PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ଵର : CHSE ଅଫିସରେ ସମ୍ମୁଖରେ ହାତ କାଟିଲେ ଛାତ୍ରୀ, ହସ୍ପିଟାଲରେ ଭର୍ତ୍ତି
  • ||
  • ସମ୍ବଲପୁର : ଭିଜିଲାନ୍ସ ପଞ୍ଝାରେ OCCL ସିନିୟର ମ୍ୟାନେଜର, ଆୟ ବର୍ହିଭୁକ୍ତ ସମ୍ପତ୍ତି ଠୁଳ ଅଭିଯୋଗ
  • ||
  • ଗଞ୍ଜାମ: ରାତି ଅଧରେ ବିଭତ୍ସ ହତ୍ୟା, ଶୋଇଥିବା ବେଳେ ଯୁବକଙ୍କୁ ହାଣିବା ପରେ ମୁହଁକୁ ପଥରରେ ଛେଚି ହତ୍ୟା
  • ||
  • ଖୋର୍ଦ୍ଧା: ସଦର ଥାନା ତାପଙ୍ଗ ଗ୍ରାମରେ ଖୁଦୁରୁକୁଣୀକୁ ନେଇ ଗଣ୍ଡଗୋଳ ଜଣକୁ ହତ୍ୟା
  • ||
  • ଭୁବନେଶ୍ୱର: ୨୪ ଘଣ୍ଟା ମଧ୍ୟରେ ଆଉ ୫୧୦ ଜଣ ପଜିଟିଭ୍ ଚିହ୍ନଟ, ଆକ୍ରାନ୍ତଙ୍କ ସଂଖ୍ୟା ୧୦ ଲକ୍ଷ ୨୦ ହଜାର ପାର୍
  • ||
  • ଭୁବନେଶ୍ୱର: ରାଜ୍ୟରେ ଆଉ ୬ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୧୪୧କୁ ବୃଦ୍ଧି
  • ||
  • ଭୁବନେଶ୍ୱର: ଖୋଲା ଡ୍ରେନ୍‌ରେ ଛାତ୍ର ଭାସିଯିବା ଘଟଣା, ୧୮ ଘଣ୍ଟା ପରେ ଠାବ ହେଲା ରାଜାଙ୍କ ମୃତଦେହ
  • ||
  • ବୁର୍ଲା : ଭିସୁଟ୍‌ରେ ପଶିଲା କରୋନା, କୁଳପତିଙ୍କ ସମେତ ୨ ଛାତ୍ର ଆକ୍ରାନ୍ତ ଚିହ୍ନଟ
  • ||
  • ଭୁବନେଶ୍ୱର : ଆଗାମୀ ୧୦ ଦିନ ମଧ୍ୟରେ ବଙ୍ଗୋପସାଗରରେ ଏକାଧିକ ଘୁର୍ଣ୍ଣିବଳୟର ସୃଷ୍ଟି, ଓଡିଶାରେ ପ୍ରବଳରୁ ଅତି ପ୍ରବଳ ବର୍ଷା ସମ୍ଭାବନା
  • ||
  • ଅନୁଗୁଳ : ବନ୍ଦ କ୍ୱାର୍ଟର୍ସରେ ଲୁଚାଇ ରଖିଥିଲେ, ଏକ୍ସପାରି ହେବା ପରେ ରାତାରାତି ଗାଡ଼ି ଗାଡ଼ି ଔଷଧ ଫିଙ୍ଗି ଦେଲେ…
  • ||
  • ପୁରୀ : ଆଜି ଶ୍ରୀମନ୍ଦିରରେ ଇନ୍ଦ୍ର ଗୋବିନ୍ଦ ବନ୍ଦାପନା
  • ||
  • ପିପିଲି : ଆଜିଠୁ ଜମିବ ଉପନିର୍ବାଚନ ପ୍ରଚାର, ମଇଦାନକୁ ଓହ୍ଲାଇବେ ତିନି ଦଳର ଷ୍ଟାର ପ୍ରଚାରକ
  • ||

