PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବିଧାୟକ ପ୍ରଦୀପ ପାଣିଗ୍ରାହୀଙ୍କ ଘରେ ଚଢ଼ାଉ , ତାଙ୍କର ସହଯୋଗୀ ଓ ସଂପର୍କୀୟଙ୍କ ଘରେ ମଧ୍ୟ ଚଢ଼ାଉ , ସହଯୋଗୀଙ୍କ ଘରୁ ୨୦ ଲକ୍ଷ ଟଙ୍କା ଜବତ , ବିଭିନ୍ନ କାଗଜପତ୍ର ମଧ୍ୟ ଜବତ କଲା ଭିଜିଲାନ୍ସ ଟିମ୍
  • ||
  • ଜମ୍ମୁ-କଶ୍ମୀରରେ ୨ ଅଣକାଶ୍ମୀରୀଙ୍କୁ ହତ୍ୟା କଲେ ଆତଙ୍କବାଦୀ , ଯବାନଙ୍କ ପକ୍ଷରୁ ସର୍ଚ୍ଚ ଅପରେସନ ଜୋରଦାର
  • ||
  • କଟକ ଜଗତପୁର ଶିଳ୍ପାଞ୍ଚଳରେ ଅଗରବତୀ ଫ୍ୟାକ୍ଟ୍ରିରେ ଅଗ୍ନିକାଣ୍ଡ , ଏସ୍ଏସ୍ ଏଣ୍ଟରପ୍ରାଇଜର୍ସ ନାମକ କାରଖାନାରେ ନିଆଁ , ନିଆଁ ଆୟତ୍ତ ପାଇଁ ଅଗ୍ନିଶମ ବାହିନୀର ଉଦ୍ୟମ , ଫ୍ୟାକ୍ଟ୍ରିରେ ତିଆରି ହେଉଥିଲା ମଙ୍ଗଲଦୀପ୍ ବ୍ରାଣ୍ଡର ଅଗରବତୀ
  • ||
  • ରାୟଗଡା ସହର ଉପକଣ୍ଠ ନାଗାବଳି ନଦୀରେ ପାରଳାଖେମୁଣ୍ଡି ସହରର ଦୁଇ ଜଣ ପର୍ଯ୍ୟଟକ ନିଖୋଜ ।
  • ||
  • ପାରଳାଖେମୁଣ୍ଡି : ମନ୍ତ୍ରୀ ଜଗନ୍ନାଥ ସାରକାଙ୍କ ପାଇଲଟ ଗାଡ଼ି ଦୁର୍ଘଟଣାଗ୍ରସ୍ତ, ଡ୍ରାଇଭରଙ୍କ ସମେତ ୫ ଆହତ
  • ||
  • ବ୍ରହ୍ମପୁର : ଗୋପାଳପୁର ବିଧାୟକ ଓ ସମର୍ଥକଙ୍କ ଘରେ ଭିଜିଲାନ୍ସ ଚଢ଼ାଉ
  • ||
  • ଭୋଗରାଇ : ବେଳାଭୂମି ନିକଟ ହୋଟେଲରେ ସେକ୍ସ ରାକେଟ୍‌ର ପର୍ଦ୍ଦାଫାସ୍
  • ||
  • ଭୁବନେଶ୍ୱର : ଆଉ ୩ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୨୮୫କୁ ବୃଦ୍ଧି
  • ||
  • ଚଣ୍ଡିଖୋଲ : ପାରିବାରିକ କଳହର କରୁଣ ପରିଣତି, ବୋହୂକୁ ପଥରରେ ଛେଚି ହତ୍ୟା କଲା ଶାଶୂ
  • ||
  • ଭୁବନେଶ୍ୱର : ରାଜ୍ୟରେ ଗତ ୨୪ ଘଣ୍ଟାରେ ଚିହ୍ନଟ ହେଲେ ୪୪୩ କୋଭିଡ୍ ପଜିଟିଭ୍
  • ||
  • ବାଲିଗୁଡା : ବିଦ୍ୟୁତ ତାର ଲାଗି ଯୁବକଙ୍କ ମୃତ୍ୟୁ ଘଟଣାରେ ତୁମୁଡିବନ୍ଧ ଠାରେ ଜାତୀୟ ରାଜପଥ ଅବରୋଧ, ମୁନିଗୁଡା ଓ ଭବାନୀପାଟନାକୁ ଯାତାୟତ ଠପ୍
  • ||
  • ଭୁବନେଶ୍ୱର : ରାଜ୍ୟରେ ଆଉ ୩ ଦିନ ବର୍ଷା, ଆସନ୍ତାକାଲି ମୟୂରଭଞ୍ଜ ଓ ବାଲେଶ୍ୱରରେ ପ୍ରବଳ ବର୍ଷବ
  • ||
  • ଭୁବନେଶ୍ୱର : ଆଜିଠୁ ଓଜେଇଇ କାଉନ୍‌ସିଲିଂ, ୫ ନଭେମ୍ବରରେ ପ୍ରଥମ ପର୍ଯ୍ୟାୟ ଆଲର୍ଟମେଣ୍ଟ
  • ||
  • ଅଲ୍‌ ଅମିରତ୍‌ : ଆଜିଠୁ ଟି-୨୦ ବିଶ୍ବକପ୍, ସଙ୍ଘର୍ଷପୂର୍ଣ୍ଣ ହେବ ବାଂଲାଦେଶ-ସ୍କଟ୍‌ଲାଣ୍ଡ ମୁକାବିଲା
  • ||

