PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଦେଶଦ୍ରୋହୀ ୟାସିନ ମଲିକକୁ ଆଜୀବନ ଜେଲ, ଆତଙ୍କବାଦୀଙ୍କୁ ପାଣ୍ଠି ଯୋଗାଇବା ମାମଲାରେ କୋର୍ଟ ଶୁଣାଇଲେ ଦଣ୍ଡାଦେଶ
  • ||
  • ସମ୍ୱଲପୁର : ଭବାନୀପାଲି ଠାରେ ମର୍ମନ୍ତୁଦ ସଡ଼କ ଦୁର୍ଘଟଣା , ଟ୍ରକ୍ ଧକ୍କାରେ ୩ ବାଇକ୍ ଆରୋହୀଙ୍କ ମୃତ୍ୟୁ , ମୃତକଙ୍କ ପରିଚୟ ମିଳନାହିଁ
  • ||
  • କଳିଙ୍ଗା ଘାଟିରେ ଟୁରିଷ୍ଟ ବସ୍ ଦୁର୍ଘଟଣାରେ ୬ ମୃତ୍ୟୁ ଘଟଣା, ଏଣିକି କଳିଙ୍ଗା ଘାଟି ଦେଇ ଯାଇପାରିବ ନାହିଁ ଟୁରିଷ୍ଟ ବସ୍ , ରାଜ୍ୟ ପରିବହନ ମନ୍ତ୍ରୀ ପଦ୍ମନାଭ ବେହେରାଙ୍କ ସୂଚନା
  • ||
  • ଝାରସୁଗୁଡ଼ା : ଝାରସୁଗୁଡ଼ାରୁ ପ୍ରାୟ ୧୭ ଗ୍ରାମ୍‌ର ବ୍ରାଉନସୁଗର ଜବତ, ୩ ଗିରଫ
  • ||
  • ଜଳେଶ୍ଵର : ପାର୍କିଂ କରୁଥିବା ବେଳେ ଚଢିଗଲା ଟ୍ରକ୍, ହେଲ୍‌ପର୍ ମୃତ
  • ||
  • କଂଗ୍ରେସକୁ ଝଟକା, ସମାଜବାଦୀ ପାର୍ଟି ଟିକେଟରୁ ନାମାଙ୍କନ ପତ୍ର ଦାଖଲ କଲେ କପିଲ ସିବଲ
  • ||
  • ସମ୍ବଲପୁର : ହୀରାକୁଦରୁ ଛଡ଼ାଯିବ ପ୍ରଥମ ବନ୍ୟାଜଳ, ତଳ ମୁଣ୍ଡର ୧୨ ଜିଲ୍ଲାକୁ ସତର୍କ ସୂଚନା ଜାରି
  • ||
  • ଭୁବନେଶ୍ଵର : ରାଜ୍ୟରେ ହାରୁଛି କରୋନା, ୨୪ ଘଣ୍ଟା ମଧ୍ୟରେ ୩ ପଜିଟିଭ୍ ଚିହ୍ନଟ
  • ||
  • ଭୁବନେଶ୍ୱର : ୧୦ ଜିଲ୍ଲାରେ ପ୍ରବଳ ବର୍ଷିଲା, ଆଜିଠୁ ବଢ଼ିବ ତାପମାତ୍ରା
  • ||
  • ଭଞ୍ଜନଗର : ଭାରସାମ୍ୟ ହରାଇ ଓଲଟିଲା ଟୁରିଷ୍ଟ ବସ୍, ୬ ମୃତ ୩୦ରୁ ଉର୍ଦ୍ଧ୍ଵ ଆହତ
  • ||
  • ରାଇରଙ୍ଗପୁର : ସାପ୍ତାହିକ ହାଟରେ ଗୁଳିକାଣ୍ଡ, ଗୋରୁ ବେପାରୀଙ୍କୁ ଗୁଳି କରି ୨୦ଲକ୍ଷ ଟଙ୍କା ଲୁଟିନେଲେ ଦୁର୍ବୃତ୍ତ
  • ||

ଗ୍ୟାସ୍‌ ରିଫିଲିଂ ବେଳେ ଧରିଲା ନିଆଁ, ଫୁଟିଲା ୪ ସିଲିଣ୍ଡର

ଭୁବନେଶ୍ୱର/ଯାଁଳା,୨୭ ।୧(ବ୍ୟୁରୋ/ଆ.ପ୍ର): ଜଟଣୀ ଥାନା ଅନ୍ତର୍ଗତ ମଦନପୁର ଗ୍ରାମରେ ଗ୍ୟାସ୍‌ ରିଫିଲିଂ ବେଳେ ନିଆଁ ଲାଗି ଲଗାତର ୪ ସିଲିଣ୍ଡର ବିସ୍ଫୋରଣ ଘଟିଛି । ଖବରପାଇ ୩ଟି ଦମ୍‌କଳ ବାହିନୀ ପହଞ୍ଚି ନିଆଁକୁ ଆୟତ୍ତ କରିଛନ୍ତି । ଫଳରେ ଏକ ବଡ଼ଧରଣର ଅଘଟଣକୁ ରୋକାଯାଇ ପାରିଛି । ବିସ୍ଫୋରଣରେ ବିଶେଷ କିଛି କ୍ଷୟକ୍ଷତି ଘଟି ନଥିଲେ ମଧ୍ୟ ଗ୍ୟାସ ଫିଲିଂ କରୁଥିବା ଦୋକାନୀ ଆହତ ହୋଇଛନ୍ତି । ବେଆଇନ୍‌ ଗ୍ୟାସ୍‌ କାରବାର ଅଭିଯୋଗରେ ଯାଁଳା ଫାଣ୍ଡି ପୁଲିସ ଏକ ମାମଲା ରୁଜୁକରି ତଦନ୍ତ ଚଳାଇଛି ।
