ମୁମ୍ବାଇ ୨୭/୧: ୭୦ ଦଶକର ସୁପରହିଟ୍ କମେଡି ଫିଲ୍ମ ‘ପତି, ପତ୍ନୀ ଓର୍ ୱୋ’ର ରିମେକରୁ ତାପସୀ ହଟିସାରିଛନ୍ତି ଏବଂ ତାଙ୍କ ବଦଳରେ ଭୂମି ପେଡେନକରଙ୍କ ଏଣ୍ଟ୍ରି ହୋଇଛି । ଗତ ଦିନରେ ଫିଲ୍ମ ନିର୍ମାତା ଷ୍ଟାରକାଷ୍ଟ ମଧ୍ୟ ଘୋଷଣା କରିସାରିଛନ୍ତି । କିନ୍ତୁ ଆଶ୍ଚର୍ଯ୍ୟର କଥା ହେଉଛି ଯେ ଏହା ପୂର୍ବରୁ ତାପସୀ ପନ୍ନୁଙ୍କ ଏଣ୍ଟ୍ରିକୁ ନେଇ ଖବର ସାମ୍ନାକୁ ଆସୁଥିଲା । କିନ୍ତୁ ଏବେ ଅଚାନକ ତାଙ୍କୁ ଆଉଟ୍ କରିବାର ଖବର ସାମ୍ନାକୁ ଆସିବା ପରେ ସେ ମଧ୍ୟ ଚକିତ ହୋଇ ନିର୍ମାତାଙ୍କୁ ଏହାର କାରଣ ପଚାରିଛନ୍ତି ।
ତେବେ ମେକର୍ସ ଏହା କହି କଥା ବୁଲେଇ ଦେଲେ ଯେ ତାଙ୍କୁ ଏହି ରୋଲ୍ ପାଇଁ ନିଆଯାଇଥିଲା କିନ୍ତୁ ବୋର୍ଡରେ ତାଙ୍କୁ ଫିଲ୍ମରେ ନେବା ପାଇଁ କୌଣସି ନିଷ୍ପତ୍ତି ନିଆଯାଇନଥିଲା । ଏପର୍ଯ୍ୟନ୍ତ ତାପସୀଙ୍କ ରାଗ ଶାନ୍ତ ହୋଇନି ।
ତେବେ ଶୁଣିବାକୁ ମିଳୁଛି ଏହା ପଛରେ ମେକର୍ସଙ୍କ କୌଣସି ହାତ ନାହିଁ ବରଂ ଲିଡ୍ ଷ୍ଟାର୍ କାର୍ତିକ ଆୟର୍ନଙ୍କ ନାଁ ସାମ୍ନାକୁ ଆସୁଛି । ଖବର ଅନୁସାରେ କାର୍ତ୍ତିକ, ତାପସୀଙ୍କୁ ନେଇ କମ୍ଫର୍ଟେବଲ ନଥିଲେ । କୁହାଯାଉଛି ଯେ ତାପସୀ ତାଙ୍କ ଠାରୁ ବଡ ଷ୍ଟାର ତେଣୁ ପ୍ରମୋଶନଠାରୁ ଆରମ୍ଭ କରି ଫିଲ୍ମ ପର୍ଯ୍ୟନ୍ତ ସେ କମ୍ ପଡିଯାଇପାରନ୍ତି ଏବଂ ତାଙ୍କୁ ଏତେ ସଫଳତା ମିଳିନପାରେ । ସେଥିପାଇଁ କାର୍ତ୍ତିକ, ମେକର୍ସଙ୍କୁ ତାପସୀଙ୍କ ବଦଳରେ ଭୂମିଙ୍କୁ ନେବା ପାଇଁ ପ୍ରସ୍ତାବ ଦେଲେ । ତେଣୁ ଫିଲ୍ମରେ ତାପସୀଙ୍କ ବଦଳରେ ଭୂମି ଏଣ୍ଟ୍ରି ମାରିଲେ ।