PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ୱର : ସୁନ୍ଦରଗଡ଼ ଓ ଅନୁଗୁଳରେ ପ୍ରତିଷ୍ଠା ହେବ ନୂଆ କେନ୍ଦ୍ରୀୟ ବିଦ୍ୟାଳୟ, ଏମସିଏଲ୍‌ ବୋର୍ଡର ଅନୁମୋଦନ ପାଇଁ କେନ୍ଦ୍ର କୋଇଲା ଓ ଖଣି ମନ୍ତ୍ରୀଙ୍କୁ ଧନ୍ୟବାଦ ଦେଲେ ଧର୍ମେନ୍ଦ୍ର
  • ||
  • ଭୁବନେଶ୍ଵର : ସପ୍ତାହାନ୍ତ ସଟଡାଉନର ଦ୍ଵିତୀୟ ଦିନ, ଆଉ ଚଳିବନି ‘ଆଇ- କାର୍ଡ’, ବେସରକାରୀ ସଂସ୍ଥାର କର୍ମଚାରୀଙ୍କ ତାଲିକା ମାଗିଲା ପୁଲିସ୍‌
  • ||
  • ଭୁବନେଶ୍ୱର : ବରିଷ୍ଠ ସାମ୍ବାଦିକ ତଥା ‘ପ୍ରମେୟ’ର ଖଣ୍ଡପଡ଼ା ପ୍ରତିନିଧି ସୋମନାଥ ମହାନ୍ତିଙ୍କ ପରଲୋକ
  • ||
  • ଘଟଗାଁ : ମାଲବାହୀ ଟ୍ରେନ ଧକ୍କାରେ ହାତୀ ଗୁରୁତର
  • ||
  • କୋଲକାତା : ପଶ୍ଚିମବଙ୍ଗରେ ଥମୁନି ହିଂସା, ପୁଣି ଥରେ ଟିଏମସି ଓ ବିଜେପି କର୍ମୀ ହାତାହାତି, ଜଣେ ମୃତ ୬ ଆହତ
  • ||
  • ଭୁବନେଶ୍ଵର : ଓଡ଼ିଶାରେ ଆଉ ୧୯ ଜଣଙ୍କ ମୁଣ୍ଡ ନେଲା କରୋନା, ମୃତ୍ୟୁ ସଂଖ୍ୟା ୨୧୮୦କୁ ବୃଦ୍ଧି
  • ||
  • ଭୁବନେଶ୍ୱର : ଓଡ଼ିଶାରେ କରୋନା ବିସ୍ଫୋରଣ, ୨୪ଘଣ୍ଟାରେ ଚିହ୍ନଟ ହେଲେ ୧୦ ହଜାର ୬୩୫ ପଜିଟିଭ୍, ସଂକ୍ରମିତଙ୍କ ସଂଖ୍ୟା ୫ଲକ୍ଷ ୩୪ ହଜାର ପାର୍
  • ||
  • ନୂଆଦିଲ୍ଲୀ : ଭାରତକୁ ଡବ୍ଲ୍ୟୁଏଚଓର ସତର୍କ ବାଣୀ, ଘାତକ ହେଉଛି କରୋନାର ନୂଆ ମ୍ୟୁଟାଣ୍ଟ, ଭାରତକୁ ତୀବ୍ର କରିବାକୁ ପଡିବ ଟିକାକରଣ
  • ||
  • ଭୁବନେଶ୍ୱର : ଏବେ ମିଳିଛି ସାମାନ୍ୟ ଆଶ୍ୱସ୍ତି, ଦୁଇଦିନ ପରେ ରାଜ୍ୟରେ ପୁଣି ବଢ଼ିବ ତାତି, ୨୦ ଜିଲ୍ଲାରେ ଘଡ଼ଘଡ଼ି ସହ ଧୂଳିଝଡ଼ ବର୍ଷା ଆଶଙ୍କା
  • ||

ଚାମ୍ବରରେ ଫସି ଶ୍ରମିକଙ୍କ ମୃତ୍ୟୁ, ଠିକାଦାର ଫେରାର୍‌

