ନୂଆଦିଲ୍ଲୀ,୧୧।୪: ନିର୍ବାଚନରେ ଭୋଟ ପାଇବା ପାଇଁ ନେତାମାନେ ଯେ କୌଣସି କାମ କରିବାକୁ ପ୍ରସ୍ତୁତ। ଏଇ ଯେମିତି କର୍ଣ୍ଣାଟକରେ ଲୋକସଭା ନିର୍ବାଚନରେ କଂଗ୍ରେସର ପ୍ରଚାର କରୁଥିବା ରାଜ୍ୟ ସରକାରଙ୍କ ଜଣେ ମନ୍ତ୍ରୀ ଲୋକଙ୍କ ଆଗରେ ନାଗିନ୍ ଡ୍ୟାନ୍ସ କରି ଏବେ ଚର୍ଚ୍ଚାରେ ଅଛନ୍ତି। ଏହି ମନ୍ତ୍ରୀଜଣକ ହେଉଛନ୍ତି ରାଜ୍ୟର ଗୃହ ଉନ୍ନୟନ ମନ୍ତ୍ରୀ ଏମ୍ଟିବି ନାଗରାଜ। ଗତ ମଙ୍ଗଳବାର ସେ ଏବଂ ତାଙ୍କର ସମର୍ଥକ ନାଗିନ୍ ଡ୍ୟାନ୍ସ କରିଥିଲେ। ଯାହାବି ହେଉ କିନ୍ତୁ ମନ୍ତ୍ରୀଙ୍କର ନାଗିନ୍ ଡ୍ୟାନ୍ସ ପାଇଁ ସେଠାରେ ଉପସ୍ଥିତ ଲୋକଙ୍କୁ ଖୁବ୍ ମନୋରଞ୍ଜନ ହୋଇଥିଲା। ବେଙ୍ଗାଲୁର ଠାରୁ ୨୭ କିଲୋମିଟର ଦୂର ହୋସ୍କଟ ନାମକ ସ୍ଥାନରେ ମନ୍ତ୍ରୀ ନାଗରାଜ ୧୦ ମିନିଟ୍ ପର୍ଯ୍ୟନ୍ତ ଡ୍ୟାନ୍ସ କରିଛନ୍ତି। ଏବେ ତାଙ୍କର ଏହି ଭିଡିଓ ଭାଇରାଲ ହେବାରେ ଲାଗିଛି ସୋସିଆଲ ମିଡିଆରେ।
wp:html/wp:html#WATCH Karnataka Housing Minister MTB Nagraj dances with a group of people while campaigning in Hoskote. #LokSabhaElections2019 pic.twitter.com/InQmOuLOis
— ANI (@ANI) April 10, 2019
କୁହାଯାଉଛି ଯେ, ମନ୍ତ୍ରୀଙ୍କର ନିର୍ବାଚନ ପ୍ରଚାର ସମୟରେ ୧୯୫୪ରେ ରିଲିଜ୍ ହୋଇଥିବା ‘ନାଗିନ’ ଫିଲ୍ମର ଗୀତ ବାଜୁଥିଲା। ଯାହାକୁ ଶୁଣି ମନ୍ତ୍ରୀଜଣକ ନିଜକୁ ଆଉ ରୋକି ପାରିନଥିଲେ ଓ ନାଚିବାରେଲାଗିଯାଇଥିଲେ। ମନ୍ତ୍ରୀଙ୍କର ନାଚ ପ୍ରସଙ୍ଗରେ ଯେତେବେଳେ ଦଳର କର୍ମୀଙ୍କୁ ପଚରାଯାଇଥିଲା ସେମାନେ କହିବାକୁ ଚାହିଁନଥିଲେ।
