PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ହୀରାକୁଦରେ ପର୍ଯ୍ୟଟନର ବିକାଶ ପାଇଁ ୧୩୦ କୋଟି ବ୍ୟୟ ହେବ
  • ||
  • ଗଞ୍ଜାମ ପୁରୁଷୋତ୍ତମପୁର- ପ୍ରେମିକାକୁ ଜୀଅନ୍ତା ଜାଳିଦେବା ଘଟଣାରେ ଅଭିଯୁକ୍ତ ଯୁବକ ଗିରଫ
  • ||
  • ଭୁବନେଶ୍ଵର : ଅଗଷ୍ଟ ପ୍ରଥମ ସପ୍ତାହରୁ +୨ ନାମଲେଖା ପ୍ରକ୍ରିୟା, ଜୁଲାଇ ଶେଷ ସୁଦ୍ଧା ବିସ୍ତୃତ ତଥ୍ୟ ଅପଡେଟ୍‌ ପାଇଁ ଜୁନିୟର୍‌ କଲେଜଗୁଡ଼ିକୁ ନିର୍ଦ୍ଦେଶ
  • ||
  • ସମ୍ବଲପୁର : ହୀରାକୁଦ ଜଳଭଣ୍ଡାରର ଖୋଲିଲା ଆଉ ୪ଟି ଗେଟ୍, ୧୪ଟି ଗେଟ୍ ଦେଇ ଜଳ ନିଷ୍କାସନ ଜାରି
  • ||
  • ଭିନ୍ନକ୍ଷମ ଓ ବରିଷ୍ଠ ନାଗରିକଙ୍କୁ ଘରେ ଟିକା ଦେବା ମାମଲା : ରାଜ୍ୟ ସରକାର ନେଇଥିବା ପଦକ୍ଷେପ ଓ କୌଣସି ପରିଚୟ ପତ୍ର ନଥିବା ଲୋକଙ୍କ ପାଇଁ ନିଆଯାଇଥିବା ପଦକ୍ଷେପ ସମ୍ପର୍କରେ ଜଣାଇବାକୁ ହାଇକୋର୍ଟଙ୍କ ନିର୍ଦେଶ
  • ||
  • ବଲାଙ୍ଗିର : ରାଜେନ୍ଦ୍ର ବିଶ୍ୱବିଦ୍ୟାଳୟର ୟୁଜିସି ମାନ୍ୟତା ନମିଳିବା ପ୍ରସଙ୍ଗ, ଭିସିଙ୍କୁ ଭେଟି ଆଲୋଚନା କଲା ଛାତ୍ର କଂଗ୍ରେସ
  • ||
  • ରାଜ୍ୟରେ ଅଗଷ୍ଟରୁ ଅକ୍ଟୋବର ଭିତରେ ଆସିବ ତୃତୀୟ ଲହରୀ : ବିଜୟ ମହାପାତ୍ର
  • ||
  • ନୀଳଗିରି : ନୀଳଗିରି ନିକଟ ଆମ୍ବଡିହା ଛକରେ ଦୁର୍ଘଟଣା, ମେଡ଼ିକାଲକୁ ବିଲେଇ କାମୁଡ଼ା ଇଞ୍ଜେକ୍ସନ୍ ନେବାକୁ ଆସୁଥିବା ବେଳେ ବାଇକ୍ ଦୁର୍ଘଟଣାରେ ମହିଳା ମୃତ, ମୃତ ମହିଳା ହେଲେ ଖନ୍ତାପଡା ଥାନା ବରୁଣସିଂ ଗ୍ରାମର ଭିକା ଦାସଙ୍କ ସ୍ତ୍ରୀ ତୁଳସୀ
  • ||
  • କଟକ : ଚୌଦ୍ଵାର କଲେଜ ପଛପଟ ସାହିରେ ଲୁଟ୍, ଘରେ କେହି ନଥିବାର ସୁଯୋଗ ନେଇ ଲୁଟି ନେଲେ ୧୦ ଲକ୍ଷରୁ ଅଧିକ ଟଙ୍କାର ସୁନାଗହଣା
