PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ହୀରାକୁଦରେ ପର୍ଯ୍ୟଟନର ବିକାଶ ପାଇଁ ୧୩୦ କୋଟି ବ୍ୟୟ ହେବ
  • ||
  • ଗଞ୍ଜାମ ପୁରୁଷୋତ୍ତମପୁର- ପ୍ରେମିକାକୁ ଜୀଅନ୍ତା ଜାଳିଦେବା ଘଟଣାରେ ଅଭିଯୁକ୍ତ ଯୁବକ ଗିରଫ
  • ||
  • ଭୁବନେଶ୍ଵର : ଅଗଷ୍ଟ ପ୍ରଥମ ସପ୍ତାହରୁ +୨ ନାମଲେଖା ପ୍ରକ୍ରିୟା, ଜୁଲାଇ ଶେଷ ସୁଦ୍ଧା ବିସ୍ତୃତ ତଥ୍ୟ ଅପଡେଟ୍‌ ପାଇଁ ଜୁନିୟର୍‌ କଲେଜଗୁଡ଼ିକୁ ନିର୍ଦ୍ଦେଶ
  • ||
  • ସମ୍ବଲପୁର : ହୀରାକୁଦ ଜଳଭଣ୍ଡାରର ଖୋଲିଲା ଆଉ ୪ଟି ଗେଟ୍, ୧୪ଟି ଗେଟ୍ ଦେଇ ଜଳ ନିଷ୍କାସନ ଜାରି
  • ||
  • ଭିନ୍ନକ୍ଷମ ଓ ବରିଷ୍ଠ ନାଗରିକଙ୍କୁ ଘରେ ଟିକା ଦେବା ମାମଲା : ରାଜ୍ୟ ସରକାର ନେଇଥିବା ପଦକ୍ଷେପ ଓ କୌଣସି ପରିଚୟ ପତ୍ର ନଥିବା ଲୋକଙ୍କ ପାଇଁ ନିଆଯାଇଥିବା ପଦକ୍ଷେପ ସମ୍ପର୍କରେ ଜଣାଇବାକୁ ହାଇକୋର୍ଟଙ୍କ ନିର୍ଦେଶ
  • ||
  • ବଲାଙ୍ଗିର : ରାଜେନ୍ଦ୍ର ବିଶ୍ୱବିଦ୍ୟାଳୟର ୟୁଜିସି ମାନ୍ୟତା ନମିଳିବା ପ୍ରସଙ୍ଗ, ଭିସିଙ୍କୁ ଭେଟି ଆଲୋଚନା କଲା ଛାତ୍ର କଂଗ୍ରେସ
  • ||
  • ରାଜ୍ୟରେ ଅଗଷ୍ଟରୁ ଅକ୍ଟୋବର ଭିତରେ ଆସିବ ତୃତୀୟ ଲହରୀ : ବିଜୟ ମହାପାତ୍ର
  • ||
  • ନୀଳଗିରି : ନୀଳଗିରି ନିକଟ ଆମ୍ବଡିହା ଛକରେ ଦୁର୍ଘଟଣା, ମେଡ଼ିକାଲକୁ ବିଲେଇ କାମୁଡ଼ା ଇଞ୍ଜେକ୍ସନ୍ ନେବାକୁ ଆସୁଥିବା ବେଳେ ବାଇକ୍ ଦୁର୍ଘଟଣାରେ ମହିଳା ମୃତ, ମୃତ ମହିଳା ହେଲେ ଖନ୍ତାପଡା ଥାନା ବରୁଣସିଂ ଗ୍ରାମର ଭିକା ଦାସଙ୍କ ସ୍ତ୍ରୀ ତୁଳସୀ
  • ||
  • କଟକ : ଚୌଦ୍ଵାର କଲେଜ ପଛପଟ ସାହିରେ ଲୁଟ୍, ଘରେ କେହି ନଥିବାର ସୁଯୋଗ ନେଇ ଲୁଟି ନେଲେ ୧୦ ଲକ୍ଷରୁ ଅଧିକ ଟଙ୍କାର ସୁନାଗହଣା
  • ||
  • ରାଇରଙ୍ଗପୁର : ରାଇରଙ୍ଗପୁର ଗ୍ରାମାଞ୍ଚଳ ଥାନା ନୁରୁବାଦଡା ଗ୍ରାମରେ ଟ୍ରାକ୍ଟର ଧକ୍କାରେ ବାଇକ ଆରୋହୀ ମୃତ
  • ||
  • ରାଜ୍ୟରେ କରୋନା ମୃତ୍ୟୁ ସଂଖ୍ୟାର ଚାଲିଛି ଅଡିଟ୍, ଶେଷ ହେବାକୁ ଆଉ ୧୦ ରୁ ୧୫ ଦିନ ସମୟ ଲାଗିବ : ଡିଏମଇଟି
