PRAMEYA

Prameya News Portal, Prameya Daily, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ସୁନ୍ଦରଗଡ଼: ପୁଲିସ ପଞ୍ଝାରେ ଆନ୍ତରାଜ୍ୟ ଡକାୟତି ଗ୍ୟାଙ୍ଗ, ଧରିଲା ବୀରମିତ୍ରପୁର ପୋଲିସ
  • ||
  • ବୌଦ୍ଧ: ବିଦ୍ୟୁତ ଆଘାତରେ ଟଳିପଡିଲେ ଯୁବକ, କଣ୍ଟାମାଳ ବ୍ଲକ ତେନ୍ତୁଳୀଖୁଣ୍ତି ଗ୍ରାମରୁ ଆସିଲା ଦୁଃଖଦ ଖବର
  • ||
  • ବୁର୍ଲା: ରୋଗୀ ସମ୍ପର୍କୀୟଙ୍କୁ ବାରମ୍ବାର ଲୁଟ କରୁଥିବା ୪ ଜଣିଆଁ ଡ଼କାୟତ ଗ୍ୟାଙ୍ଗକୁ ଗିରଫ କଲା ବୁର୍ଲା ପୁଲିସ…
  • ||
  • ରାଜନଗର: ଅଗଷ୍ଟ ୫ରୁ ପର୍ଯ୍ୟଟକଙ୍କ ପାଇଁ ଖୋଲିବ ଭିତରକନିକା, ରାତ୍ରୀଯାପନ ପାଇଁ ମିଳିବନି ଅନୁମତି…
  • ||
  • ସହିଦ ସପ୍ତାହରେ ମାଲକାନଗିରି ଜିଲ୍ଲା ସୀମାନ୍ତରେ ଗୁଳିବିନିମୟ ଜଣେ ହାର୍ଡକୋର ମାଓବାଦୀ ମୃତ
  • ||
  • ମାଲକାନଗିରି: ସହିଦ ସପ୍ତାହରେ ମାଲକାନଗିରି ଜିଲ୍ଲା ସୀମାନ୍ତରେ ମାଓ ଓ ଯବାନଙ୍କ ମଧ୍ୟରେ ଗୁଳିବିନିମୟ, ଜଣେ ହାର୍ଡକୋର ମାଓବାଦୀ ନିହତ
  • ||
  • ବଲାଙ୍ଗୀର: ଆତ୍ମସମର୍ପଣ କଲା କେକେବିଏନ ଡିଭିଜନର କ୍ୟାଡରର ମାଓବାଦୀ
  • ||
  • ବ୍ରହ୍ମପୁର: ଖଲ୍ଲିକୋଟ ଏକକ ବିଶ୍ୱବିଦ୍ୟାଳୟ ଉଦଘାଟିତ, ଦାୟିତ୍ୱ ନେଲେ ଭାରପ୍ରାପ୍ତ କୁଳପତି
  • ||
  • ଭୁବନେଶ୍ୱର: କେନ୍ଦ୍ରାପଡ଼ାର ରସାବଳିକୁ ଜିଆଇ ଟ୍ୟାଗ ମାନ୍ୟତା ଦାବି, କେନ୍ଦ୍ର ମନ୍ତ୍ରୀ ପୀୟୂଷ ଗୋଏଲଙ୍କୁ ଭେଟି ଦାବି କଲେ ମୁନ୍ନା ଖାଁ, ସୁବାସ ସିଂ, ମମତା ମହନ୍ତ
  • ||
  • ଭୁବନେଶ୍ୱର: ଥମୁନି କରୋନ ମୃତ୍ୟୁ, ଆଉ ୬୪ ଜଣଙ୍କ ଜୀବନ ନେଲା ମହାମାରୀ
  • ||
  • ଯଶିପୁର ନିକଟସ୍ଥ ବଡ଼ବିଲ କୁଆବଣି ଛକରେ ମର୍ମନ୍ତୁଦ ସଡ଼କ ଦୁର୍ଘଟଣା, ଗାଡି ଚକତଳେ ଚାପିହୋଇ ଯୁବକଙ୍କ ମୃତ୍ୟୁ…
