PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଅଧିନାୟକ ପଦ ଛାଡ଼ିବେ ବିରାଟ କୋହଲି, ଟି-୨୦ ବିଶ୍ୱକପ୍‌ ପରେ କୋହଲି ଏହି ଫର୍ମାଟ୍‌ ଅଧିନାୟକ ପଦ ଛାଡ଼ିବା ନେଇ ସୋଶଲ ମିଡିଆରେ ସୂଚନା ଦେଲେ ବିରାଟ
  • ||
  • କଟକ: ଦଶହରା ମୂର୍ତ୍ତି ଉଚ୍ଚତା ବିବାଦ ମାମଲା, ବାଲୁ ବଜାର ପୂଜା କମିଟି ଆବେଦନର ଉପରେ ଶୁଣାଣି ଶେଷ, ଆସନ୍ତା କାଲି ରାୟ ପ୍ରକାଶ କରିବେ ହାଇକୋର୍ଟ
  • ||
  • ମାଲକାନଗିରି: ମାଓବାଦୀ କ୍ୟାମ୍ପ୍‌ରୁ ବିପୁଳ ପରିମାଣର ମାଓ ସାମଗ୍ରୀ ଠାବ କଲେ ସୁରକ୍ଷାକର୍ମୀ, ଶିବିର ଛାଡ଼ି ଛତ୍ରଭଙ୍ଗ ଦେଲେ ମାଓବାଦୀ
  • ||
  • ରାୟଗଡ଼ା: ଆଜି ସନ୍ଧ୍ୟାରେ ଉତ୍କଳ ଆଲୁମିନା କାରଖାନାର ସମ୍ପ୍ରସାରଣ ପ୍ରକଳ୍ପର ଉଦଘାଟନ କରିବେ ମୁଖ୍ୟମନ୍ତ୍ରୀ
  • ||
  • ଝାରସୁଗୁଡ଼ା: ହୀରାକୁଦ ଉପର ମୁଣ୍ଡରେ ବନ୍ୟା ସ୍ଥିତି, ସେମଲିଆ ରାସ୍ତା ଉପରେ ପ୍ରବାହିତ ହେଉଛି ୪ ଫୁଟ ଉଚ୍ଚର ପାଣି
  • ||
  • ବଲାଙ୍ଗୀର: ନିଶାଶକ୍ତ ୩ ଯୁବକଙ୍କ ଜଘନ୍ୟ କାଣ୍ଡ, ବନ୍ଧୁକ ମୁନରେ ଯୁବକଙ୍କ ମଳ ଦ୍ବାରରେ ଭର୍ତ୍ତି କଲେ ଷ୍ଟିଲ୍ ଗ୍ଲାସ
  • ||
  • ସମ୍ବଲପୁର: ହୀରାକୁଦର ଖୋଲିଲା ଆଉ ୪ ଗେଟ୍, ୨୮ ଗେଟ୍ ଦେଇ ଜଳ ନିଷ୍କାସନ ଜାରି
  • ||
  • ସୋର : ଫୁଲୁଛି କାଂଶ ବାଂଶ ନଦୀ, ରାସ୍ତାର ଉପରେ ୭ ରୁ ୮ ଫୁଟ୍ ପାଣି ପ୍ରବାହିତ
  • ||
  • ଭୁବନେଶ୍ୱର: ରାଜ୍ୟରେ ଆଉ ୪ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୧୧୮କୁ ବୃଦ୍ଧି
  • ||
  • ଭୁବନେଶ୍ୱର: ରାଜ୍ୟରେ ଉପରମୁହାଁ ହେଲା କରୋନା ଗ୍ରାଫ୍, ୨୪ ଘଣ୍ଟା ମଧ୍ୟରେ ଆଉ ୫୮୦ ପଜିଟିଭ୍ ଚିହ୍ନଟ
  • ||
  • ବରଗଡ଼ : ପୁରୀରୁ ତୀର୍ଥ ସାରି ଫେରିବା ବାଟରେ ଅଘଟଣ, ଭାରସାମ୍ୟ ହରାଇ ଓଲଟିଲା ବୋଲେରୋ, ୫ ଗୁରୁତର
  • ||
