କ୍ଲାସରେ ପଶି ଶିକ୍ଷୟତ୍ରୀଙ୍କୁ ହାଣିଲା ଦୁର୍ବୃତ୍ତ

କଟକ ୧/୭: ଶ୍ରେଣୀଗୃହରେ ପଶି ଶିକ୍ଷୟିତ୍ରୀଙ୍କୁ ହାଣିଲା ଦୁର୍ବୃତ୍ତ। ଏଭଳି ଘଟଣା ଘଟିଛି କଟକ ଜିଲ୍ଲା ନିଆଳି ଥାନା ଆମ୍ବପଡ଼ା ଏମ୍‌ଇ ସ୍କୁଲରେ। ଶିକ୍ଷୟତ୍ରୀ ଜଣକ ପାଠ ପଢାଉଥିବା ସମୟରେ ଜଣେ ଦୁର୍ବୃତ୍ତ ଅଚାନକ ଶ୍ରେଣୀ ଗୃହକୁ ପଶିଆସି କଟୁରୀରେ ତାଙ୍କୁ ଆକ୍ରମଣ କରିଛି ।  ଗୁରୁତର ଅବସ୍ଥାରେ ତାଙ୍କୁ କଟକ ବଡ ମେଡିକାଲରେ ଭର୍ତ୍ତି କରାଯାଇଛି ।

ଶିକ୍ଷୟତ୍ରୀ ଜଣକ ହେଉଛନ୍ତି ସୁଚିସ୍ମିତା ମୁଦୁଲି । ଆମ୍ବପଡା ଗାଁରେ ତାଙ୍କ ଘର ।  ଆଜି ସେ ଶ୍ରେଣୀ ଗୃହରେ ପିଲାଙ୍କୁ ପାଠ ପଢାଉଥିଲେ । ଏହି ସମୟରେ ଜଣେ ଯୁବକ ଏକ କଟୁରି ଧରି ଶ୍ରେଣୀ ଗୃହକୁ ପଶିଆସିଥିଲା । ଏବଂ ସୁଚିସ୍ମିତାଙ୍କୁ କଟୁରୀରେ ଲଗାତାର ଆକ୍ରମଣ କରି ଚାଲିଲା । ତାଙ୍କୁ ଗୁରୁତର ଅବସ୍ଥାରେ ପ୍ରଥମେ ନିଆଳି ଡାକ୍ତରଖାନା ଏବଂ ପରେ କଟକ ବଡ ମେଡିକାଲରେ ଭର୍ତ୍ତି କରାଯାଇଛି । ସୁଚିସ୍ମିତାଙ୍କ ବେକ, ମୁଣ୍ଡରେ ଗଭୀର ଆଘାତ ଲାଗିଛି ।

ଏନେଇ ଅଭିଯୋଗ ପରେ ପୋଲିସ ଅଭିଯୁକ୍ତକୁ ଅଟକ ରଖିଛି । ଅଭିଯୁକ୍ତ ଜଣକ ହେଉଛି ବୁବୁନା । ବୁବୁନା ଘର ମଧ୍ଯ ଆମ୍ବପଡା ଗାଁରେ । ତେବେ ସେ କାହିଁକି ସୁଚିସ୍ମିତାଙ୍କୁ ଆକ୍ରମଣ କଲା ସେନେଇ ତାକୁ ପଚରାଉଚରା କରୁଛି ପୋଲିସ ।

   ସମ୍ବନ୍ଧିତ ଖବର


ଦେଶରେ ୬ ଜୁଲାଇରୁ ଖୋଲିବ ସମସ୍ତ ସ୍ମାରକୀ, ସଂସ୍କୃତି ମନ୍ତ୍ରୀଙ୍କ ଘୋଷଣା

୩୫୦ ହାତୀଙ୍କର ରହସ୍ୟମୟ ମୃତ୍ୟୁ, ଜଙ୍ଗଲ ସାରା ପଡ଼ି ରହିଛି ଗଳିତ ମୃତଦେହ

ଚୀନକୁ ଜବାବ୍ ଦେବାକୁ ଭାରତ କିଣିବ ୩୩ ଅତ୍ୟାଧୁନିକ ଯୁଦ୍ଧ ବିମାନ

ଲଗଜରୀ କାରର ମୂଲ୍ୟଠାରୁ ବିରାଟ କୋହଲିଙ୍କ ଗୋଟିଏ ଇନଷ୍ଟାଗ୍ରାମ୍ ପୋଷ୍ଟ ଖୁବ୍ ଅଧିକ

ଚୀନରେ ପ୍ରଥମରୁ ହିଁ TikTok ବ୍ୟାନ୍, ଜାଣନ୍ତୁ କାହିଁକି ନିଜର ଆପକୁ ବ୍ୟବହାର କରୁନି ଡ୍ରାଗନ୍?

ମରିବା ପୂର୍ବରୁ ହାତରେ ଲେଖିଦେଇଥିଲେ ହତ୍ୟାକାରୀର ଗାଡି ନମ୍ବର, ଏଭଳି ଧରିଲା ପୋଲିସ