PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ଵର: ରାଜ୍ୟରେ ଉପର ତଳ ହେଉଛି କରୋନା ଗ୍ରାଫ୍: ୨୪ ଘଣ୍ଟା ମଧ୍ୟରେ ୧୨ ଜଣ କୋଭିଡ୍ ପଜିଟିଭ ଚିହ୍ନଟ
  • ||
  • ସମ୍ବଲପୁର: ଶୀତଳ ଷଷ୍ଠୀ ପାଇଁ ପୂର୍ବ ପ୍ରସ୍ତୁତି: ୩ ତାରିଖରୁ ୭୨ ଘଣ୍ଟା ପାଇଁ ସମସ୍ତ ମଦ ଦୋକାନ ସିଲ୍
  • ||
  • ଭୁବନେଶ୍ୱର: ଆଜିଠୁ ଅଲ୍‌ ଓଡ଼ିଶା ସନ୍ତରଣ ପ୍ରତିଯୋଗିତା, ୨୦ଟି ଜିଲ୍ଲାରୁ ୨୫୮ ଜଣ ପ୍ରତିଯୋଗୀ ହେବେ ସାମିଲ
  • ||
  • ଭୁବନେଶ୍ୱର: ଆହୁରି କଲବଲ କରିବ ଅସହ୍ୟ ତାତି ସାଙ୍ଗକୁ ଗୁଳୁଗୁଳି , ଜୁନ୍‌ ୨ ତାରିଖ ଯାଏଁ ଜାରି ରହିବ ଗ୍ରୀଷ୍ମ ପ୍ରକୋପ
  • ||
  • ବାରଙ୍ଗ: ନନ୍ଦନକାନନରେ ଆଖିବୁଜିଲା ଆଫ୍ରିକୀୟ ସିଂହ, ୧୬କୁ ହ୍ରାସ ପାଇଲା ସିଂହଙ୍କ ସଂଖ୍ୟା
  • ||

