ରାସ୍ତାରେ ଜାକଲିନଙ୍କୁ ତାରିଫ୍ କଲେ ଛୋଟ ଛୁଆ, ପରେ ଏକ୍ଟ୍ରେସ ଗାଡ଼ି ରଖି କଲେ ଏପରି…
ନୂଆଦିଲ୍ଲୀ, ୨୪/୦୯: ବଲିଉଡ଼ ଏକ୍ଟ୍ରେସ ଜାକଲୀନ ଫର୍ଣ୍ଣାଡିଜ ସବୁଠାରୁ ବ୍ୟସ୍ତ ବହୁଳ ଅଭିନେତ୍ରୀ ମାନଙ୍କ ମଧ୍ୟରୁ ଜଣେ । ଫିଲ୍ମ ସହ ସେ ବାରମ୍ବାର ମ୍ୟୁଜିକ ଭିଡ଼ିଓରେ ବି ସକ୍ରିୟ ଅଟନ୍ତି । ତାଙ୍କର ସବୁ ଗୀତ ଗୁଡ଼ିକୁ କୋଟି କୋଟି ଫ୍ୟାନ୍ସ ଦେଖିଥାନ୍ତି । ଏହାଛଡ଼ା ଜାକଲିନ ତାଙ୍କର ଫ୍ୟାନ୍ସମାନଙ୍କୁ ସୋସିଆଲ ମିଡ଼ିଆରେ ବି ମନୋରଞ୍ଜନ କରିବାକୁ କେବେ ଭୁଲନ୍ତି ନାହିଁ । ସେ ସବୁବେଳେ ତାଙ୍କର ଷ୍ଟାଇଲିଷ୍ଟ ଫଟୋ ସହ ଭିଡ଼ିଓ ପୋଷ୍ଟ କରିଥାନ୍ତି । ଜ୍ୟାକ୍ଙ୍କ ପୁଣି ଏକ ଦମଦାର ଭିଡ଼ିଓ ଏବେ ସାମ୍ନାକୁ ଆସିଛି । ଯାହାକୁ ଖୁବ ପସନ୍ଦ କରୁଛନ୍ତି ତାଙ୍କର ଫ୍ୟାନ୍ସମାନେ ।
ଜ୍ୟାକଙ୍କ ଏହି ଭିଡ଼ିଓକୁ ବିରଳ ଭୟାନୀ ନିଜର ଇନଷ୍ଟାଗ୍ରାମ ଏକାଉଣ୍ଟରେ ସେୟାର କରିଛନ୍ତି । ଭିଡ଼ିଓରେ ଦେଖିବାକୁ ମିଳୁଛି କି ଏକ୍ଟ୍ରେସ ଜଣଙ୍କ ଯେତେବେଳେ ରାସ୍ତାରେ ଯାଉଛନ୍ତି ତାଙ୍କ କାର ପାଖକୁ କିଛି ଛୋଟ ଛୁଆ ଆସିଯାଉଛନ୍ତି । ପରେ ସେମାନେ ଜ୍ୟାକଙ୍କ କିଛି ଫିଲ୍ମକୁ ଖୁବ ଭଲ ଦର୍ଶାଉଥିବା ବେଳେ ତାଙ୍କ ନାଁର ମଧ୍ୟ ଖୁବ ପ୍ରଶଂସା କରୁଛନ୍ତି । ଜାକଲିନ ଏହା ଶୁଣି ବହୁତ ଖୁସି ହେବା ସହ ପିଲାମାନଙ୍କୁ ଚକଲେଟ ଦେଉଛନ୍ତି । ତାଙ୍କର ଏହି ନିଆରା ଅନ୍ଦାଜ ଫ୍ୟାନ୍ସମାନଙ୍କୁ ବହୁତ ପସନ୍ଦ ଆସିଛି । ଜ୍ୟାକଲିନ ନିକଟରେ ହରହର କମେଡ଼ି ମୁଭି ‘ଭୁତ ପୁଲିସ’ରେ ନଜର ଆସିଛନ୍ତି ।
ଏହି ଫିଲ୍ମରେ ତାଙ୍କ ଛଡ଼ା ୟାମି ଗୌତମ, ସୈଫ ଅଲୀ ଖାନ ଏବଂ ଅର୍ଜୁନ କପୁର ମଧ୍ୟ ଅଛନ୍ତି । ଏହାଛଡ଼ା ଜାକଲୀନ ଖୁବଶୀଘ୍ର କିକ୍ ୨ ରେ ସଲମାନଙ୍କ ସହ, ରୋହିତ ସେଟ୍ଟୀଙ୍କ ସର୍କସ ଏବଂ ବଚ୍ଚନ ପାଣ୍ଡେରେ ନଜର ଆସିବେ । ଜ୍ୟାକଙ୍କୁ ଏହା ପୂର୍ବରୁ ହାଉସଫୁଲ ୩, ରେସ ୩, ଡ୍ରାଇଭ ଏବଂ ବ୍ରଦର୍ସ ଭଳି ଫିଲ୍ମରେ ଅଭିନୟ ଲାଗି ଜଣାଯାଏ । ଜ୍ୟାକଙ୍କୁ ଇନଷ୍ଟାଗ୍ରାମରେ ୫୪.୯ମିଲିୟନରୁ ଅଧିକ ଲୋକ ଫଲୋ କରନ୍ତି ।