  • ||
  • ପୁରୀ: ହଟିବ ଜଗା ଦର୍ଶନ କଟକଣା ! ଅଗଷ୍ଟ ୪ରେ ଶ୍ରୀମନ୍ଦିର ସମନ୍ୱୟ କମିଟି ବୈଠକ
  • ||
  • ଭୁବନେଶ୍ୱର: ଓଡ଼ିଶା ସହ ୧୦ ରାଜ୍ୟ ବଢ଼ାଉଛି ଚିନ୍ତା, ୪୬ ଜିଲ୍ଲାରେ ୧୦%ରୁ ଅଧିକ ଟିପିଆର
  • ||
  • ଭୁବନେଶ୍ୱର: ଓଡ଼ିଶାରେ କୁମିଛି ସଂକ୍ରମଣ, ୨୪ ଘଣ୍ଟାରେ ଚିହ୍ନଟ ହେଲେ ୧୪୩୭ କୋଭିଡ୍ ପଜିଟିଭ
  • ||

ମୋଦି ସରକାରଙ୍କ ଅନ୍ତିମ ବଜେଟ୍‌, ଚାଷୀଙ୍କ ପାଇଁ ସ୍ୱତନ୍ତ୍ର ପ୍ୟାକେଜ୍‌ ଆସିପାରେ

source:timesofindia.indiatimes.com

ନୂଆଦିଲ୍ଲୀ,୩୧ା୧(ଏଜେନ୍ସି): କାମଚଳା ଅର୍ଥମନ୍ତ୍ରୀ ପୀୟୂଷ ଗୋୟଲ୍‌ ଶୁକ୍ରବାର ମୋଦି ସରକାରଙ୍କ ଷଷ୍ଠ ତଥା ଅନ୍ତିମ ବଜେଟ୍‌ (ଅନ୍ତରୀଣ) ଆଗତ କରିବେ । ସାଧାରଣ ନିର୍ବାଚନ ପରେ ନୂଆ ସରକାର ଆସିବା ପର୍ଯ୍ୟନ୍ତ ଅତିରିକ୍ତ ଖର୍ଚ୍ଚଦାବି ନେଇ ଏଥିରେ ପ୍ରସ୍ତାବ ରହିବ । ଲୋକସଭା ନିର୍ବାଚନ ପରେ ଦେଶର ନୂଆ ସରକାର ସଂସଦରେ ପୂର୍ଣ୍ଣାଙ୍ଗ ବଜେଟ୍‌ ଉପସ୍ଥାପନ କରିବ ।
ସାଧାରଣ ନିର୍ବାଚନ ପୂର୍ବରୁ କେନ୍ଦ୍ର ସରକାରଙ୍କ ଦ୍ୱାରା ଆଗତ ହେବାକୁ ଥିବା ଏହି କାମଚଳା ବଜେଟ୍‌ ଅତ୍ୟନ୍ତ ଗୁରୁତ୍ୱ ବହନ କରୁଛି । ସରକାର ଏହି ବଜେଟ୍‌ରେ ଅତିରିକ୍ତ ବ୍ୟୟମଞ୍ଜୁରୀ ବ୍ୟତୀତ ଅନେକ ମହତ୍ତ୍ୱାକାଂକ୍ଷୀ ସ୍କିମ୍‌ ଆଣି ଭୋଟର୍‌ଙ୍କୁ ଖୁସି କରିବା ପାଇଁ ଉଦ୍ୟମ କରିବେ ବୋଲି ଆଶା କରାଯାଉଛି । ମୋଦି ସରକାର ନିଜର ଅନ୍ତରୀଣ ବଜେଟ୍‌ରେ ଚାଷୀଙ୍କ ଲାଗି ସ୍ୱତନ୍ତ୍ର ପ୍ୟାକେଜ୍‌ ଆଣିପାରନ୍ତି । କୃଷି ମନ୍ତ୍ରାଳୟକୁ ଏହି ବଜେଟ୍‌ରୁ ୨ ଲକ୍ଷ କୋଟି ଟଙ୍କା ମିଳିପାରେ । ଏଥିରେ ଚାଷୀମାନଙ୍କ ଋଣ ଛାଡ଼ କରାଯିବା ନେଇ ମଧ୍ୟ ସମ୍ଭାବନା ରହିଛି ।