  • ||
  • କେସିଙ୍ଗା : କେସିଙ୍ଗା ପରିଦର୍ଶନ ସହ ବିଭିନ୍ନ ପ୍ରକଳ୍ପ କାମର ସମୀକ୍ଷା କଲେ ପିଡି ଡିଆରଡିଏ
  • ||
  • ନୂଆଦିଲ୍ଲୀ : କର୍ଣ୍ଣାଟକର ନୂଆ ମୁଖ୍ୟମନ୍ତ୍ରୀ ଭାବେ ଶପଥ ନେଲେ ବାସବରାଜ ବୋମାଇ
  • ||
  • ଭୁବନେଶ୍ଵର : ଦିଲ୍ଲୀରୁ ଚୋରି ଭୁବନେଶ୍ଵରରେ ଗିରଫ, କୋଟିଏ ଟଙ୍କାର ଅଳଙ୍କାର ଚୋରି କରି ଚମ୍ପଟ ମାରିଥିଲା ଚୂନଲଗା ଚାକରାଣୀ, ସାଲିହାସାହିରୁ ଧରିଲା ପୋଲିସ
  • ||
  • ଜଗତସିଂହପୁର : ରାତି ଅଧରେ ଧାରଣାରତ ମହିଳାଙ୍କ ଉପରେ ଆକ୍ରମଣ, ମାଡ଼ ମାରି ଗାଳିଗୁଲଜ କଲେ ୫ରୁ ଉର୍ଦ୍ଧ୍ଵ ଦୁର୍ବୃତ୍ତ
  • ||
  • ଭୁବନେଶ୍ଵର : ରାଜ୍ୟରେ ଆଉ ୬୯ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୫୭୦୩କୁ ବୃଦ୍ଧି
  • ||
  • ଭୁବନେଶ୍ୱର : ରାଜ୍ୟରେ ଗତ ୨୪ ଘଣ୍ଟା ମଧ୍ୟରେ ଚିହ୍ନଟ ହେଲେ ଆଉ ୧୭୦୩ ଜଣ କୋଭିଡ୍ ପଜିଟିଭ୍
  • ||
  • ଭୁବନେଶ୍ଵର : ରାଜଧାନୀରେ ଅଣାୟତ୍ତ ଡେଙ୍ଗୁ, ଜୀବନ ସହ ଖେଳୁଛି ବିଏମ୍‌ସି, ମାଡ଼ିଚାଲିଛି ଏଡିସ୍‌ ମଶା ବଂଶ
  • ||

୧୫ରେ ଭୂମିହୀନଙ୍କୁ ‘କାଳିଆ’ ସହାୟତା

source:www.livemint.com

ଭୁବନେଶ୍ୱର,୧୨ା୨(ବ୍ୟୁରୋ): ଭୂମିହୀନ କୃଷି ଶ୍ରମିକଙ୍କୁ ମିଳିବ ‘କାଳିଆ’ ସହାୟତା ରାଶି । ୩ଟି କିସ୍ତିରେ ଭୂମିହୀନ କୃଷି ଶ୍ରମିକଙ୍କୁ ୧୨ ହଜାର ୫ଶହ ଟଙ୍କା ଦିଆଯିବ । ପ୍ରଥମ କିସ୍ତ ସହାୟତା ପ୍ରଦାନ ପାଇଁ ଆସନ୍ତା ୧୫ ତାରିଖରେ କେନ୍ଦ୍ରାପଡ଼ାଠାରେ ଏକ ସମାବେଶ ଆୟୋଜିତ ହେବ । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଏଥିରେ ଯୋଗ ଦେଇ ହିତାଧିକାରୀଙ୍କୁ ପ୍ରଥମ କିସ୍ତି ସହାୟତା ବାଣ୍ଟିବେ । ପ୍ରଥମ କିସ୍ତିରେ ୫ ହଜାର ଟଙ୍କାର ସହାୟତା ରାଶି ‘କାଳିଆ’ ଯୋଜନା ଅନ୍ତର୍ଭୁକ୍ତ ଭୂମିହୀନ କୃଷି ଶ୍ରମିକଙ୍କୁ ଡିବିଟି ମାଧ୍ୟମରେ ସିଧାସଳଖ ବ୍ୟାଙ୍କ ଆକାଉଣ୍ଟକୁ ପଠାଯିବ । ପରବର୍ତ୍ତୀ ପର୍ଯ୍ୟାୟରେ ଦ୍ୱିତୀୟ ଓ ତୃତୀୟ ପର୍ଯ୍ୟାୟ ସହାୟତା ରାଶି ଯୋଗାଇ ଦିଆଯିବ ।
