ଜଷ୍ଟିସ ବିମଳ ପ୍ରସାଦ ଦାସ ମାନବାଧିକାର କମିଶନ ଅଧ୍ୟକ୍ଷ, ଅସୀମ ଅମିତାଭ ଦାଶ ହେଲେ ସଦସ୍ୟ

ଭୁବନେଶ୍ୱର ୨୩।୮: ହାଇକୋର୍ଟର ପୂର୍ବତନ ବିଚାରପତି ଜଷ୍ଟିସ ବିମଳ ପ୍ରସାଦ ଦାସ ରାଜ୍ୟ ମାନବାଧିକାର କମିଶନ ଅଧ୍ୟକ୍ଷ ଭାବେ ନିଯୁକ୍ତି ପାଇଛନ୍ତି । ସେହିଭଳି ଆଇନଜୀବୀ ଅସୀମ ଅମିତାଭ ଦାଶ କମିଶନଙ୍କ ସଦସ୍ୟ ଭାବେ ମଧ୍ୟ ନିଯୁକ୍ତି ପାଇଛନ୍ତି । ଏ ଦୁଇ ନାଁରେ ରାଜ୍ୟପାଳ ପ୍ରଫେସର ଗଣେଶୀ ଲାଲ ମୋହର ମାରିବା ପରେ ଆଜି ଏ ନେଇ ରାଜ୍ୟ ଆଇନ ବିଭାଗ ପକ୍ଷରୁ ବିଜ୍ଞପ୍ତି ପ୍ରକାଶ ପାଇଛି । ଦୀର୍ଘ ୭ ବର୍ଷ ପରେ ରାଜ୍ୟ ମାନବାଧିକାର କମିଶନ ଅଧ୍ୟକ୍ଷ ପଦବି ଖାଲି ପଡ଼ିବା ପରେ ସରକାର ନୂଆ ନିଯୁକ୍ତି ଦେଇଛନ୍ତି ।
ମାନବାଧିକାର କମିଶନରେ ସଦସ୍ୟ ଭାବେ ନିଯୁକ୍ତି ପାଇଥିବା

ଶ୍ରୀ ଦାଶ ଆଜି ବିଜ୍ଞପ୍ତି ପରେ ସାଙ୍ଗେ ସାଙ୍ଗେ କମିଶନ କାର୍ଯ୍ୟାଳୟକୁ ଆସି ଦାୟିତ୍ୱ ଗ୍ରହଣ କରିଛନ୍ତି । ଗୁରୁତ୍ୱପୂର୍ଣ୍ଣ ଏ କମିଶନର ସଦସ୍ୟ ଭାବେ ସେ ନିଜ ଦାୟିତ୍ୱ ନିଷ୍ଠାର ସହ ତୁଲାଇବେ ବୋଲି ଶ୍ରୀ ଦାସ କହିଛନ୍ତି ଉଲ୍ଲେଖଯୋଗ୍ୟ, ରାଜ୍ୟ ମାନବାଧିକାର କମିଶନ ସ୍ଥାୟୀ ଅଧ୍ୟକ୍ଷ ପଦବି ଦୀର୍ଘ ୭ ବର୍ଷ ହେବ ଖାଲି ପଡ଼ିଛି । ୨ ଜଣ ସଦସ୍ୟ ବିଶିଷ୍ଟ ଏ କମିଶନ ଏବେ ଜଣେ ସଦସ୍ୟରେ ୬ ବର୍ଷ ହେବ ଚାଲିଛି । ଏ ସଦସ୍ୟ କାର୍ଯ୍ୟକାରୀ ଅଧ୍ୟକ୍ଷ ଭାବେ ଦାୟିତ୍ୱ ତୁଲାଉଛନ୍ତି । କମିଶନଙ୍କ ନିକଟରେ ପ୍ରାୟ ୧୫ ହଜାର ମାମଲା ବିଚାର ନହୋଇ ଗଡୁଛି