ଆଇଟିଇଆର୍‌ରେ ‘ଚକ୍ରବ୍ୟୂହ ଆଣ୍ଡ ଜେନେସିସ୍‌-୨କେ୧୯’: ଅର୍ଥ ନୁହେଁ, କାର୍ଯ୍ୟକୁ ଗୁରୁତ୍ୱ ଦିଅ

ଭୁବନେଶ୍ୱର,୨୭ା୩(ବ୍ୟୁରୋ): ସବୁ କ୍ଷେତ୍ରରେ ଦିନକୁ ଦିନ ପ୍ରତିଯୋଗିତା ବୃଦ୍ଧି ପାଉଛି । ଏଥିପାଇଁ ନିଜକୁ ପ୍ରସ୍ତୁତ ହେବାକୁ ପଡ଼ିବ । ଛାତ୍ରଛାତ୍ରୀମାନେ ଆରାମଦାୟକ ଜୀବନଶୈଳୀରୁ ବାହାରି କଠିନ ପରିଶ୍ରମ କରନ୍ତୁ । ଯେତେବେଳେ ଚାକିରି ସୁଯୋଗ ଆସିବ, ସେତେବେଳେ ଦରମା ପ୍ୟାକେଜ୍‌କୁ ଧ୍ୟାନ ଦିଅ ନାହିଁ । ଯେଉଁ କମ୍ପାନିରୁ ଅଧିକ ଶିଖିବାକୁ ଓ କାର୍ଯ୍ୟ କରିବାକୁ ସୁଯୋଗ ମିଳିବ ତାକୁ ଗୁରୁତ୍ୱ ଦିଅ । ଛାତ୍ରଛାତ୍ରୀଙ୍କୁ ଏଭଳି ପରାମର୍ଶ ଦେଇଛନ୍ତି ଆଇସିଟି-ଆଇଓସିର ନିର୍ଦ୍ଦେଶକ ପ୍ରଫେସର ଭାସ୍କର ନାରାୟଣ ଥୋରାଟ ।

ଶିକ୍ଷା ଓ ଅନୁସନ୍ଧାନ (ଡିମ୍‌ଡ ଟୁ ବି ୟୁନିଭର୍ସିଟି) ଅଧୀନସ୍ଥ ଇନ୍‌ଷ୍ଟିଚ୍ୟୁଟ୍‌ ଅଫ୍‌ ଟେକ୍ନିକାଲ୍‌ ଏଜୁକେଶନ ଆଣ୍ଡ ରିସର୍ଚ୍ଚ (ଆଇଟିଇଆର୍‌)ରେ ଆୟୋଜିତ ‘ଚକ୍ରବ୍ୟୂହ ଆଣ୍ଡ ଜେନେସିସ୍‌-୨କେ୧୯’ରେ ମୁଖ୍ୟଅତିଥି ଭାବେ ଯୋଗଦେଇ ପ୍ରଫେସର ଥୋରାଟ କହେିଲ, ପୂର୍ବ ଅପେକ୍ଷା ବର୍ତ୍ତମାନ ଶକ୍ଷିାଦାନ ପ୍ରଣାଳୀରେ ବିରାଟ ପରିବର୍ତ୍ତନ ଆସିଛି । ପୂର୍ବରୁ ଶିକ୍ଷକମାନେ ଶ୍ରେଣୀକୁ ଆସିବାବେଳେ ଚକ୍‌ ଧରି ଆସୁଥେିଲ । ଘଣ୍ଟା ଘଣ୍ଟା ପାଠ ପଢ଼ାଉଥିଲେ । ଏବେ ଏଥିରେ ପରିବର୍ତ୍ତନ ହୋଇଛି । ବର୍ତ୍ତମାନ ଶିକ୍ଷକ ଶ୍ରେଣୀକୁ ଆସିବାବେଳେ ଲାପଟପ୍‌ ନେଇ ଆସୁଛନ୍ତି । ପିଲାଙ୍କୁ ସଫ୍ଟୱେୟାର ମାଧ୍ୟମରେ ଶିକ୍ଷା ଦେଉଛନ୍ତି । ତେବେ ଏହି ପରିବର୍ତ୍ତନ ଅନୁଯାୟୀ ବିଶ୍ୱବିଦ୍ୟାଳୟରେ ଗବେଷଣାକୁ ଅଧିକ ଗୁରୁତ୍ୱ ଦିଆଯିବ ଦରକାର । ଅଧ୍ୟାପକ ଓ ଅଧ୍ୟାପିକାମାନେ ବିଭିିନ୍ନ ବିଷୟବସ୍ତୁ ଉପରେ ଗବେଷଣା ଜାରି ରଖିବା ଆବଶ୍ୟକ ।

