PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କ୍ରୁଜ୍ ଡ୍ରଗ୍ସ ପାର୍ଟି ମାମଲା –ଅକ୍ଟୋବର ୩୦ ତାରିଖ ଯାଏ ଜେଲରେ ରହିବେ ଆର୍ୟନ ଖାନ୍ , ଆର୍ୟନଙ୍କ ହାଜତ ମିଆଦ ବୃଦ୍ଧ କଲେ ସ୍ୱତନ୍ତ୍ର ଏନ୍ସିବି କୋର୍ଟ
  • ||
  • ନଵମ ଓ ଦଶମ ଶ୍ରେଣୀ ପରୀକ୍ଷା ପଦ୍ଧତିରେ ପରିଵର୍ତ୍ତନ : ଵର୍ଷକୁ ୪ଟି ଫରମେଟିଭ୍ ଆସେସମେଣ୍ଟ ହେଵ
  • ||
  • କଳାହାଣ୍ଡି ମମିତା ମେହେର ହତ୍ୟା ମାମଲା – କେ ଗାଁ ଥାନା ଆଇଆଇସି ଡମୁ ପରଜା ନିଲମ୍ୱିତ , କର୍ତ୍ତବ୍ୟରେ ଅବହେଳା ପାଇଁ କାର୍ଯ୍ୟାନୁଷ୍ଠାନ ନେଲେ କଳାହାଣ୍ଡି ଏସ୍‌ପି
  • ||
  • ୩ ପ୍ରତିଶତ ବଢ଼ିଲା କେନ୍ଦ୍ରୀୟ କର୍ମଚାରୀଙ୍କ ମହଙ୍ଗା ଭତ୍ତା, ବୃଦ୍ଧି ପ୍ରସ୍ତାବକୁ କ୍ୟାବିନେଟର ମଞ୍ଜୁରୀ
  • ||
  • ପାଡ଼ୁଆ: ଜଙ୍ଗଲରୁ ପାଡ଼ୁଆ: ୮୦ ଲକ୍ଷ ଟଙ୍କାର ଗଞ୍ଜେଇ ଜବତ କଲା ପାଡୁଆ ଥାନା ପୋଲିସ, ଗଞ୍ଜେଇ ମାଫିଆଙ୍କୁ ଧରିବା ପାଇଁ ତଦନ୍ତ ଜାରି
  • ||
  • ବଲାଙ୍ଗୀର: ମମିତା ମେହେର ମର୍ଡର ମିଷ୍ଟ୍ରି, ଅଟକ ଜେସିବି ଡ୍ରାଇଭର ଗିରଫ କରିପାରେ ପୋଲିସ
  • ||
  • ରାୟଗଡ଼​‌: ଗୁଣି ଗାରେଡି ସନ୍ଦେହରେ ଟ୍ରିପଲ ମର୍ଡର ଘଟଣା, ୯ ଅଭିଯୁକ୍ତଙ୍କୁ ଦୋଷୀ ସାବ୍ୟସ୍ତ କଲେ ଜିଲ୍ଲା ଓ ଦୌରା ଜଜ ଅଦାଲତ
  • ||
  • ଭବାନୀପାଟଣା: ମମିତା ମେହର ହତ୍ୟା ଘଟଣାରେ ସିବିଆଇ ତଦନ୍ତ କରାଯାଉ : ସ୍ମୃତିରାଣୀ ପଟ୍ଟନାୟକ
  • ||
  • ଭୁବନେଶ୍ୱର: ଆଜିଠୁ ଯୁକ୍ତ ଦୁଇ ପ୍ରଥମ ବର୍ଷ ଛାତ୍ରଛାତ୍ରୀଙ୍କ କ୍ଲାସରୁମ ପାଠପଢ଼ା, ନଭେମ୍ୱର ପହିଲାରୁ ୟୁନିଫର୍ମ ବାଧ୍ୟତାମୂଳକ
  • ||