ଭୁବନେଶ୍ୱର,୬ା୩(ବ୍ୟୁରୋ): ଜଳ ଯୋଗାଣ ବିଭାଗ(ପିଏଚ୍‌ଡି) କର୍ମଚାରୀଙ୍କ ଭୁଲ ଯୋଗୁଁ ଆଜି ଜଣେ ଶ୍ରମିକଙ୍କ ଅକାଳମୃତ୍ୟୁ ହୋଇଛି । ପାଇପ୍‌ଲାଇନ୍‌ରେ ଅଚାନକ ପାଣି ଛାଡି ଦେବାରୁ ଏକ ଚାମ୍ବରରେ କାମ କରୁଥିବା ଜଣେ ଶ୍ରମିକଙ୍କ ପ୍ରାଣହାନୀ ଘଟିଛି । ମୃତ ଶ୍ରମିକ ହେଲେ ନୂଆପଲ୍ଲୀ ଆଇଆର୍‌ସି ଭିଲେଜରେ ଥିବା ଗଣପତିନଗର ବସ୍ତିର କୈଳାସ ଦୋରାଙ୍କ ପୁଅ ରୁଦ୍ର ଦୋରା(୨୫) । ସ୍ଥାନୀୟ ଲୋକ ଉକ୍ତ ଚାମ୍ବରରୁ ରୁଦ୍ରଙ୍କ ମୃତଦେହକୁ ଉଦ୍ଧାର କରିଛନ୍ତି । ପୁଲିସ ଘଟଣାସ୍ଥଳରୁ ମୃତଦେହ ଜବତ କରି ତଦନ୍ତ ଚଳାଇଛି । ତେବେ କାମ ନେଇଥିବା ଠିକାଦାର ଫେରାର୍‌ ହୋଇ ଯାଇଛନ୍ତି । ମିଳିଥିବା ସୂଚନା ମୁତାବକ, ରୁଦ୍ରଙ୍କ ଘର ଗଞ୍ଜାମ ଜିଲ୍ଲା କଂସମାରି ଅଞ୍ଚଳରେ । ସେ ପରିବାର ସହ ଗଣପତିନଗର ବସ୍ତିରେ ରହୁଥିଲେ । ଦେଢ଼ ବର୍ଷ ତଳେ ସେ ବିବାହ କରିଥିଲେ । ସପ୍ତାହେ ଧରି ଭିଏସ୍‌ଏସ ନଗର ଅଞ୍ଚଳରେ ପାଣି ପାଇପ୍‌ ମରାମତି କାମ ଚାଲିଥିଲା । ଆଜି ପୂର୍ବାହ୍ନ ସାଢ଼େ ୧୧ଟା ଠାରୁ ରାସ୍ତାକଡ଼ରେ ଥିବା ଏକ ଚାମ୍ବର ମରାମତି ଚାଲିଥିଲା । ରୁଦ୍ରଙ୍କ ସହ ଆଉ ୨-୩ଜଣ ଶ୍ରମିକ ମଧ୍ୟ କାମରେ ଲାଗିଥିଲେ । ରୁଦ୍ର ଚାମ୍ବର ଭିତରେ ପଶି ଉଭୟ ପାଇପ୍‌କୁ ଯୋଡୁଥିଲେ । ଏତିକିବେଳେ ପାଇପ୍‌ରେ ଅଚାନକ୍‌ ପାଣି ମାଡି଼ ଆସିଥିଲା । ପ୍ରବଳ ବେଗରେ ପାଣି ଆସିବାରୁ ସେ ଚାମ୍ବରରୁ ବାହାରି ନ ପାରି ଫସି ଯାଇଥିଲେ । ବାହାରେ ଥିବା ଶ୍ରମିକ ଓ ସ୍ଥାନୀୟ ଲୋକ ମିଶି ତାଙ୍କୁ ପାଣି ଭିତରୁ ଉଦ୍ଧାର କରିଥିଲେ । ହେଲେ ସେତେବେଳକୁ ରୁଦ୍ରଙ୍କ ମୃତ୍ୟୁ ହୋଇ ସାରିଥିଲା । ରୁଦ୍ରଙ୍କ ମୃତ୍ୟୁ ଖବର ପାଇ ଠିକାଦାର ଘଟଣାସ୍ଥଳରୁ ଫେରାର୍‌ ହୋଇଯାଇଥିଲେ । ପିଏଚ୍‌ଡି ବିଭାଗ ଅବେଳାରେ ପାଇପ୍‌ ଲାଇନ୍‌ରେ ପାଣି ଛାଡ଼ିଥିବାରୁ ରୁଦ୍ରଙ୍କ ମୃତ୍ୟୁ ଘଟିଲା ବୋଲି ଅଭିଯୋଗ କରି ଲୋକେ ରାସ୍ତାରୋକ କରିଥିଲେ । ଘଟଣାସ୍ଥଳରେ ଉତ୍ତେଜନା ଦେଖା ଦେଇଥିଲା । ପୁଲିସ୍‌ ପହଞ୍ଚି ପରିସ୍ଥିତି ସମ୍ଭାଳିଥିଲା । ପୁଲିସ ରୁଦ୍ରଙ୍କ ମୃତଦେହକୁ ବ୍ୟବଚ୍ଛେଦ ପାଇଁ କ୍ୟାପିଟାଲ ହସ୍ପିଟାଲ ପଠାଇଥିଲା । ଏକ ଅପମୃତ୍ୟୁ ମାମଲା ରୁଜୁ କରି ପୁଲିସ ତଦନ୍ତ ଚଳାଇଛି ।