ବଜେଟ୍‌ରେ ଖାଦ୍ୟ ସବ୍‌ସିଡି ବୃଦ୍ଧି ଘଟିପାରେ । ଖାଦ୍ୟ ସବ୍‌ସିଡି ବୃଦ୍ଧି ପାଇ ୧.୮୦ ଲକ୍ଷ କୋଟି ଟଙ୍କା ହୋଇପାରେ ବୋଲି ଆଶା କରାଯାଉଛି । ବଜେଟ୍‌ ପୂର୍ବରୁ ଖାଦ୍ୟ ମନ୍ତ୍ରାଳୟ ପକ୍ଷରୁ ଏଭଳି ଦାବି କରାଯାଇଥିଲା । କିନ୍ତୁ କେନ୍ଦ୍ର ସରକାର ଏଥିରେ ଆହୁରି ୨୦% ବୃଦ୍ଧି କରିବାକୁ ଚାହୁଛନ୍ତି । ବଜେଟ୍‌ରେ ଏ ନେଇ ଘୋଷଣା କରାଯାଇପାରେ ।
କେନ୍ଦ୍ର ସରକାର ବଜେଟ୍‌ରେ ଆୟକର ଛାଡ଼ ସୀମା ବୃଦ୍ଧି କରିପାରନ୍ତି । ଏବେ ବାର୍ଷିକ ୨.୫ ଲକ୍ଷ ଟଙ୍କା ଆୟରେ ଟିକସ ଆଦାୟ କରାଯାଉ ନଥିବା ବେଳେ ଏହି ସୀମାକୁ ୫ ଲକ୍ଷ ଟଙ୍କାକୁ ବୃଦ୍ଧି କରାଯାଇପାରେ ବୋଲି ଏକ ରିପୋର୍ଟରୁ ଜଣାପଡ଼ିଛି । କିନ୍ତୁ ଏବେ ସୁଦ୍ଧା ଏ ବାବଦରେ କୌଣସି ନିଷ୍ପତ୍ତି ନିଆଯାଇପାରି ନାହିଁ ।
ଏହାବ୍ୟତୀତ ଗତ ସାଧାରଣ ବଜେଟ୍‌ ପୂର୍ବରୁ ସାର୍ବଜନୀନ ମୌଳିକ ଆୟ (ୟୁବିଆଇ) ବାବଦରେ ଅନେକ ଚର୍ଚ୍ଚା ହୋଇଥିଲା । କିନ୍ତୁ ବଜେଟ୍‌ରେ ଏହା ଘୋଷଣା ହୋଇନଥିଲା । ଏହି ସ୍କିମ୍‌ରେ ସରକାର ଗରିବ ଲୋକଙ୍କ ଆକାଉଣ୍ଟକୁ ଏକ ନିର୍ଦ୍ଦିଷ୍ଟ ପରିମାଣର ଟଙ୍କା ଛାଡ଼ିବେ ବୋଲି କୁହାଯାଉଥିଲା । ଏହା ସେତେବେଳେ କେବଳ ଚର୍ଚ୍ଚାରେ ରହିଯାଇଥିଲା । ଏଥର ଅନ୍ତରୀଣ ବଜେଟ୍‌ ପୂର୍ବରୁ ଏ ନେଇ ପୁଣି ଚର୍ଚ୍ଚା ହେଉଛି । ଅନ୍ତରୀଣ ବଜେଟ୍‌ରେ ଏହା ଘୋଷଣା ହୋଇପାରେ ।
ମୋଦି ସରକାର ଜିଏସ୍‌ଟି ଓ ନୋଟ୍‌ ବନ୍ଦୀ ଲାଗୁ କରିବା ଫଳରେ ବ୍ୟବବସାୟୀମାନେ ଅତ୍ୟନ୍ତ ପ୍ରଭାବିତ ହୋଇଥିଲେ । ସେମାନଙ୍କ କାରବାର ଅତି ମାତ୍ରାରେ କ୍ଷତିଗ୍ରସ୍ତ ହୋଇଥିଲା । ତେଣୁ ଏଥର ବଜେଟ୍‌ରେ ସରକାର ବ୍ୟବସାୟୀଙ୍କ କ୍ଷତରେ ମଲମ ଲଗାଇବା ପାଇଁ କିଛି ସ୍କିମ୍‌ ଆଣିବେ ବୋଲି ଆଲୋଚନା ହେଉଛି । ସୂତ୍ର ମୁତାବକ ବ୍ୟବସାୟୀଙ୍କୁ ବୀମାଭୁକ୍ତ କରାଯାଇପାରେ । ଏହା ବାଦ୍‌ ସେମାନଙ୍କୁ ସ୍ୱଳ୍ପ ସୁଧହାରରେ ଋଣ ମିଳିପାରେ ବୋଲି କୁହାଯାଉଛି ।