ପୁଲିସ ସୂଚନା ଅନୁଯାୟୀ, ମଦନପୁରର ଗ୍ରାମର ସୁଶୀଲ୍‌ ଜେନା ଗାଁ ମୁଣ୍ଡ ମେଳଣ ପଡ଼ିଆରେ ଥିବା ତାଙ୍କ ଘରେ ଏକ ଗ୍ୟାସ୍‌ ରିଫିଲିଂ ଦୋକାନ କରିଛନ୍ତି । ଗତକାଲି ସନ୍ଧ୍ୟା ସାଢ଼େ ୬ଟାବେଳେ ସେ ଏକ ଛୋଟ ଗ୍ୟାସ୍‌ ଟାଙ୍କିରେ ଗ୍ୟାସ୍‌ ରିଫିଲିଂ କରୁଥିଲେ । ଏହି ସମୟରେ ଲାଇନ୍‌ କଟି ଯାଇଥିଲା । ସୁଶୀଲ୍‌ ଏକ ମହମବତୀ ଲଗାଇ ସିଲିଣ୍ଡର ଯାଞ୍ଚ କରୁଥିବା ବେଳେ ମହମବତୀରୁ ଛୋଟ ସିଲିଣ୍ଡରରେ ନିଆଁ ଲାଗି ଯାଇଥିଲା । ଟାଙ୍କି ହୁତୁହୁତୁ ହୋଇ ଜଳିବା ସହ ସୁଶୀଲଙ୍କ ହାତ ପୋଡ଼ି ଯାଇଥିଲା । ଭୟରେ ସେ ସିଲିଣ୍ଡର ଛାଡ଼ି ଦୂରକୁ ଦୌଡ଼ି ପଳାଇଥିଲେ । ଏହାପରେ ଘର ଭିତରେ ଥିବା ଅନ୍ୟ ସିଲିଣ୍ଡର ଗୁଡ଼ିକରେ ନିଆଁ ବ୍ୟାପିଥିଲା । କିଛି ସମୟ ମଧ୍ୟରେ ଗୋଟାକ ପରେ ଗୋଟାଏ ସିଲିଣ୍ଡର ନିଆଁ ଲାଗି ବିସ୍ଫୋରଣ ହୋଇଥିଲା । ଗ୍ୟାସ୍‌ ଦୋକାନରେ ନିଆଁ ଲାଗିଥିବା ଜାଣି ଭୟଭୀତ ହୋଇ ଲୋକମାନେ ଯିଏ ଯୁଆଡ଼େ ପାରିଲେ ଦୌଡ଼ିଥିଲେ । ବିସ୍ଫୋରଣ ଶଦ୍ଦରେ ପୂରା ଗାଁ ଥରି ଉଠିଥିଲା । ସେତେବେଳକୁ ଦୋକାନ ଘରେ ହୁତୁହୁତୁ ହୋଇ ପ୍ରାୟ ୭/୮ଟି ଛୋଟ ଟାଙ୍କି ମଧ୍ୟ ଜଳିବାକୁ ଲାଗିଥିଲା । ନିଆଁର ପ୍ରକୋପ ଏତେ ଜୋର ଥିଲା ଯେ, ଘରର ଝରକା ଫଟାଇ ନିଆଁ ବାହାରକୁ ବାହାରୁଥିଲା । ଖବରପାଇ ଜଟଣୀ, ଖୋର୍ଦ୍ଧା ଓ ଭୁବନେଶ୍ୱରରୁ ୩ଟି ଦମ୍‌କଳ ଗାଡ଼ି ସେଠାରେ ପହଞ୍ଚିଥିଲେ । ସଙ୍ଗେ ସଙ୍ଗେ ସେମାନେ ନିଆଁକୁ ଆୟତ୍ତ କରିଥିଲେ । ଘର ଭିତରେ ସିଲିଣ୍ଡର ଗୁଡ଼ିକ ବିସ୍ଫୋରଣ ହୋଇ ଘରର କାନ୍ଥ ସବୁ ଫଟାଇ ଦେଇଥିଲା । ବେଆଇନ୍‌ ଭାବେ ଗ୍ୟାସ୍‌ ସିଲିଣ୍ଡର ରଖିବା ଅଭିଯୋଗରେ ଯାଁଳା ଫାଣ୍ଡି ପୁଲିସ ତଦନ୍ତ ଚଳାଇଛି । ଗାଁ ମୁଣ୍ଡ ମେଳଣ ପଡ଼ିଆରେ ଦୋକାନଟି ଥିବାରୁ ଏକ ବଡ଼ଧରଣର ଅଘଟଣରୁ ସ୍ଥାନୀୟ ଲୋକେ ବର୍ତ୍ତି ଯାଇଛନ୍ତି ।