ଜାଣନ୍ତୁ ପୁଲୱାମାରେ ଆକ୍ରମଣ କରାଇଥିବା ଆତଙ୍କୀ ସଙ୍ଗଠନ ଜୈଶ୍-ଏ-ମହମ୍ମଦର ସମ୍ପୂର୍ଣ୍ଣ କୁଣ୍ଡଳୀ ଓ କଣ ରହିଛି ତାର ଲକ୍ଷ୍ୟ

source:www.thelallantop.com

୧୯୮୯ ମସିହା । ହିନ୍ଦୁ କୁଶ ପାହାଡରେ ୧୦ ବର୍ଷ ଅଟକି ରହିବା ପରେ ଶେଷରେ ସୋଭିୟତ ୟୁନିୟନକୁ ପରାସ୍ତ ହେବାକୁ ପଡିଲା । ସୋଭିୟତ ୟୁନିୟନର ଏହି ପରାସ୍ତ ୪ ଦଶକ ଧରି ଚାଲିଥିବା ଶୀତଳ ଯୁଦ୍ଧର ଅନ୍ତ ଘଟାଇଲା । ଆଫଗାନିସ୍ଥାନରେ ସୋଭିୟତ ସହିତ ଲଢିବା ପାଇଁ ଆମେରିକା ଇସ୍ଲାମିକ୍ ଚରମପନ୍ଥୀ ସମୂହକୁ ବଡ ସଂଖ୍ଯାରେ ଆର୍ଥିକ ଓ ସେନା ସାହାଯ୍ଯ ଦେଇଥିଲା । ଏହି ଆମେରିକୀୟ ସାହାଯ୍ଯ ସାରା ବିଶ୍ୱରେ ଇସ୍ଲାମିକ୍ ସମୂହକୁ ମୁଣ୍ଡ ଟେକିବା ପାଇଁ ବହୁତ ସହଯୋଗ କଲା ।

୧୯୮୯ରେ ସୋଭିୟତ-ଆଫଗାନ ଯୁଦ୍ଧର ସମାପ୍ତି ଆଫଗାନିସ୍ଥାନରେ ସକ୍ରିୟ ଅନେକ କଟ୍ଟରପନ୍ଥୀ ସମୂହକୁ ନିଜ ପାଇଁ ଜମି ଖୋଜିବା ପାଇଁ ବାଧ୍ୟ କଲା । ଏଭଳି ଏକ ସଙ୍ଗଠନ ଥିଲା ‘ହରକତ-ଉଲ-ମୁହାହିଦିନ୍’ । ଏହା ଆଫଗାନିସ୍ଥାନରେ ସକ୍ରିୟ ସଙ୍ଗଠନ ହରକତ-ଉଲ-ଜିହାଦରୁ ଭାଗ ହୋଇ ଗଢିଉଠିଥିଲା । ୧୯୮୯ରେ କଶ୍ମୀରରେ ଆରମ୍ଭ ହୋଇଥିବା ହିଂସ୍ର ଅଲଗାଓବାଦୀ ଆନ୍ଦୋଳନରେ ହରକତ ଉଲ୍ ମୁଜାହିଦିନ ସକ୍ରିୟ ସଙ୍ଗଠନ ଥିଲା । ୧୯୯୩ ଓ ୧୯୯୪ରେ ଭାରତୀୟ ସୁରକ୍ଷାବଳ HUMର ମେରୁଦଣ୍ଡ ଭାଙ୍ଗିଦେଲେ । ନଭେମ୍ବର ୧୯୯୩ରେ ଏହାର ମୁଖ୍ଯ ନସରୁଲ୍ଲାହ ମନ୍ସୁର ଲଙ୍ଗରୟାଲକୁ ଭାରତୀୟ ସୁରକ୍ଷାବଳ ଗିରଫ କଲା । ଏହା ପର ବର୍ଷ ଫେବୃୟାରୀ ୧୯୯୪ରେ HUMj ସେକ୍ରେଟେରୀ ମୌଲାନା ମସୁଦ ଅଜହର ଓ ସଜ୍ଜାଦ ଅଫଗାନୀ ମଧ୍ୟ ଭାରତୀୟ ସେନାହାତରେ ଧରା ପଡିଲା ।

