ଶୁଙ୍ଘିକି କରୋନା ଭାଇରସକୁ ଚିହ୍ନଟ କରିବ କୁକୁର!ବିଶ୍ବର ଏହି ସବୁ ଦେଶ ଦେଉଛନ୍ତି ଟ୍ରେନିଂ

ନୂଆଦିଲ୍ଲୀ,୨୬।୧୦: ସମସ୍ତେ ତ ଜାଣନ୍ତି ଯେ, କୁକୁର ନିକଟରେ ଅଦ୍ଭୁତପୂର୍ବ ଘ୍ରାଣ ଶକ୍ତି ରହିଛି। ହେଲେ ଏହାର ଉପଯୋଗ କ’ଣ କୋଭିଡ୍-୧୯ ମାମଲାରେ ହୋଇପାରେ, ଯଦି ହଁ ତେବେ କିପରି? ବୈଜ୍ଞାନିକମାନେ ବିଶେଷ ଭାବରେ କୀଟ ବିଜ୍ଞାନୀ (Entomologist)ଏହି କଥା ଜାଣିବା ପାଇଁ ଚେଷ୍ଟା କରୁଛନ୍ତି। ଏପରିକି ତାଙ୍କୁ ବିଶ୍ବାସ ସବୁଠାରୁ ବିଶ୍ବସ୍ଥ କୁହାଯାଉଥିବା କୁକୁର ମଣିଷ ପାଇଁ ଖୁବ୍ କାମରେ ଆସିପାରେ। ବୈଜ୍ଞାନିକଙ୍କ ମତରେ ମଣିଷଠାରୁ ୧୦,୦୦୦ ଗୁଣା ଅଧିକ ହେଉଛି କୁକୁରର ଘ୍ରାଣଶକ୍ତି। କରୋନା ଭାଇରସକୁ ଜାଣିବା ପାଇଁ କୁକୁରକୁ ଟ୍ରେନିଂ ଦିଆଯାଇପାରେ।

ଏହା ଶୁଣିବାକୁ ଅଦ୍ଭୁତ ଏବଂ ଅବିଶ୍ବାସନୀୟ ଲାଗୁଥିଲେ ମଧ୍ୟ ସାରା ବିଶ୍ବରେ ଏହାକୁ ନେଇ ରିସର୍ଚ୍ଚ ଚାଲିଛି। ଇଂଲଣ୍ଡରେ ରିସର୍ଚ୍ଚ ଚାଳିଛି କୁକୁର କ’ଣ କରୋନା ଭାଇରସକୁ ଚିହ୍ନଟ କରିବାର କ୍ଷମତା ରଖିଛି କି? ଯଦି ଏହି ରିସର୍ଚ୍ଚ ସଫଳ ହୁଏ ତେବେ ସ୍କୁଲ-କଲେଜ, ବିମାନବନ୍ଦର ଓ ଅନ୍ୟ ସାର୍ବଜନିକ ସ୍ଥଳରେ ‘କରୋନାର ଚୌକିଦାର’ ଭାବରେ କୁକୁରକୁ ମୁତୟନ କରାଯାଇପାରେ। କେବଳ ଇଂଲଣ୍ଡ ନୁହେଁ ଆମେରିକାର ପେନସିଲଭାନିଆରେ ମଧ୍ୟ ରିସର୍ଚ୍ଚ ଚାଲିଛି।

ସାରା ବିଶ୍ୱରେ ଏପର୍ଯ୍ୟନ୍ତ ୧୧.୦୫ ଲକ୍ଷରୁ ଅଧିକ ଲୋକଙ୍କର ଜୀବନ କରୋନାରେ ଯାଇସାରିଲାଣି। କରୋନା ବିରୋଦରେ ଗନ୍ଧର କନସେପ୍ଟ ଉପରେ କାମ କରୁଛନ୍ତି। ପ୍ରକୃତରେ, ଯେତେବେଳେ କୌଣସି ବ୍ୟକ୍ତି କିଛି ବି ରୋଗରେ ପୀଡିତ ହୋଇଥାନ୍ତି ତାଙ୍କ ଶରୀରରେ ସେହି ରୋଗ ଏକ ଅଲଗା ପ୍ରକାର ଗନ୍ଧ ସୃଷ୍ଟି କରିଥାଏ।   ଅତୀତରେ କୁକୁରମାନେ ମ୍ୟାଲେରିଆ, ସଂକ୍ରାମକ ଜୀବାଣୁ ଏବଂ   କର୍କଟ ରୋଗ ମାମଲାରେ ବାୟୁବାହୀ  କେମିକାଲକୁ ଚିହ୍ନଟ କରିବାରେ ସକ୍ଷମ ହୋଇଥିଲେ। ଲଣ୍ଡନ ସ୍କୁଲ ଅଫ୍ ହାଇଜିନ୍ ଏବଂ ଟ୍ରପିକାଲ୍ ମେଡିସିନ୍ର ବିଶେଷଜ୍ଞମାନେ ଏହାକୁ ନେଇ କାମ କରୁଛନ୍ତି, କାରଣ କିଛି ଗବେଷଣାରେ ଏହାର ସକରାତ୍ମକ ଫଳାଫଳ ମିଳି ସାରିଛି।

   ସମ୍ବନ୍ଧିତ ଖବର


ଗୋଟେ ବର୍ଷରେ ୨୩ଜଣ ପିଲାଙ୍କର ବାପା ହେଲେ ଯୁବକ ! କହିଲେ, ତାଙ୍କୁ କାହିଁକି ମହିଳାମାନେ ପସନ୍ଦ କରୁଛନ୍ତି

ଭଲ ଖବର- ସିଙ୍ଗାପୁରରେ କୋଭିଡ୍‌ ଆଣ୍ଟିବଡି ସହ ଜନ୍ମ ହେଲା ଶିଶୁ

ଦେଶର ସବୁ ରେଳ ଷ୍ଟେସନରୁ ଉଭାନ ହେବ ପ୍ଲାଷ୍ଟିକ୍‌ କପ୍ – ଏବେ ‘କୁଲହଡ’ରେ ଚା’ ପିଇବେ ଯାତ୍ରୀ

ଯୋଗୀ କହିଲେ ହାଇଦ୍ରାବାଦର ନାମ ହେବ ‘ଭାଗ୍ୟନଗର’, ଓଓ୍ଵେସି କହିଲେ ନାମ…

ବେଦିରେ ବସିବା ଆଗରୁ ବନ୍ଧା ହେଲା ପାଳ ଦଉଡ଼ି – କନ୍ୟାର ମୃତ୍ୟୁରେ ସରିଗଲା ସବୁ ସୁଖ

ଦିନିକିଆ କ୍ରିକେଟରେ ଟିମ୍‌ ଇଣ୍ଡିଆ ନାମରେ ଅଲୋଡା ରେକର୍ଡ, ୯୭୮ଟି ମ୍ୟାଚ୍‌ ପୂର୍ବରୁ କେବେ ହୋଇ ନଥିଲା ଏମିତି..