PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ନୂଆଦିଲ୍ଲୀ : ଆଜିଠାରୁ ରାଜଧାନୀରେ ଖୋଲିବ ମଲ୍, ବଜାର ଏବଂ ଦୋକାନ, ୫୦ ପ୍ରତିଶତ କ୍ଷମତାରେ ଚାଲିବ ମେଟ୍ରୋ
  • ||
  • ନୂଆଦିଲ୍ଲୀ : ଇସ୍ରାଇଲରେ ନେତ୍‌ନ୍ୟାହୁଙ୍କ ଯୁଗ ଶେଷ, ନଫତାଲୀ ବେନେଟ୍ ହେଲେ ନୂଆ ପ୍ରଧାନମନ୍ତ୍ରୀ
  • ||
  • ଭୁବନେଶ୍ୱର : ରଜ ପାଇଁ ଓଟିଡିସି ଆରମ୍ଭ କଲା ‘ପିଠା ଅନ୍‌ ହ୍ୱିଲ୍‌’, ଭୁବନେଶ୍ୱର ସହ ସମ୍ବଲପୁର ଓ କଟକରେ ମିଳିବ ପିଠା
  • ||
  • ବଅଁରପାଳ : ସୁନାର ସଂସାରକୁ ଛାରଖାର କରିଦେଲା କରୋନା, ଆଗପଛ ହୋଇ ଚାଲିଗଲେ ପୁଅ-ବୋହୂ ଓ ମା, ଅନାଥ ହୋଇଗଲା ୧୪ ମାସର ଶିଶୁପୁତ୍ର
  • ||
  • ପୁରୀ : ଆଜି ଶ୍ରୀମନ୍ଦିରରେ କନ୍ୟା ଚୋରି ନୀତି
  • ||
  • ଭୁବନେଶ୍ୱର : ଆଜି ପହିଲି ରଜ, ଗାଁଠାରୁ ସହର ସବୁଠି ଜମୁଛି ପିଠାପଣାର ଆସର
  • ||
  • ଭୁବନେଶ୍ୱର : ସାରା ରାଜ୍ୟକୁ ଛୁଇଁଲା ମୌସୁମୀ, ଆହୁରି ଦୁଇଦିନ ସ୍ୱଳ୍ପରୁ ମଧ୍ୟମ ବର୍ଷା ସମ୍ଭାବନା, ୧୫ ପର୍ଯ୍ୟନ୍ତ ଧୀବରଙ୍କୁ ସମୁଦ୍ର ମନା
  • ||

୭ରେ ପହଞ୍ଚିବେ ଜଗା-କାଳିଆ; ଏମ୍‌ସକୁ ଆସି ଶୁଭେଚ୍ଛା ଜଣାଇଲେ କେନ୍ଦ୍ର ସ୍ୱାସ୍ଥ୍ୟମନ୍ତ୍ରୀ

ନୂଆଦିଲ୍ଲୀ,୫ା୯(ସ୍ୱପ୍ର): ଦୀର୍ଘ ୨ ବର୍ଷ ୪୫ ଦିନ ରାଜଧାନୀ ଦିଲ୍ଲୀର ଏମ୍‌ସରେ ରହିବା ପରେ ଜଗା-କାଳିଆ ଆସନ୍ତାକାଲି (ଶୁକ୍ରବାର) ଓଡ଼ିଶା ବାହାରିବେ । ହସ୍‌ପିଟାଲରୁ ଛାଡ଼ିବା ପାଇଁ ସେମାନଙ୍କ ସମସ୍ତ ପ୍ରକ୍ରିୟା ଶେଷ ହୋଇଛି । ସଫଳତାର ସହ ଅପରେସନ ପରେ ସେମାନଙ୍କୁ ନେବା ପାଇଁ ରାଜ୍ୟ ଏସ୍‌ସିବି ମେଡିକାଲ କଲେଜର ଡାକ୍ତର ବିଭୁ ପ୍ରସାଦ ନାୟକ ଓ ଡାକ୍ତର ଶଙ୍କର ବରିହା ଆସି ଏମ୍‌ସରେ ପହଞ୍ଚିଛନ୍ତି । ସେମାନେ ଏମ୍‌ସର କର୍ତ୍ତୃପକ୍ଷଙ୍କ ସହ ବିଚାର ବିମର୍ଷ କରିଛନ୍ତି । ଆସନ୍ତାକାଲି ରାଜଧାନୀ ଏକ୍ସପ୍ରେସରେ ସେମାନେ ଓଡ଼ିଶା ଫେରିବେ ।