source:www.jagran.com

୧୯୯୯ରେ ସଜ୍ଜାଦ ଅଫଗାନୀକୁ ଜେଲ୍ ଭାଙ୍ଗି ପଳାୟନ କରିବା ସମୟରେ ଗୁଳି ମାରିଦିଆଗଲା । ଏହା ଜବାବରେ HUM ଇଣ୍ଡିଆନ୍ ଇୟାରଲାଇନ୍ସର ଫ୍ଲାଇଟ୍-୮୧୪କୁ ହାଇଜାକ୍ କରିଦିଆଗଲା । ଭାରତୀୟ ସରକାରଙ୍କୁ ବାଧ୍ୟ ହୋଇ ଜେଲରେ ବନ୍ଦ ଥିବା ୩ ଆତଙ୍କୀ ମୌଲାନା ମସୁଦ ଅଜହର, ଅହମଦ ଉମର ସଇଦ ଶେଖ ଓ ମସ୍ତଫାକ ଅହମଦ ଜରଗରଙ୍କୁ ମୁକ୍ତ କରିଦିଆଗଲା । ପାକିସ୍ତାନ ଫେରିବା ପରେ ମୌଲାନା ମସୁଦ ଅଜହର HUMରୁ ଅଲଗା ହୋଇ ନିଜର ଅଲଗା ସଙ୍ଗଠନ ଗଠନ କଲା । ଏହାର ନାଁ ରହିଲା ‘ଜୈଶ୍-ଏ-ମୋହମ୍ମଦ’ । ଏହାର ଅର୍ଥ ମୋହମ୍ମଦର ସେନା । ଏହା ହେଉଛି ୨୦୦୦ ମସିହା ଘଟଣା ।

source:www.thelallantop.com

ପ୍ରଥମ ବଡ ଆକ୍ରମଣ କଲା ଅକ୍ଟୋବର ୨୦୦୧ରେ । ଜମ୍ମୁ କଶ୍ମୀରର ବିଧାନସଭାରେ । ଏହି ଆକ୍ରମଣରେ ୩୮ ଲୋକ ଜୀବନ ହାରିଥିଲେ । ଏହାର ୨ ମାସ ପରେ ଡିସେମ୍ବର ୨୦୦୧ରେ ଲଶ୍କର-ଏ-ତୋଏବା ସହିତ ମିଶି ଦେଶର ସଂସଦ ଉପରେ ଆକ୍ରମଣ କଲା । ଏହି ଆକ୍ରମଣରେ ଆମର ୮ ଜବାନ ଶହୀଦ ହୋଇଥିଲେ । ଅକ୍ଟୋବର ୨୦୦୧ରେ ଭାରତ ଚାପରେ ଯୁକ୍ତରାଷ୍ଟ୍ର ସଙ୍ଘ ଜେଶକୁ ଆତଙ୍କୀ ସଙ୍ଗଠନ ଘୋଷିତ କରିଦେଲା । ଡିସେମ୍ବର ୨୦୦୧ରେ ଆମେରିକାର ଷ୍ଟେଟ୍ ଡିପାର୍ଟମେଣ୍ଟ ମଧ୍ୟ ଏହାକୁ ଆତଙ୍କୀ ସଙ୍ଗଠନ ଘୋଷିତ କରିଦେଲା ।

