PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବିଧାୟକ ପ୍ରଦୀପ ପାଣିଗ୍ରାହୀଙ୍କ ଘରେ ଚଢ଼ାଉ , ତାଙ୍କର ସହଯୋଗୀ ଓ ସଂପର୍କୀୟଙ୍କ ଘରେ ମଧ୍ୟ ଚଢ଼ାଉ , ସହଯୋଗୀଙ୍କ ଘରୁ ୨୦ ଲକ୍ଷ ଟଙ୍କା ଜବତ , ବିଭିନ୍ନ କାଗଜପତ୍ର ମଧ୍ୟ ଜବତ କଲା ଭିଜିଲାନ୍ସ ଟିମ୍
  • ||
  • ଜମ୍ମୁ-କଶ୍ମୀରରେ ୨ ଅଣକାଶ୍ମୀରୀଙ୍କୁ ହତ୍ୟା କଲେ ଆତଙ୍କବାଦୀ , ଯବାନଙ୍କ ପକ୍ଷରୁ ସର୍ଚ୍ଚ ଅପରେସନ ଜୋରଦାର
  • ||
  • କଟକ ଜଗତପୁର ଶିଳ୍ପାଞ୍ଚଳରେ ଅଗରବତୀ ଫ୍ୟାକ୍ଟ୍ରିରେ ଅଗ୍ନିକାଣ୍ଡ , ଏସ୍ଏସ୍ ଏଣ୍ଟରପ୍ରାଇଜର୍ସ ନାମକ କାରଖାନାରେ ନିଆଁ , ନିଆଁ ଆୟତ୍ତ ପାଇଁ ଅଗ୍ନିଶମ ବାହିନୀର ଉଦ୍ୟମ , ଫ୍ୟାକ୍ଟ୍ରିରେ ତିଆରି ହେଉଥିଲା ମଙ୍ଗଲଦୀପ୍ ବ୍ରାଣ୍ଡର ଅଗରବତୀ
  • ||
  • ରାୟଗଡା ସହର ଉପକଣ୍ଠ ନାଗାବଳି ନଦୀରେ ପାରଳାଖେମୁଣ୍ଡି ସହରର ଦୁଇ ଜଣ ପର୍ଯ୍ୟଟକ ନିଖୋଜ ।
  • ||
  • ପାରଳାଖେମୁଣ୍ଡି : ମନ୍ତ୍ରୀ ଜଗନ୍ନାଥ ସାରକାଙ୍କ ପାଇଲଟ ଗାଡ଼ି ଦୁର୍ଘଟଣାଗ୍ରସ୍ତ, ଡ୍ରାଇଭରଙ୍କ ସମେତ ୫ ଆହତ
  • ||
  • ବ୍ରହ୍ମପୁର : ଗୋପାଳପୁର ବିଧାୟକ ଓ ସମର୍ଥକଙ୍କ ଘରେ ଭିଜିଲାନ୍ସ ଚଢ଼ାଉ
  • ||
  • ଭୋଗରାଇ : ବେଳାଭୂମି ନିକଟ ହୋଟେଲରେ ସେକ୍ସ ରାକେଟ୍‌ର ପର୍ଦ୍ଦାଫାସ୍
  • ||
  • ଭୁବନେଶ୍ୱର : ଆଉ ୩ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୨୮୫କୁ ବୃଦ୍ଧି
  • ||
  • ଚଣ୍ଡିଖୋଲ : ପାରିବାରିକ କଳହର କରୁଣ ପରିଣତି, ବୋହୂକୁ ପଥରରେ ଛେଚି ହତ୍ୟା କଲା ଶାଶୂ
  • ||
  • ଭୁବନେଶ୍ୱର : ରାଜ୍ୟରେ ଗତ ୨୪ ଘଣ୍ଟାରେ ଚିହ୍ନଟ ହେଲେ ୪୪୩ କୋଭିଡ୍ ପଜିଟିଭ୍
  • ||
  • ବାଲିଗୁଡା : ବିଦ୍ୟୁତ ତାର ଲାଗି ଯୁବକଙ୍କ ମୃତ୍ୟୁ ଘଟଣାରେ ତୁମୁଡିବନ୍ଧ ଠାରେ ଜାତୀୟ ରାଜପଥ ଅବରୋଧ, ମୁନିଗୁଡା ଓ ଭବାନୀପାଟନାକୁ ଯାତାୟତ ଠପ୍