  • ||
  • ରାଇରଙ୍ଗପୁର : ରାଇରଙ୍ଗପୁର ଗ୍ରାମାଞ୍ଚଳ ଥାନା ନୁରୁବାଦଡା ଗ୍ରାମରେ ଟ୍ରାକ୍ଟର ଧକ୍କାରେ ବାଇକ ଆରୋହୀ ମୃତ
  • ||
  • ରାଜ୍ୟରେ କରୋନା ମୃତ୍ୟୁ ସଂଖ୍ୟାର ଚାଲିଛି ଅଡିଟ୍, ଶେଷ ହେବାକୁ ଆଉ ୧୦ ରୁ ୧୫ ଦିନ ସମୟ ଲାଗିବ : ଡିଏମଇଟି
  • ||
  • କେସିଙ୍ଗା : କେସିଙ୍ଗା ପରିଦର୍ଶନ ସହ ବିଭିନ୍ନ ପ୍ରକଳ୍ପ କାମର ସମୀକ୍ଷା କଲେ ପିଡି ଡିଆରଡିଏ
  • ||
  • ନୂଆଦିଲ୍ଲୀ : କର୍ଣ୍ଣାଟକର ନୂଆ ମୁଖ୍ୟମନ୍ତ୍ରୀ ଭାବେ ଶପଥ ନେଲେ ବାସବରାଜ ବୋମାଇ
  • ||
  • ଭୁବନେଶ୍ଵର : ଦିଲ୍ଲୀରୁ ଚୋରି ଭୁବନେଶ୍ଵରରେ ଗିରଫ, କୋଟିଏ ଟଙ୍କାର ଅଳଙ୍କାର ଚୋରି କରି ଚମ୍ପଟ ମାରିଥିଲା ଚୂନଲଗା ଚାକରାଣୀ, ସାଲିହାସାହିରୁ ଧରିଲା ପୋଲିସ
  • ||
  • ଜଗତସିଂହପୁର : ରାତି ଅଧରେ ଧାରଣାରତ ମହିଳାଙ୍କ ଉପରେ ଆକ୍ରମଣ, ମାଡ଼ ମାରି ଗାଳିଗୁଲଜ କଲେ ୫ରୁ ଉର୍ଦ୍ଧ୍ଵ ଦୁର୍ବୃତ୍ତ
  • ||
  • ଭୁବନେଶ୍ଵର : ରାଜ୍ୟରେ ଆଉ ୬୯ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୫୭୦୩କୁ ବୃଦ୍ଧି
  • ||
  • ଭୁବନେଶ୍ୱର : ରାଜ୍ୟରେ ଗତ ୨୪ ଘଣ୍ଟା ମଧ୍ୟରେ ଚିହ୍ନଟ ହେଲେ ଆଉ ୧୭୦୩ ଜଣ କୋଭିଡ୍ ପଜିଟିଭ୍
  • ||
  • ଭୁବନେଶ୍ଵର : ରାଜଧାନୀରେ ଅଣାୟତ୍ତ ଡେଙ୍ଗୁ, ଜୀବନ ସହ ଖେଳୁଛି ବିଏମ୍‌ସି, ମାଡ଼ିଚାଲିଛି ଏଡିସ୍‌ ମଶା ବଂଶ
  • ||

ଗଣମାଧ୍ୟମ କର୍ମଚାରୀଙ୍କୁ ହତ୍ୟା, ଲୋମଟାଙ୍କୁରା ଦୃଶ୍ୟ ବର୍ଣ୍ଣନା କଲେ ପ୍ରତ୍ୟକ୍ଷଦର୍ଶୀ

