ବାରମ୍ବାର ପ୍ରତିଶୃତିରୁ ଓହରୁଛି ପାକିସ୍ତାନ, କରତାରପୁର ଯିବାକୁ ଥିବା ଶ୍ରଦ୍ଧାଳୁଙ୍କଠାରୁ ଆଦାୟ କରିବ ପ୍ରବେଶ କର

ନୂଆଦିଲ୍ଲୀ,୮।୧୧: କରତାରପୁର କରିଡର ଉଦଘାଟନକୁ ନେଇ ପାକିସ୍ତାନ ପୁଣିଥରେ ନିଜର ପ୍ରତିଶୃତିରୁ ଓହରି ଯାଇଛି। ପାକ୍ ପ୍ରଧାନମନ୍ତ୍ରୀ ଇମ୍ରାନ ଖାନଙ୍କ ପୂର୍ବ ପ୍ରତିଶୃତିର ଓଲଟାରେ ଯାଇ ପାକିସ୍ତାନ ପକ୍ଷରୁ କୁହାଯାଇଛି କରତାରପୁରକୁ ଆସୁଥିବା ଶ୍ରଦ୍ଧାଳୁଙ୍କଠାରୁ ପ୍ରବେଶ କର ଆଦାୟ କରାଯିବ।ଗତ ସପ୍ତାହରେ ଇମ୍ରାନ ଘୋଷଣା କରିଥିଲେ ଯେ କରତାରପୁର କରିଡର ଉଦଘାଟନ ଦିନ(ନଭେମ୍ବର ୯ ) ଓ ଗୁରୁ ନାନକଙ୍କ ୫୫୦ ତମ ଜୟନ୍ତୀ ( ନଭେମ୍ବର ୧୨ ତାରିଖ) ଆସିବାକୁ ଥିବା ଶିଖ ତୀର୍ଥଯାତ୍ରୀଙ୍କଠାରୁ କୌଣସି ଅର୍ଥ  ନିଆଯିବ ନାହିଁ।  କିନ୍ତୁ ଏବେ ଏହାର ଠିକ୍ ଓଲଟା ହୋଇଛି।

ଆଜି ପାକିସ୍ତାନ ସରକାରଙ୍କ ପକ୍ଷରୁ କୁହାଯାଇଛି,ଆସନ୍ତା କାଲି ଅର୍ଥାତ ଉଦଘାଟନ ଦିନଠାରୁ ହିଁ ପ୍ରତି ଯାତ୍ରୀଙ୍କଠାରୁ ୨୦ ଡଲାର (୧୪ଶହ ଟଙ୍କା) ଲେଖାଏଁ ସଂଗ୍ରହ କରାଯିବ। ଯାହାଫଳରେ ଏବେ ପ୍ରମାଣିତ ହୋଇଯାଇଛି ଯେ, ପାକିସ୍ତାନରେ ଇମ୍ରାନଙ୍କର କଥାକୁ କେହି ଗୁରୁତ୍ବ ଦେଉ ନାହାନ୍ତି। କେବଳ ଏହି କଥା ନୁହେଁ,ଏହା ପୂର୍ବରୁ  ଇମ୍ରାନ କହିଥିଲେ ଯେ କରତାରପୁର  ଆସୁଥିବା ତୀର୍ଥଯାତ୍ରୀଙ୍କ ପାଇଁ ପାସପୋର୍ଟ ଆବଶ୍ୟକ ହେବ ନାହିଁ । ଏହା ସହିତ ଉଦଘାଟନ କରାଯିବା ଦିନ ମଧ୍ୟ ଶ୍ରଦ୍ଧାଳୁଙ୍କଠାରୁ ପ୍ରବେଶ କର ନିଆଯିବ ନାହିଁ। ତେବେ ଇମ୍ରାନଙ୍କ କଥାକୁ ପାକିସ୍ତାନ ସେନା ଖଣ୍ଡନ କରିବା ସହ ପାସପୋର୍ଟ ବାଧ୍ୟତାମୂଳକ ବୋଲି କହିଥିଲା। ଏବେ ପୁଣିଥରେ ଦ୍ବିତୀୟ ପ୍ରତିଶୃତିରୁ ମଧ୍ୟ ଓହରିଛି।  

   ସମ୍ବନ୍ଧିତ ଖବର


ମୁଁ ବଞ୍ଚିଛି … : ୨ ବର୍ଷ ହେଲା ନିଜକୁ ଜୀବିତ ପ୍ରମାଣିତ କରିବାକୁ ଅଫିସରୁ ଅଫିସ୍‌ ଘୂରି ବୁଲୁଛନ୍ତି ମହିଳା

ଏଣିକି ଖୋଲାରେ ବିକ୍ରି ହେଉଥିବା ମିଠାର ଏକ୍ସପାୟରୀ ଡେଟ୍ ଲେଖିବାକୁ ପଡିବ

ଆମେରିକା ଫେରି ଟ୍ରମ୍ପ ଲେଖିଲେ ଭାରତ ମହାନ…ସଫଳ ହୋଇଛି ଯାତ୍ରା

ଦିଲ୍ଲୀ ହିଂସା: ପ୍ରତିଦିନ ୧୦୦ କୋଟି ଟଙ୍କାର କ୍ଷତି; ଫ୍ୟାକ୍ଟ୍ରି ବନ୍ଦ, ହୋଲସେଲ୍ ଧନ୍ଦା ମାନ୍ଦା