PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ହୀରାକୁଦରେ ପର୍ଯ୍ୟଟନର ବିକାଶ ପାଇଁ ୧୩୦ କୋଟି ବ୍ୟୟ ହେବ
  • ||
  • ଗଞ୍ଜାମ ପୁରୁଷୋତ୍ତମପୁର- ପ୍ରେମିକାକୁ ଜୀଅନ୍ତା ଜାଳିଦେବା ଘଟଣାରେ ଅଭିଯୁକ୍ତ ଯୁବକ ଗିରଫ
  • ||
  • ଭୁବନେଶ୍ଵର : ଅଗଷ୍ଟ ପ୍ରଥମ ସପ୍ତାହରୁ +୨ ନାମଲେଖା ପ୍ରକ୍ରିୟା, ଜୁଲାଇ ଶେଷ ସୁଦ୍ଧା ବିସ୍ତୃତ ତଥ୍ୟ ଅପଡେଟ୍‌ ପାଇଁ ଜୁନିୟର୍‌ କଲେଜଗୁଡ଼ିକୁ ନିର୍ଦ୍ଦେଶ
  • ||
  • ସମ୍ବଲପୁର : ହୀରାକୁଦ ଜଳଭଣ୍ଡାରର ଖୋଲିଲା ଆଉ ୪ଟି ଗେଟ୍, ୧୪ଟି ଗେଟ୍ ଦେଇ ଜଳ ନିଷ୍କାସନ ଜାରି
  • ||
  • ଭିନ୍ନକ୍ଷମ ଓ ବରିଷ୍ଠ ନାଗରିକଙ୍କୁ ଘରେ ଟିକା ଦେବା ମାମଲା : ରାଜ୍ୟ ସରକାର ନେଇଥିବା ପଦକ୍ଷେପ ଓ କୌଣସି ପରିଚୟ ପତ୍ର ନଥିବା ଲୋକଙ୍କ ପାଇଁ ନିଆଯାଇଥିବା ପଦକ୍ଷେପ ସମ୍ପର୍କରେ ଜଣାଇବାକୁ ହାଇକୋର୍ଟଙ୍କ ନିର୍ଦେଶ
  • ||
  • ବଲାଙ୍ଗିର : ରାଜେନ୍ଦ୍ର ବିଶ୍ୱବିଦ୍ୟାଳୟର ୟୁଜିସି ମାନ୍ୟତା ନମିଳିବା ପ୍ରସଙ୍ଗ, ଭିସିଙ୍କୁ ଭେଟି ଆଲୋଚନା କଲା ଛାତ୍ର କଂଗ୍ରେସ
  • ||
  • ରାଜ୍ୟରେ ଅଗଷ୍ଟରୁ ଅକ୍ଟୋବର ଭିତରେ ଆସିବ ତୃତୀୟ ଲହରୀ : ବିଜୟ ମହାପାତ୍ର
  • ||
  • ନୀଳଗିରି : ନୀଳଗିରି ନିକଟ ଆମ୍ବଡିହା ଛକରେ ଦୁର୍ଘଟଣା, ମେଡ଼ିକାଲକୁ ବିଲେଇ କାମୁଡ଼ା ଇଞ୍ଜେକ୍ସନ୍ ନେବାକୁ ଆସୁଥିବା ବେଳେ ବାଇକ୍ ଦୁର୍ଘଟଣାରେ ମହିଳା ମୃତ, ମୃତ ମହିଳା ହେଲେ ଖନ୍ତାପଡା ଥାନା ବରୁଣସିଂ ଗ୍ରାମର ଭିକା ଦାସଙ୍କ ସ୍ତ୍ରୀ ତୁଳସୀ
  • ||
  • କଟକ : ଚୌଦ୍ଵାର କଲେଜ ପଛପଟ ସାହିରେ ଲୁଟ୍, ଘରେ କେହି ନଥିବାର ସୁଯୋଗ ନେଇ ଲୁଟି ନେଲେ ୧୦ ଲକ୍ଷରୁ ଅଧିକ ଟଙ୍କାର ସୁନାଗହଣା
