PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ୱର ଡେଲଟା ଛକରେ ଜୁଏଲାରୀ ଦୋକାନରୁ ଲୁଟ୍‌ , କେଜିଏ ସୁନା, ୧୦ କେଜି ରୁପା ଅଳଙ୍କାର ଓ କ୍ୟାସ୍‌ ବକ୍ସରୁ ଦେଢ଼ ଲକ୍ଷ ଟଙ୍କା ନେଇ ଯାଇଥିବା ଅଭିଯୋଗ
  • ||
  • ମହାରାଷ୍ଟ୍ରରୁ ପୁଣି ୭ ଓମିକ୍ରନ ଆକ୍ରାନ୍ତ ଚିହ୍ନଟ , ମହାରାଷ୍ଟ୍ର ସ୍ୱାସ୍ଥ୍ୟ ବିଭାଗର ସୂଚନା,ଭାରତରେ ଓମିକ୍ରନ ଆକ୍ରାନ୍ତଙ୍କ ସଂଖ୍ୟା ୧୨ କୁ ବୃଦ୍ଧି
  • ||
  • ଯାଜପୁର ଡୁବୁରିରେ ପ୍ରତିଷ୍ଠା ହେବ ନୂଆ ଇଏସ୍‌ଆଇ ହସ୍ପିଟାଲ । ଏଠାରେ ୧୦୦ ଶଯ୍ୟା ବିଶିଷ୍ଟ ହସ୍ପିଟାଲ ହେବ । ଏନେଇ ପ୍ରସ୍ତାବକୁ କେନ୍ଦ୍ର ଶ୍ରମ ମନ୍ତ୍ରୀଙ୍କ ଅନୁମୋଦନ ।
  • ||
  • ଝାରସୁଗୁଡ଼ାରେ ପ୍ରତିଷ୍ଠା ହେବ ESICର ଉପ ଆଞ୍ଚଳିକ କାର୍ଯ୍ୟାଳୟ – ESICର ବୈଠକରେ ଅନୁମୋଦନ ଦେଲେ ଶ୍ରମ ମନ୍ତ୍ରୀ
  • ||
  • ପୁରୀ: ପୁରୀଠୁ ୭୦ କିମି ଦୂରରେ ବାତ୍ୟା ଜୱାଦ୍, ଆସନ୍ତାକାଲି ପଶ୍ଚିମବଙ୍ଗ ଆଡ଼କୁ ଗତି କରିବ
  • ||
  • ଜାମଗାଁ: ବିଦ୍ୟୁତ ସଂସ୍ପର୍ଶରେ ଆସି ଜଣେ ଯୁବକ ମୃତ
  • ||
  • ସୁନ୍ଦରଗଡ଼: ଭାରସାମ୍ଯ ହରାଇ ଓଲଟିଲା ଟ୍ରାକ୍ଟର, ତଳେ ଚାପି ହୋଇ ଚାଲିଗଲା ଦମ୍ପତ୍ତିଙ୍କ ଜୀବନ
  • ||
  • ଝାରସୁଗୁଡା : ବାରହା ଫାଶରେ ପଡି ଚାଲିଗଲା ଯୁବକଙ୍କ ଜୀବନ
  • ||
  • କଟକ : ‘ଜୱାଦ’ ପ୍ରଭାବରେ କଟକରେ ପ୍ରବଳ ବର୍ଷା, ୨୦.୫୧ ମିମି ବୃଷ୍ଟିପାତ ରେକର୍ଡ
  • ||
  • ମ.ରାମପୁର : ଭାରସାମ୍ୟ ହରାଇ ଓଲଟିଲା ଟ୍ରକ୍, ଅଳ୍ପକେ ବର୍ତ୍ତିଗଲେ ଡ୍ରାଇଭର୍ ଏବଂ ହେଲପର୍‌
  • ||
  • ସୋର : ଜଳିଗଲା ୨ ମହଲା ଘର, ଲକ୍ଷାଧିକ ଟଙ୍କାର ସାମଗ୍ରୀ ନଷ୍ଟ
  • ||
