PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ନୂଆପଡ଼ାରେ ହଳଦୀ ଗାଁରେ ପୁଣି ବାଘ ଆତଙ୍କ , କ୍ୟାମେରାରେ କଏଦ ହେଲା ବାଘ ବସିଥିବା ଫଟୋ , ଲୋକେ ଭୟଭୀତ, ଗାଁରେ ବନ କର୍ମଚାରୀ ଉପସ୍ଥିତ, ୩ ବର୍ଷ ହେଲା ଲାଗି ରହିଛି ବାଘ ଆତଙ୍କ
  • ||
  • ପଶ୍ଚିମବଙ୍ଗରେ ପ୍ରାର୍ଥୀ ତାଲିକା ଘୋଷଣା କଲା ବିଜେପି , ୫୭ଟି ଆସନ ପାଇଁ ବିଜେପିର ପ୍ରାର୍ଥୀ ତାଲିକା ପ୍ରକାଶ , ନନ୍ଦୀଗ୍ରାମରେ ମମତାଙ୍କ ବିରୋଧରେ ଲଢ଼ିବେ ଶୁଭେନ୍ଦୁ ଅଧିକାରୀ
  • ||
  • ସୋନପୁର: ସୁବୁଳିଆ ଗାଁରେ ଗୋଷ୍ଠୀ ସଂଘର୍ଷ, ଗୁଳିକାଣ୍ଡରେ ଜଣେ ଯୁବକ ଗୁରୁତର
  • ||
  • ପୁଣି ରାଜଧାନୀରେ ୪୦ ଡ଼ିଗ୍ରୀ ଟପିଲା ତାତି
  • ||
  • ଭୁବନେଶ୍ବର: ସରିଲା ରାଜ୍ୟ କ୍ୟାବିନେଟ୍‌ ବୈଠକ, ୧୬ଟି ପ୍ରସ୍ତାବରେ ବାଜିଲା ମୋହର
  • ||
  • ବାସୁଦେବପୁର : ତାରିଣୀ ଛକ ସ୍ଥିତ ଟ୍ରାକ୍ଟର ଗ୍ୟାରେଜ୍‌ରେ ଅଘଟଣ , କାମ କରୁଥିବା ବେଳେ ଟ୍ରାକ୍ଟର ଟାୟାର ଫାସି ଗ୍ୟାରେଜ୍‌ ମେକାନିକଙ୍କ ମୃତ୍ୟୁ
  • ||
  • ଓଡ଼ିଶାର ୧୦ ଜିଲ୍ଲାରେ କରୋନା ଚିନ୍ତା , ରାଜ୍ୟ ସ୍ୱାସ୍ଥ୍ୟ ସଚିବଙ୍କ ସହ କଥା ହେଲେ କେନ୍ଦ୍ର ସ୍ୱାସ୍ଥ୍ୟ ସଚିବ, ଏନେଇ ଟେଷ୍ଟିଂ ଟ୍ରାକିଂ ଓ ଟ୍ରିଟ୍‌ମେଣ୍ଟ ଉପରେ ଗୁରୁତ୍ୱ
  • ||
  • ବଲାଙ୍ଗିର: ବାହାର ରାଜ୍ୟରେ ନିର୍ଯ୍ୟାତନାର ଶିକାର ହେଉଛନ୍ତି ପାଟଣାଗଡ଼ ଅଞ୍ଚଳର ୨୫ ଶ୍ରମିକ
  • ||
  • ଅହମ୍ମଦାବାଦ ଟେଷ୍ଟ : ଭାରତ ୩-୧ରେ ସିରିଜ୍ ବିଜୟୀ
  • ||
  • ଟିଟିଲାଗଡ଼: ଟିଟିଲାଗଡରେ ଉତ୍କଟ ଜଳ ସମସ୍ୟା, ସିରଭଟା ପଡାରେ ପାଣି ପାଇଁ ରାସ୍ତାରୋକ