  • ପୁରୀ: ଆଜିଠୁ ସେବାୟତଙ୍କ ଡ୍ରେସ୍‌କୋଡ୍, ଶ୍ରୀମନ୍ଦିରରେ ପାରମ୍ପରିକ ବସ୍ତ୍ର ପରିଧାନ କରି ପ୍ରବେଶ କରିବେ ସେବକ
  • ||
  • ବଲାଙ୍ଗୀର: ଆଜି ବିଜେପି ପକ୍ଷରୁ ବଲାଙ୍ଗୀର ବନ୍ଦ ପାଳନ, ସକାଳ ୬ରୁ ସନ୍ଧ୍ୟା ୬ଟା ପର୍ଯ୍ୟନ୍ତ ଯାତାୟତ ଠପ୍
  • ||
  • ଭୁବନେଶ୍ୱର: ଆଜି ଯୁକ୍ତ ୩ ସ୍ପଟ୍‌ ନାମଲେଖା ଆବେଦନ କପି ଦାଖଲ ଶେଷ, ୨୭ରୁ ନାମଲେଖା
  • ||
  • ଭୁବନେଶ୍ୱର: ଆଜିଠୁ ଶୁଖିଲା ପାଗ, ୨୩ ସୁଦ୍ଧା ସମ୍ପୂର୍ଣ୍ଣ ରୂପେ ଫେରିଯିବ ମୌସୁମୀ ବାୟୁ
  • ||

କାବେରୀ ଜଳ ବିବାଦ ସ୍ଥିତି ଓଡ଼ିଶାରେ ନାହିଁ

ଜଗତସିିଂହପୁର,୧୧ା୨(ଆପ୍ର): କାବେରୀ ଜଳକୁ ନେଇ କର୍ଣ୍ଣାଟକ ଓ ତାମିଲନାଡ଼ୁ ରାଜ୍ୟରେ ଯେଉଁଭଳି ବିବାଦୀୟ ପରିସ୍ଥିତି ସୃଷ୍ଟି ହୋଇଛି ସେଭଳି ଅବସ୍ଥା ଓଡ଼ିଶାରେ ଦେଖା ଦେଇନାହିଁ । ଶସ୍ତା ରାଜନୀତି କରିବାକୁ ଯାଇ ବିଜେଡି ସରକାର ମହାନଦୀ ଜଳ ପ୍ରସଙ୍ଗରେ ଓଡ଼ିଶାର ଲୋକଙ୍କୁ କେବଳ ବିଭ୍ରାନ୍ତ କରୁଛନ୍ତି । ଏହାଛଡ଼ା ଛତିଶଗଡ଼ର ତତ୍‌କାଳୀନ ସରକାର ଜବରଦସ୍ତ ମହାନଦୀର ଜଳକୁ ଅବରୋଧ କରି ଯେଉଁ ଡ୍ୟାମ୍‌ ସବୁ ନିର୍ମାଣ କରିଥିବା ଅଭିଯୋଗ ଅଣାଯାଉଛି, ସେ ସଂକ୍ରାନ୍ତରେ ଟିକିନିଖି ଚିଠି ଉଭୟ କେନ୍ଦ୍ର ଓ ଓଡ଼ିଶା ସରକାରଙ୍କୁ ଡ୍ୟାମ୍‌ ନିର୍ମାଣ ସମୟରେ ଅବଗତ କରାଯାଇଥିଲା । ହେଲେ କୌଣସି ଗୋଟିଏ ଚିଠିର ଉତ୍ତର ସେତେବେଳେ ଓଡ଼ିଶା ସରକାରଙ୍କ ପକ୍ଷରୁ ଛତିଶଗଡ଼ ସରକାରଙ୍କୁ ପ୍ରଦାନ କରାଯାଇନଥିଲା । ଏବେ ତ ଛତିଶଗଡ଼ରେ କଂଗ୍ରେସ ସରକାର ଆସିଛି । ଆମେ ବି ଆହ୍ୱାନ କରୁଛୁ, ଯଦି କିଛି ମତାନ୍ତର ମନାନ୍ତର ରହିଛି ତାହା ଉଭୟ ସରକାର ବସି ଆଲୋଚନା କରିପାରିବେ । କିନ୍ତୁ ନିଦରେ ଶୋଇଥିବା ଓଡ଼ିଶାର ନବୀନ ପଟ୍ଟନାୟକ ସରକାର ଆଲୋଚନା ମାଧ୍ୟମରେ ସମାଧାନ କରିବାର ରାସ୍ତା ବାହାର କରିବା ବଦଳରେ ଭୋଟ ବ୍ୟାଙ୍କ ହାତେଇବା ଲକ୍ଷ୍ୟ ରଖି କୁହେଳିକା ରଚୁଥିବା ଛତିଶଗଡ଼ ମନ୍ତ୍ରୀ ଟି.ଏସ୍‌ ସିଂହଦେଓ ଯୁକ୍ତି ବାଢ଼ିଛନ୍ତି ।
ସାଧାରଣ ନିର୍ବାଚନ ପୂର୍ବରୁ ଜନବାଦୀ ଇସ୍ତାହାର ପ୍ରସ୍ତୁତି ଉପଲକ୍ଷେ ଜଗତସିଂହପୁର ଗସ୍ତରେ ଆସିଥିବା ଛତିଶଗଡ଼ ମନ୍ତ୍ରୀ ଶ୍ରୀ ସିଂହଦେଓ ନିଜ ଦଳର ଆଭିମୁଖ୍ୟ ସଂପର୍କରେ ସ୍ପଷ୍ଟ କରିବା ସହ ଓଡ଼ିଶା ସରକାରଙ୍କ ବିଫଳତା ସୂଚିତ କରିଥିଲେ । ବିଶେଷକରି ନିଯୁକ୍ତି ଉପରେ ରାଜ୍ୟ ସରକାରଙ୍କ ଦାୟିତ୍ୱହୀନ କାର୍ଯ୍ୟକୁ ସମାଲୋଚନା କରିବାକୁ ପଛେଇ ନ ଥିଲେ । ଓଡ଼ିଶାରେ ଶାସନ କରୁଥିବା ବିଜେଡି ସରକାର ସମୂହ ସ୍ୱାର୍ଥ ସମ୍ବଳିତ କାର୍ଯ୍ୟ କରିବା ବଦଳରେ ନିଜର ସ୍ୱାର୍ଥ ପୂରଣ ହେଉଥିବା କାର୍ଯ୍ୟକୁ ଅଗ୍ରାଧିକାର ଦେଉଛି । ଏଣେ ନିଜର ବିଫଳତାକୁ ଘୋଡ଼ାଇବା ପାଇଁ କଂଗ୍ରେସ ମୁଣ୍ଡରେ ଅଠା ବୋଳୁଛି । ଏତିକି କହିବି, ପୂର୍ବରୁ ଛତିଶଗଡ଼ରେ ମଧ୍ୟ ଓଡ଼ିଶା ଭଳି ସମସ୍ୟା ଭରି ରହିଥିଲା । ମାତ୍ର ରାହୁଲ ଗାନ୍ଧୀଙ୍କ ନିର୍ଦ୍ଦେଶରେ ଛତିଶଗଡ଼ରେ ଜନତାଙ୍କ ମତାମତ ସଂଗ୍ରହ କରାଯାଇ ଜନବାଦୀ ଇସ୍ତାହାର ପ୍ରସ୍ତୁତ କରାଯାଇ ଲୋକଙ୍କୁ ଭୋଟ ଭିକ୍ଷା କରାଯାଇଥିଲା । ଏହା ମଧ୍ୟ ସଫଳ ହୋଇଥିଲା । କେବଳ ସେତିକି ନୁହେଁ ସରକାର ଗଠନ ପରେ ପରେ ପ୍ରତିଶ୍ରୁତି ମୁତାବକ ଛତିଶଗଡ଼ର ଚାଷୀଙ୍କୁ ଋଣ ଛାଡ଼ କରାଯାଇଥିଲା । ଓଡ଼ିଶାରେ ନିର୍ବାଚନୀ ହାୱା ବହିବା ଆରମ୍ଭ କରିଛି । ସେଦୃଷ୍ଟିରୁ ଟେବୁଲରେ ବସି ଇସ୍ତାହାର