  • ନୂଆଦିଲ୍ଲୀ: ଜାନୁଆରୀରେ ଆସିବ ତୃତୀୟ ଲହର, ଓମିକ୍ରନ୍ ସାଜିବ ଘାତକ: ଆଇଆଇଟି କାନପୁର ସତର୍କବାଣୀ
  • ||
  • କେନ୍ଦୁଝର : ପାଟଣା ରେଞ୍ଜରେ ହାତୀ ଉପଦ୍ରବ, ଦଳିମକଚି ନଷ୍ଟ କରିଦେଲେ ଏକର ଏକର ଧାନ ଫସଲ
  • ||
  • ଭୁବନେଶ୍ଵର : ଅବପାତ ରୂପ ନେଲା ବାତ୍ୟା ଜୱାଦ, ପ୍ରବଳ ବର୍ଷିବ, ୧୦ ଜିଲ୍ଲାକୁ ଅରେଞ୍ଜ ୱାର୍ଣ୍ଣିଂ
  • ||
  • ଭୁବନେଶ୍ୱର : ଟଳିଲା ବାତ୍ୟା ବିପଦ, ଉଜୁଡ଼ିଲା ଚାଷ, ଉତ୍ତର ଓଡ଼ିଶାରେ ଅଧିକ ବର୍ଷିପାରେ
  • ||
  • ଜଗତସିଂହପୁର : ଲଗାଣ ବର୍ଷାରେ ଉଜୁଡିଲା ଫସଲ, ଚାଷୀ ମୁଣ୍ଡରେ ଚଡ଼କ
  • ||
  • ପଦ୍ମପୁର : ଧାନ ଚୋରା ଚାଲାଣ ବେଳେ ମାଡି ବସିଲା ଯୋଗାଣ ବିଭାଗ, ୨୨୦ ବସ୍ତା ଧାନ ଜବତ
  • ||

ମାଲ୍ୟାଙ୍କ ପ୍ରତ୍ୟର୍ପଣ ସହଜ ନୁହେଁ

source:http://www.newindianexpress.com

ନୂଆଦିଲ୍ଲୀ,୫ା୨(ଏଜେନ୍ସି): ମଦସମ୍ରାଟ ବିଜୟ ମାଲ୍ୟାଙ୍କ ସମେତ ଇଂଲଣ୍ଡରେ ଅନେକ ଭାରତୀୟ ଅଭିଯୁକ୍ତ ଶରଣାପନ୍ନ ଅଛନ୍ତି । କିନ୍ତୁ ସେମାନଙ୍କୁ ଭାରତ ଫେରାଇ ଆଣିବା ସହଜ ହୋଇନାହିଁ । ଏହାର କାରଣ ହେଉଛି ବ୍ରିଟେନ୍‌ର କୋହଳ ପ୍ରତ୍ୟର୍ପଣ ଆଇନ । ୨୦୦୨ ପରଠାରୁ ଭାରତ ବ୍ରିଟେନ୍‌କୁ ୨୮ ଅଭିଯୁକ୍ତଙ୍କୁ ପ୍ରତ୍ୟର୍ପଣ ପାଇଁ ଅନୁରୋଧ କରିଥିଲା । କିନ୍ତୁ ସେମାନଙ୍କ ମଧ୍ୟରୁ ମାତ୍ର୍ର ଜଣେ – ସମୀରଭାଇ ବିନୁଭାଇଙ୍କୁ ଅଣାଯାଇ ପାରିଛି । ସେହି ଦୃଷ୍ଟିରୁ ମାଲ୍ୟାଙ୍କ ଭାରତ ପ୍ରତ୍ୟର୍ପଣ ସେତେ ସହଜ ହେବନାହିଁ ।
ତା’ଛଡ଼ା ବ୍ରିଟେନ୍‌ରୁ ମାଲ୍ୟାଙ୍କୁ ଫେରାଇ ଆଣିବା ପାଇଁ ଭାରତ ସରକାର ଅନୁରୋଧ କରିବାର ଦୁଇବର୍ଷ ପରେ ଏହାକୁ ମଞ୍ଜୁରି ମିଳିଛି । ବ୍ରିଟେନ୍‌ର ବୈଦେଶିକ ମନ୍ତ୍ରାଳୟ ଗତକାଲି ଏଥିପାଇଁ ସବୁଜ ସଂକେତ ଦେଇଛି । ଏହାକୁ ନେଇ କେନ୍ଦ୍ର