PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ୪ ତାରିଖ ସକାଳେ ସ୍ଥଳଭାଗ ବାତ୍ୟା ଛୁଇଁବ ବୋଲି ଏସଆରସିଙ୍କ ସୂଚନା।
  • ||
  • ଓମିକ୍ରନ୍ ଭୟ : ତାମିଲନାଡୁର ଏକ ସ୍କୁଲ୍‌ରେ କରୋନା ଆତଙ୍କ , ୨୫ ପିଲାଙ୍କୁ କୋଭିଡ୍‌ ପଜିଟିଭ୍
  • ||
  • ୨୯ ଦେଶକୁ ମାଡ଼ି ଗଲାଣି ଓମିକ୍ରନ୍ – ପ୍ରେସମିଟ୍‌ରେ କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରାଳୟର ସୂଚନା
  • ||
  • ଭାରତରେ ଓମିକ୍ରନ ,କର୍ଣ୍ଣାଟକରୁ ଚିହ୍ନଟ ହେଲେ ୨ ଓମିକ୍ରନ ଆକ୍ରାନ୍ତ , ପ୍ରେସ୍‌ମିଟ୍‌ରେ କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରାଳୟର ସୂଚନା
  • ||
  • ତେଲେଙ୍ଗାନାରେ ଚିହ୍ନଟ ହୋଇନି ଓମିକ୍ରନ , ଏ ନେଇ ଖବରକୁ ଖଣ୍ଡନ କଲା ତେଲେଙ୍ଗାନା ସ୍ୱାସ୍ଥ୍ୟ ବିଭାଗ । ବ୍ରିଟେନ୍‌ ଫେରନ୍ତା ମହିଳା କୋଭିଡ୍‌ ପଜିଟିଭ ଚିହ୍ନଟ
  • ||
  • ଭାରତରେ ପ୍ରଥମ ଓମିକ୍ରନ ଭାରିଆଣ୍ଟ ଚିହ୍ନଟ , ତେଲେଙ୍ଗାନାରୁ ଓମିକ୍ରନ୍‌ ଭାରିଆଣ୍ଟ ଆକ୍ରାନ୍ତ ଚିହ୍ନଟ , ଆକ୍ରାନ୍ତ ମହିଳାଙ୍କର ବୟସ ୩୫ ବର୍ଷ , ଇଂଲଣ୍ଡରୁ ଫେରିଥିଲେ ସଂପୃକ୍ତ ମହିଳା
  • ||
  • କଟକ: ଗାଡ଼ି ଟଣା ବେଳେ ଫାଇନାନ୍ସ କମ୍ପାନି କର୍ମଚାରୀ ଉପରକୁ ବ୍ଲାଙ୍କ ଫାଇରିଙ୍ଗ୍ ଘଟଣା, ଦୁଇ ଅଭିଯୁକ୍ତକୁ ଧରିବା ପାଇଁ କଟକ ପୋଲିସ ଟିମ୍ ଗଞ୍ଜାମରେ
  • ||
  • ଅମ୍ବାଦଳା: ୮ ଲକ୍ଷରୁ ଉର୍ଦ୍ଧ୍ବ ଟଙ୍କାର ଗଞ୍ଜେଇ ଜବତ, ବାଇକ ସହ ୩ ଗିରଫ
  • ||
  • ବ୍ରହ୍ମପୁର: ବିଶିଷ୍ଟ ସିପିଏମ୍ ନେତା ବସନ୍ତ ନନ୍ଦଙ୍କ ହୃଦଘାତରେ ବିୟୋଗ
  • ||
  • ରାୟଗଡା: ୩ ବର୍ଷ ଅଙ୍ଗନବାଡି ଚାକିରି କରିବା ପରେ ଚାକିରିରୁ ବାହାର କରାଯାଇଥିବା ଅଭିଯୋଗ
  • ||
  • କାଶୀପୁର: ହାତଗୁଞ୍ଜା ବିନା ଘୁଞ୍ଚୁନି ଫାଇଲ, ପ୍ରାପ୍ୟ ପାଇବାରେ ହଇରାଣ ଅବସର ଶିକ୍ଷକ
  • ||
  • ପାପଡାହାଣ୍ଡି: ମହୁ ମାଛି ଆକ୍ରମଣରେ ବୃଦ୍ଧ ଗୁରୁତର!
  • ||
  • ସୁନ୍ଦରଗଡ଼: କୋଇଡାରେ ଥମୁନି ହାତୀ ଉପଦ୍ରବ, ଘରେ ଶୋଇଥିବା ବେଳେ ଟାଣି ଦଳି ଦେଲା ଦନ୍ତା, ଘଟଣା ସ୍ଥଳରେ ବୃଦ୍ଧଙ୍କ ଉଡିଗଲା ପ୍ରାଣ ବାୟୁ
  • ||
  • ଭୁବନେଶ୍ୱର: ବିଧାନସଭାର ଶୀତକାଳୀନ ଅଧିବେଶର ଦ୍ବିତୀୟ ଦିନ, ଆରମ୍ଭରୁ ବିରୋଧୀଙ୍କ ହୋହଲ୍ଲା ଓ ହଟ୍ଟଗୋଳ, ୪ ଯାଏଁ ଗୃହ ମୁଲତବୀ
  • ||
  • ଭୁବନେଶ୍ୱର: ୧୨ ଘଣ୍ଟାରେ ଅବପାତ, ୨୪ ଘଣ୍ଟା ମଧ୍ୟରେ ବାତ୍ୟା ରପୂ ନେବ ସମ୍ଭାବନା
  • ||
  • ଭୁବନେଶ୍ୱର: ରାଜ୍ୟରେ ଆଉ ୨ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୪୧୫କୁ ବୃଦ୍ଧି
  • ||
  • ଭୁବନେଶ୍ଵର: ୨୪ ଘଣ୍ଟାରେ ୨୫୨ କୋଭିଡ୍ ପଜିଟିଭ୍ ଚିହ୍ନଟ, ଆକ୍ରାନ୍ତଙ୍କ ସଂଖ୍ୟା ୧୦୪୯୫୯୭ ଜଣକୁ ବୃଦ୍ଧି
  • ||
  • ନୂଆଦିଲ୍ଲୀ:୨୩ ରାଷ୍ଟ୍ରକୁ ବ୍ୟାପିଲା ଓମ୍ରିକନ୍, ଆନ୍ତର୍ଜାତିକ ବିମାନ ଉଡାଣ ସ୍ଥଗିତ
  • ||
  • ସୋର: ମନ୍ଦିରରୁ ଲକ୍ଷାଧିକ ଟଙ୍କାର ସୁନା ଓ ରୂପା ଗହଣା ଚୋରି
  • ||
  • କୋକସରା: ବିଦ୍ୟୁତ ସଂଯୋଗ ପାଇଁ ରାସ୍ତା ଅବରୋଧ କଲେ ଗ୍ରାମବାସୀ
  • ||

