ଦୁଇ ଥର ବିବାହ କରିଛନ୍ତି ରାନୁ ମଣ୍ଡଳ, ପ୍ରଥମ ସ୍ବାମୀ ରାନୁଙ୍କ ସହ କରିଛନ୍ତି ଏଭଳି କାମ…ବ୍ୟକ୍ତିଗତ ଜୀବନକୁ ନେଇ ଫିଟିଲା ସବୁ ଗୁମର

ମୁମ୍ବାଇ ୩୧।୮: ଇଣ୍ଟରନେଟ୍‌ ସେନ୍‌ସେସନ୍‌ ରାନୁ ମଣ୍ଡଳ । ଅନେକଙ୍କ ପାଇଁ ଏହା ସ୍ୱପ୍ନ ହୋଇଥିବା ବେଳେ ରାତାତାତି ଷ୍ଟାର ବନି ଯାଇଥିବା ରାନୁ ଗୋଟିଏ ପରେ ଗୋଟିଏ ସଫଳତାର ସିଢ଼ି ଚଢ଼ିବାରେ ଲାଗିପଡ଼ିଛନ୍ତି। ରାନୁ ମଣ୍ଡଲଙ୍କୁ ଆଜି କୌଣସି ପରିଚୟର ଆବଶ୍ୟକତା ନାହିଁ। ତେବେ ସୋସିଆଲ ମିଡିଆ ଜରିଆରେ ସମଗ୍ର ବିଶ୍ବର ହୃଦୟ ଜିତିଥିବା ରାନୁ ମଣ୍ଡଲଙ୍କ ପରିବାରକୁ ନେଇ ଅନେକ କଥା ସାମନାକୁ ଆସିଛି।

୧୦ବର୍ଷ ତଳେ ଛାଡ଼ି ଚାଲି ଯାଇଥିବା ଝିଅ ଏବେ ରାନୁଙ୍କ ପାଖରେ ପହଞ୍ଚିଥିବା ବେଳେ ଅନ୍ୟ ସଦସ୍ୟ ମଧ୍ୟ ରାନୁଙ୍କ ପାଖକୁ ଆସୁଥିବା ଜଣାପଡ଼ିଛି । ଏବେ ଧିରେ ଧିରେ ତାଙ୍କ ବ୍ୟକ୍ତିଗତ ଜୀବନର ଉପରୁ ମଧ୍ୟ ପରଦା ଉଠିବାରେ ଲାଗିଛି ।

ସୂଚନା ଅନୁଯାୟୀ ରାନୁ ଦୁଇ ଥର ବିବାହ କରିବା ଖବର ଏବେ ସାମ୍ନାକୁ ଆସିବା ସହ ଚର୍ଚ୍ଚାର ବିଷୟ ପାଲଟିଛି । ପ୍ରଥମ ସ୍ୱାମୀ ପଶ୍ଚିମ ବଙ୍ଗର ବାସିନ୍ଦା ଥିଲେ । ସେ ରାନୁଙ୍କ କାମକୁ ପସନ୍ଦ କରୁ ନ ଥିବା ସହ ତାଙ୍କୁ ଭଲ ପାଉ ନଥିଲେ । ମାତ୍ର ୨୦ବର୍ଷ ବୟସରୁ ରାନୁ ବିଭିନ୍ନ କ୍ଲବ୍‌ରେ ଗୀତ ଗାଇବା ଆରମ୍ଭ କରିଥିବା ବେଳେ ତାଙ୍କ ସ୍ୱାମୀକୁ ଏ ସବୁ ପସନ୍ଦ ନଥିଲା । ତାଙ୍କର ଲୋକପ୍ରିୟତାକୁ ଶ୍ବଶୁର ଘର ଲୋକେ ବି ସହି ପାରୁନଥିଲେ। ପ୍ରଥମ ସ୍ୱାମୀଠାରୁ ଗୋଟେ ପୁଅ ଓ ଝିଅ। ରାନୁ ଗୀତ ଗାଇବା ବନ୍ଦ କରି ଦେଇଥିଲେ ଏହା ସତ୍ବେ ମଧ୍ୟ ତାଙ୍କ ସ୍ବାମୀ ତାଙ୍କୁ ଛାଡ଼ି ଚାଲି ଯାଇଥିଲେ ।

