଚ୍ଚପ୍ରାଥମିକ ବିଦ୍ୟାଳୟକୁ ଯୋଗାଯାଇଥିବା ସୋୟାବିନ ତରକାରୀରୁ ପୋକ ବାହାରିଥିଲା । ପୋକ ଥିବା ଜଣାପଡ଼ିିବା ପରେ ଦାୟିତ୍ୱରେ ଥିବା କର୍ମଚାରୀ ପିଲାଙ୍କୁ ଖାଇବାକୁ ଦେଇ ନଥିଲେ । ଫଳରେ ପିଲାମାନେ ଖାଳି ଥାଳି ଧରି ଅପରାହ୍ଣ ପର୍ଯ୍ୟନ୍ତ ଭୋକରେ ଆଉଟୁପାଉଟୁ ହୋଇଥିଲେ । ମଧ୍ୟାହ୍ନଭୋଜନ ଯୋଗାଇବାକୁ ଦାୟିତ୍ୱ ନେଇଥିବା ବେସରକାରୀ ସଂସ୍ଥା ବାଗଡଙ୍ଗା ପଶ୍ଚିମଘେରୀ ବିଷଲକ୍ଷ୍ମୀ କ୍ଲବ ପିଲାଙ୍କ ସ୍ୱାସ୍ଥ୍ୟ ସହ ଖେଳୁଛି ବୋଲି ଅଭିଭାବକମାନେ ଅଭିଯୋଗ କରିଛନ୍ତି । ଜିଲ୍ଲା ପ୍ରଶାସନ ଏଥିପ୍ରତି ତୁରନ୍ତ ଦୃଷ୍ଟି ଦେବାକୁ ଦାବି କରିଛନ୍ତି ।
ଆଜି ମଧ୍ୟାହ୍ନଭୋଜନ ତରକାରୀରେ ପୋକ ବାହାରିଥିବା ଖବର ଶୁଣି ପ୍ରମେୟ ପ୍ରତିନିଧି ପହଞ୍ଚିଥିଲେ ସ୍ଥାନୀୟ ପାଇକସାହି ଉଚ୍ଚପ୍ରାଥମିକ ବିଦ୍ୟାଳୟରେ । ପିଲାମାନେ ଆସନ ପକାଇ ଥାଳି ଧରି ବସିଥିଲେ ମଧ୍ୟାହ୍ନଭୋଜନ ଖାଇବାକୁ । କିନ୍ତୁ ସମସ୍ତଙ୍କ ପ୍ଲେଟ ଖାଲି ପଡ଼ିଥିଲା । ସ୍କୁଲ କର୍ତ୍ତୃପକ୍ଷଙ୍କୁ ପଚାରିବାରୁ କହିଲେ, ତରକାରୀରୁ ପୋକ ବାହାରିବାରୁ ପିଲାଙ୍କୁ ମଧ୍ୟାହ୍ନଭୋଜନ ଦିଆଯାଇନି । ଏ ସମ୍ପର୍କରେ ଉଚ୍ଚ ଅଧିକାରୀଙ୍କୁ ଅବଗତ କରାଯାଇଛି । ପିଲାଙ୍କୁ ଘରକୁ ଯାଇ ଖାଇବାକୁ କୁହାଯାଇଥିଲା । ହେଲେ ସ୍କୁଲରେ ଖାଇବାକୁ ଦିଆଯାଉଥିବାରୁ ତାଙ୍କ ପାଇଁ ଘରେ ଭାତ ରଖାଯାଉନାହିଁ ବୋଲି ପିଲାଏ କହିଥିଲେ । ଏହି ସମୟରେ ପହଞ୍ଚିଥିଲେ ସିଆରସିସି ମହେଶ୍ୱର ମିଶ୍ର । ଗୋଷ୍ଠୀ ଶିକ୍ଷାଧିକାରୀଙ୍କ କାର୍ଯ୍ୟାଳୟ ଓ ମଧ୍ୟାହ୍ନଭୋଜନ ଯୋଗାଉଥିବା ବେସରକାରୀ ସଂସ୍ଥା ସହ ଯୋଗାଯୋଗ କରି ଅଲଗା ତରକାରୀ ପଠାଇବାକୁ ଅନୁରୋଧ କରିଥିଲେ । ଅପରାହ୍ଣ ୨ଟା ୩୦ରେ ତରକାରୀ ଆସିବା ପରେ ପିଲାଙ୍କୁ ଖାଇବାକୁ ଦିଆଯାଇଥିଲା ।
ଫାମ୍ପୁଣି ସ୍କୁଲରେ ମଧ୍ୟ ସମାନ ପରିସ୍ଥିତି ସୃଷ୍ଟି ହୋଇଥିଲା । ସୋୟାବିନ ତରକାରୀରେ ପୋକ ଥିବା ଜାଣିବା ପରେ ଛାତ୍ରଛାତ୍ରୀ ଘରକୁ ଯାଇ ଖାଇଥିଲେ । ଜୟପୁର ବ୍ଲକର ଟି. ଗରୁଡଗୁଡା ପ୍ରାଥମିକ ବିଦ୍ୟାଳୟରେମଧ୍ୟାହ୍ନଭୋଜନରେ ମଧ୍ୟ ଦେଖାଦେଇଥିଲା ଅବ୍ୟବସ୍ଥା । ଆଜି ଏହି ସ୍କୁଲରେ ୧୪୫ ଜଣ ଉପସ୍ଥିତ ଥିଲେ । କିନ୍ତୁ ମାତ୍ର ୧୦୦ ଜଣଙ୍କ ପାଇଁ ଯୋଗାଣ ହୋଇଥିଲା ଖାଦ୍ୟ । ୧୦୦ ଜଣଙ୍କ ଖାଦ୍ୟକୁ ବାଣ୍ଟିକୁଣ୍ଟି ଖାଇଥିଲେ ୧୪୫ ଜଣ ।
ଏ ସମ୍ପର୍କରେ ଜୟପୁର ଗୋଷ୍ଠୀ ଶିକ୍ଷା ଅଧିକାରୀ ସରୋଜିନୀ ଦଣ୍ଡସେନା କହିଛନ୍ତି, ଆଜି ଏ ସମ୍ପର୍କରେ ଅଭିଯୋଗ ପାଇଛନ୍ତି । ସିଆରସିସିମାନେ ସ୍କୁଲକୁ ଯାଇ ତଦନ୍ତ କରିଛନ୍ତି । ସେମାନଙ୍କଠାରୁ ରିପୋର୍ଟ ମିଳିବା ପରେ ଜିଲ୍ଲା ଶିକ୍ଷାଧିକାରୀଙ୍କୁ ଜଣାଇବେ । ବାରମ୍ବାର ଏଭଳି ଅବ୍ୟବସ୍ଥା ହେଉଥିବାରୁ ତାଗିଦ କରାଯାଉଛି । ବେସରକାରୀ ସଂସ୍ଥାର ଏମ୍‌ଡିଙ୍କ ସହ ମଧ୍ୟ ଯୋଗାଯୋଗ କରାଯାଇ ଆଗକୁ ଏଭଳି ନହେବା ଲାଗି କୁହାଯାଇଥିବା ସେ କହିଛନ୍ତି ।