ପୁରୀ,୨୫/୧୦: ବିବାହିତ ମହିଳାଙ୍କୁ ପ୍ରେମ ଜାଲରେ ଫସାଇ ଠକେଇ କରିବା ମାମଲାରେ ଲମ୍ପଟ ପ୍ରେମିକକୁ ବାନ୍ଧିଲା କୁମ୍ଭାରପଡା ଥାନା ପୁଲିସ । ଅଭିଯୁକ୍ତ ଲମ୍ପଟ ହେଲା, ଏହି ଥାନା ଅଧୀନ ନରେନ୍ଦ୍ର କୋଣ ହରିଜନ ସାହିର ବଗୁଲା ଓରଫ ବିଚିତ୍ର ନାୟକ (୨୩) । ସେ ୭ ମାସ ତଳୁ ଜଣେ ବିବାହିତାଙ୍କୁ ପ୍ରେମ କରୁଥିଲା ।

{"id":81139,"sizeSlug":"large"}

ସୂଚନା ମୁତାବିକ, ଗତ ୧୬ ତାରିଖରେ ମହିଳାଙ୍କୁ ନେଇ ସେ ପଳାଇଥିଲା । ଏହି ଥାନା ଅଧୀନ ତଳମାଳିସାହିରେ ଭଡା ଘରେ ରହି ମହିଳାଙ୍କ ସୁନା ଅଳଙ୍କାର, ଟଙ୍କା ଓ ମୋବାଇଲ୍‌ ନେଇ ଛୁ ମାରିଥିଲା । କାନମୁଣ୍ଡା ଆଉଁଶି ମହିଳା ଘରକୁ ଫେରିବାବେଳେ ସ୍ୱାମୀ ବିରୋଧ କରିଥିଲେ । ପରେ ପୁଲିସ ଆଶ୍ରୟ ନେଇଥିଲେ ମହିଳା । ଶେଷରେ ପୁଲିସ ମାମଲା ରୁଜୁ କରି ବଗୁଲାକୁ ଗିରଫ କରିଛି । ଶନିବାର ତାକୁ କୋର୍ଟ ଚାଲାଣ କରିଛି ପୁଲିସ । ଜାମିନ ନାମଞ୍ଜୁର ହେବାରୁ ବଗୁଲାକୁ ଜେଲ୍‌ ପଠାଇ ଦିଆଯାଇଛି ।