ପ୍ରଥମ ବିବାହ ବିଚ୍ଛେଦ ପରେ ୨୦୦୦ମସିହାରେ ସେ ମୁମ୍ବାଇ ଚାଲିଆସିଥିଲେ। ଏହା ପରେ ରାନୁ ଫିରୋଜ୍‌ ଖାନ୍‌ଙ୍କ ଭଳି ବଡ଼ ସୁପରଷ୍ଟାରଙ୍କ ଘରେ କାମ କରିବା ଆରମ୍ଭ କରିଥିଲେ । ସେଠାରେ ସେ ବବୁଲ ମଣ୍ଡଳଙ୍କୁ ଭେଟିବା ପରେ ଦୁହିଁଙ୍କ ମଧ୍ୟରେ ପ୍ରେମ ହୋଇଥିଲା । ଏହା ପରେ ଦୁହେଁ ବିବାହ କରି ନେଇଥିଲେ । କିନ୍ତୁ ୨୦୦୩ରେ ବବୁଲଙ୍କ ଅକାଳ ମୃତ୍ୟୁ ରାନୁଙ୍କ ଜୀବନର ଗତିପଥକୁ ବଦଳାଇ ଦେଇଥିଲା ।

ସ୍ବାମୀଙ୍କର ମୃତ୍ୟୁ ପରେ ରାନୁ ପୁଣି ଥରେ ପଶ୍ଚିମ ବଙ୍ଗ ଫେରି ଆସିଥିଲେ ଏବଂ ଏଠାରେ ଗୀତ ଗାଇ ଟଙ୍କା ମାଗୁଥିଲେ। ନିଜ ପେଟ ପୋଷିବା ପାଇଁ ତାଙ୍କୁ ଏସବୁ କରିବାକୁ ପଡ଼ୁଥିଲା। ବବୁଲଙ୍କଠାରୁ ମଧ୍ୟ ରାନୁଙ୍କର ଗୋଟେ ପୁଅ ଓ ଗୋଟେ ଝିଅ ଥିବା ଜଣାପଡ଼ିଛି । ତେବେ ରାନୁଙ୍କୁ ନ୍ୟୁରୋଜିକାଲ ଡିଜ୍‌ଅର୍ଡର ଥିବାରୁ ତାଙ୍କୁ ଅନେକ ସମୟରେ ପାନିକ୍‌ ଆଟାକ୍‌ ଆସିଥାଏ । ଯାହା ପାଇଁ ତାଙ୍କ ପରିବାର ତାଙ୍କଠାରୁ ଦୂରରେ ରହୁଥିବା ଜଣା ପଡ଼ିଛି । କିନ୍ତୁ ଏବେ ତାଙ୍କୁ ସଫଳତା ମିଳିବା ପରେ ସମସ୍ତେ ତାଙ୍କ ପାଖକୁ ଫେରୁଥିବା ଦେଖାଯାଇଛି ।

   ସମ୍ବନ୍ଧିତ ଖବର


ଶିକ୍ଷକଙ୍କୁ କଚାଡି ମାରିଲା ହାତୀ

ରାଜ୍ୟରେ ପୁଣି ୧୪ ଜୀବନ ନେଲା କରୋନା, ମୃତ୍ୟୁସଂଖ୍ୟା ୧୨୫୯ କୁ ବୃଦ୍ଧି

ପୁଣି ଚିହ୍ନଟ ହେଲେ ୧୪୮୦ ନୂଆ ଆକ୍ରାନ୍ତ: ସଂକ୍ରମିତଙ୍କ ସଂଖ୍ୟା ୨ ଲକ୍ଷ ୮୨ ହଜାର ଡେଇଁଲା

ପୂର୍ବତନ କେନ୍ଦ୍ରମନ୍ତ୍ରୀ ଦିଲ୍ଲୀପ ରାୟଙ୍କୁ ୩ ବର୍ଷ ଜେଲ୍, କୋଇଲା ଖଣି ଆବଣ୍ଟନ ଦୁର୍ନୀତି ମାମଲା

ଟ୍ରେନରେ କଟି ଗୋଟିଏ ପରିବାରର ୩ ମୃତ: ଆତ୍ମହତ୍ୟା ସନ୍ଦେହ

ଶୁଙ୍ଘିକି କରୋନା ଭାଇରସକୁ ଚିହ୍ନଟ କରିବ କୁକୁର!ବିଶ୍ବର ଏହି ସବୁ ଦେଶ ଦେଉଛନ୍ତି ଟ୍ରେନିଂ