ଅଡୁଆରେ ଇମ୍ରାନ, ନିଜ ଝିଅ ଥିବା କଥା ଲୁଚାଇବା ଅଭିଯୋଗ

ଇସଲାମାବାଦ,୯।୩: ପାକିସ୍ତାନର ପ୍ରଧାନମନ୍ତ୍ରୀ ଇମ୍ରାନ ଖାନଙ୍କ ଆସନ ଟଳମଳ ହେବାକୁ ଯାଉଛି।  କାରଣ ତାଙ୍କ ବିରୋଧରେ ଆସିଛି ଗମ୍ଭୀର ଅଭିଯୋଗ।    ଲାହୋର ହାଇକୋର୍ଟରେ ଏକ ପିଟିସନ୍ ଦାଖଲ କରାଯାଇ ଏଥିରେ  ଅଭିଯୋଗ କରାଯାଇଛି ଯେ, ପ୍ରଧାନମନ୍ତ୍ରୀ ଇମ୍ରାନ ଖାନଙ୍କୁ ଅଯୋଗ୍ୟ ଘୋଷଣା କରାଯାଉ। ଏହି ପିଟିସନରେ ଇମ୍ରାନ ଖାନଙ୍କ ଉପରେ ‘ବିଶ୍ବସ୍ଥ ଓ ଧର୍ମପରାୟଣ’ ହୋଇନଥିବାର ଅଭିଯୋଗ ହେବା ସହ ୨୦୧୮ରେ ସାଧାରଣ ନିର୍ବାଚନରେ ନାମାଙ୍କନ ପତ୍ରରେ ସେ ଏକ ଝିଅର ବାପା ବୋଲି ଲୁଚାଇଥିବାର ଅଭିଯୋଗ ହୋଇଛି। ଲାହୋର ହାଇକୋର୍ଟ ମଧ୍ୟ ଏହି ମାମଲାର ଶୁଣାଣି କରିବାକୁ ରାଜି ହୋଇଯାଇଛନ୍ତି। ପାକିସ୍ତାନ କୋର୍ଟ ଇମ୍ରାନ ଖାନଙ୍କୁ ଅଯୋଗ୍ୟ ଘୋଷଣା କରିବା ଆବେଦନ ଉପରେ ଆସନ୍ତା ସୋମବାର ଘୋଷଣା କରିବେ।

ପିଟିସନରେ ଅଭିଯୋଗ କରାଯାଇଛି ଯେ ଇମ୍ରାନ ପାକିସ୍ତାନ ସମ୍ବିଧାନର ଅନୁଚ୍ଛେଦ ୬୨ ଓ ୬୩ର ଉଲଂଘନ କରିଛନ୍ତି। ତେଣୁ ତାଙ୍କୁ ଅଯୋଗ୍ୟ ଘୋଷଣା କରାଯାଉ।  ଏହା ସହ ବିଶ୍ବସ୍ଥ ଏବଂ ଧର୍ମପରାୟଣ ହେବା ପାଇଁ ତାଙ୍କ ନିକଟରେ ସର୍ତ୍ତ ରଖଯାଉ। ପାକିସ୍ତାନୀ ଖବର କାଗଜ ଅନୁସାରେ ଏହି ପିଟିସନରେ ଉଲ୍ଳେଖ କରାଯାଇଛି ଇମ୍ରାନଙ୍କ ପୂର୍ବତନ ସ୍ତ୍ରୀ ଅନା-ଲୁଇସା(ସିତା)ହ୍ବାଇଟ ଓ ଲର୍ଡ ଗାର୍ଡନ ହ୍ବାଇଟଙ୍କ ଝିଅ ଟାୟରିନ ଜେଡ ଖାନ୍ ହ୍ବାଇଟଙ୍କୁ ଇମ୍ରାନଙ୍କ ଝିଅ ବୋଲି କୁହାଯାଇଛି। ଇମ୍ରାନ ଖାନ ୨୦୧୮ରେ ସାଧାରଣ ନିର୍ବାଚନରେ ନିଜର ନାମାଙ୍କନ ପତ୍ରରେ ଟାୟରିୟନ ଜେଡ ଖାନ୍ ହ୍ବାଇଟ ତାଙ୍କ ଝିଅ ବୋଲି ଲୁଚାଇଥିଲେ।

   ସମ୍ବନ୍ଧିତ ଖବର


ଏହି ରାଜ୍ୟରେ କରୋନା ଗାଇଡ୍ ଲାଇନ୍ ନମାନିଲେ ୩ ବର୍ଷ ଜେଲ ଓ ଜରିମନା, ଜାଣନ୍ତୁ କ’ଣ ରହିଛି ନିୟମ

ଯୌନ କର୍ମଙ୍କ ପାଇଁ ଖୁସି ଖବର – କେନ୍ଦ୍ର ଏବଂ ରାଜ୍ୟ ସରକାରଙ୍କୁ ସର୍ବୋଚ୍ଚ ନ୍ୟାୟାଳୟଙ୍କ ନିର୍ଦ୍ଦେଶ ଯୌନକର୍ମୀଙ୍କୁ ସହାୟତା ଦିଅ

ଉପବାସରେ ରାଜ୍ୟସଭାର ଉପ-ସଭାପତି: ଉପରାଷ୍ଟ୍ରପତିଙ୍କୁ ୩ ପୃଷ୍ଠାର ଚିଠି ଲେଖି କହିଲେ- ବହୁତ କଷ୍ଟ ଲାଗିଛି, ସାରା ରାତି ଶୋଇପାରିନି…’

ବଲିଉଡ ପାର୍ଟିରେ ଡ୍ରଗ୍ସ ଅଫର କରାଯାଏ, ମନା କଲେ ବୟକଟ୍ କରି ଦିଆଯାଏ ନଚେତ୍ କାମ ମିଳେନି: ଅକ୍ଷରା ସିଂ

ଏହି ଦେଶରେ ବିବାହ ପରେ ନବଦମ୍ପତ୍ତିଙ୍କୁ ଉପହାରରେ ସରକାର ଦେବେ ୪.୨୦ ଲକ୍ଷ ଟଙ୍କା, ଜାଣନ୍ତୁ କ’ଣ ରହିଛି ନିୟମ

ଆଉ ଅତ୍ୟାବଶ୍ୟକୀୟ ସାମଗ୍ରୀ ତାଲିକାରେ ରହିବନି ଆଳୁ-ପିଆଜ, ୬୫ ବର୍ଷ ପୁରୁଣା ନିୟମରେ ହେଲା ପରିବର୍ତ୍ତନ