ଭୂମିହୀନ କୃଷି ଶ୍ରମିକଙ୍କୁ ଜୀବିକା ନିର୍ବାହ ପାଇଁ ସରକାର ତାଲିମ ଯୋଗାଇ ଦେବେ । ଯେଉଁମାନେ ଭୂମିହୀନ କୃଷି ଶ୍ରମିକମାନଙ୍କୁ ତାଲିମ ଦେବେ, ପ୍ରଥମେ ସେମାନଙ୍କୁ ବିଶେଷଜ୍ଞମାନେ ପ୍ରଶିକ୍ଷଣ ଦେବେ । ଏଥିପାଇଁ ଆସନ୍ତା ୧୪ ତାରିଖରେ କୃଷି ଭବନରେ ଦକ୍ଷ ତାଲିମଦାତାଙ୍କ ପାଇଁ ତାଲିମ କାର୍ଯ୍ୟକ୍ରମ ଆୟୋଜନ କରାଯାଇଛି । ଓଡ଼ିଶା କୃଷି ଓ ବୈଷୟିକ ବିଶ୍ୱବିଦ୍ୟାଳୟ (ଓୟୁଏଟି) ବିଶେଷଜ୍ଞମାନେ ଏଥିରେ ପ୍ରଶିକ୍ଷଣ ଦେବେ । ତାଲିମ ଗ୍ରହଣ କରିବା ପରେ ଦକ୍ଷ ତାଲିମଦାତାମାନେ ନିଜ ନିଜ ଜିଲ୍ଲାକୁ ଯାଇ ମଣ୍ଡଳ ଓ ପଞ୍ଚାୟତସ୍ତରରେ ହିତାଧିକାରୀଙ୍କୁ ତାଲିମ ଯୋଗାଇଦେବେ । ମାର୍ଚ୍ଚ ୩୧ ପୂର୍ବରୁ ପଞ୍ଚାୟତସ୍ତରୀୟ ତାଲିମ ସରିବ । ମେ’ ୧୫ରୁ ଅଗଷ୍ଟ ୩୧ ତାରିଖ ଭିତରେ ମଣ୍ଡଳୀସ୍ତରୀୟ ତାଲିମ କାର୍ଯ୍ୟକ୍ରମ ଶେଷ କରାଯିବ । “କାଳିଆ’ ଯୋଜନାରେ ସାମିଲ ଭୂମିହୀନ କୃଷି ଶ୍ରମିକଙ୍କୁ ୩ଟି କିସ୍ତିରେ ଜୀବିକା ନିର୍ବାହ ପାଇଁ ୧୨,୫୦୦ ଟଙ୍କାର ସହାୟତା ରାଶି ଦିଆଯିବ । ଛେଳି ପାଳନ ୟୁନିଟ୍‌, ଛୋଟ କୁକୁଡ଼ା ପାଳନ ୟୁନିଟ୍‌ , ମହୁ ଚାଷ, ଛତୁ ଚାଷ, ବତକ ପାଳନ ତଥା ମାଛ ଧରା ସରଞ୍ଜାମ ଇତ୍ୟାଦି ପ୍ରତିଷ୍ଠା ପାଇଁ ଏହି ସହାୟତା ଯୋଗାଇ ଦିଆଯିବ । ଏହି ସହାୟତା ରାଶି ୩ଟି କିସ୍ତିରେ ପ୍ରଦାନ କରାଯିବ । ପ୍ରଥମ କିସ୍ତିରେ ୫ହଜାର ଟଙ୍କା, ଦ୍ୱିତୀୟ ତଥା ତୃତୀୟ କିସ୍ତିରେ ଯଥାକ୍ରମେ ୩ହଜାର ଟଙ୍କା ଓ ୪୫୦୦ ଟଙ୍କାର ସହାୟତା ପ୍ରଦାନ କରାଯିବ । ପ୍ରଥମ କିସ୍ତି ୧୫ ତାରିଖରେ ଦିଆଯିବ ।
ପଞ୍ଚାୟତ ଓ ମଣ୍ଡଳସ୍ତରୀୟ ତାଲିମ କାର୍ଯ୍ୟକ୍ରମ ସରିବା ପରେ ଦ୍ୱିତୀୟ କିସ୍ତି ସହାୟତା ଦିଆଯିବ । ସହାୟତା ଉପାଦାନକୁ ପଞ୍ଚାୟତସ୍ତରୀୟ ନୋଡାଲ ଅଧିକାରୀ ଆକଳନ କରିବା ପରେ ଶେଷ କିସ୍ତି ସହାୟତା ଦିଆଯିବ । ପଞ୍ଚାୟତସ୍ତରୀୟ ନୋଡାଲ ଅଧିକାରୀ ହିତାଧିକାରୀ ଯୋଜନାଗୁଡିକର ଜିଓ-ଟ୍ୟାଗ ଫଟୋ ଉଦ୍ଦିଷ୍ଟ ସାଇଟ୍‌ରେ ପୋଷ୍ଟ କରିବେ ।

ସମ୍ବନ୍ଧିତ ଖବର