ଭିଆଇର ନନ୍‌ ଏକ୍‌ଜିକ୍ୟୁଟିଭ୍‌ ଚେୟାରମ୍ୟାନ୍ ଓ ଡାଇରେକ୍ଟର ପଦରୁ କାହିଁକି ହଟିଲେ କୁମାର ମଙ୍ଗଳମ ବିର୍ଲା ?

ନୂଆଦିଲ୍ଲୀ: ଭୋଡାଫୋନ-ଆଇଡିଆର ଅଣକାର୍ଯ୍ୟକାରୀ ନିର୍ଦ୍ଦେଶକ ଓ ଅଣକାର୍ଯ୍ୟକାରୀ ଚେୟାରମ୍ୟାନ ପଦରୁ ହଟିଲେ ବିଶିଷ୍ଟ ଶିଳ୍ପପତି କୁମାର ମଙ୍ଗଳମ ବିର୍ଲା। ସ୍ୱ ଇଚ୍ଛାରେ ସେ ଏହି ପଦ ଛାଡ଼ିବାକୁ ନିବେଦନ କରିଥିଲେ। ବୁଧବାର ତାଙ୍କ ଆବେଦନ ସ୍ୱୀକାର କରାଯିବା ସହିତ ଉପରୋକ୍ତ ପଦବୀରୁ ତାଙ୍କୁ ହଟାଇ ଦିଆଯାଇଛି। ତାଙ୍କ ସ୍ଥାନରେ ଆଦିତ୍ୟ ବିର୍ଲାଗ୍ରୁପ୍‌ର ହିମାଂଶୁ କାପାନିଆଙ୍କୁ ଭିଆଇଏଲ୍‌ କମ୍ପାନୀରେ ନିଯୁକ୍ତି ଦିଆଯାଇଛି।

ଏନେଇ ଗତକାଲି ଭିଆଇଏଲ୍‌ ଅଣକାର୍ଯ୍ୟକାରୀ ନିର୍ଦ୍ଦେଶକ ଓ ଅଣକାର୍ଯ୍ୟକାରୀ ଚେୟାରମ୍ୟାନ ବୋର୍ଡର ବୈଠକ ବସିଥିଲା। ଏହି ବୈଠକରେ କୁମାର ମଙ୍ଗଳମ ବିର୍ଲାଙ୍କ ଆବେଦନ ସ୍ୱୀକାର କରାଯାଇଥିଲା। ଏବଂ ପରେ କାପାନିଆଙ୍କୁ ତାଙ୍କ ସ୍ଥାନରେ ନିଯୁକ୍ତ କରାଯାଇଥିଲା।

ଭିଆଇଏଲ୍ କମ୍ପାନୀ ଉପରେ କୋଟି କୋଟି ଟଙ୍କାର ଏଭେରେଜ ଗ୍ରସ୍‌ ରେଭିନ୍ୟୁ(ଏଜିଆର୍) ପଡ଼ି ରହିଛି। ଏପଟେ ଗ୍ରାହକ ଭିଆଇଏଲ୍‌ରୁ ମୁହଁ ଫେରାଇ ନେଉଥିବାରୁ କମ୍ପାନୀ ଶେୟାର ବାରମ୍ବାର କମିବାରେ ଲାଗିଛି। ଏଭଳି ପରିସ୍ଥିତି ମଙ୍ଗଳମ ବିର୍ଲାଙ୍କ ପଦବୀ ଛାଡ଼ିବା ସମସ୍ତଙ୍କୁ ଆଶ୍ଚର୍ଯ୍ୟ କରିଛି।