  • ||
  • ଆସ୍ଥା ଭୋଟ୍ ଜିତିଲେ ପାକିସ୍ତାନ ପ୍ରଧାନମନ୍ତ୍ରୀ ଇମ୍ରାନ୍ ଖାନ୍
  • ||
  • ପୁରୀ: ଶ୍ରୀମନ୍ଦିରରେ ପୁଣି ନୀତି ବିଭ୍ରାଟ, ଜଗମୋହନରେ ବାନ୍ତି କଲେ ଭକ୍ତ
  • ||
  • ସମ୍ବଲପୁର: ହୀରାକୁଦ ଅଶୋକ ନିବାସରେ ହାଇକୋର୍ଟ ବିଚାରପତି ସି.ଆର୍ ଦାସଙ୍କ ସମୀଖ୍ୟା ବୈଠକ, ସାମିଲ ହୋଇଛନ୍ତି ବିଭିନ୍ନ ଜିଲ୍ଲାର ବିଚାରପତି
  • ||
  • ସମ୍ବଲପୁର: ହାତୀ ଆକ୍ରମଣରେ ଜଣେ ମୃତ
  • ||
  • କେନ୍ଦୁଝର: ଇସ୍ପାତ କାରଖାନା ଦାବିରେ କେନ୍ଦୁଝରରେ ବିଜେପି ଯୁବ ମୋର୍ଚ୍ଚାର ପକ୍ଷରୁ ବିକ୍ଷୋଭ
  • ||
  • ଭୁବନେଶ୍ବର: ରାଜଧାନୀରେ ବିଚ୍ ରାସ୍ତାରେ ମର୍ଡର, ସିଆର୍‌ପିଏପ୍ ଛକ ନିକଟରେ ଗୋଡ଼ାଇ ଗୋଡ଼ାଇ ହାଣିଲେ ଦୁର୍ବୃତ୍ତ
  • ||
  • ଲକ୍ଷ୍ମୀପୁର: ଭଡ଼ା ଘରୁ ମହିଳାଙ୍କ ମୃତଦେହ ଉଦ୍ଧାର କଲା ଲକ୍ଷ୍ମୀପୁର ପୋଲିସ, ଯୁବକ ଅଟକ
  • ||
  • ଭବାନୀପାଟଣା: ଜିଲ୍ଲା ସେସନ ଜଜ କୋର୍ଟ ଉଦ୍‌ଘାଟନ୍ କଲେ ମୁଖ୍ୟ ବିଚାରପତି ହାଇକୋର୍ଟ ଡ଼. ଏସ ମୁରଲୀଧର
  • ||
  • ବଲାଙ୍ଗୀର: ଶନି ମନ୍ଦିରରେ ଦୀପ ଜଳିବା ସମୟରେ ଶ୍ରଦ୍ଧାଳୁଙ୍କୁ ଲାଗିଗଲା ନିଆଁ, ହସ୍ପିଟାଲରେ ଭର୍ତ୍ତି
  • ||
  • ଭୁବନେଶ୍ବର: ରାତି ୧୦ଟାରେ ଉଠିବ ଲିଙ୍ଗରାଜ ମହାପ୍ରଭୁଙ୍କ ମହାଦୀପ
  • ||

‘କାଳିଆ’ ଦେଶକୁ ବାଟ ଦେଖାଇବ

source:www.livemint.com

କେନ୍ଦ୍ରାପଡ଼ା, ୧୫ା୨(ଆପ୍ର): ‘କାଳିଆ’ ଯୋଜନା ଓଡ଼ିଶାର ଅର୍ଥନୀତିରେ ଏକ ମାଇଲ୍‌ଖୁଣ୍ଟ ସଦୃଶ ରହିବ । ‘କାଳିଆ’ ଯୋଜନା ସାରା ଦେଶକୁ ବାଟ ଦେଖାଇବ । କେନ୍ଦ୍ରାପଡ଼ାର ବାରୋଠାରେ ଆଜି ଏଭଳି ଦୃଢୋକ୍ତି ବାଢିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ।
‘କାଳିଆ’ ଯୋଜନାରେ ଭାଗଚାଷୀ, ଭୂମିହୀନଙ୍କୁ ସହାୟତା ରାଶି ବଣ୍ଟନ ନିମନ୍ତେ ଉଦ୍ଦିଷ୍ଟ କାର୍ଯ୍ୟକ୍ରମରେ ଯୋଗ ଦେବା ଅବସରରେ ଆଜି ପୁଲୱାମାର ବୀର ସହିଦମାନଙ୍କୁ ଶ୍ରଦ୍ଧାଞ୍ଜଳି ଜଣାଇବାକୁ ଭୁଲିନଥିଲେ ମୁଖ୍ୟମନ୍ତ୍ରୀ । ଆତଙ୍କବାଦୀ ଆକ୍ରମଣରେ ପ୍ରାଣ ହରାଇଥିବା ବୀର ସହିଦମାନଙ୍କୁ ଶ୍ରଦ୍ଧାଞ୍ଜଳି ଜଣାଇ ନିଜ ଅଭିଭାଷଣ ରଖିଥିଲେ ନବୀନ । କହିଥିଲେ, କାଳିଆ ଯୋଜନା ଦ୍ୱାରା ଚାଷୀ ଭଲ ଚାଷ କରିପାରିବ, ଚାଷୀ ପରିବାରର ଉନ୍ନତି ହେବ ।
ଚାଷୀମାନଙ୍କୁ ସମ୍ବୋଧିତ କରି କହିଥିଲେ, ଆପଣମାନେ ଅନ୍ନଦାତା, ସାରା ରାଜ୍ୟକୁ ଅନ୍ନ ଦେଉଛନ୍ତି । ଆପଣମାନଙ୍କ ପାଇଁ ଓଡ଼ିଶା କୃଷିରେ ଯଥେଷ୍ଟ ଉନ୍ନତି କରିଛି । ଆପଣମାନଙ୍କୁ ମୋର ନମସ୍କାର, ଜୁହାର, ସ୍ୱାଗତ । କେନ୍ଦ୍ରାପଡ଼ାର ବାରୋ ପଞ୍ଚାୟତ ସିଦ୍ଧମଠ ପଡ଼ିଆରେ ହେଲିକପ୍‌ଟର୍‌ରୁ ଅବତରଣ କରିବା ପରେ ଦଳୀୟ ବିଧାୟକ, କର୍ମୀ, ନେତାମାନେ ମୁଖ୍ୟମନ୍ତ୍ରୀଙ୍କୁ ସଭାସ୍ଥଳକୁ ପାଛୋଟି ନେଇଥିଲେ । ମଞ୍ଚରେ ବଟନ୍‌ ଚିପି ଭୂମିହୀନ ସହାୟତା ଯୋଜନାର ଶୁଭାରମ୍ଭ କରିଥିଲେ ମୁଖ୍ୟମନ୍ତ୍ରୀ । ଯେଉଁଥିରେ ପ୍ରଥମ ପର୍ଯ୍ୟାୟରେ ସାଢ଼େ ୩ ଲକ୍ଷ ଭୂମିହୀନ/ଭାଗଚାଷୀଙ୍କ ଜମାଖାତାକୁ ସିଧାସଳଖ ସହାୟତା ଅର୍ଥ ଯିବ ।
