କନ୍ଧମାଳ ହଳଦୀକୁ ମିଳିଲା ଜିଆଇ ଟ୍ଯାଗ୍ ମାନ୍ଯତା

ଭୁବନେଶ୍ୱର ୧/୪: କନ୍ଧମାଳ ହଳଦୀକୁ ମିଳିଲା ଜିଆଇ ଟ୍ଯାଗ୍ ମାନ୍ଯତା । ସୋମବାର କନ୍ଧମାଳ ହଲଦୀକୁ ଜିଆଇ ମାନ୍ଯତା ଦିଆଯାଇଛି । କୃଷିଜାତ ଦ୍ରବ୍ଯ ବର୍ଗରେ ଏହି ମାନ୍ଯତା ମିଳିଛି । କହିରଖୁଛୁ ଜିଆଇ ମାନ୍ଯତା ପାଇଁ ‘କସମ’ ବା କନ୍ଧମାଳ ଆପେକ୍ସ ସ୍ପାଇସେସ୍ ଆସୋସିଏସନ୍ ଫର ମାର୍କେଟିଂ ପକ୍ଷରୁ ଆବେଦନ କରାଯାଇଥିଲା ।

ହଜାର ହଜାର ଚାଷୀଙ୍କ ଆଶା ପୂରଣ ହେଲା । କନ୍ଧମାଳ ହଳଦୀକୁ ମିଳିଲା ସ୍ୱତନ୍ତ୍ର ପରିଚୟ । ଏହି ହଲଦୀରେ ଏକ ସ୍ୱତନ୍ତ୍ର ଗୁଣ ରହିଛି । ଏଥିରେ ହର୍ବାଲ ଓ ଔଷଧୀୟ ଗୁଣ ଭରି ରହିଥାଏ । ବହୁ ପୁରାତନ କାଳରୁ ପାରମ୍ପରିକ ରୀତିରେ  ଉତ୍ପାଦନ ହୋଇଆସୁଛି କନ୍ଧମାଳ ହଳଦୀ । ଏଥିରେ କୌଣସି ରାସାୟନିକ ପଦାର୍ଥ ବ୍ୟବହାର ହୁଏ ନାହିଁ । ଜୈବିକ ଉପାୟରେ ଜିଲ୍ଲାର ୫୦ ହଜାରରୁ ଅଧିକ ଆଦିବାସୀ ଓ ସ୍ଥାନୀୟ ବାସିନ୍ଦା ହଜାର ହଜାର  ହେକ୍ଟର ଜମିରେ ଚାଷ କରୁଛନ୍ତି ଏହି ସ୍ୱତନ୍ତ୍ର ହଳଦୀ ।

୧୯୯୭ ମସିହାରେ ପ୍ରତିଷ୍ଠା ହୋଇଥିବା ସଂସ୍ଥା କସମ ପକ୍ଷରୁ ଜିଆଇ ମାନ୍ୟତା ପାଇଁ ଆବେଦନ କରାଯାଇଥିଲା । ହଳଦୀର ହର୍ବାଲ ଓ ଔଷଧୀୟ ଗୁଣବତ୍ତା ଯାଞ୍ଚ କରିବା ପାଇଁ ଏକ ୮ ଜଣିଆ ଟେକ୍‌ନିକାଲ କମିଟି ଗଠନ କରାଯାଇଥିଲା । ଆଜି(ସୋମବାର) କନ୍ଧମାଳ ହଳଦୀକୁ ଜିଆଇ ଟ୍ଯାଗ୍ ମାନ୍ୟତା ମିଳିଲା । ଏବେ ଏହାର ବଜାର ମୂଲ୍ଯ ବୃଦ୍ଧି ପାଇବା ସହିତ ହଜାର ହଜାର ଚାଷୀ ଉପକୃତ ହେବେ ଏବଂ ରପ୍ତାନୀ ମଧ୍ଯ ବଢିବ ।

   ସମ୍ବନ୍ଧିତ ଖବର


ମାଲକାନଗିରି ଛତିଶଗଡ଼ ସୀମାନ୍ତରେ ଲ୍ୟାଣ୍ଡମାଇନ୍‌ ବିସ୍ଫୋରଣ: ଜଣେ ଯବାନ ସହିଦ,୧୦ ଗୁରୁତର

ଦିନିକିଆ କ୍ରିକେଟରେ ଟିମ୍‌ ଇଣ୍ଡିଆ ନାମରେ ଅଲୋଡା ରେକର୍ଡ, ୯୭୮ଟି ମ୍ୟାଚ୍‌ ପୂର୍ବରୁ କେବେ ହୋଇ ନଥିଲା ଏମିତି..

୧୦ ଦିନରେ ସରିଲା ଶୀତ ଅଧିବେଶନ, ଅନିର୍ଦ୍ଦିଷ୍ଟ କାଳ ପାଇଁ ଗୃହ ମୁଲତବୀ

ଟାଟା ମ୍ୟାଜିକରେ ହଠାତ୍ ଲାଗିଗଲା ନିଆଁ, ଜୀଅନ୍ତା ଜଳି ଦୁଇ ଜଣଙ୍କର ମୃତ୍ୟୁ

ରାଜନୀତିରେ ପୁଣି ପାଦ ରଖିବେ ଅଭିନେତ୍ରୀ ଉର୍ମିଳା ମାତୋଣ୍ଡକର, ଆସନ୍ତାକାଲି ଶିବସେନାରେ ହେବେ ସାମିଲ୍‌…

ଆଫଗାନିସ୍ତାନରେ କାର୍ ବୋମା ବିସ୍ଫୋରଣ, ୨୬ ସୁରକ୍ଷାକର୍ମୀ ନିହତ