ସରକାର ବେଶ୍‌ ଉତ୍ସାହିତ ହୋଇଥିବା ଦେଖିବାକୁ ମିଳିଛି । କିନ୍ତୁ ଏହାକୁ ନେଇ ଏତେ ଉତ୍ସାହିତ ହେବାର କୌଣସି ମାନେ ନାହିଁ । କାରଣ ମାଲ୍ୟା ଆଗକୁ ନିଜ ପ୍ରତ୍ୟର୍ପଣକୁ ବିରୋଧ କରି ନ୍ୟାୟିକ ରାସ୍ତା ଆପଣାଇବେ । ଏହି ପ୍ରକ୍ରିୟା ମଧ୍ୟ ମାତ୍ରାଧିକ ଭାବେ ଧିମା । ମାଲ୍ୟାଙ୍କ ନିକଟରେ ନ୍ୟାୟିକ ରାସ୍ତା ଆପଣାଇବା ପାଇଁ ଅନେକ ସୁଯୋଗ ରହିଛି । ସେହି ପର୍ଯ୍ୟାୟ ଦେଇ ଯିବା ବେଳକୁ ବର୍ଷ ବର୍ଷ ସମୟ ଲାଗିଯିବ ।
ମାଲ୍ୟା ବ୍ରିଟେନ୍‌ ସରକାରଙ୍କ ରାୟକୁ ଚାଲେଞ୍ଜ୍‌ କରିବେ ବୋଲି କହିଛନ୍ତି । ଏବେ ସେ ଗୋଟିଏ ପରେ ଗୋଟିଏ ୩ଟି କୋର୍ଟରେ ଦ୍ୱାରସ୍ଥ ହୋଇ ରାୟକୁ ନିଜ ପକ୍ଷକୁ ନେବା ପାଇଁ ଉଦ୍ୟମ କରିପାରିବେ । ତା’ଛଡ଼ା ସବୁ କୋର୍ଟ ଯେ ତାଙ୍କ ବିରୋଧରେ ରାୟ ଦେବେ, ତାହାର କୌଣସି ଗ୍ୟାରେଣ୍ଟି ନାହିଁ । ଏବେ ମାଲ୍ୟା କ୍ରାଉନ୍‌ କୋର୍ଟଙ୍କ ଦ୍ୱାରସ୍ଥ ହୋଇପାରିବେ । ସେଠାରେ ନିରାଶ ହେଲେ ତାଙ୍କୁ କୁଇନ୍ସ ବେଞ୍ଚ୍‌ ଅଫ୍‌ ହାଇକୋର୍ଟ ଯିବାକୁ ପଡ଼ିବ । ଶେଷରେ ବ୍ରିଟେନ୍‌ର ସୁପ୍ରିମ୍‌କୋର୍ଟଙ୍କ ଦ୍ୱାରସ୍ଥ ହୋଇପାରିବେ ମାଲ୍ୟା । ଏମିତି କି ସୁପ୍ରିମ୍‌କୋର୍ଟ ଯଦି ନକାରାତ୍ମକ ରାୟ ଦିଅନ୍ତି, ସେ ଏହାର ପୁନର୍ବିଚାର ପାଇଁ ଆବେଦନ ମଧ୍ୟ କରିପାରିବେ । ବ୍ରିଟେନ୍‌ର କ୍ରାଉନ୍‌ କୋର୍ଟ ଏକ ମାମଲାର ରାୟ ଦେବା ଲାଗି ହାରାହାରି ୧୭୫ ଦିନ ନେଇଥାନ୍ତି, ଯାହା କି ୫ ମାସରୁ ଅଧିକ । ତେଣୁ ସାଧାରଣ ନିର୍ବାଚନ ପୂର୍ବରୁ ମାଲ୍ୟା ଭାରତ ଫେରିବା ପ୍ରଶ୍ନ ଉଠୁନାହିଁ । ରାଜନୈତିକ ଫାଇଦା ଉଠାଇବା ପାଇଁ ମୋଦି ସରକାରଙ୍କ ନିକଟରେ କମ୍‌ ସୁଯୋଗ ରହିଛି । ନ୍ୟାୟିକ ରାସ୍ତା ଆପଣାଇବା ପାଇଁ ମାଲ୍ୟାଙ୍କ ନିକଟରେ ଏବେ ୧୪ ଦିନ ସମୟ ରହିଛି ।