ଉତ୍ସବରେ ସମ୍ମାନିତ ଅତିଥି ଭାବେ ଆଇଏମ୍‌ଏସ୍‌ ଆଣ୍ଡ ସମ୍‌ ହସ୍ପିଟାଲ୍‌ର ସ୍ୱାସ୍ଥ୍ୟ ସେବା ନିର୍ଦ୍ଦେଶକ ଡା. ଅଶୋକ ମହାପାତ୍ର ଯୋଗଦେଇ କହିଲେ, ଜୀବନରେ କର୍ମ ହିଁ ସବୁ କିଛି । ଆମକୁ କର୍ମ କରିବାକୁ ପଡିବ । ନିଜର ମାନବକିତାକୁ ସମୃଦ୍ଧି କରି ଅନ୍ୟର ବିକାଶ ପାଇଁ କାର୍ଯ୍ୟ କରିବାକୁ ହେବ । ଜୀବନରେ ଟଙ୍କା ସବୁକିଛି ନୁହେଁ । ଟଙ୍କା ଆମକୁ ଅଳ୍ପ ସମୟ ପାଇଁ ଖୁସି ଦେଇଥାଏ । ହେଲେ ସାରା ଜୀବନ ଖୁସିରେ ରହିବାକୁ ହେଲେ ସ୍ୱାସ୍ଥ୍ୟକୁ ଗୁରୁତ୍ୱ ଦେବା ଆବଶ୍ୟକ । ଯୁବଗୋଷ୍ଠୀମାନେ ବିଶେଷକରି ନିଜର ସ୍ୱାସ୍ଥ୍ୟ ପ୍ରତି ଅଧିକ ଧ୍ୟାନ ଦିଅନ୍ତୁ । ସୋସିଆଲ୍‌ ମିଡିଆରୁ ବାହାରି ନିଜ ସ୍ୱାସ୍ଥ୍ୟବସ୍ଥାର ଯତ୍ନ ନିଅନ୍ତୁ । ଉପଯୁକ୍ତ ସମୟରେ ଖାଦ୍ୟ ଖାଇ ବିଶ୍ରାମ ନିଅନ୍ତୁ । କାରଣ ଯୁବଗୋଷ୍ଠୀ ସୁସ୍ଥ ରହିଲେ ହିଁ ଦେଶ ବିକଶିତ ହେବ । କାର୍ଯ୍ୟକ୍ରମରେ ଆଇଟିଇଆର୍‌ ଡିନ୍‌ ଡ. ପି.କେ ସାହୁ ସ୍ୱାଗତ ଅଭିଭାଷଣ ଦେଇଥିଲେ । କାର୍ଯ୍ୟକ୍ରମର ମୁଖ୍ୟ ସଂଯୋଜକ ରଞ୍ଜନ ମଲ୍ଲିକ ଉପସ୍ଥିତ ଥିଲେ । ଶେଷରେ ଛାତ୍ରଛାତ୍ରୀମାନେ ସାଂସ୍କୃତିକ କାର୍ଯ୍ୟକ୍ରମ ପରିବେଷଣ କରିଥିଲେ ।

ସମ୍ବନ୍ଧିତ ଖବର