ଟିଟିଲାଗଡ ୩୦/୪: ଭିଜିଲାନ୍ସ ପଞ୍ଝାରେ ପଡିଲେ ଏଆରଆଇ । ଲାଞ୍ଚ ନେଉଥିବା ବେଳେ ଏଆରଆଇ ଓ ସହଯୋଗୀ ମାଡ଼ିବସିଲା ଭିଜିଲାନ୍ସ ଟିମ୍ । ବଲାଙ୍ଗୀର ଜିଲ୍ଲା ସଇଁତଲା ବ୍ଲକ ବେଲଗାଁ ଏଆରଆଇ ରେସ୍ମା ମାଝୀ ଓ ତାଙ୍କ ସହଯୋଗୀ ବାବୁଲାଲ ନନ୍ଦ ଜମି ନୋଟିଫିକେସନ ବାବଦକୁ ୧୦ ହଜାର ଟଙ୍କା ଲାଞ୍ଚ ନେଉଥିବା ବେଳେ ଧରାପଡିଥିଲେ। ତାଙ୍କ ନିକଟରୁ ଲାଞ୍ଚ ଟଙ୍କା ମଧ୍ୟ ଜବତ କରଯାଇଛି।
ସୂଚନା ମୁତାବକ, ମଙ୍ଗଳବାର ଜମି ନୋଟିଫିକେସନ ବାବଦକୁ ବାସୁଦେବ ରଣାଙ୍କ ଠାରୁ ୧୦ ହଜାର ଟଙ୍କା ଲାଞ୍ଚ ମାଗିଥିଲେ ବେଲଗାଁ ଏଆରଆଇ ରେସ୍ମା ମାଝୀ । ଏନେଇ ବାସୁଦେବ ବଲାଙ୍ଗୀର ଭିଜିଲାନ୍ସର ଅଭିଯୋଗ ହୋଇଥିଲେ । ଯୋଜନା ମୁତାବିକ ବଲାଙ୍ଗିର ଡିଏସପି କୁଲସ୍ତି ଛତ୍ରିଆଙ୍କ ନେତୃତ୍ୱରେ ବରଗଡ଼ ଓ ସମ୍ବଲପୁରର ମିଳିତ ଟିମ୍ ସହଯୋଗରେ ଚଢାଉ କରାଯାଇଥିଲା । ଲାଞ୍ଚ ନେବା ବେଳେ ବ ରେସ୍ମାକୁ କାବୁ କରିବା ସହ ଗିରଫ କରିଛି ଭିଜିଲାନ୍ସ ଟିମ୍ । ଅଧିକ ତଦନ୍ତ ପାଇଁ ଭିଜିଲାନ୍ସ ରେସ୍ମାଙ୍କ ବିଭିନ୍ନ କାର୍ଯ୍ୟାଳୟ ଓ ସରକାରୀ ବାସଭବନରେ ରେଡ୍ ଜାରି ରଖିଛି ।