ପ୍ରସ୍ତୁତ କରିବା ପରିବର୍ତ୍ତେ ଜନତାଙ୍କ ମତାମତ ସଂଗ୍ରହ କରାଯାଇଛି । ଏହି ମତାମତକୁ ଗୁରୁତ୍ୱ ଦିଆଯାଇ କଂଗ୍ରେସ ତାହାର ଇସ୍ତାହାର ପ୍ରସ୍ତୁତ କରିବ । ଉକ୍ତ ଇସ୍ତାହାରରେ ଆମେ ଯାହା ବି କହିବୁ ତାହା ସରକାର ଆସିଲେ ଶତ ପ୍ରତିଶତ ପୂରଣ କରାଯିବ ବୋଲି ମନ୍ତ୍ରୀ ଶ୍ରୀ ସିଂହଦେଓ ଘୋଷଣା କରିଥିଲେ ।

ପିସିସି ସଭାପତି ନିରଞ୍ଜନ ପଟ୍ଟନାୟକ କହିଥିଲେ, କାମରେ କରି ଦେଖାଇବା ଦଳ ହେଉଛି କଂଗ୍ରେସ । ଏହା ଭିତରେ ମଧ୍ୟପ୍ରଦେଶ, ରାଜସ୍ଥାନ ଓ ଛତିଶଗଡ଼ରେ କଂଗ୍ରେସ ସଫଳତା ହାସଲ କରିଛି । ଏଥିସହ ଯେଉଁ ରାଜ୍ୟରେ କଂଗ୍ରେସ ସରକାର ରହିଛି ସେଠାରେ ନିର୍ବାଚନ ବେଳେ ଦିଆଯାଇଥିବା ପ୍ରତିଶ୍ରୁତିକୁ ତୁରନ୍ତ ପାଳନ କରାଯାଉଛି । କିନ୍ତୁ ଶାସନ ଗାଦି ଦଖଲ କରିଥିବା ବିଜେଡି ସରକାର ସାଧାରଣଙ୍କ ଲୋକଙ୍କ ସ୍ୱାର୍ଥକୁ ଧ୍ୟାନ ନ ଦେଇ ଭୋଟ ଭେଳିକି କରି ମହାନଦୀ ଜଳ ବିବାଦ ଭଳି ଅନେକ ମିଛୁଆ ରାଧୁଆ ଗପ ତିଆରି କରି ଡ୍ରାମା କରୁଥିବା ସଭାପତି ଶ୍ରୀ ପଟ୍ଟନାୟକ କହିଥିଲେ । ବିଧାୟକ ଚିରଞ୍ଜୀବ ବିଶ୍ୱାଳ ଜନବାଦୀ ଇସ୍ତାହାର କେବଳ ପ୍ରସ୍ତୁତ କରାଯିବନି, ସରକାର ଆସିଲେ ଦିଆଯାଇଥିବା ପ୍ରତିଶ୍ରୁତି ରକ୍ଷା କରାଯିବ ବୋଲି କହିଥିଲେ । ଅନ୍ୟପଟେ ଭୋଟ ପୂର୍ବରୁ ଜନତାଙ୍କ ଦରବାରରେ ରାଜ୍ୟର ହେଭିୱେଟ୍‌ କଂଗ୍ରେସ ନେତାମାନେ ପହଞ୍ଚିବା ଜିଲ୍ଲା ରାଜନୀତିକୁ ସରଗରମ କରିଦେଇଛି । କାର୍ଯ୍ୟକ୍ରମରେ ଉପସ୍ଥିତ ଥିଲେ କଂଗ୍ରେସ ଇସ୍ତାହାର କମିଟି ଅଧ୍ୟକ୍ଷ ଗଣେଶ୍ୱର ବେହେରା, ସଂଯୋଜକ ବିସ୍ମୟ କୁମାର ମହାପାତ୍ର, ଜିଲ୍ଲା କଂଗ୍ରେସ କମିଟି ସଭାପତି ନଟବର ବାରିକ ପ୍ରମୁଖ ।