PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ନୂଆଦିଲ୍ଲୀ: ବ୍ରଜରାଜନଗର ଉପନିର୍ବାଚନ ପରେ ଓଡ଼ିଶା ପିସିସି ସଭାପତି ଘୋଷଣା: ଏ. ଚେଲ୍ଲାକୁମାର
  • ||
  • ଭୁବନେଶ୍ୱର: ଆଜି ଇଣ୍ଡିଆନ ଗ୍ରାଁପ୍ରି-୩: ଅମିୟ ଓ ଶ୍ରାବଣୀ ଦୌଡ଼ିବେ, ପ୍ରତିଯୋଗିତାରେ ସାମିଲ ହେବେନି ଦୂତି
  • ||
  • କଟକ : ଆଜିଠୁ ମାଟ୍ରିକ ଖାତା ଦେଖା, ରାଜ୍ୟର ୫୮ଟି କେନ୍ଦ୍ରରେ ହେବ ମୂଲ୍ୟାୟନ
  • ||

ମାସକୁ ୧୮ ହଜାର ଦରମା ଦିଅ: କୃଷକ ସାଥୀ ସଂଘ

ଭୁବନେଶ୍ୱର,୨୮ା୧(ବ୍ୟୁରୋ): କୃଷକ ସାଥୀଙ୍କୁ ସ୍ଥାୟୀ ନିଯୁକ୍ତି ଦେବା ସହିତ ମାସିକ ୧୮ ହଜାର ଟଙ୍କା ଦରମା ପ୍ରଦାନ କରାଯାଉ । ଓଡ଼ିଶା କୃଷକ ସାଥୀ ସଂଘ ପକ୍ଷରୁ ଏଭଳି ଦାବି ନେଇ ବିଧାନ ସଭା ସମ୍ମୁଖରେ ଧାରଣା ଦିଆଯାଇଛି । ଦାବି ପୂରଣ ନହେବା ପର୍ଯ୍ୟନ୍ତ ଆନ୍ଦୋଳନରୁ ହଟିବେ ନାହିଁ ବୋଲି ସଂଘ ଚେତାବନୀ ଦେଇଛି ।ସଂଘର କାର୍ଯ୍ୟକାରୀ ସଭାପତି ଅମୂଲ୍ୟ କୁମାର କରଙ୍କ ନେତୃତ୍ୱରେ ଶତାଧିକ ସଦସ୍ୟ ଭୁବନେଶ୍ୱର ଷ୍ଟେସନ ନିକଟରୁ ରାଲିରେ ଆସି ଲୋୟର ପିଏମଜିରେ ବିକ୍ଷୋଭ ପ୍ରଦର୍ଶନ କରିଥିଲେ । ସଂଘର ସମ୍ପାଦକ ଜିତେନ୍ଦ୍ର ସାହୁ କହିଲେ, କୃଷକ ସାଥୀମାନେ ସରକାରଙ୍କ କୃଷି ଭିତ୍ତିକ ବିଭିନ୍ନ ଯୋଜନାକୁ ଦୀର୍ଘ ୧୨ ବର୍ଷ ହେଲା ସୂଚାରୁ ଭାବେ ସମ୍ପାଦନ କରୁଛନ୍ତି । ରାଜ୍ୟ ସରକାରଙ୍କ ସବୁଠୁ ଲୋକପ୍ରିୟ ‘କାଳିଆ’ ଯୋଜନାକୁ ଲୋକଙ୍କ ପାଖରେ ପହଞ୍ଚାଇବା ପାଇଁ ମଧ୍ୟ ଏମାନେ ନିୟୋଜିତ ଅଛନ୍ତି । କିନ୍ତୁ ସରକାର ବର୍ଷ ବର୍ଷର୍ ହେଲା କୃଷକ ସାଥୀମାନଙ୍କୁ ଅଣଦେଖା କରୁଛନ୍ତି । ସରକାର ତୁରନ୍ତ ଏଥିପ୍ରତି ଧ୍ୟାନ ଦେଇ ସଂଘର ଦାବି ପୂରଣ କରିବାକୁ ସେ ଦାବି କରିଛନ୍ତି ।