ଭୁବନେଶ୍ବର, ୨୩/ ୩ : ଓଡ଼ିଆ ସିନେମା ‘କ୍ରେଜି-୪’ରେ ପ୍ରଥମ ଥର ପରଦାରେ ଏକାଠି ହୋଇଥିଲେ ଅଭିନେତା ଅଭିଷେକ ଓ ଅଭିନେତ୍ରୀ ସୂର୍ଯ୍ୟମୟୀ । ଯାହା ଗତ ଫେବ୍ରୁଆରୀ ୪ରେ ମଞ୍ଜରୀ ଟିଭିରେ ରିଲିଜ୍ ହୋଇଥିଲା । ଏହି ସିନେମା ପରେ ଏବେ ଏହି ଯୋଡ଼ିଙ୍କୁ ପୁଣିଥରେ ଦେଖିବାକୁ ମିଳିଲା ଚଣ୍ଡୀ ପରିଜାଙ୍କ ଚଳଚ୍ଚିତ୍ର ‘ପାଣିଗ୍ରହଣ’ରେ । ଗତ ୨୦ ତାରିଖ ରବିବାର ସନ୍ଧ୍ୟାରେ ଜୀସାର୍ଥକରେ ୱାର୍ଲ୍ଡ ଟିଭି ପ୍ରିମିୟରେ ପ୍ରଦର୍ଶିତ ଏ ସିନେମାରେ ଉଭୟ ନାୟକ ଓ ନାୟିକା ଦ୍ୱିତୀୟ ଥର ପାଇଁ ଯୋଡ଼ି ସାଜି ସାମ୍ନାକୁ ଆସିଥିଲେ ।
ବାହାଘର, ପରମ୍ପରା ଏବଂ ସମ୍ପର୍କକୁ ନେଇ ଏହି ସୁନ୍ଦର ସିନେମାଟିରେ ଦୁହିଁଙ୍କ ଅଭିନୟ ଚମତ୍କାର ଥିଲା । ଏହାକୁ ଦର୍ଶକ ପସନ୍ଦ ସହ ପ୍ରଶଂସା ମଧ୍ୟ କରିଛନ୍ତି । ଏହିପରି ଏହି ଯୋଡ଼ି ଆଗକୁ ଆହୁରି ଭଲ ଭଲ ସିନେମା ନେଇ ଆସନ୍ତୁ ବୋଲି ଦର୍ଶକମାନେ ସେମାନଙ୍କ ସମର୍ଥନ ସହ ଭଲପାଇବା ଜଣାଇ କହିଛନ୍ତି ।