ଏହାପରେ ପାକିସ୍ତାନ ମଧ୍ୟ ନିଜ ଦେଶରେ ଏହାକୁ ଆତଙ୍କୀ ସଙ୍ଗଠନ ଘୋଷିତ କରିଦେଲା । ଏହା ଜାନୁୟାରୀ ୨୦୦୨ର ଘଟଣା । ଏହା ପରେବଜ ମୁଶରଫର ଭାରତ ଯାତ୍ରାର ଠିକ୍ ପୂର୍ବର ଘଟଣା । ଜେଶ୍ ଏହି ପ୍ରତିବନ୍ଧକୁ କଡା ପ୍ରତିବାଦ କଲା । ମାର୍ଚ୍ଚ ୨୦୦୨ରୁ ଆରମ୍ଭ କରି ସେପ୍ଟେମ୍ବର ୨୦୦୨ ପର୍ଯ୍ଯନ୍ତ ଜେଶ ଇସଲାମବାଦ, କରାଚି, ମୁରୀ, ବହାବଲପୁରରେ ଲଗାତର ଆକ୍ରମଣ କରିବାରେ ଲାଗିଲା । ପ୍ରତିବନ୍ଧକ ଲାଗିବା ପରେ ଜେଶ୍ ୨ ଭାଗରେ ବିଭକ୍ତ ହୋଇଗଲା । ପ୍ରଥମ ଭାଗ ଖୁଦ୍ଧାମ-ଉଲ୍-ଇସ୍ଲାମ । ଏହାର ନେତୃତ୍ୱ ମସୁଦ ଅଜହର ନେଇଥିଲା । ଦ୍ୱିତୀୟ ଭାଗ ଥିଲା ତହରିକ-ଉଲ୍-ଫୁରକାନ । ଏହାର ନେତୃତ୍ୱ ନେଇଥିଲା ଅବ୍ଦୁଲାହ ଶାହ ମଜହର । ୨୦୦୩ରେ ପାକିସ୍ତାନ ସରକାର ଖୁଦ୍ଦାମ-ଉଲ-ଇସ୍ଲାମ ଓ ତହରିପ-ଉଲ-ଫୁରକାନ ଉପରେ ମଧ୍ଯ ବ୍ୟାନ୍ ଲଗାଇଦେଲେ । ଏହାପରେ ଅଜହର ନିଜ ସଙ୍ଗଠନର ନାଁ ବଦଳାଇ ଅଲ-ରହମନ-ଟ୍ରଷ୍ଟ ରଖିଦେଲା । ଏହି ବ୍ୟାନ ଯୋଗୁଁ  ଉତ୍ୟକ୍ତ ଅଜହର ପରବେଜ୍ ମୁଶରଫଙ୍କୁ ମଧ୍ଯ ଛାଡିଲା ନାହିଁ । ୧୪ ଓ ୨୫ ଡିସେମ୍ବର ୨୦୦୩ରେ ପାକିସ୍ତାନ ରାଷ୍ଟ୍ରପତି ମୁଶରଫଙ୍କ ଉପରେ ଏହି ସଙ୍ଗଠନ ମରଣାନ୍ତକ ଆକ୍ରମଣ କଲା ।