କମିଶନ ଅଧ୍ୟକ୍ଷ ଓ ସଦସ୍ୟ ପଦ ପାଇଁ ଯୋଗ୍ୟ ବ୍ୟକ୍ତି ଚୟନ କରିବାକୁ ଗତ ସୋମବାର ସନ୍ଧ୍ୟାରେ ରାଜ୍ୟ ଅତିଥି ଭବନରେ ଏକ ଗୁରୁତ୍ୱପୂର୍ଣ୍ଣ ବୈଠକ ବସିଥିଲା । ବୈଠକରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ, ବାଚସ୍ପତି ସୂର୍ଯ୍ୟ ନାରାୟଣ ପାତ୍ର, ବିରୋଧୀ ଦଳ ନେତା ପ୍ରଦୀପ୍ତ କୁମାର ନାଏକ ପ୍ରମୁଖ ଉପସ୍ଥିତ ଥିଲେ । ବୈଠକରେ ସହମତିକ୍ରମେ ୬ ଜଣଙ୍କ ନାମ ରାଜ୍ୟପାଳଙ୍କ ନିକଟକୁ ପଠାଯାଇଥିଲା । ଖାଲିଥିବା ଅଧ୍ୟକ୍ଷ ପଦ ପାଇଁ ୩ ଜଣ ଓ ଗୋଟିଏ ସଦସ୍ୟ ପଦ ପାଇଁ ୩ ଜଣଙ୍କ ନାଁ ରାଜଭବନକୁ ପଠାଯାଇଥିଲା । ରାଜ୍ୟପାଳଙ୍କ ମୋହର ପରେ ଆଜି ସରକାର ବିଧିବଦ୍ଧ ବିଜ୍ଞପ୍ତି ଜାରି କରିଛନ୍ତି । ସୂଚନାଯୋଗ୍ୟ, ଜଷ୍ଟିସ ବିପି ଦାସ ଶ୍ରୀମନ୍ଦିର ସଂସ୍କାର କମିଶନ ଅଧ୍ୟକ୍ଷ ଭାବେ ନିକଟରେ ରାଜ୍ୟ ସରକାରଙ୍କୁ କରିଥିବା ସୁପାରିସ ଆଧାରରେ ଶ୍ରୀମନ୍ଦିରର ସୁରକ୍ଷା ଓ ଭକ୍ତଙ୍କ ସୁବିଧା ପାଇଁ ମନ୍ଦିର ଚତୁଃପାଶ୍ୱର୍ରୁ ଉଚ୍ଛେଦ ଅଭିଯାନ ଆରମ୍ଭ ହୋଇଛି ।

   ସମ୍ବନ୍ଧିତ ଖବର


ବିଧାନସଭା କୋଭିଡ୍ ଟେଷ୍ଟ – ୧୩୬ ପଜିଟିଭ୍

ରାଜଧାନୀବାସୀ ହୋମ୍‌ ଆଇସୋଲେସନ୍‌କୁ ଅଧିକ ପସନ୍ଦ , ୧୦ ହଜାର ଲୋକେ ହୋମ୍‌ ଆଇସୋଲେସନ୍‌ରେ ରହି ସାରିଛନ୍ତି

ବୋଲେରୋ ଭିତରେ ଯୁବତୀଙ୍କୁ ଗଣଦୁଷ୍କର୍ମ ଘଟଣାର ପର୍ଦ୍ଦାଫାର୍ଶ: ୩ ଅଭିଯୁକ୍ତଙ୍କୁ ବାନ୍ଧିଲା ପୁଲିସ,ପୁରୁଷ ବନ୍ଧୁଙ୍କ ନାଁରେ ମାମଲା ରୁଜୁ

କ୍ରୀଡ଼ା ଓ ଯୁବ ବ୍ୟାପାର ମନ୍ତ୍ରୀଙ୍କୁ କରୋନା

କରୋନା – ଆଜି ସୁସ୍ଥ ହେଲେ ୪୩୮୮

ସମ୍‌ରେ ସଫଳ କିଡ୍‌ନୀ ପ୍ରତିରୋପଣ – ରୋଗୀଙ୍କୁ ଉତ୍କୃଷ୍ଟ ସେବା ଯୋଗାଉଛି ସମ୍ ଅଲ୍ଟିମେଟ୍ ମେଡିକେୟାର