PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ନବରଙ୍ଗପୁର: ଭାରସାମ୍ୟ ହରାଇ ଓଲଟିଲା ଟ୍ରାକ୍ଟର, ତଳେ ଚାପି ହୋଇଚାଲିଗଲା ଡ୍ରାଇଭରଙ୍କ ଜୀବନ
  • ||
  • ଭୁବନେଶ୍ୱର: ଜୁନ୍ ଶେଷ ସୁଦ୍ଧା ପ୍ରକାଶ ପାଇବ ମାଟ୍ରିକ୍ ରେଜଲ୍ଟ : ଗଣଶିକ୍ଷା ମନ୍ତ୍ରୀ
  • ||
  • ସମ୍ବଲପୁର: ପୁଣି ଚର୍ଚ୍ଚାରେ ସମ୍ବଲପୁର ଜେଲ, କଏଦୀକୁ ଗଞ୍ଜେଇ ବିକି ଧରାପଡିଲେ ଜେଲ୍ ଓ୍ବାର୍ଡର୍, ବଣେଇଗଡ ଜେଲକୁ ହେଲେ ବଦଳି
  • ||
  • ରାଜସୁନାଖଳା: ଜାଗା ବାଡ଼ି ମଧ୍ୟସ୍ଥତାକୁ ନେଇ ରକ୍ତାକ୍ତ ସଂଘର୍ଷ, ଜଣେ ଗୁରୁତର
  • ||
  • କଣ୍ଟାବାଞ୍ଜି : ବର୍ଷା ଦାଉରୁ ଆଶ୍ରୟ ପାଇଁ ଦୋକାନ ପିଣ୍ଡାକୁ ଯାଇ ଷଣ୍ଢକୁ ଲାଗିଲା ବିଜୁଳି ଝଟକା, ଘଟଣାସ୍ଥଳରେ ଟଳିପଡିଲା…
  • ||
  • ନୀଳଗିରି: ଯୁବକର ଝୁଲନ୍ତା ଅବସ୍ଥାରେ ମୃତଦେହ ଉଦ୍ଧାର, ହତ୍ୟା ନା ଆତ୍ମହତ୍ୟା ସନ୍ଦେହ, ପୁଲିସ ତଦନ୍ତ ଆରମ୍ଭ
  • ||
  • ପୁରୀ : ମହାପ୍ରଭୁଙ୍କ ସ୍ନାନପୂର୍ଣ୍ଣିମା ପ୍ରସ୍ତୁତି, ଭୋର ୪ଟା ସୁଦ୍ଧା ପହଣ୍ଡ ବିଜେ ନୀତି, ସାମାଜିକ ଦୂରତାକୁ ଗୁରୁତ୍ୱ
  • ||
  • ଭୁବନେଶ୍ୱର : ରାଜ୍ୟରେ ୨୪ ଘଣ୍ଟାରେ ମଧ୍ୟରେ ୪୫ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୩୩ଶହ ଟପିଲା
  • ||
  • ଭୁବନେଶ୍ୱର : ରାଜ୍ୟରେ ୨୪ ଘଣ୍ଟାରେ ଚିହ୍ନଟ ହେଲେ ଆଉ ୪ ହଜାର ୪୬୯ କରୋନା ପଜିଟିଭ, ସଂକ୍ରମିତଙ୍କ ସଂଖ୍ୟା ୮ ଲକ୍ଷ ୫୧ ହଜାର ପାର୍
  • ||
  • ପୁରୀ : ରଥଖଳା ହାଲ୍‌ଚାଲ, ୨୧ ଅଖରେ ଲାଗିଲା ୪୨ ଚକ, ପ୍ରଭା ଅପସରା କାମ ଆରମ୍ଭ
  • ||
  • ଭୁବନେଶ୍ୱର : ବର୍ଷାରେ ଧୋଇଯିବ ରଜ ମଉଜ, ୪୮ ଘଣ୍ଟା ଭିତରେ ଲଘୁଚାପ ଘନୀଭୂତ ହୋଇ ଅବପାତ ରୂପ ନେଇପାରେ, ଉପକୂଳରେ ବର୍ଷା ଜାରି-ଆଭ୍ୟନ୍ତରୀଣରେ ବଢ଼ିବ
  • ||
  • ବାମରା : ପରିବାରର ୬ ଜଣଙ୍କୁ ହାଣି ଆତ୍ମହତ୍ୟା କଲା ସଂକ୍ରମିତ ବାପା, ଝିଅ ମୃତ, ପୁଅ- ୩ ଝିଅ ଓ ମା’ ଆହତ
  • ||
  • କଟକ : ଲକ୍‌ଡାଉନ୍‌ ବେଳେ କଟକରେ ବେଧଡ଼କ ଚାଲିଛି ଦେହ ବ୍ୟବସାୟ, ଦୁଇଟି ସ୍ଥାନରେ ଚଢ଼ଉ ବେଳେ ୫ ଯୁବତୀ ଉଦ୍ଧାର, ର‌୍ୟାକେଟ୍‌ର ମୁଖ୍ୟ ଓ ଜଣେ ଗ୍ରାହକ ଗିରଫ
  • ||
  • ଭୁବନେଶ୍ୱର : ଓଡ଼ିଶାରେ ସୁଧୁରୁଛି ସ୍ଥିତି, ୨୬ ଜିଲ୍ଲାରେ ହୋଇପାରେ ଅନଲକ, ୪ ଜିଲ୍ଲା ପାଇଁ ସ୍ୱତନ୍ତ୍ର ଷ୍ଟ୍ରାଟେଜି
  • ||