ବ୍ୟାଙ୍କଗୁଡ଼ିକୁ ସରକାରଙ୍କ ଆହ୍ୱାନ: ଜେଟ୍‌କୁ ଉଦ୍ଧାର କର

ନୂଆଦିଲ୍ଲୀ,୧୯ା୩(ଏଜେନ୍ସି):ଆଗକୁ ନିର୍ବାଚନ । ଏଭଳି କ୍ଷେତ୍ରରେ ସରକାର ବିଭିନ୍ନ ପ୍ରକାର ରଣକୌଶଳ ଆପଣାଉଛନ୍ତି । ଏହି କ୍ରମରେ ଆର୍ଥିକ ସଙ୍କଟ ମଧ୍ୟରେ ଗତି କରୁଥିବା ଜେଟ୍‌ ଏୟାର୍‌ୱେଜ୍‌କୁ ଉଦ୍ଧାର କରିବାକୁ ବ୍ୟାଙ୍କଗୁଡିକୁ ଆହ୍ୱାନ ଦେଇଛନ୍ତି ନରେନ୍ଦ୍ର ମୋଦି ସରକାର । ବର୍ତ୍ତମାନ ସମୟରେ ଜେଟ୍‌କୁ ଦେବାଳିଆ ହେବାରୁ ଅଟକାଇ ହଜାର ହଜାର ନିଯୁକ୍ତି ବଞ୍ଚାଇବାକୁ ଚାହାନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ଏକ ବିଶେଷ ସୂତ୍ରରୁ ଏହା ଜଣାଯାଇଛି । ଜେଟ୍‌ର ଆର୍ଥିକ ସ୍ଥିତିକୁ ନେଇ ଅର୍ଥ ମନ୍ତ୍ରଣାଳୟ ବିଗତ ଦିନରେ ବ୍ୟାଙ୍କଗୁଡିକଠାରୁ ତଥ୍ୟ ହାସଲ କରିଛି । ଜେଟ୍‌ର ପୁନରୁଦ୍ଧାର ଯୋଜନାକୁ ନେଇ ଏବେ ବ୍ୟାଙ୍କଗୁଡିକ ସରକାରଙ୍କୁ ସାପ୍ତାହିକ ବିବରଣୀ ଦେଉଛନ୍ତି । ଅର୍ଥ ମନ୍ତ୍ରଣାଳୟର ବରିଷ୍ଠ ଅଧିକାରୀମାନେ କମ୍ପାନିର ସମସ୍ୟା ଉପରେ ନିୟମିତ ଭାବେ ତଥ୍ୟ ଲୋଡୁଛନ୍ତି । ଜେଟ୍‌କୁ ଋଣ ପ୍ରଦାନ କରିଥିବା ଏକ ବ୍ୟାଙ୍କର ବରିଷ୍ଠ ଅଧିକାରୀ ଏହି ସୂଚନା ଦେଇଛନ୍ତି ।