ଜଗା-କାଳିଆଙ୍କ ସହ ଏମ୍‌ସରୁ ଡାକ୍ତର ଦୀପକ ଗୁପ୍ତା ଓ ଦୁଇ ଜଣ ନର୍ସ ଯିବାର ମଧ୍ୟ ରହିଛି । ଏମ୍‌ସ ପକ୍ଷରୁ ଆସନ୍ତାକାଲି ଅପରାହ୍‌ଣରେ ଏକ ସାମ୍ବାଦିକ ସମ୍ମିଳନୀ ଡକାଯାଇଛି । ଆସନ୍ତାକାଲି ଜଗା-କାଳିଆ ଓଡ଼ିଶା ଫେରିଯିବା ପୂର୍ବରୁ ଗୁରୁବାର ସନ୍ଧ୍ୟାରେ କେନ୍ଦ୍ର ସ୍ୱାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରୀ ଡାକ୍ତର ହର୍ଷବର୍ଦ୍ଧନ ଏମ୍‌ସ ଆସି ସେମାନଙ୍କ ସ୍ୱାସ୍ଥ୍ୟାବସ୍ଥା ପଚାରି ବୁଝିଥିଲେ । ଏହାଛଡ଼ା ସେମାନଙ୍କୁ ମଧ୍ୟ ସେ ସେମାନଙ୍କ ଭବିଷ୍ୟତ ସକାଶେ ଶୁଭେଚ୍ଛା ଜଣାଇଥିଲେ । ଜଗା-କାଳିଆ ଏସ୍‌ସିବି ମେଡିକାଲ କଲେଜରେ ପ୍ରଥମେ ରହିବେ ବୋଲି ଜଣାପଡ଼ିଛି । ଏଥିସକାଶେ ସେମାନଙ୍କ ପାଇଁ ସମସ୍ତ ବ୍ୟବସ୍ଥା କରାଯାଇଛି ।

ଦୁଇ ବର୍ଷରୁ ଅଧିକ ସମୟ ପୂର୍ବରୁ ଜଗା-କାଳିଆଙ୍କୁ ସେମାନଙ୍କ ବାପା-ମା ଭୂୟାଁ କହଁର ଓ ପୁଷ୍ପାଞ୍ଜଳି କହଁର ରାଜଧାନୀ ଦିଲ୍ଲୀର ଏମ୍‌ସକୁ ନେଇ ଆସିଥିଲେ । ସେତେବେଳେ ଜଗା-କାଳିଆ ଯୋଡ଼ା ମୁଣ୍ଡ ଅବସ୍ଥାରେ ଥିଲେ । ଅପରେସନ ସଫଳ ହେବ କି ନାହିଁ ସେନେଇ ସେମାନଙ୍କ ବାପା-ମା’ଙ୍କ ମନରେ ଥିଲା ଅନେକ ଆଶଙ୍କା । କାରଣ ସାରା ବିଶ୍ୱରେ ଏଭଳି ଅପରେସନ ସଫଳ ହେବାର କାହାଣୀ ଥିଲା ବିରଳ । ଏହା ସତ୍ତେ୍ୱ ସେମାନଙ୍କ ମନରେ ଆଶଙ୍କା ସହ ଭବିଷ୍ୟତର ସ୍ୱପ୍ନ ମଧ୍ୟ ଥିଲା । ଏଭଳି ଏକ ବିରଳ ଅପରେସନ ଦାୟିତ୍ୱ ନେଇଥିଲେ ଏମ୍‌ସର ନ୍ୟୁରୋଲୋଜି ବିଭାଗର ତତ୍କାଳୀନ ସୁପ୍ରସିଦ୍ଧ ଓଡ଼ିଆ ଡାକ୍ତର ଅଶୋକ ମହାପାତ୍ର । ତାଙ୍କ ତତ୍ତ୍ୱାବଧାନରେ ଉଭୟ ଶିଶୁଙ୍କ ଚିକିତ୍ସା କରାଯାଇଥିଲା । ଅପରେସନ ସଫଳ ହୋଇଥିଲା । ଏହାର ଶ୍ରେୟ ଯାଇଥିଲା ଅଶୋକ ମହାପାତ୍ର ଏବଂ ତାଙ୍କ ଟିମ୍‌ର ଅନ୍ୟ ଡାକ୍ତରମାନଙ୍କୁ । ଓଡ଼ିଶା ସରକାର ମଧ୍ୟ ଦୁଇ ଶିଶୁଙ୍କ ଚିକିତ୍ସା ପାଇଁ କୋଟିଏ ଟଙ୍କା ଯୋଗାଇ ଦେଇଥିଲେ ।

ଡାକ୍ତର ମହାପାତ୍ର ଏବେ ଏମ୍‌ସରୁ ଅବସର ନେଇ ଭୁବନେଶ୍ୱରର ସମ୍‌ ହସପିଟାଲରେ ଯୋଗ ଦେଇଛନ୍ତି । ଜଗା-କାଳିଆଙ୍କୁ ନୂତନ ଜୀବନ ଦେବାରେ ତାଙ୍କ ଅବଦାନ ମଧ୍ୟ ଇତିହାସ ପୃଷ୍ଠାରେ ଲିପିବଦ୍ଧ ହୋଇଯାଇଛି । ବିଶ୍ୱର ଏଭଳି ବିରଳ ଅପରେସନକୁ ସଫଳ କରିବାରେ ସେ ସୁନାମ ଅର୍ଜନ କରିପାରିଛନ୍ତି ।

ସମ୍ବନ୍ଧିତ ଖବର