  • ||
  • ରାଇରଙ୍ଗପୁର : ରାଇରଙ୍ଗପୁର ଗ୍ରାମାଞ୍ଚଳ ଥାନା ନୁରୁବାଦଡା ଗ୍ରାମରେ ଟ୍ରାକ୍ଟର ଧକ୍କାରେ ବାଇକ ଆରୋହୀ ମୃତ
  • ||
  • ରାଜ୍ୟରେ କରୋନା ମୃତ୍ୟୁ ସଂଖ୍ୟାର ଚାଲିଛି ଅଡିଟ୍, ଶେଷ ହେବାକୁ ଆଉ ୧୦ ରୁ ୧୫ ଦିନ ସମୟ ଲାଗିବ : ଡିଏମଇଟି
  • ||
  • କେସିଙ୍ଗା : କେସିଙ୍ଗା ପରିଦର୍ଶନ ସହ ବିଭିନ୍ନ ପ୍ରକଳ୍ପ କାମର ସମୀକ୍ଷା କଲେ ପିଡି ଡିଆରଡିଏ
  • ||
  • ନୂଆଦିଲ୍ଲୀ : କର୍ଣ୍ଣାଟକର ନୂଆ ମୁଖ୍ୟମନ୍ତ୍ରୀ ଭାବେ ଶପଥ ନେଲେ ବାସବରାଜ ବୋମାଇ
  • ||
  • ଭୁବନେଶ୍ଵର : ଦିଲ୍ଲୀରୁ ଚୋରି ଭୁବନେଶ୍ଵରରେ ଗିରଫ, କୋଟିଏ ଟଙ୍କାର ଅଳଙ୍କାର ଚୋରି କରି ଚମ୍ପଟ ମାରିଥିଲା ଚୂନଲଗା ଚାକରାଣୀ, ସାଲିହାସାହିରୁ ଧରିଲା ପୋଲିସ
  • ||
  • ଜଗତସିଂହପୁର : ରାତି ଅଧରେ ଧାରଣାରତ ମହିଳାଙ୍କ ଉପରେ ଆକ୍ରମଣ, ମାଡ଼ ମାରି ଗାଳିଗୁଲଜ କଲେ ୫ରୁ ଉର୍ଦ୍ଧ୍ଵ ଦୁର୍ବୃତ୍ତ
  • ||
  • ଭୁବନେଶ୍ଵର : ରାଜ୍ୟରେ ଆଉ ୬୯ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୫୭୦୩କୁ ବୃଦ୍ଧି
  • ||
  • ଭୁବନେଶ୍ୱର : ରାଜ୍ୟରେ ଗତ ୨୪ ଘଣ୍ଟା ମଧ୍ୟରେ ଚିହ୍ନଟ ହେଲେ ଆଉ ୧୭୦୩ ଜଣ କୋଭିଡ୍ ପଜିଟିଭ୍
  • ||
  • ଭୁବନେଶ୍ଵର : ରାଜଧାନୀରେ ଅଣାୟତ୍ତ ଡେଙ୍ଗୁ, ଜୀବନ ସହ ଖେଳୁଛି ବିଏମ୍‌ସି, ମାଡ଼ିଚାଲିଛି ଏଡିସ୍‌ ମଶା ବଂଶ
  • ||

ଲୁଟେରାକୁ କାବୁ କଲେ ମହିଳା