ସଭାରେ ଯୋଗଦେବା ଆଗରୁ ମୁଖ୍ୟମନ୍ତ୍ରୀ ୧୭୩ କୋଟି ଟଙ୍କା ବ୍ୟୟ ଅଟକଳର ବିଭିନ୍ନ ପ୍ରକଳ୍ପର ଉଦ୍‌ଘାଟନ କରିଥିଲେ । ନିଜ ଭାଷଣରେ ବିଜେପିକୁ ତେର୍ଚ୍ଛା ବାଣ ମାରିବାକୁ ପଛାଇନଥିଲେ ମୁଖ୍ୟମନ୍ତ୍ରୀ । ଓଡ଼ିଶା ଭାଗଚାଷୀ, କ୍ଷୁଦ୍ରଚାଷୀ ଓ କୃଷି ଶ୍ରମିକଙ୍କ ପାଇଁ ସହାୟତା ବ୍ୟବସ୍ଥା କରିଥିବାବେଳେ କେନ୍ଦ୍ର ନିକଟରେ ଏକ ଯୋଜନା ଆରମ୍ଭ କରିବାକୁ ଯାଉଛି । ତେବେ ଏଥିରେ କେନ୍ଦ୍ର ଭାଗଚାଷୀ, ଭୂମିହୀନ, କ୍ଷୁଦ୍ରଚାଷୀଙ୍କୁ ନିରାଶ କରିଛି । ସେମାନଙ୍କ ଲାଗି କୌଣସି ସୁବିଧା ରଖିନି । ଏଥିଲାଗି ସେ କେନ୍ଦ୍ରକୁ ଚିଠି ଲେଖିବା ସହ ବିଭାଗୀୟ ମନ୍ତ୍ରୀଙ୍କୁ ଏ ବାବଦରେ ଅବଗତ କରିଥିବା କହିଥିଲେ ।
ମୁଖ୍ୟମନ୍ତ୍ରୀ ଏକଥା ବି କହିଥିଲେ ଯେ କାଳିଆ ଯୋଜନା ଚାଷୀ ଭାଇଭଉଣୀମାନଙ୍କର ବହୁତ ପସନ୍ଦ ହୋଇଛି । ଛୋଟ ଚାଷୀ, ଭାଗ ଚାଷୀ, କୃଷି ଶ୍ରମିକ, ଭୂମିହୀନ ସମସ୍ତେ ଏହି ଯୋଜନାରୁ ଉପକାର ପାଇବେ । ଏଥିରେ ରବି ଓ ଖରିଫ ଋତୁ ପାଇଁ ସହାୟତା, ବିନା ସୁଧରେ ଋଣ, ବୀମା ସୁବିଧା ରହିଛି । କାଳିଆ ଯୋଜନା ଏକ ଆଦର୍ଶ ଯୋଜନା । ୨୦୧୪ରେ ୧୦ ଲକ୍ଷ ହେକ୍ଟରରୁ ଅଧିକ ଜମିକୁ ପାଣି ଯୋଗାଇବା ପାଇଁ ସେ ଘୋଷଣା କରିଥିଲେ । ଗତ ୪ ବର୍ଷରେ ଜଳସେଚନ ଲାଗି ୩୦ ହଜାର କୋଟି ଖର୍ଚ୍ଚ ହୋଇଛି । ୮ ଲକ୍ଷ ହେକ୍ଟର ଜମିରେ ଜଳସେଚନ ସୁବିଧା ଯୋଗାଇଛି । ଆସନ୍ତା ଏପ୍ରିଲ ସୁଦ୍ଧା ଆମେ ଲକ୍ଷ୍ୟ ପୂରଣ କରିବୁ । କୃଷି ଲାଗି ସ୍ୱତନ୍ତ୍ର ବଜେଟ୍‌ ପ୍ରସ୍ତୁତ କରାଯାଉଛି । କାଳିଆ ଯୋଜନା ସହାୟତାକୁ କାମରେ ଲଗାଇଲେ ସେ ଅଧିକରୁ ଅଧିକ ଖୁସିହେବେ ବୋଲି କହିଥିଲେ ମୁଖ୍ୟମନ୍ତ୍ରୀ ।
