PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ସମ୍ବଲପୁର : ଭିଜିଲାନ୍ସ ପଞ୍ଝାରେ OCCL ସିନିୟର ମ୍ୟାନେଜର, ଆୟ ବର୍ହିଭୁକ୍ତ ସମ୍ପତ୍ତି ଠୁଳ ଅଭିଯୋଗ
  • ||
  • ଗଞ୍ଜାମ: ରାତି ଅଧରେ ବିଭତ୍ସ ହତ୍ୟା, ଶୋଇଥିବା ବେଳେ ଯୁବକଙ୍କୁ ହାଣିବା ପରେ ମୁହଁକୁ ପଥରରେ ଛେଚି ହତ୍ୟା
  • ||
  • ଖୋର୍ଦ୍ଧା: ସଦର ଥାନା ତାପଙ୍ଗ ଗ୍ରାମରେ ଖୁଦୁରୁକୁଣୀକୁ ନେଇ ଗଣ୍ଡଗୋଳ ଜଣକୁ ହତ୍ୟା
  • ||
  • ଭୁବନେଶ୍ୱର: ୨୪ ଘଣ୍ଟା ମଧ୍ୟରେ ଆଉ ୫୧୦ ଜଣ ପଜିଟିଭ୍ ଚିହ୍ନଟ, ଆକ୍ରାନ୍ତଙ୍କ ସଂଖ୍ୟା ୧୦ ଲକ୍ଷ ୨୦ ହଜାର ପାର୍
  • ||
  • ଭୁବନେଶ୍ୱର: ରାଜ୍ୟରେ ଆଉ ୬ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୧୪୧କୁ ବୃଦ୍ଧି
  • ||
  • ଭୁବନେଶ୍ୱର: ଖୋଲା ଡ୍ରେନ୍‌ରେ ଛାତ୍ର ଭାସିଯିବା ଘଟଣା, ୧୮ ଘଣ୍ଟା ପରେ ଠାବ ହେଲା ରାଜାଙ୍କ ମୃତଦେହ
  • ||
  • ବୁର୍ଲା : ଭିସୁଟ୍‌ରେ ପଶିଲା କରୋନା, କୁଳପତିଙ୍କ ସମେତ ୨ ଛାତ୍ର ଆକ୍ରାନ୍ତ ଚିହ୍ନଟ
  • ||
  • ଭୁବନେଶ୍ୱର : ଆଗାମୀ ୧୦ ଦିନ ମଧ୍ୟରେ ବଙ୍ଗୋପସାଗରରେ ଏକାଧିକ ଘୁର୍ଣ୍ଣିବଳୟର ସୃଷ୍ଟି, ଓଡିଶାରେ ପ୍ରବଳରୁ ଅତି ପ୍ରବଳ ବର୍ଷା ସମ୍ଭାବନା
  • ||
  • ଅନୁଗୁଳ : ବନ୍ଦ କ୍ୱାର୍ଟର୍ସରେ ଲୁଚାଇ ରଖିଥିଲେ, ଏକ୍ସପାରି ହେବା ପରେ ରାତାରାତି ଗାଡ଼ି ଗାଡ଼ି ଔଷଧ ଫିଙ୍ଗି ଦେଲେ…
  • ||
  • ପୁରୀ : ଆଜି ଶ୍ରୀମନ୍ଦିରରେ ଇନ୍ଦ୍ର ଗୋବିନ୍ଦ ବନ୍ଦାପନା
  • ||
  • ପିପିଲି : ଆଜିଠୁ ଜମିବ ଉପନିର୍ବାଚନ ପ୍ରଚାର, ମଇଦାନକୁ ଓହ୍ଲାଇବେ ତିନି ଦଳର ଷ୍ଟାର ପ୍ରଚାରକ
  • ||

ଦୁଷ୍କର୍ମ ପରେ ଛାତ୍ରୀଙ୍କୁ ହତ୍ୟା; ଝୁଲନ୍ତା ଅବସ୍ଥାରେ ମୃତଦେହ ଉଦ୍ଧାର, ତେଜିଲା ଅନ୍ଲାଇନ୍ ପିଟିସନ୍