ବଲାଙ୍ଗୀର, ୨୯ା୧(ବ୍ୟୁରୋ): ଗଣମାଧ୍ୟମ କର୍ମଚାରୀ ପ୍ରତାପ ମହାପାତ୍ରଙ୍କ ମୃତ୍ୟୁ ଖବର ସମସ୍ତଙ୍କୁ ସ୍ତବ୍ଧ କରିଦେଇଛି । ରାତିରେ ନିଛାଟିଆ ରାସ୍ତାଦେଖି ନିଶାସକ୍ତ ଯୁବକମାନେ ତାଙ୍କ ବ୍ୟାଗ୍‌ ଓ ମୋବାଇଲ ଲୁଟ ଉଦ୍ୟମ କରିଥିଲେ । ପ୍ରତାପ ବ୍ୟାଗ୍‌ ନଦେବାରୁ ଅପରେସନ ବ୍ଲେଡ଼ ସାହାଯ୍ୟରେ ତାଙ୍କୁ ଆକ୍ରମଣ କରି ହତ୍ୟା କରିଥିଲେ ।
ମିଳିଥିବା ସୂଚନା ମୁତାବକ, ଗତକାଲି ସନ୍ଧ୍ୟାରୁ ଅଭିଯୁକ୍ତ ସ୍ୱାଧିନ ମେହେର, ତପନ ନାଏକ ଏବଂ ତୁଫାନ ନାଗ ସେଠାରେ ଉପଦ୍ରବ ଆରମ୍ଭ କରିଥିଲେ । ସନ୍ଧ୍ୟାରେ ସ୍ୱାଧୀନ ତେଲିଗୋଠପଡ଼ାସ୍ଥିତ ଏକ କିରାନା ଦୋକାନକୁ ଯାଇ ମାଗଣା ପୁଡ଼ିଆ ଓ ସିଗାରେଟ ମାଗିଥିଲା । ଦୋକାନୀ ମନା କରିବାରୁ ତାଙ୍କ ଦୋକାନ ବନ୍ଦ କରିବାର ଧମକ ଦେଇଥିଲା । ପରେ ସେଠାରୁ ଯାଇ ପଣ୍ୟାଗାର ନିକଟରେ ଉପଦ୍ରବ ଆରମ୍ଭ କରିଥିଲା । ତା ସହିତ ତପନ ଓ ତୁଫାନ ମଧ୍ୟ ମିଶିଥିଲେ । ପ୍ରତାପଙ୍କୁ ଆକ୍ରମଣ କରିବା ପୂର୍ବରୁ ଆଉଜଣେ ଯାତ୍ରୀଙ୍କୁ ମଧ୍ୟ ସେମାନେ ଆକ୍ରମଣ କରିଥିଲେ । ତାମିଲନାଡ଼ୁରୁ ଗତକାଲି ଫେରୁଥିବା ସଦର ଥାନା ଅନ୍ତର୍ଗତ ଗରରାମୁଣ୍ଡା ଅଞ୍ଚଳର ଜଣେ ଦାଦନ ଶ୍ରମିକଙ୍କୁ ମଧ୍ୟ ରେଲୱେ ଷ୍ଟେସନ ପରିସରରେ ଆକ୍ରମଣ କରି ଲହୁଲୁହାଣ କରିଦେଇଥିଲେ । କେତେକ ଯୁବକ ସମ୍ପୃକ୍ତ ଶ୍ରମିକଙ୍କୁ ଉଦ୍ଧାର କରି ପ୍ରଥମେ ଜିଆରପି ଥାନା ଏବଂ ପରେ ଭୀମ ଭୋଇ ମେଡ଼ିକାଲ କଲେଜ ହସ୍ପିଟାଲକୁ ନେଇଥିଲେ । ଖବରପାଇ ପିସିଆର ଷ୍ଟେସନ ପରସିରକୁ ପହଞ୍ଚିଥିଲା । ମାତ୍ର ସେତେବେଳେକୁ ସେମାନେ ଫେରାର ହୋଇଯାଇଥିଳେ । ଅଭିଯୁକ୍ତମାନେ ଷ୍ଟେସନ ପରିସରରୁ ଚାଲିଆସି ବିଳମ୍ବିତ ରାତିରେ ପଣ୍ୟାଗାର ନିକଟରେ ଛକି ରହିଥିଲେ । ସେହିଠାରେ ହିଁ ପ୍ରତାପ ତାଙ୍କ ହାବୁଡ଼ରେ ପଡ଼ିଥିଲେ ।
