ବଲିଉଡ୍ ଅଭିନେତା ରଣବୀର ସିଂହଙ୍କ ଦୁଇଟି ଫିଲ୍ମ ଏବେ ରିଲିଜ୍ ଅପେକ୍ଷାରେ ଅଛି । ତା’ ହେଲା ‘୮୩’ ଏବଂ ‘ଜୟେଶଭାଇ ଜୋରଦାର’ ।
ସେଥିମଧ୍ୟରୁ ‘୮୩’ କରୋନା ସଙ୍କଟ ଆସିବା ପୂର୍ବରୁ ରିଲିଜ୍ ପାଇଁ ପ୍ରସ୍ତୁତ ହୋଇଯାଇଥିଲା । ‘ଜୟେଶଭାଇ ଜୋରଦାର’ର ସୁଟିଂ ବି ସରିଯାଇଛି । କିନ୍ତୁ ପୋଷ୍ଟ ପ୍ରଡକ୍ସନ୍ ସରିନାହିଁ । ଅନଲକ୍ର ଏହି ପର୍ଯ୍ୟାୟରେ ରଣବୀର ଏବେ ତାର ଡବିଂ ଆରମ୍ଭ କରିଛନ୍ତି । ନିକଟରେ ତାଙ୍କୁ ସେଥିପାଇଁ ୟଶରାଜ ଫିଲ୍ମସର ଷ୍ଟୁଡ଼ିଓରେ ଦେଖିବାକୁ ମିଳିଥିଲା । ଅନ୍ୟପଟେ ଫିଲ୍ମଟି ଓଟିଟିରେ ରିଲିଜ୍ ହେବ ବୋଲି ଚର୍ଚ୍ଚା ଚାଲିଥିବାବେଳେ ଜଣେ ସୂତ୍ର ତାକୁ ଖଣ୍ଡନ କରିଛନ୍ତି ।
କହିଛନ୍ତି, ‘ଜୟେଶଭାଇ ଜୋରଦାର’ ଥିଏଟରରେ ନିଶ୍ଚିତ ଭାବେ ରିଲିଜ୍ ହେବ । ଏଥିରେ କୌଣସି ସନ୍ଦେହ ନାହିଁ । ନିର୍ମାତାମାନେ ଫିଲ୍ମଟିକୁ ରିଲିଜ୍ କରିବା ଲାଗି ଉପଯୁକ୍ତ ସମୟର ଅପେକ୍ଷାରେ ଅଛନ୍ତି ।’ ସୂଚନାଥାଉକି, ନବାଗତ ଦିବ୍ୟାଙ୍ଗ ଠକ୍କର ଏହି କମେଡି ଫିଲ୍ମର ନିର୍ଦ୍ଦେଶନା ଦେଉଛନ୍ତି । ୟଶରାଜ ଫିଲ୍ମସ ସହ ମନୀଷ ଶର୍ମା ପ୍ରଯୋଜକ ଅଛନ୍ତି । ରଣବୀରଙ୍କ ବିପକ୍ଷରେ ଏଥିରେ ଶାଲିନୀ ପାଣ୍ଡେ ସ୍କ୍ରିନ୍ ସେୟାର କରିବେ ।