  • ବରଗଡ଼ : ୧୩ ଜିଲ୍ଲାରେ ଆତଙ୍କ ଖେଳାଇଥିବା ୨ ଅନ୍ତଃରାଜ୍ୟ ଏଟିଏମ୍ ଲୁଟେରା ଗିରଫ, ଅନ୍ୟ ୨ ଫେରାର
  • ||
  • ଭୁବନେଶ୍ୱର: ଡ଼େଲିଭରୀ ବୟ ଅପହରଣ ଘଟଣା, ମଧ୍ୟପ୍ରଦେଶରୁ ଯୁବକ ଓ ଯୁବତୀଙ୍କୁ ଭୁବନେଶ୍ୱରକୁ ଆଣିଲା କମିଶନରେଟ୍ ପୋଲିସ ସ୍ବତନ୍ତ୍ର ଟିମ୍
  • ||
  • ଭୁବନେଶ୍ୱର: ଆସୁଛି ଆଉ ଏକ ଲଘୁଚାପ, ୧୮ରୁ ପୁଣି ଢ଼ାଳିବ ବର୍ଷା
  • ||
  • ଭୁବନେଶ୍ୱର: କରାଳ ରୂପ ଧରିଛି ମହାନଦୀ, ମାଡ଼ି ଆସୁଛି ବନ୍ୟା: ହୀରାକୁଦରେ ଖୋଲିବ ଆଉ ୪ଟି ଗେଟ୍, ନରାଜରେ ଜଳସ୍ତର ସତର୍କ ସଙ୍କେତ ଟପିଲା
  • ||

‘କିସାନ’ଠୁ ‘କାଳିଆ’ ଢେର୍‌ ଭଲ

source:en.wikipedia.org

ଭୁବନେଶ୍ୱର,୩ା୨(ବ୍ୟୁରୋ): ଆମ ମୁଖ୍ୟମନ୍ତ୍ରୀଙ୍କ ‘କାଳିଆ’ ପ୍ରଧାନମନ୍ତ୍ରୀଙ୍କ ‘କିସାନ’ଠାରୁ ଢେର୍‌ ଭଲ । ଚାଷୀଙ୍କ ପାଇଁ ‘କିସାନ’ ଯେତିକି ସହାୟତା ଦେବ, କାଳିଆ ତା’ଠାରୁ ଅନେକ ଗୁଣରେ ଅଧିକ ସହାୟତା ଦେବ । ସ୍ୱାସ୍ଥ୍ୟ ମନ୍ତ୍ରୀ ପ୍ରତାପ ଜେନା ଆଜି ‘କାଳିଆ’ ସପକ୍ଷରେ ଏମିତି ଯୁକ୍ତି ବାଢ଼ିଛନ୍ତି । ଏକ ତୁଳନାତ୍ମକ ଚିତ୍ର ବି ରଖିଛନ୍ତି ।
ଶ୍ରୀ ଜେନା କହିଛନ୍ତି, କାଳିଆ ଯୋଜନାରେ ୫ ଏକର ପର୍ଯ୍ୟନ୍ତ ଜମି ଥିବା କ୍ଷୁଦ୍ର ଓ ନାମମାତ୍ର ଚାଷୀଙ୍କୁ ବାର୍ଷିକ ୧୦,୦୦୦ ଟଙ୍କାର ସହାୟତା ଯୋଗାଇ ଦିଆଯାଉଛି । ଅଢ଼େଇ ବର୍ଷରେ ରାଜ୍ୟର ହିତାଧିକାରୀ ଚାଷୀ ମୋଟ୍‌ ୨୫,୦୦୦ ଟଙ୍କା ପାଇବେ । କିନ୍ତୁ କିସାନ ଯୋଜନାରେ ୨ ହେକ୍ଟର ପର୍ଯ୍ୟନ୍ତ ଜମି ଥିବା କ୍ଷୁଦ୍ର ଓ ନାମମାତ୍ର ଚାଷୀ ବର୍ଷକୁ ମାତ୍ର ୬,୦୦୦ ଟଙ୍କାର ସହାୟତା ପାଇବେ ।
‘କାଳିଆ’ ଯୋଜନାରେ ଚାଷୀ ଓ ନାମମାତ୍ର ଚାଷୀଙ୍କ ବ୍ୟତୀତ ଭୂମିହୀନ, ଭାଗ ଚାଷୀ ଓ କୃଷି ଶ୍ରମିକଙ୍କୁ ସାମିଲ କରାଯାଇଛି । ଏଣୁ ରାଜ୍ୟର ମୋଟ୍‌ ୯୨% ଚାଷୀ ଏହାର ଫାଇଦା ପାଇବେ । ଏମାନଙ୍କ ମଧ୍ୟରେ ୩୦.୧୬ ଲକ୍ଷ କ୍ଷୁଦ୍ର ଓ ନାମମାତ୍ର ଚାଷୀ, ୧୦ ଲକ୍ଷ ଭୂମିହୀନ ଓ ୧୦ ଲକ୍ଷ କୃଷି ଶ୍ରମିକ ଅଛନ୍ତି । ଅପରପକ୍ଷରେ ‘କିସାନ’ରେ ସାରା ଦେଶର ୧୨ କୋଟି ଚାଷୀ ଉପକୃତ ହେବେ । ତେବେ ଭୂମିହୀନ, ଭାଗ ଚାଷୀ ଓ କୃଷି ଶ୍ରମିକଙ୍କ ପାଇଁ ଏଥିରେ କୌଣସି ଆର୍ଥିକ ସହାୟତା ବ୍ୟବସ୍ଥା ନାହିଁ ବୋଲି ସ୍ୱାସ୍ଥ୍ୟମନ୍ତ୍ରୀ କହିଛନ୍ତି ।