ଆଜି ଭୋର୍‌ରୁ ପ୍ରତାପଙ୍କ ମୃତ୍ୟୁ ଖବର ପାଇବାପରେ ବିଭିନ୍ନ ଗଣମାଧ୍ୟମର ପ୍ରତିନିଧିମାନେ ଟାଉନ ଥାନା ପରିସରରେ ଜମା ହୋଇଥିଲେ । ସହରରେ ଚାଲିଥିବା ଅବାଧ ନିଶା କାରବାର ଏବଂ ତଦ୍‌ଜନିତ ଅସାମାଜିକ କାର୍ଯ୍ୟକଳାପ ଯୋଗୁଁ ସହରବାସୀଙ୍କ ଧନ ଜୀବନ ପ୍ରତି ବିପଦ ସୃଷ୍ଟି ହେଉଛି ବୋଲି ଅଭିଯୋଗ କରିଥିଲେ । ନିଶା କାରବାରର ମୂଳୋôପାଟନ ଦାବି କରି ସାମ୍ବାଦିକ ସଂଘ ସଭାପତି ହରିନାରାୟଣ ପୂଜାରୀ ଏବଂ ସମାଜସେବୀ ଲଳିତ ନାୟକଙ୍କ ନେତୃତ୍ୱରେ ଦୀର୍ଘସମୟ ପର୍ଯ୍ୟନ୍ତ ସମସ୍ତେ ଥାନା ସମ୍ମୁଖରେ ଉପସ୍ଥିତ ରହିଥିଲେ । ଶେଷରେ ଏସପି ଟାଉନ ଥାନାକୁ ଆସି ଅଭିଯୁକ୍ତମାନଙ୍କୁ ପଚରାଉଚୁରା କରିବା ପରେ ଅଟକ ଥିବା ୩ ଜଣଙ୍କ ମଧ୍ୟରୁ ୨ଜଣଙ୍କ ସଂପୃକ୍ତି ଥିବା ପ୍ରକାଶ କରିଥିଲେ । କିନ୍ତୁ ନିଶା କାରବାର ବିଷୟରେ ପୁଲିସର ଆଭିମୁଖ୍ୟ ସ୍ପଷ୍ଟ କରୁ ବୋଲି ସାମ୍ବାଦିକମାନେ ଦାବି କରିବାରୁ ଏନେଇ ନିଜେ ତାଙ୍କ ନେତୃତ୍ୱରେ ଏକ ସ୍ୱତନ୍ତ୍ର ସ୍କ୍ୱାଡ୍‌ ଗଠନ କରାଯାଇ ଚଢ଼ଉ କରାଯିବ ବୋଲି କହିଥିଲେ ।

ଲୋମଟାଙ୍କୁରା ଦୃଶ୍ୟ ବର୍ଣ୍ଣନା କଲେ ପ୍ରତ୍ୟକ୍ଷଦର୍ଶୀ
ଘଟଣାର ପ୍ରତ୍ୟକ୍ଷଦର୍ଶୀ ହେଉଛନ୍ତି ଶିରୀ (ଶ୍ରୀକୃଷ୍ଣ ବଗର୍ତ୍ତି) । ଶିରୀ ବୃତ୍ତିରେ ଜଣେ ଗାଡ଼ି ଡ୍ରାଇଭର । ଗତକାଲି ରାତିରେ ନିଜ ଗାଡ଼ି ମାଲିକଙ୍କୁ ସେ ଷ୍ଟେସନରେ ଛାଡ଼ିବାକୁ ଯାଇଥିଲେ । ସେଠାରୁ ଫେରିବା ବେଳେ ଦୁର୍ବୃତ୍ତମାନେ କାଣ୍ଡ ଭିଆଇ ସାରିଥିଲେ । ଘଟଣା ସ୍ଥଳରେ ଶିରୀ ଯେଉଁ ଲୋମଟାଙ୍କୁରା ଦୃଶ୍ୟ ଦେଖିଲେ ତାହାକୁ ଏମିତି ବର୍ଣ୍ଣନା କରିଛନ୍ତି ।