ଜେଟ୍‌ର ଋଣକୁ ଇକ୍ୱିଟିରେ ରୂପାନ୍ତର କରିବା ପାଇଁ ସରକାର ରାଷ୍ଟ୍ରାୟତ୍ତ ବ୍ୟାଙ୍କଗୁଡିକୁ ନିର୍ଦ୍ଦେଶ ଦେଇଛନ୍ତି । କମ୍ପାନିର ଅଂଶଧନ ନେଇ ଏହାକୁ ଉଦ୍ଧାର କରିବା ପାଇଁ ଯୋଜନା ପ୍ରସ୍ତୁତ ହୋଇଛି । ଟିକସଦାତାଙ୍କ ଟଙ୍କାକୁ ବ୍ୟବହାର କରି ଆର୍ଥିକ ସଙ୍କଟ ମଧ୍ୟରେ ସଂଘର୍ଷ କରୁଥିବା ଜେଟ୍‌କୁ ଦେବାଳିଆ ହେବାରୁ ବଞ୍ଚାଇବା ପାଇଁ ସରକାର ବ୍ୟାଙ୍କଗୁଡିକୁ ଅନୁରୋଧ କରିଛନ୍ତି । ଭାରତ ଇତିହାସରେ ଏହା ପ୍ରଥମ ଏପରି ଘଟଣା ହେବ । ତେବେ ଜେଟ୍‌ ମୁକୁଳିବା ପରେ ବ୍ୟାଙ୍କଗୁଡିକ ଏହି ଅଂଶଧନକୁ ବିକ୍ରି କରିପାରିବେ । ଏହି ଯୋଜନାରେ ସାମିଲ ହେବା ପାଇଁ ସରକାର ଜାତୀୟ ନିବେଶ ଏବଂ ଭିତ୍ତିଭୂମି ପାଣ୍ଠି(ଏନ୍‌ଆଇଆଇଏଫ୍‌)କୁ ମଧ୍ୟ ନିର୍ଦ୍ଦେଶ ଦେଇଛନ୍ତି । ସୂଚନାଯୋଗ୍ୟ, ଏନ୍‌ଆଇଆଇଏଫ୍‌ରେ ସରକାରଙ୍କ ୪୯% ଅଂଶଧନ ରହିଛି । ଯୋଜନା ଯଦି ସଫଳ ହୁଏ ତା’ହେଲେ ଭାରତୀୟ ଷ୍ଟେଟ୍‌ ବ୍ୟାଙ୍କ(ଏସ୍‌ବିଆଇ), ପିଏନ୍‌ବି ଏବଂ ଏନ୍‌ଆଇଆଇଏଫ୍‌ ଜେଟ୍‌ର ଏକ ତୃତୀୟାଂଶ ଅଂଶଧନ ହାସଲ କରିବେ । ନୂଆ ମାଲିକ ଆସିବା ଯାଏ ସେମାନେ ଉକ୍ତ ଅଂଶଧନ ଧରିବେ ।

ସଚୂନାଯୋଗ୍ୟ, ୧୦୦ କୋଟି ଡଲାର ଋଣ ବୋଝରେ ବୁଡିଥିବା ଜେଟ୍ ଏବେ ନିଜକୁ ପରିଚାଳନା କରିବା ପାଇଁ ଅସମର୍ଥ ହେଉଛି । ବିମାନ ଲିଜ୍ ବାବଦ ଅର୍ଥ ଭରଣା କରିପାରୁ ନ ଥିବାରୁ ଏହା ଅନେକ ବିମାନର ଚଳାଚଳକୁ ବନ୍ଦ କରିଦେଇଛି । ବ୍ୟାଙ୍କ, ଯୋଗାଣକାରୀ, କମର୍ଚାରୀ ଏବଂ ବିମାନ ଲିଜ୍ ପ୍ରଦାନକାରୀମାନଙ୍କୁ ଏହା ପାଉଣା ଦେଇପାରୁନାହିଁ । କେତେକ ଲିଜ୍ ପ୍ରଦାନକାରୀ କମ୍ପାନି ସହ ଚୁକ୍ତି ମଧ୍ୟ ବାତିଲ କରିଦେଇଛନ୍ତି । ଆସନ୍ତା ମାସ ବିଶ୍ୱର ସର୍ବବୃହତ୍‌ ଲୋକତନ୍ତ୍ର ‘ଭାରତ’ରେ ନିର୍ବାଚନ ହେବାକୁ ଯାଉଛି । ତେବେ ଦେଶର ଦ୍ରୁତ ଅଭିବୃଦ୍ଧିଶୀଳ ବେସାମରିକ ବିମାନ ଚଳାଚଳ ଶିଳ୍ପ ସଙ୍କଟଜନକ ପରିସ୍ଥିତି ଦେଇ ଗତି କରୁଛି । ଏହା ହେଉଛି ଉକ୍ତ କ୍ଷେତ୍ର ଯାହା ଲକ୍ଷ ଲକ୍ଷ ଲୋକଙ୍କୁ ନିଯୁକ୍ତି ପ୍ରଦାନ କରିଛି । ଏଭଳି ଏକ ନିଯୁକ୍ତି ପ୍ରଦାନକାରୀ କ୍ଷେତ୍ରକୁ ବଞ୍ଚାଇ ସରକାର ନିଜର ନିର୍ବାଚନୀ ପ୍ରତିଶ୍ରୁତିକୁ ପୂରଣ କରିବାକୁ ଚାହାନ୍ତି ।

ସମ୍ବନ୍ଧିତ ଖବର