ସଭାମଞ୍ଚରେ ମୁଖ୍ୟମନ୍ତ୍ରୀଙ୍କ ସହ କେନ୍ଦ୍ରାପଡ଼ା ଓ ଜଗତସିଂହପୁର ଜିଲ୍ଲାର ୧୭ଟି ବ୍ଲକର ୧୭ ଜଣ ପ୍ରମୁଖ ଚାଷୀ ଉପସ୍ଥିତ ଥିଲେ । ଯେଉଁମାନେ କାଳିଆ ଯୋଜନା ଅଧୀନରେ ମିଳୁଥିବା ସୁବିଧା ବାବଦରେ ଅନୁଭୂତି ବାଣ୍ଟିଥିଲେ । ଆଗଭଳି ଚାଷ କାର୍ଯ୍ୟ ଲାଗି ମହାଜନ ଅବା କାହାଠାରୁ ହାତ ଉଧାରି କରିବାକୁ ପଡ଼ିବନି । କାହା ପାଖରେ ଋଣ ଲାଗି ଗୋଡ଼ଭାଙ୍ଗି ଠିଆ ହେବାକୁ ହେବନି । ନିଜ ଜମା ଖାତାକୁ ଆସୁଥିବା ଅର୍ଥରେ କୃଷି କାର୍ଯ୍ୟରେ ସେମାନେ ବିନିଯୋଗ କରିପାରିବେ । ଯାହା ରାଜ୍ୟ ସରକାରଙ୍କ ଏକ ଯୁଗାନ୍ତକାରୀ ପଦକ୍ଷେପ ବୋଲି କହିଥିଲେ ମୁଖ୍ୟମନ୍ତ୍ରୀ । ସଭାରେ ୧୭ ଜଣ ଚାଷୀଙ୍କୁ ପ୍ରତିକାତ୍ମକ କୃଷି ସହାୟତା ପତ୍ର ବଣ୍ଟନ କରାଯାଇଥିଲା । ରାଜ୍ୟର ୧୦ ଲକ୍ଷ ଚାଷୀଙ୍କୁ ୩ ଟି ପର୍ଯ୍ୟାୟରେ ୧୨ ହଜାର ୫୦୦ ଟଙ୍କା ଲେଖାଏଁ ପ୍ରଦାନ କରାଯିବ । ପ୍ରଥମ ଥର ଲାଗି କେନ୍ଦ୍ରାପଡ଼ା ସହର ସମେତ ରାଜ୍ୟର ଅନ୍ୟ ନଗର ଗୁଡ଼ିକରେ ବାସ କରୁଥିବା ଚାଷୀଙ୍କୁ ଏଥିରେ ସାମିଲ କରାଯାଇଛି । ବାରୋ ପଞ୍ଚାୟତ ସିଦ୍ଧ ମଠ ପଡ଼ିଆରେ ଆୟୋଜିତ କାର୍ଯ୍ୟକ୍ରମରେ ଲକ୍ଷାଧିକ ଲୋକଙ୍କ ସମାଗମ ହୋଇଥିଲା । କାର୍ଯ୍ୟକ୍ରମରେ ଅନ୍ୟମାନଙ୍କ ମଧ୍ୟରେ ସ୍ୱାସ୍ଥ୍ୟ, ପରିବାର କଲ୍ୟାଣ, ଆଇନ, ସୂଚନା ଓ ଲୋକ ସମ୍ପର୍କ ବିଭାଗ ମନ୍ତ୍ରୀ ପ୍ରତାପ ଜେନା, ପୂର୍ବତନ ମନ୍ତ୍ରୀ ତଥା ମହାକାଳପଡ଼ା ବିଧାୟକ ଅତନୁ ସବ୍ୟସାଚୀ ନାୟକ, ପାଟକୁରା ବିଧାୟକ ବେଦପ୍ରକାଶ ଅଗ୍ରୱାଲ, କେନ୍ଦ୍ରାପଡ଼ା ବିଧାୟକ କିଶୋର ଚନ୍ଦ୍ର ତରାଇ, ରାଜ୍ୟ ଖଦି ବୋର୍ଡ ଅଧ୍ୟକ୍ଷ ତେଜେଶ୍ୱର ପରିଡ଼ା ପ୍ରମୁଖ ଉପସ୍ଥିତ ଥିଲେ ।

ସମ୍ବନ୍ଧିତ ଖବର