ରାଇଚୁର ୧୯।୪: କର୍ଣ୍ଣାଟକର ରାଇଚୁରସ୍ଥିତ ନବୋଦୟ ଇଞ୍ଜିନିୟରିଙ୍ଗ୍‌ କଲେଜରେ ସିଭିଲ୍‌ ଇଞ୍ଜିନିୟରିଙ୍ଗ୍‌ ପଢୁଥିବା ଜଣେ ଛାତ୍ରୀଙ୍କ ଅର୍ଦ୍ଧଦଗ୍ଧ ଶବ କଲେଜ ଠାରୁ ୫/୬ କିଲୋମିଟର୍‌ ଦୂରରେ ଗୋଟିଏ ଗଛରେ ଝୁଲନ୍ତା ଅବସ୍ଥାରେ ମିଳିଥିଲା।

ଶବ ମିଳିଥିବା ସ୍ଥାନରୁ ଗୋଟାଏ ସ୍ୟୁସାଇଡ୍‌ ନୋଟ୍‌ ମଧ୍ୟ ମିଳିଥିଲା। ପୂର୍ବ ପରୀକ୍ଷାଗୁଡ଼ିକରେ ବ୍ୟାକ୍‌ ପେପର୍‌ ରହି ଯାଇଥିବାରୁ ସେ ଆତ୍ମହତ୍ୟା କରିଥିବା କଥା କୁହାଯାଇଥିଲା। ଏପ୍ରିଲ୍‌ ୧୩ ତାରିଖ ଦିନ ମଧୁ ନାମ୍ନା ସେ ଛାତ୍ରୀଙ୍କର ମୃତ୍ୟୁ ଘଟିଛି ବୋଲି କୁହାଯାଉଛି।

କିନ୍ତୁ ଦୁଷ୍କର୍ମ ପରେ ତାଙ୍କୁ ପୋଡ଼ି ମାରି ଦିଆଯାଇଥିବା ପରେ ଗଛରେ ଟାଙ୍ଗି ଦିଆ ଯାଇଥିବା କଥା ସାଧାରଣରେ ଆଲୋଚନା ହେଉଛି। ମୃତକ ଝିଅର ପରିବାରକୁ ନ୍ୟାୟ ଦାବି କରି ଶହ ଶହ ସ୍ଥାନୀୟ ଲୋକ ମହମବତି ପଟୁଆରରେ ବାହରିଥିଲେ।

ଲୋକେ ସନ୍ଦେହ କରୁଛନ୍ତି ଯଦି ସେ ରଶି ଦେଇ ଯଦି ମରିଛି ତା ଦେହ ପୋଡ଼ିଲା କେମିତି? ତା’ଛଡ଼ା ପୂର୍ବର କୌଣସି ପରୀକ୍ଷାରେ ତାଙ୍କର ବ୍ୟାକ୍‌ ପେପର୍‌ ରହି ନ ଥିଲା। ସେ ସ୍ୟୁସାଇଡ୍‌ ନୋଟ୍‌ କାହିଁକି ଲେଖିଲେ? ନା, ତାଙ୍କୁ ଲେଖିବାକୁ ବାଧ୍ୟ କରାଯାଇଥିଲା?

ଏ ସବୁ ପ୍ରଶ୍ନ ସ୍ଥାନୀୟ ବାସିନ୍ଦାଙ୍କୁ ସନ୍ଦେହ ଘେରରେ ପକାଇ ଦେଇଛି । ମଧୁ ଲାଗି ନ୍ୟାୟ ଦାବି କରି ରାଇଚୁରବାସୀ ରାସ୍ତାକୁ ବାହାରି ଆସିଛନ୍ତି। ସେମାନଙ୍କର ବିଶ୍ୱାସ ଏହା ଗୋଟାଏ ହତ୍ୟାକାଣ୍ଡ ଓ ଜାଣିଶୁଣି ତଦନ୍ତ ବନ୍ଦ କରି ଦିଆଯାଇଛି।

ଏ ଘଟଣା ପାଇଁ କେତେକ ବ୍ୟକ୍ତି ଟୁଇଟର୍‌ରେ ‘ଜଷ୍ଟିସ୍‌ ଫର୍‌ ମଧୁ’ ବୋଲି ଅନ୍‌ଲାଇନ୍‌ ପିଟିସନ୍‌ ଆରମ୍ଭ କରି ଏହାକୁ ସମର୍ଥନ କରିବାକୁ ‘ସାଇନ୍‌ ଇନ୍‌’ କରିବାକୁ ଅନୁରୋଧ କରିଛନ୍ତି।

ସମ୍ବନ୍ଧିତ ଖବର