ବେଙ୍ଗାଲୁରୁ ୧୭/୪: ବିଜେପିର ପୂର୍ବତନ ବିଧାୟକ ରାଜୁ କାଗେ ମୁଖ୍ଯମନ୍ତ୍ରୀ ଏଚଡି କୁମାରସ୍ୱାମୀଙ୍କୁ ନେଇ ବିବାଦୀୟ ବୟାନ ଦେଇଛନ୍ତି । ସେ କହିଛନ୍ତି ଯେ 'ଯଦି କୁମାରସ୍ୱାମୀ ୧୦୦ ଥର ଗାଧୋଇବେ ତଥାପି ମଇଁଷି ଭଳି ଦେଖାଯିବେ ।' ପ୍ରକୃତରେ ଘଟଣାଟି କିଛି ଏହିପରି । କିଛି ଦିନ ତଳେ କୁମାରସ୍ୱାମୀ ପିଏମ୍ ମୋଦିଙ୍କୁ ନେଇ ବୟାନ ଦେଇଥିଲେ ଯେ 'ମୋଦି ଚେହେରାଙ୍କୁ ଚମକାଇବା ପାଇଁ ମେକଅପର ସାହାଯ୍ଯ ନିଅନ୍ତି ।' ଏହାର ଜବାବରେ କୁମାରସ୍ୱାମୀଙ୍କୁ କଟାକ୍ଷ କରି ରାଜୁ କାଗେ କହିଛନ୍ତି ଯେ 'ଯଦି ସେ(କୁମାରସ୍ୱାମୀ) ୧୦୦ ଥର ଗାଧୋଇବେ ତେବେ ବି ମଇଁଷି ଭଳି ଦେଖାଯିବେ ।' ସେ ଏହା ମଧ୍ଯ କହିଛନ୍ତି ଯେ ମୋଦି ଗୋରା ଏବଂ କୁମାରସ୍ୱାମୀଙ୍କ ରଙ୍ଗ ଶ୍ୟାମଳ ।
ରାଜୁ କାଗେ କହିଛନ୍ତି ଯେ 'କୁମାରସ୍ୱାମୀ କହୁଛନ୍ତି ପିଏମ୍ ମୋଦି ଦିନରେ ୧୦ ଥର ପାଉଡର ଲଗାଉଛନ୍ତି ଏବଂ ୧୦ ଥର ଡ୍ରେସ୍ ବଦଳାଉଛନ୍ତି । ମୋଦି ଗୌରବର୍ଣ୍ଣ, ସେ ଆକର୍ଷକ ଦେଖାଯାନ୍ତି । କିନ୍ତୁ କୁମାରସ୍ୱାମୀ ଯଦି ୧୦୦ ଥର ଗାଧୋଇବେ ତେବେ ବି ମଇଁଷି ଭଳି ଦେଖାଯିବେ ।'