ସେ କହିଛନ୍ତି, ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ‘କାଳିଆ’ରେ କ୍ଷୁଦ୍ର ଓ ନାମମାତ୍ର ଚାଷୀଙ୍କୁ ରବି ଓ ଖରିଫ୍‌ ଋତୁ ପାଇଁ ୨ଟି କିସ୍ତିରେ ୧୦,୦୦୦ ଟଙ୍କା ସହାୟତା ଦିଆଯିବ । ସେହିପରି ଭୂମିହୀନ, କୃଷି ଶ୍ରମିକ ଓ ଭାଗ ଚାଷୀଙ୍କୁ ବର୍ଷକୁ ୧୦,୦୦୦ ଟଙ୍କା ଯୋଗାଇ ଦିଆଯିବ । ଏପରିକି ଭୂମିହୀନ ଚାଷୀଙ୍କୁ ଜୀବନ ଜୀବିକା ଉଦ୍ଦେଶ୍ୟରେ ୧୨,୫୦୦ ଟଙ୍କା ସହାୟତା ପ୍ରଦାନ କରାଯିବ । କିନ୍ତୁ କିସାନରେ କେବଳ କ୍ଷୁଦ୍ର ଚାଷୀଙ୍କ ବ୍ୟାଙ୍କ ଖାତାକୁ ୩ଟି କିସ୍ତିରେ ୨,୦୦୦ ଟଙ୍କା ଲେଖାଏଁ ମୋଟ୍‌ ୬,୦୦୦ ଟଙ୍କା ମିଳିବ ।
ଚାଷୀଙ୍କୁ ଋଣ ବୋଝରୁ ଆଶ୍ୱସ୍ତ କରିବାକୁ କାଳିଆ ଅଧୀନରେ ବିନା ସୁଧରେ ୫୦,୦୦୦ ଟଙ୍କା ପର୍ଯ୍ୟନ୍ତ ଋଣ ଯୋଗାଇ ଦେବାର ବ୍ୟବସ୍ଥା ହୋଇଛି । କିନ୍ତୁ କିସାନରେ ଏ ସୁବିଧା ଉପଲବ୍ଧ ନାହିଁ । କେବଳ ପଶୁଧନ, ମତ୍ସ୍ୟଚାଷୀଙ୍କୁ ୨% ସୁଧ ରିହାତି ବ୍ୟବସ୍ଥା କରାଯାଇଛି । ଯଦି ସେମାନେ ଠିକ୍‌ ସମୟରେ ଋଣ ପରିଶୋଧ କରିବେ, ତାହାହେଲେ ଆଉ ୩% ସୁଧ ରିହାତି ମିଳିବ ।
କାଳିଆ ଯୋଜନାରେ ପ୍ରତ୍ୟେକ ଚାଷୀଙ୍କୁ ୨ ଲକ୍ଷ ଟଙ୍କାର ଜୀବନ ବୀମା ଓ ବ୍ୟକ୍ତିଗତ ଦୁର୍ଘଟଣା ବୀମା ଭଳି ସାମାଜିକ ସୁରକ୍ଷା ଦିଆଯାଉଛି । କିନ୍ତୁ କିସାନରେ ପ୍ରାକୃତିକ ବିପର୍ଯ୍ୟୟ ପ୍ରଭାବିତ ଚାଷୀଙ୍କୁ ହିଁ ୨% ସୁଧରିହାତି ବ୍ୟବସ୍ଥା ଓ ଠିକ୍‌ ସମୟରେ ପରିଶୋଧ ପାଇଁ ଅତିରିକ୍ତ ୩% ସୁଧ ରିହାତି ବ୍ୟବସ୍ଥା ରହିଛି । ତେବେ ସେମାନଙ୍କ ପାଇଁ ପୂର୍ଣ୍ଣକାଳୀନ ସାମାଜିକ ସୁରକ୍ଷା ବ୍ୟବସ୍ଥା ନାହିଁ ବୋଲି ଶ୍ରୀ ଜେନା କହିଛନ୍ତି ।