  • ||
  • ଭୁବନେଶ୍ୱର : ରାଜ୍ୟରେ ଆଉ ୩ ଦିନ ବର୍ଷା, ଆସନ୍ତାକାଲି ମୟୂରଭଞ୍ଜ ଓ ବାଲେଶ୍ୱରରେ ପ୍ରବଳ ବର୍ଷବ
  • ||
  • ଭୁବନେଶ୍ୱର : ଆଜିଠୁ ଓଜେଇଇ କାଉନ୍‌ସିଲିଂ, ୫ ନଭେମ୍ବରରେ ପ୍ରଥମ ପର୍ଯ୍ୟାୟ ଆଲର୍ଟମେଣ୍ଟ
  • ||
  • ଅଲ୍‌ ଅମିରତ୍‌ : ଆଜିଠୁ ଟି-୨୦ ବିଶ୍ବକପ୍, ସଙ୍ଘର୍ଷପୂର୍ଣ୍ଣ ହେବ ବାଂଲାଦେଶ-ସ୍କଟ୍‌ଲାଣ୍ଡ ମୁକାବିଲା
  • ||

କଟକକୁ ଲେଉଟିଲା ଜଣ୍ଡିସ୍ ଶିଖରପୁରରେ ୨୦ରୁ ଅଧିକ ଆକ୍ରାନ୍ତ

କଟକ,୧୩ା୧(ବ୍ୟୁରୋ): କଟକ ସହରକୁ ପୁଣି ଲେଉଟିଛି ଜଣ୍ଡିସ୍ । ଶିଖରପୁର ଅଞ୍ଚଳରେ ହଠାତ୍ ଜଣ୍ଡିସ୍ ତାର କାୟା ବିସ୍ତାର କରିଛି । ସ୍ଥାନୀୟ ଅଞ୍ଚଳର ପ୍ରାୟ ୨୦ରୁ ଅଧିକ ଲୋକ ଜଣ୍ଡିସ୍ରେ ଆକ୍ରାନ୍ତ ହେବା ଘଟଣା ଆଲୋଡ଼ନ ସୃଷ୍ଟି କରିଛି । ଗଲା ସପ୍ତାହେ ହେବ ଏଠାରେ ଜଣ୍ଡିସ୍ ରୋଗୀ ଚିହ୍ନଟ ହୋଇଥିବା ବେଳେ ସିଏମ୍ସି କିନ୍ତୁ ଚୁପ୍ ବସିଛି । ଆଜି ସ୍ଥାନୀୟ ଲୋକଙ୍କ ବିରୋଧ ଓ ବିକ୍ଷୋଭ ପରେ ଜନସ୍ୱାସ୍ଥ୍ୟ ବିଭାଗ ପକ୍ଷରୁ ଟ୍ୟାଙ୍କର ଯୋଗେ ପିଇବା ପାଣି ଯୋଗାଣ ଆରମ୍ଭ ହୋଇଛି । ଘଟଣାକୁ ନେଇ ଶିଖରପୁରରେ ଏକ ପ୍ରକାର ଆତଙ୍କ ଖେଳିଯାଇଛି ।
ଗତବର୍ଷ ଖରା ଦିନେ ସହରର ଏକାଧିକ ସ୍ଥାନରେ ଜଣ୍ଡିସ୍ ଚିହ୍ନଟ ହୋଇଥିଲା । ତୁଳସୀପୁର ଓ ବିଡ଼ାନାସୀ ଅଞ୍ଚଳରେ ବହୁ ଲୋକ ଏଥିରେ ଆକ୍ରାନ୍ତ ହୋଇଥିଲେ । ଏହା ପରେ ପ୍ରଶାସନ ପକ୍ଷରୁ ସହରର ବିଭିନ୍ନ ସ୍ଥାନରେ ପାଣି ପାଇପ୍ ବଦଳାଇବା କାମ ଆରମ୍ଭ ହୋଇଥିଲା । ଏପରିକି ‘ଅମୃତ’ ଯୋଜନାରେ ପ୍ରାୟ ସବୁ ୱାର୍ଡରେ ପିଇବା ପାଣି ପାଇପ୍ ବଦଳାଗଲା । କୋଟି କୋଟି ଟଙ୍କାରେ ପାଇପ୍ ବଦଳ କାମ ଏବେ ଚାଲୁ ରହିଛି । ହେଲେ ଶିଖରପୁର ଅଞ୍ଚଳରେ ଏହି ଯୋଜନା ଏକପ୍ରକାର ଅପହଞ୍ଚ ହୋଇ ରହିଛି । ଶିଖରପୁର ସାହି ଭିତରେ ଥିବା ଏକାଧିକ ଗଳିରେ ଗୋଟିଏ ହେଲେ ପିଇବା ପାଣି ପାଇପ୍ ପରିବର୍ତ୍ତନ କରାଯାଇନଥିବା ଅଭିଯୋଗ ହୋଇଛି । ଅଭିଯୋଗ ମୁତାବକ, ଘରକୁ ଯାଇଥିବା ପାଣି ପାଇପ୍ର କନେକସନ୍ ପଏଣ୍ଟଗୁଡ଼ିକ ଡ୍ରେନ୍ ଭିତରେ ବୁଡ଼ି ରହିଛି । ଏପରିକି ଡ୍ରେନ୍ ପାଣି ସେଠାରୁ ଠିକ୍ ଭାବେ ନିଷ୍କାସିତ ହେଉନଥିବାରୁ ପାଣି ପାଇପ୍ ସବୁବେଳେ ଡ୍ରେନ୍ର ଅସନା ପାଣି ବୁଡ଼ି ରହୁଛି । ଫଳରେ ଡ୍ରେନ୍ ପାଣି ଘରକୁ ଯାଉଛି । ପାଣି ପାଇପ୍ ପରିବର୍ତ୍ତନ ପାଇଁ ଗଲା ୬ ମାସ ହେବ ସ୍ଥାନୀୟ ଲୋକ ଦାବି କରୁଛନ୍ତି । ହେଲେ ପିଏଚ୍ଡି ଓ ସିଏମ୍ସି ପକ୍ଷରୁ ଏନେଇ କୌଣସି କାର୍ଯ୍ୟାନୁଷ୍ଠାନ ଗ୍ରହଣ କରାଗଲାନି । ଫଳ ସ୍ୱରୂପ ଖରା ଦିନ ଆସିବାର ବହୁ ପୂର୍ବରୁ ଶିଖରପୁରରେ ଜଣ୍ଡିସ୍ ବ୍ୟାପିଛି । ଗଲା ସପ୍ତାହକ ମଧ୍ୟରେ ୨୦ରୁ ଅଧିକ କାମଳରେ ଆକ୍ରାନ୍ତ ହୋଇ ଚିକିତ୍ସିତ ହେଉଛନ୍ତି । ଆଜି ମଧ୍ୟ ୫ ଜଣ ନୂଆ ରୋଗୀ ଚିହ୍ନଟ ହୋଇଛନ୍ତି । ମାତ୍ର ସିଏମ୍ସି ପକ୍ଷରୁ ଏଯାଏ ସେଠାରେ ସ୍ୱାସ୍ଥ୍ୟ ଶିବିର ଆରମ୍ଭ ହୋଇନି । ତେବେ ସ୍ଥିତି ବିଗୁଡ଼ୁଥିବା ଦେଖି ସ୍ଥାନୀୟ ବିଧାୟକ ପ୍ରଭାତ ରଂଜନ ବିଶ୍ୱାଳ ଆଜି ଶିଖରପୁର ଯାଇ ସ୍ଥିତି ଅନୁଧ୍ୟାନ କରିଛନ୍ତି । ସ୍ଥାନୀୟ ଲୋକଙ୍କଠାରୁ ସ୍ଥିତି ବିଷୟରେ ଅବଗତ ହୋଇଛନ୍ତି । ଘଟଣା ନେଇ ବିଧାୟକଙ୍କ ପକ୍ଷରୁ ପିଏଚ୍ଡିକୁ ସୂଚନା ଦିଆଯିବା ପରେ ଅପରାହ୍ନରେ ପିଇବା ପାଣି ଟ୍ୟାଙ୍କର ଯୋଗେ ପାଣି ଯୋଗାଣ ଆରମ୍ଭ ହୋଇଛି । ଏହା ଛଡ଼ା ପ୍ରଭାବିତ ଗଳିରେ ଥିବା ଘରୋଇ ସଂଯୋଗକୁ ତୁରନ୍ତ କାଟିବା ସହିତ ସେଠାରେ ଥିବା ପିଇବା ପାଇପ୍କୁ ତୁରନ୍ତ ବଦଳାଇବା ପାଇଁ ପିଏଚ୍ଡି ପକ୍ଷରୁ ନିର୍ଦ୍ଦେଶ ଦିଆଯାଇଛି । ଏହା ଛଡ଼ା ପାଣି ନମୁନା ସଂଗ୍ରହ କରାଯାଇ ପରୀକ୍ଷା ପାଇଁ ପଠାଯାଇଥିବା ସୂଚନା ମିଳିଛି ।