ଏବେ ମାତ୍ର ୩୦ ମିନିଟ୍‌ରେ ଆପଣଙ୍କ ଘରେ ପହଞ୍ଚିବ LPG ସିଲିଣ୍ଡର, ଫେବୃଆରୀ ୧ ରୁ ଆରମ୍ଭ ହେବ ସୁବିଧା…

ନୂଆଦିଲ୍ଲୀ: ଏବେ LPG ଗ୍ୟାସ୍ ସିଲିଣ୍ଡର ବୁକିଂ ପରେ, ଆପଣଙ୍କୁ ଆଉ ୨-୪ ଦିନ ଅପେକ୍ଷା କରିବାକୁ ପଡିବ ନାହିଁ |  ସରକାରୀ ତୈଳ କମ୍ପାନୀ ଇଣ୍ଡିଆନ୍ ଅଏଲ୍ ବା ଆଇଓସି ଏଲପିଜି ତତକାଳ ସେବା ଆରମ୍ଭ କରିବାକୁ ଯୋଜନା କରିଛି, ଯାହା ମାଧ୍ୟମରେ ଆପଣ ଅଧ ଘଣ୍ଟା ମଧ୍ୟରେ ଆପଣଙ୍କ ଘରେ ଗ୍ୟାସ ସିଲିଣ୍ଡର । ତେବେ ଯେଉଁ ଦିନ ଆପଣ ସିଲିଣ୍ଡର ବୁକ୍ କରିବେ, ସେହି ଦିନ ଆପଣ ସିଲିଣ୍ଡର ପାଇବେ ।  ଆଇଓସି ପ୍ରାଥମିକ ପର୍ଯ୍ୟାୟରେ ପ୍ରତ୍ୟେକ ରାଜ୍ୟର ଗୋଟିଏ ସହରରେ ଏହି ସେବା ଆରମ୍ଭ କରିବ  । LPG ସେବା ତୁରନ୍ତ ଏଠାରେ ଆରମ୍ଭ ହେବ । ଅଧଘଣ୍ଟାରୁ ୪୫ ମିନିଟ ଭିତରେ ସିଲିଣ୍ଡର ଆପଣଙ୍କ ଘରେ ପହଞ୍ଚିବ  । ବିଜନେସ୍ ଷ୍ଟାଣ୍ଡାର୍ଡର ଖବର ଅନୁଯାୟୀ, ଆଇଓସି ପ୍ରତ୍ୟେକ ରାଜ୍ୟରେ ଗୋଟିଏ ସହର କିମ୍ବା ଗୋଟିଏ ଜିଲ୍ଲା ବାଛିବ ଏବଂ ପ୍ରଥମେ ସେଠାରେ ଏହି ସେବା ଆରମ୍ଭ କରିବ । ଏହି ସେବା ଅଧୀନରେ କମ୍ପାନୀ ୩୦ ରୁ ୪୫ ମିନିଟରେ ନିଜ ଗ୍ରାହକଙ୍କୁ ସିଲିଣ୍ଡର ବିତରଣ କରିବ । ଏନେଇ  ସରକାରୀ ତୈଳ କମ୍ପାନୀ କହିଛି ଯେ ଏହା ଉପରେ କାର୍ଯ୍ୟ ଜାରି ରହିଛି ।

ଆଇଓସି କହିଛି ଯେ କମ୍ପାନୀର ଏହି ପଦକ୍ଷେପ ଆମକୁ ପ୍ରତିଯୋଗୀମାନଙ୍କଠାରୁ ଭିନ୍ନ ପରିଚୟ ଦେବ । ଫେବୃଆରୀ ୧ ରୁ ଏହି ସେବା ଆରମ୍ଭ ହୋଇପାରିବ ବୋଲି କମ୍ପାନୀ ଅଧିକାରୀ କହିଛନ୍ତି । ସମସ୍ତ ଲୋକ ଏହି ପ୍ରୟାସରେ ନିୟୋଜିତ ଅଛନ୍ତି ଯେ ଏହି ସେବା ଖୁବଶୀଘ୍ର ଆରମ୍ଭ ହେବ ।

ଆଇଓସି ଏହାର ଗ୍ରାହକମାନଙ୍କୁ ଇଣ୍ଡେନ୍ ବ୍ରାଣ୍ଡ ଅଧୀନରେ ସିଲିଣ୍ଡର ଯୋଗାଇଥାଏ ।  ବର୍ତ୍ତମାନ ଦେଶରେ ୨୮ କୋଟି ଏଲପିଜି ଗ୍ରାହକ ଅଛନ୍ତି, ଯେଉଁଥିରୁ ୧୪ କୋଟି ଗ୍ରାହକ ଇଣ୍ଡେନ ଗ୍ୟାସ ବ୍ୟବହାର କରୁଛନ୍ତି ।

ଆଇଓସି ଅଧିକାରୀ କହିଛନ୍ତି ଯେ ତତକାଲ ଏଲପିଜି ସେବା କିମ୍ବା ‘ଏକକ ଦିନ ବିତରଣ ସେବା'( Single day delivery service)ର ଲାଭ ଉଠାଇବାକୁ ଗ୍ରାହକଙ୍କୁ କିଛି ମୂଲ୍ୟ ଦେବାକୁ ପଡିବ। ଏହି ଚାର୍ଜ କେତେ ହେବ? ବର୍ତ୍ତମାନ ଆଲୋଚନା ଚାଲିଛି । ଏହି ବିଷୟରେ ସୂଚନା ଶୀଘ୍ର ଗ୍ରାହକଙ୍କୁ ଦିଆଯିବ ।