କାଳ ଭୈରବ ଅଷ୍ଟମୀ: ଜାଣନ୍ତୁ ଶୁଭ ମୁହୂର୍ତ୍ତ ଏବଂ ପୂଜା ବିଧି

ନୁଆଦିଲ୍ଲୀ ୧୮/୧୧: କାଳ ଭୈରବ ଅଷ୍ଟମୀ ୧୯ ନଭେମ୍ବର, ମଙ୍ଗଳବାର ପାଳନ କରାଯିବ । ପୌରାଣିକ ମାନ୍ୟତା ଅନୁସାରେ ଏହି ଦିନ ଯେଉଁ ଭକ୍ତ ଭଗବାନ କାଳ ଭୈରବଙ୍କ ପୂଜାର୍ଚ୍ଚନା ଏବଂ ଉପବାସ କରେ, ଭଗବାନ କାଳ ଭୈରବ ତାକୁ ସମସ୍ତ ପ୍ରକାର ରୋଗରୁ ଦୂରେଇ ରଖନ୍ତି । ଆସନ୍ତୁ ଜାଣିବା କାଳ ଭୈରବ ଅଷ୍ଟମୀରେ ପୂଜାର ଶୁଭ ମୂହୁର୍ତ୍ତ…

କାଳ ଭୈରବ ଅଷ୍ଟମୀ ପୂଜାର ଶୁଭ ମୁହୂର୍ତ୍ତ
କାଳ ଭୈରବ ଅଷ୍ଟମୀର ଆରମ୍ଭ ୧୯ ନଭେମ୍ବର ସନ୍ଧ୍ୟା ୩ଟା ୩୫ ମିନିଟରେ ଆରମ୍ଭ ହୋଇଯିବ ।
କାଳ ଭାରବ ଅଷ୍ଟମୀର ସମାପନ ୨୦ ନଭେମ୍ବର ଦ୍ୱିପ୍ରହର ୧ଟା ୪୧ ମିନିଟରେ ହେବ ।

କାଳ-ଭୈରବ ବ୍ରତର ବିଧି
୧. କାଳ ଭୈରବ ଉପବାସ କରୁଥିବା ଲୋକମାନେ ସକାଳୁ ଗାଧୋଇ ପିତୃପୁରୁଷଙ୍କୁ ଶ୍ରାଦ୍ଧ ତର୍ପଣ କରିବା ପରେ ଭଗବାନ କାଳ ଭୈରବଙ୍କ ପୂଜାର୍ଚ୍ଚନା କରିବା ଉଚିତ୍ ।
୨. ବ୍ରତ କରୁଥିବା ବ୍ୟକ୍ତି ସାରା ଦିନ ଉପବାସ କରିବା ଉଚିତ୍ ଏବଂ ରାତ୍ରି ସମୟରେ ଧୂପ, ଦୀପ, କଳା ତିଳ, ସୋରିଷ ତେଲର ଦୀପ ଜଳାଇ ଭଗବାନ କାଳ ଭୈରବଙ୍କ ଆରତୀ ଗାନ କରିବା ଉଚିତ୍ ।
୩. ମାନ୍ୟତା ଅନୁସାରେ ଭଗବାନ କାଳ ଭୈରବଙ୍କ ବାହନ କୁକୁର ଏଥିପାଇଁ ଯେତେବେଳେ ବ୍ରତ ଖୋଲିବେ ପ୍ରଥମେ ନିଜ ହାତରେ କିଛି ଖାଦ୍ୟ ପ୍ରସ୍ତୁତ କରି ଗୋଟିଏ କୁକୁରକୁ ଖାଇବାକୁ ଦେବା ଉଚିତ୍ ।
୪. ଏମିତି କଲେ ଭଗବାନ କାଳ ଭୈରବଙ୍କ କୃପା ରହିଥାଏ । ମନ ଧ୍ୟାନରେ କାଳ ଭୈରବଙ୍କ ପୂଜା କଲେ ଭୁତ, ପ୍ରେତ, ପିଶାଚ ଏବଂ ଜୀବନରେ ଆସୁଥିବା ଅନେକ ବାଧା ଦୂର ହୋଇଯାଇଥାଏ ।

କାଳାଷ୍ଟମୀକୁ କାଳଭୈରବ ଜୟନ୍ତୀ ରୂପେ ମଧ୍ୟ ପାଳନ କରାଯାଏ । କୁହାଯାଏ ଏହି ଦିନ ଭଗବାନ ଶିବ ଭୈରବଙ୍କ ରୂପରେ ପ୍ରକଟ ହୋଇଥିଲେ । ଭକ୍ତ ଏହି ଦିନ ଶିବଙ୍କ ପୂଜା କରିବା ସହିତ ତାଙ୍କ ପାଇଁ ଉପବାସ ରଖିଥାନ୍ତି । ଏହା ଶିବ ଭକ୍ତଙ୍କ ପାଇଁ ଏକ ବଡ ଦିନ ।

ଏହି ମନ୍ତ୍ର ଜପ କରନ୍ତୁ
ଅତିକ୍ରୁର ମହାକାୟ କଳ୍ପାନ୍ତ ଦହନୋପମ୍
ଭୈରବ ନମସ୍ତୁଭ୍ୟଂ ଅନୁଜ୍ଞା ଦାତୁମର୍ହସି !!

   ସମ୍ବନ୍ଧିତ ଖବର


ହୃତ୍‌ପିଣ୍ଡ ସଙ୍କୁଚନକୁ ବୃଦ୍ଧି କରିବା ପାଇଁ କାର୍ଯ୍ୟକ୍ଷମ ଜୈବ ପେସ୍‌ମେକର, ମୂଷାଙ୍କ ହୃତ୍‌ପିଣ୍ଡରେ ହୋଇଛି ସଫଳ ପରୀକ୍ଷା

କ’ଣ ଆପଣ ବି ନିଜ ବସ୍‌ଙ୍କ ସହ ପିଅନ୍ତି ସିଗାରେଟ୍ ? ଜାଣିରଖନ୍ତୁ ଏହି ଖୁସି ଖବର!

ଆପଣ ଜାଣିଛନ୍ତି କି ? ଶୀତଦିନେ ମସ୍ତିଷ୍କ ଜାଗ୍ରତ ରଖେ କଦଳୀ…

ଏୟାରଟେଲର ବଡ ଘୋଷଣା, କୌଣସି ବି ନେଟୱର୍କକୁ କରିପାରିବେ ଅନଲିମିଟେଡ୍ ଫ୍ରି କଲ୍