‘ମୁଁ ମୋ ଗାଡ଼ି ମାଲିକଙ୍କୁ ଷ୍ଟେସନରେ ଛାଡ଼ିଦେଇ ଫେରୁଥିଲି । ମହାଲକ୍ଷ୍ମୀ ନଗରଠାରେ ତାଙ୍କ ଘରେ କାର ରଖିଦେଇ ମୋ ଘରକୁ ମୁଁ ଚାଲିଚାଲି ଯିବାର ଥିଲା । ଷ୍ଟେସନ ରୋଡ଼ର ୱେର ହାଉସ ନିକଟରେ ମେନ୍‌ ରୋଡ଼ରୁ ମହାଲକ୍ଷ୍ମୀ ନଗର ଭିତରକୁ ବାମମୋଡ଼ ନେଇ ପଶିଥିଲି । ଗାଡ଼ିର ହେଡ଼ ଲାଇଟ ପଡ଼ିବାରୁ ଦେଖିଲି, ୩ଜଣ ଯୁବକ ଜଣେ ଯୁବକଙ୍କୁ ଚାପି ଧରିଥିଲେ । ସାମ୍ନାରେ ଗାଡ଼ିଦେଖି ୨ଜଣ ଯୁବକ ଆଗକୁ ଦୌଡ଼ି ପଳାଇଲେ । ପରେ ଜଣେ ମୋ ଗାଡ଼ିରେ ହାବୁଡ଼େଇ ହୋଇ ନିକଟସ୍ଥ ଏକ ଛପରେଲୀ ଘର ଭିତରକୁ ପଶିଗଲା । ମୁଁ କିଛି ବୁଝିନପାରି ପ୍ରଥମେ ଗାଡ଼ି ପଛକୁ ନେଇଥିଲି । ଗାଡ଼ିରୁ ଓହ୍ଲାଇ ଦେଖିବା ବେଳକୁ ଜଣେ ଯୁବକ ମୁହଁମାଡ଼ି ରାସ୍ତା ଉପରେ ପଡ଼ିଥିଲେ । ମୋତେ ସନ୍ଦେହ ହେଲା । ପୁଲିସ ପିସିଆରକୁ ଫୋନ କଲି । ପ୍ରାୟ ୧୨.୩୦ ସମୟରେ ପିସିଆର ପହଞ୍ଚି ଆହତ ଯୁବକଙ୍କୁ ଉଦ୍ଧାର କରିବା ବେଳକୁ ତାଙ୍କର ମୃତ୍ୟୁ ହୋଇସାରିଥିଲା । ମୋତେ ପଚାରାପଚରି କରିବାରୁ ମୁଁ ଯାହା ଦେଖିଥିଲି ପୁଲିସକୁ କହିଲି । ଫଳରେ ପୁଲିସ ନିକଟସ୍ଥ ଘରକୁ ଯାଇ ଖୋଜାଖୋଜି କରିଥିଲା । କାହାକୁ ପାଇଲାନି । ପରେ ପୁଣି ସମ୍ପୃକ୍ତ ଘରମାଲିକଙ୍କ ସହାୟତାରେ ଖୋଜାଖୋଜି କରିବା ପରେ ଜଣେ ସନ୍ଦିଗ୍ଧ ଯୁବକ ତାଙ୍କ ଘର ଅଗଣାରେ ଏକ ଟିଣ ଚାଦରତଳେ ଲୁଚି ରହିଥିବା ପୁଲିସ ଦେଖିବାକୁ ପାଇଥିଲା । ତାକୁ ଗିରଫକରି ପୁଲିସ ନେଇଥିଲା । ତେବେ ମୁଁ ଆଉ ଟିକିଏ ଆଗରୁ ଆସିଥିଲେ ହୁଏତ ଯୁବକଟିର ଜୀବନ ବଞ୍ଚିଯାଇଥାଆନ୍ତା’ ବୋଲି ଶିରୀ କହିଛନ୍ତି ।