ଆଇଏନଏକ୍ସ ମାମଲା:୧୯ ପର୍ଯ୍ୟନ୍ତ ତିହାର ଜେଲରେ ରହିବେ ଚିଦାମ୍ବରମ,ମିଳିବ ଏହି ସବୁ ସୁବିଧା

ନୂଆଦିଲ୍ଲୀ,୫।୯: ଆଇଏନଏକ୍ସ  ମିଡିଆ ଦୁର୍ନୀତି ମାମଲାରେ ଗୁରୁବାର କୋର୍ଟ ପୂର୍ବତନ କେନ୍ଦ୍ର ଅର୍ଥମନ୍ତ୍ରୀ ପି.ଚିଦାମ୍ବରମଙ୍କୁ ୧୪ ଦିନ ପାଇଁ ବିଚାର ବିଭାଗୀୟ ହାଜତକୁ ପଠାଇବାର ନିର୍ଦେଶ ଦେଇଛନ୍ତି। ଚିଦାମ୍ବରମଙ୍କ ଜାମିନ୍ ଆବେଦନର ଶୁଣାଣିକୁ ଖାରଜ କରି ସିବିଆଇ କୋର୍ଟ ସ୍ପେଶାଲ ଜଜ୍ ଅଜୟ କୁମାର କୁହାର ଏହି ନିର୍ଦେଶ ଦେଇଛନ୍ତି। ଏହାର ଅର୍ଥ ଯେ ଏବେ ଚିଦାମ୍ବରମଙ୍କୁ ତିହାର ଜେଲ ଯିବାକୁ ହେବ।

ଟ୍ରାୟଲ କୋର୍ଟଙ୍କ ନିକଟରେ ହାଜର ହୋଇଥିବା ଚିଦାମ୍ବରମ ଏକ ଆବେଦନ ଦାଖଲ କରି ଦାବି କରିଛନ୍ତି, ବିଚାରବିଭାଗୀୟ ହାଜତରେ ରହିବା ବେଳେ ଜେଲ ଅଧିକାରୀ ତାଙ୍କର ସୁରକ୍ଷାର ନିର୍ଦେଶ ଦିଆଯାଉ। ଏହା ସହ ସେ ତାଙ୍କୁ ଏକ ଅଲଗା ସେଲରେ ରଖିବାକୁ କହିଥିଲେ, ଯେଉଁଥିରେ ଓ୍ବେଷ୍ଟର୍ଣ୍ଣ ଟଏଲେଟ ଏବଂ ଏକ ଖଟର ସୁବିଧା ରହିଥବ। ସ୍ବତନ୍ତ୍ର କୋର୍ଟ କହିଥିଲେ ଚିଦାମ୍ବରମଙ୍କୁ ଅଲଗା ସେଲରେ ରଖାଯାଉ, ତାଙ୍କୁ ଜେଡ୍ ସିକ୍ୟୁରିଟି ମିଳିଛି, ତେଣୁ ଜେଲରେ ସୁରକ୍ଷା ପ୍ରଦାନ କରାଯାଉ।

ଚିଦମ୍ବରମଙ୍କୁ ଜେଲର ୭ ନମ୍ବର ସେଲରେ ରଖାଯାଇଛି। ତାଙ୍କ ପୂର୍ବରୁ ଏହି ସେଲରେ ତାଙ୍କ ପୁଅ କାର୍ତ୍ତି ଚିଦାମ୍ବରମ ରହିସାରିଛନ୍ତି। ସେଠାରେ ତାଙ୍କୁ ସ୍ବତନ୍ତ୍ର ଖଟ ଓ ଅଲଗା ବାଥରୁମ ଏବଂ ଔଷଧ ଦିଆଯିବାର ଦାବିକୁ ମଧ୍ୟ ମଞ୍ଜୁର କରିଦିଆଯାଇଛି। ତାଙ୍କୁ ଜେଲରେ ସାଧାରଣ କଏଦୀଙ୍କ ଭଳି ଆବଶ୍ୟକୀୟ ଜିନିଷ ପ୍ରଦାନ କରାଯିବ।

ଚିଦାମ୍ବରମଙ୍କୁ ସିବିଆଇ ଗତ ମାସ ୨୧ ତାରିକରେ ଗିରଫ କରିଥିଲା। ଏହାପରେ ତାଙ୍କୁ ୧୫ ଦିନର ରିମାଣ୍ଡରେ ରଖାଯାଇଥିଲା। ଚିଦାମ୍ବରମଙ୍କୁ ତିହାର ଜେଲକୁ ପଠାଯିବା ପରେ ତାଙ୍କର ସମର୍ଥକମାନେ ତିହାର ବାହାରେ ମୋଦି ସରକାରଙ୍କ ବିରୋଧରେ ବିକ୍ଷୋଭ ପ୍ରଦର୍ଶନ କରିଛନ୍ତି। ମୋଦି ସରକାର ଚିଦାମ୍ବରମଙ୍କ ବିରୋଧରେ ମିଛ କେସ୍ କରିଛନ୍ତି, ଏହା ମୋଦିଙ୍କର ରାଜନୈତିକ ପ୍ରତିଶୋଧ’ ବୋଲି ସ୍ଳୋଗାନ ଦେଉଛନ୍ତି।