ଇଟାଲୀରୁ ୧ ଲକ୍ଷ ଗୋଳା ବରାଦ ଦେଇଛି ପାକ୍‌

ନୂଆଦିଲ୍ଲୀ,୨୦ ।୧(ଏଜେନ୍ସି): ଭାରତୀୟ ସେନା ଦ୍ୱାରା ଆନ୍ତର୍ଜାତିକ ସୀମା ଏବଂ ନିୟନ୍ତ୍ରଣ ରେଖା ନିକଟରେ କରାଯାଉଥିବା ପ୍ରଚଣ୍ଡ ଆକ୍ରମଣରେ ଭୟଭୀତ ପାକିସ୍ତାନ ଏବେ ଭାରତକୁ ଜବାବ ଦେବା ଲକ୍ଷ୍ୟରେ ଇଟାଲୀରୁ ୧ ଲକ୍ଷ ତୋପ ଗୋଳା କିଣିବାକୁ ଅର୍ଡର ଦେଇଛି । ଭାରତୀୟ ଗୁଇନ୍ଦା ସଂସ୍ଥାଙ୍କୁ ମିଳିଥିବା ସୂଚନା ଅନୁସାରେ, ଭାରତୀୟ ସେନାର ତୋପମାଡ଼ ଯୋଗୁ ପାକିସ୍ତାନର ବିପୁଳ କ୍ଷତି ହେଉଛି । ସିଏ ସାର୍ବଜନୀନ ଭାବେ ଏହାକସ୍ୱୀକାର କରୁନଥିଲେ ମଧ୍ୟ ଭିତରେ ଭିତରେ ଏହାଯୋଗୁ ଚିନ୍ତିତ ହୋଇପଡ଼ିଛି ଏବଂ ଭାରତ ଉପରେ ପ୍ରତିଶୋଧ ନେବାକୁ ଉପାୟ ଖୋଜୁଛି । ଏଥିପାଇଁ ସିଏ ଏବେ ଇଟାଲୀରୁ ହ୍ୱିଜର ଗନ୍‌( ତୋପ)ରେ ବ୍ୟବହାର କରାଯିବାକୁ ଥିବା ୧ ଲକ୍ଷ ଗୋଳା କିଣିବାକୁ ସ୍ଥିର କରିଛି । ପାକିସ୍ତାନ ମଧ୍ୟ ଇଟାଲୀରୁ ୧୨୧ଟି ହ୍ୱିଜର ଗନ୍‌ କ୍ରୟ କରିବାକୁ ନିଷ୍ପତ୍ତି ନେଇଛି । ଏଥିରୁ ଅନୁମାନ କରାଯାଉଛି କି ଭାରତୀୟ ସେନାର ତୋପମାଡ଼ର ଜବାବ ଦେବାକୁ ପାକିସ୍ତାନ ଏପରି ପଦକ୍ଷେପ ନେଉଛି । ସେହିପରି ଏଗୁଡିକୁ ବ୍ୟବହାର କରି ସିଏ ଆଗାମୀ ଦିନରେ ସୀମାରେ ଥିବା ଭାରତୀୟ ସେନାର ବଙ୍କରଗୁଡ଼ିକୁ ଟାର୍ଗେଟ କରିପାରେ । ଭାରତୀୟ ଗୁଇନ୍ଦା ସଂସ୍ଥାର ଜଣେ ଅଧିକାରୀ କହିଛନ୍ତି କି ପାକିସ୍ତାନ ଏତେ ବିପୁଳ ପରିମାଣର ଗୋଳା କ’ଣ ପାଇଁ କ୍ରୟ କରୁଛି ଏବଂ ସେଗୁଡ଼ିକୁ କେଉଁଠାରେ ବ୍ୟବହାର କରିବାକୁ ଯୋଜନା କରିଛି, ସେସମ୍ପର୍କରେ ବିସ୍ତୃତ ତଥ୍ୟ ସଂଗ୍ରହ କରାଯାଉଛି । କିନ୍ତୁ ପାକିସ୍ତାନ ଦ୍ୱାରା ଚୀନ୍‌ ପରିବର୍ତ୍ତେ ଇଟାଲୀରୁ ହ୍ୱିଜର ଗନ୍‌ କିଣାଯିବା ଭାରତୀୟ ପ୍ରତିରକ୍ଷା ବିଶେଷଜ୍ଞଙ୍କୁ ଚକିତ କରିଦେଇଛି । ସେମାନେ ସନ୍ଦେହ କରୁଛନ୍ତି କି ଚୀନ୍‌ର ହ୍ୱିଜର ଗନକୁ ଏତେ ଭଲ ବୋଲି ବୋଧହୁଏ ପାକିସ୍ତାନ ଭାବୁନାହିଁ କିମ୍ବା ଚୀନ୍‌ର ହ୍ୱିଜର ଗନ୍‌ ଅଧିକ ବ୍ୟୟବହୁଳ ହୋଇଥାଇପାରେ । ଉଲ୍ଲେଖଯୋଗ୍ୟ, ଭାରତ ୨୦୧୭ ନଭେମ୍ବରରେ ଆମେରିକା ଠାରୁ ୧୪୫ଟି ହାଲୁକା ହ୍ୱିଜର ଗନ୍‌ କିଣିବାକୁ ଚୁକ୍ତି କରିଛି । ଏଗୁଡ଼ିକୁ ସାମରିକ ପରିବହନ ବିମାନରେ ବିଭିନ୍ନ ସ୍ଥାନକୁ ବି ନିଆଯାଇପାରିବ । ବିଶେଷ କରି ପାର୍ବତ୍ୟାଞ୍ଚଳ ପାଇଁ ଏହା ଅଧିକ ଉପଯୋଗୀ ସାବ୍ୟସ୍ତ ହେବ । ଭାରତ ଦ୍ୱାରା ଏପରି ଚୁକ୍ତ କରାଯିବା ପରେ ପାକିସ୍ତାନ ଏକ୍ଷେତ୍ରରେ ପଛରେ ପଡ଼ିଯିବାକୁ ଚାହୁଁନଥିଲା । ତେଣୁ ସିଏ ଇଟାଲୀରୁ ଏଭଳି ତୋପ କିଣିବାକୁ ନିଷ୍ପତ୍ତି ନେଇଥିଲା ।

ସମ୍ବନ୍ଧିତ ଖବର