ଭୁବନେଶ୍ୱର,୨୩ା୨(ବ୍ୟୁରୋ): ସୁନାଚେନ୍‌ ଝାମ୍ପୁଥିଲା ବେଳେ ଲୁଟେରା ସହିତ ଲଢ଼ିଲେ ଜଣେ ସାହସୀ ମହିଳା । ଜଣକୁ କାବୁ କଲେ । ଅନ୍ୟ ଜଣେ ଲୁଟେରା ଭୟରେ ଚମ୍ପଟ ମାରିଲା । ମହିଳାଙ୍କ ଦ୍ୱାରା ଧରା ପଡ଼ିଥିବା ଲୁଟେରାକୁ ଲୋକେ ବାନ୍ଧି ନିସ୍ତୁକ ମାଡ଼ ମାରି ପୁଲିସ୍‌ ଜିମା ଦେଇଛନ୍ତି । ଏଭଳି ଅଦମ୍ୟ ସାହସ ଦେଖାଇଛନ୍ତି ଜିଜିପି କଲୋନି ମଳୟ ବିହାରରେ ରହୁଥିବା ଅଭିଜିତା ମହାପାତ୍ର । ଲୁଟେରାକୁ ଧରିବା ବେଳେ ଅଭିଜିତାଙ୍କ ବେକରେ ଆଘାତ ଲାଗିଛି । ଧରାପଡ଼ିଥିବା ଲୁଟେରା ଜଣକ ହେଲେ ପୁରୀ ଜିଲ୍ଲା କୋଣାର୍କର ସୋମନାଥ ଦାସ । ମଞ୍ଚେଶ୍ୱର ଥାନା ପୁଲିସ୍‌ ଏକ ମାମଲା ରୁଜୁ କରି ସୋମନାଥଙ୍କୁ ଗିରଫ କରିଛି । ଚମ୍ପଟ ମାରିଥିବା ସୋମନାଥଙ୍କ ସହଯୋଗୀ କାଳିଆଙ୍କୁ ଗିରଫ କରିବା ପାଇଁ ପୁଲିସ ବିଭିନ୍ନ ସ୍ଥାନରେ ଚଢ଼ଉ ଚଳାଇଛି । ଅଭିଜିତାଙ୍କ ଏଭଳି ସାହସୀକତା ପାଇଁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ତାଙ୍କୁ ଟୁଇଟ୍‌ କରି ପ୍ରଶଂସା କରିଛନ୍ତି । ଏଥିସହ ପୁଲିସ୍‌ କମିଶନର ସତ୍ୟଜିତ ମହାନ୍ତି କମିଶନରେଟ୍‌ ପୁଲିସ୍‌ ମୁଖ୍ୟାଳୟରେ ଅଭିଜିତାଙ୍କୁ ପୁରସ୍କୃତ କରିଛନ୍ତି ।
ଅଭିଜିତାଙ୍କ ଘର ନୟାଗଡ଼ ଜିଲ୍ଲା ଶରଣକୁଳ ଥାନା ପଞ୍ଚରିଡା ଅଞ୍ଚଳରେ । ତାଙ୍କ ସ୍ୱାମୀ ଭୁବନେଶ୍ୱରରେ ଏକ ଘରୋଇ ସଂସ୍ଥାରେ ଚାକିରି କରୁଛନ୍ତି । ଅଭିଜିତାଙ୍କ ପରିବାର ମଳୟ ବିହାର ପ୍ଳଟ୍‌ ନମ୍ବର ୩୮୩୮/୯ରେ ରହୁଛନ୍ତି । ଶନିବାର ପୂର୍ବାହ୍ନ ପ୍ରାୟ ୧୧ଟା ବେଳେ ଅଭିଜିତା ତାଙ୍କ କୁନି ଝିଅକୁ ଆଣିବାକୁ ଜଗନ୍ନାଥ ନଗରକୁ ଯାଉଥିଲେ । ଘର ଠାରୁ ମାତ୍ର କିଛି ବାଟ ଗଲା ପରେ ଲୁଟେରା ସୋମନାଥ ଓ କାଳିଆ ପଛପଟୁ ଏକ ବାଇକ୍‌ରେ ଆସି ତାଙ୍କ ବେକରୁ ସୁନା ଚେନ୍‌ ଝାମ୍ପିବାକୁ ଯୋଜନା କରିଥିଲେ । କାଳିଆ ବାଇକ୍‌ ଚଳାଉଥିଲେ ଓ ସୋମନାଥ ପଛରେ ବସିଥିଲେ । ଅଭିଜିତାଙ୍କ ପାଖରେ ପହଞ୍ଚି ତାଙ୍କୁ ଏକ ଠିକଣା ପଚାରିଥିଲେ ସୋମନାଥ । ଏହି ସମୟରେ ମୌକା ଦେଖି ସୋମନାଥ ସୁନା ଚେନ୍‌ ଝାମ୍ପିବାକୁ ଉଦ୍ୟମ କରିଥିଲେ । ହେଲେ ଚେନ୍‌ ହାତରେ ଲାଗି ନଥିଲା । ସଙ୍ଗେ ସଙ୍ଗେ ସୋମନାଥ ବାଇକ୍‌ରୁ ଓହ୍ଲାଇ ଆସି ଅଭିଜିତାଙ୍କୁ ଧକ୍କା ମାରି ତଳେ ପକାଇ ତାଙ୍କ ବେକରୁ ସୁନା ଚେନ୍‌ ଛିଣ୍ଡାଇ ଦେଇଥିଲେ । ଲୁଟେରା ସୋମନାଥ ହାତରେ କୌଣସି ମାରଣାସ୍ତ୍ର ନଥିଲା । ଏହି ସମୟରେ ଅଭିଜିତା ଉପସ୍ଥିତ ବୁଦ୍ଧି ଖଟାଇ ସୋମନାଥକୁ ମାଡ଼ି ବସି ଚିତ୍କାର କରିଥିଲେ । ତାଙ୍କ ପାଟି ଶୁଣି କିଛି ଲୋକ ପଳାଇ ଆସିଥିଲେ । ଏହାଦେଖି କାଳିଆ ବାଇକ୍‌ ନେଇ ଘଟଣାସ୍ଥଳରୁ ଚମ୍ପଟ ମାରିଥିଲା । ଏହି ଖବର ଚାରିଆଡେ ବିଜୁଳି ବେଗରେ ଖେଳି ଯାଇଥିଲା । ଲୋକେ ମାଡ଼ିଆସି ସୋମନାଥଙ୍କୁ ଏକ ବିଦ୍ୟୁତ୍‌ ଖୁଣ୍ଟରେ ବାନ୍ଧି ନିସ୍ତୁକ ମାଡ଼ ମାରିଥିଲେ । ଖବର ପାଇ ମଞ୍ଚେଶ୍ୱର ଥାନା ପୁଲିସ୍‌ ପହଞ୍ଚି ସୋମନାଥଙ୍କୁ ସେଠାରୁ ଉଦ୍ଧାର କରି ଥାନାକୁ ନେଇଥିଲା । ଅଭିଜିତାଙ୍କ ଅଭିଯୋଗକୁ ଭିତ୍ତିକରି ପୁଲିସ ଏକ ମାମଲା ରୁଜୁକରି ସୋମନାଥଙ୍କୁ ଗିରଫ କରିଛି । ଆସନ୍ତାକାଲି ତାଙ୍କୁ କୋର୍ଟ ଚାଲାଣ କରାଯିବ ବୋଲି ପୁଲିସ କହିଛି । ଚେନ୍‌ ଛିଣ୍ଡାଇବା ସମୟରେ ଅଭିଜିତାଙ୍କ ବେକରେ ଆଘାତ ଲାଗିଥିଲା । ତାଙ୍କୁ ପୁଲିସ ହସ୍ପିଟାଲ୍‌ ନେଇ ଚିକିତ୍ସା କରାଇଥିଲା । ଅଭିଜିତାଙ୍କ ଏଭଳି ସାହସିକତା ବିଷୟ ବିଭିନ୍ନ ଗଣମାଧ୍ୟମରେ ଆସିବା ପରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ତାଙ୍କୁ ନିଜ ଟ୍ୱିଟର ଆକାଉଣ୍ଟରେ ପ୍ରଶଂସା କରିଛନ୍ତି ।

ସମ୍ବନ୍ଧିତ ଖବର