‘ଫୋନି’ ବିପନ୍ନଙ୍କୁ ସହାୟତା,ଥାଳି ଧରି ରିଲିଫ୍ ସଂଗ୍ରହ କଲେ ଏସପି

ପାରଳାଖେମୁଣ୍ଡି,୧୦।୫: ସାମୁଦ୍ରିକ ଝଡ଼ ଫୋନି କାରଣରୁ ଓଡ଼ିଶାର ଉପକୂଳ ଅଞ୍ଚଳ ବିଶେଷକରି ପୁରୀ ଓ ଖୋର୍ଦ୍ଧା ଜିଲ୍ଲାରେ ବ୍ୟାପକ କ୍ଷୟକ୍ଷତି ଘଟିଛି । ବାତ୍ୟା ପ୍ରଭାବିତ ଅଞ୍ଚଳବାସୀଙ୍କୁ ସହଯୋଗ କରିବାକୁ ଆଗେଇ ଆସିଛି ଗଜପତି ଜିଲ୍ଲା ପୁଲିସ ପ୍ରଶାସନ । ‘ରି-ବିଲ୍‌ଡ ଓଡ଼ିଶା’ରେ ଭାଗିଦାର ହେବା ପାଇଁ ଜିଲ୍ଲାବାସୀ ସହଯୋଗ କରିବାକୁ ଗଜପତି ଜିଲ୍ଲା ପ୍ରଶାସନ ନିବେଦନ କରିଛି । ପୁଲିସ ଅଫିସର୍‌ ଓ କର୍ମଚାରୀ ଥାଳି ଧରି ଘରକୁ ଘର ବୁଲି ରିଲିଫ୍‌ ସଂଗ୍ରହ କରିଛନ୍ତି । ଏସ୍‌ପି ଓ ଜିଲ୍ଲାପାଳଙ୍କ ନେତୃତ୍ୱରେ ଆଜିଠାରୁ ଆରମ୍ଭ ହୋଇଛି ରିଲିଫ୍‌ ସଂଗ୍ରହ । ଜିଲ୍ଲାର ସମସ୍ତ ଥାନା ଅଞ୍ଚଳରେ ପୁଲିସ କର୍ମଚାରୀ ଥାଳି ଧରି ରିଲିଫ ପାଣ୍ଠି ପାଇଁ ଲୋକଙ୍କୁ ଦାନ କରିବାକୁ ଅନୁରୋଧ କରିବା ଦେଖିବାକୁ ମିଳିଛି । ଏପରିକି ପାରଳାଖେମୁଣ୍ଡି ସହରରେ ଖୋଦ୍‌ ଏସ୍‌ପି ସାରା ଶର୍ମା ଥାଳି ଧରି ରିଲିଫ୍‌ ପାଣ୍ଠି ସଂଗ୍ରହ କରିବା ଚର୍ଚ୍ଚାର ବିଷୟ ହୋଇଛି । ପ୍ରଥମ ଦିନରେ ୧ ଲକ୍ଷ ୧୫ ହଜାର ୧୧୮ ଟଙ୍କା ଆଦାୟ ହୋଇଥିବା ବେଳେ ଆସନ୍ତା ୧୦ ତାରିଖ ଯାଏଁ ରିଲିଫ୍‌ ସଂଗ୍ରହ କରାଯିବ ବୋଲି ଏସ୍‌ପି ସାରା ଶର୍ମା କହିଛନ୍ତି ।

ଜିଲ୍ଲା ପ୍ରଶାସନ ମଧ୍ୟ ଏଥିରେ ପଛରେ ରହିନାହିଁ । ଜିଲ୍ଲାପାଳ ଅନୁପମ ଶାହା ବ୍ୟକ୍ତିଗତ ୧୫ ହଜାର ଟଙ୍କା ଦାନ କରିଥିବା ବେଳେ ଅନ୍ୟ କର୍ମଚାରୀଙ୍କୁ ମଧ୍ୟ ଦାନ କରିବାକୁ ଅନୁରୋଧ କରିଛନ୍ତି । ପ୍ରତି ବ୍ଲକ୍‌ ଏବଂ ପୌରାଞ୍ଚଳରେ ଏଥିପାଇଁ ସ୍ୱତନ୍ତ୍ର କାଉଣ୍ଟର୍‌ ଖୋଲାଯାଇଛି । ପ୍ରଥମ ଦିନରେ ଜିଲ୍ଲା ପ୍ରଶାସନ ୩ ଲକ୍ଷ ୫୫ ହଜାର ୧୬୪ ଟଙ୍କା ସଂଗ୍ରହ କରିଛି ବୋଲି ଜିଲ୍ଲାପାଳ ଅନୁପମ ଶାହା ସୂଚନା ଦେଇଛନ୍ତି । ପୁଲିସ ଏବଂ ଜିଲ୍ଲା ପ୍ରଶାସନର ଏଭଳି କାର୍ଯ୍ୟକୁ ସାଧାରଣ ଲୋକେ ପ୍ରଶଂସା କରିଛନ୍ତି ।

   ସମ୍ବନ୍ଧିତ ଖବର


ନାଗାର୍ଜୁନ ବେଶ ଓଲାଗି ପରେ ଭକ୍ତଙ୍କୁ ମିଳିବ ଅବଢ଼ା: ୧୫ ହଜାର ଭକ୍ତଙ୍କ ପାଇଁ ଅବଢ଼ା ସେବା

ଆଗାମୀ ଦିନରେ ପିଲାଙ୍କ ସିଲାବସ୍‌ରେ ସାମିଲ ହେବ ‘ସାଇବର୍‌ ସିକ୍ୟୁରିଟି’ ବିଷୟ : ବିଦ୍ୟାଳୟସ୍ତରରୁ ଆରମ୍ଭ ହେବ ସଚେତନତା

ରାଜ୍ୟରେ କରୋନା ନେଲା ଆଉ ୧୪ ମୁଣ୍ଡ: ମୃତକଙ୍କ ସଂଖ୍ୟା ୧୭୧୮କୁ ବୃଦ୍ଧି

ଓଡ଼ିଶାରେ ତଳକୁ ଖସିଲା କରୋନା ଗ୍ରାଫ୍: ୨୪ଘଣ୍ଟା ଆଉ ୫୯୪ ପଜିଟିଭ ଚିହ୍ନଟ୍, ଆକ୍ରାନ୍ତଙ୍କ ସଂଖ୍ୟା ୩ ଲକ୍ଷ ୧୭ହଜାର ଟପିଲା

କନଷ୍ଟେବଳଙ୍କୁ ମହଙ୍ଗା ପଡିଲା ପରକୀୟା ପ୍ରୀତି: ଅବିବାହିତ କହି ଯୁବତୀଙ୍କ ସହ ରଖିଥିଲେ ଶାରୀରିକ ସମ୍ପର୍କ, ଫେରାର କର୍ମଚାରୀକୁ ବାନ୍ଧିଲା ପୁଲିସ୍

ଗାଈକୁ ବଞ୍ଚାଇବାକୁ ଯାଇ ଓଲଟିଲା କାର୍, ଦୁର୍ଘଟଣାରୁ ଅଳ୍ପକେ ବର୍ତ୍ତିଲେ ହିରୋ ସୋରୁମ୍‌ ଦମ୍ପତି