source:www.prabhatkhabar.com

ଏହାପରେ ପାକିସ୍ତାନ ସରକାର ଏହି ସଙ୍ଗଠନ ବିରୁଦ୍ଧରେ କ୍ରାକ୍ ଡାଉନ୍ ଆରମ୍ଭ କରିଦେଲେ । ମିଲେଟ୍ରି ଇଣ୍ଟେଲିଜେନ୍ସରେ ଜେସର ସମର୍ଥକଙ୍କୁ ଚାକିରୀରୁ ବହିଷ୍କାର କରିଦିଆଗଲା । ଏମାନଙ୍କ ଆଡ୍ଡାସ୍ଥଳୀକୁ ଭାଙ୍ଗି ଦିଆଗଲା । ୨୦୦୪ରେ କ୍ରାକ୍ ଡାଉନ୍ ପରେ ମସୁଦ ଅଜହର ପାକିସ୍ତାନ ସରକାରଙ୍କ ସହିତ ବୁଝାମଣା କରିଦେଲା ଓ ପାକିସ୍ତାନ ଭିତରେ ଆତଙ୍କୀ ଗତିବିଧି ରୋକିଦେଲା । ଅବଶ୍ଯ ଜେଶ୍ ପାକିସ୍ତାନରେ ଅଧିକାରୀକ ରୂପେ ବ୍ୟାନ୍ ଥିଲା କିନ୍ତୁ ISI ଏହି ସଙ୍ଗଠନକୁ ମୁଣ୍ଡ ଟେକିବା ପାଇଁ ପର୍ଯ୍ଯାପ୍ତ ସାହାଯ୍ଯ କଲା । ୨୦୦୯ରେ ଆସିଥିବା ମିଡିଆ ରିପୋର୍ଟ ଅନୁସାରେ ଏହି ସଙ୍ଗଠନ ପାକିସ୍ତାନର ବହାବଲପୁରରେ ସାଢେ ୬ ଏକର  ଜାଗାରେ ନିଜର େକ ବଡ କମ୍ପେକ୍ସ ନିର୍ମାଣ କରିଦେଇଥିଲା । ଏଠାରେ ଆତଙ୍କୀମାନଙ୍କୁ ଟ୍ରେନିଂ ଦିଆଯାଉଥିଲା । ୨୦୧୪ ଲୋକସଭା ନିର୍ବାଚନ ପୂର୍ବରୁ ମସୁଦ ଅଜହର ଏକ ସଭାରେ ଧମକ ଦେଇଥିଲା ଯେ ତା ପାଖରେ ୩୦୦ ଆତ୍ମଘାତୀ ଆକ୍ରମଣକାରୀ ପ୍ରସ୍ତୁତ ହୋଇ ଅଛନ୍ତି । ଯଦି ନରେନ୍ଦ୍ର ମୋଦି ଭାରତର ପ୍ରଧାନମନ୍ତ୍ରୀ ହେବେ ତେବେ ଭାରତ ଉପରେ ଆକ୍ରମଣ କରିବ ।

source:abpnews.abplive.in

୨୫ ଡିସେମ୍ବର ୨୦୧୫ରେ ନରନ୍ଦ୍ର ମୋଦି ଲାହୋର ଯାଇ ପାକିସ୍ତାନ ପ୍ରଧାନମନ୍ତ୍ରୀ ନୱାଜ ସରିଫଙ୍କ ସହିତ ସାକ୍ଷାତ କଲେ । ଏଥିରେ ନାରାଜ ହୋଇଗଲା ଜେଶ୍ । ଏହାର ଠିକ୍ ୭ ଦିନ ପରେ ଏହି ସଙ୍ଗଠନ ପଠାନକୋଟ ଏୟାର ବେସ ଉପରେ ଆକ୍ରମଣ କରିଦେଲା  । ସେପ୍ଟେମ୍ବର ୨୦୧୬ରେ ହୋଇଥିବା ଉରୀ ଆକ୍ରମଣରେ ମଧ୍ଯ ଏହି ସଙ୍ଗଠନ ନାଁ ସାମ୍ନାକୁ ଆସିଥିଲା । ଅବଶ୍ଯ ଅଧିକାରିକ ରୂପେ ଜେଶ୍ ଏହି ଆକ୍ରମଣର ଦାୟିତ୍ୱ ନେଇନଥିଲା । ମୌଲାନା ମସୁଦ ଅଜହର ଜେଶର ସଂସ୍ଥାପକ । ଅବଶ୍ଯ ସେ ଏହି ସଙ୍ଗଠନ ପାଇଁ ପରଦା ପଛରେ ରହି କାମ କରିଥାଏ । ବର୍ତ୍ତମାନ ମସୁଦ ଅଜହରର ଭାଇ ଅବ୍ଦୁଲ ରଉଫ ଅସଗର ଏହି ସଙ୍ଗଠନର ମୁଖ୍ଯ । ରଉଫ ୧୯୯୯ରେ ଇଣ୍ଡିଆନ୍ ଏୟାରଲାଇନ୍ସର ଫ୍ଲାଇଟ୍-୮୧୪ର ଅପହରଣକାରୀଙ୍କ ମଧ୍ୟରେ ଜଣେ ଥିଲା । ତେବେ କହିରଖୁଛୁ ଜୈଶ୍-ଏ-ମୋହମ୍ମଦ ହେଉଛି କଶ୍ମୀରର ସବୁଠାରୁ ହିଂସ୍ର ସକ୍ରିୟ ଆତଙ୍କୀ ସଙ୍ଗଠନ ।

ସମ୍ବନ୍ଧିତ ଖବର